7 ವರ್ಷಗಳ ನಂತರ ಸ್ಟಾರ್ ನಟನ ಕೊನೆಯ ಸಿನಿಮಾದಲ್ಲಿ ನಟಿಸಲಿದ್ದಾರೆ ಸಮಂತಾ

ಕತ್ತಿ, ತೆರಿ, ಮೆರ್ಸಲ್ ನಂತರ ವಿಜಯ್ ದಳಪತಿ 69ರಲ್ಲಿ ಸಮಂತಾ ನಟಿಸುತ್ತಿರುವ ಬಗ್ಗೆ ವರದಿಗಳಾಗಿವೆ. ವಿಜಯ್ ಮತ್ತು ನಿರ್ದೇಶಕ ಹೆಚ್. ವಿನೋದ್ ಕಾಂಬಿನೇಷನ್‌ನಲ್ಲಿ ಬರುತ್ತಿರುವ ಮೊದಲ ಚಿತ್ರ ಇದು. ರಾಜಕೀಯ ಆಕ್ಷನ್ ಥ್ರಿಲ್ಲರ್ ಆಗಿ ಈ ಚಿತ್ರ ತೆರೆಗೆ ಬರುತ್ತಿದೆ.

ರಾಜಕೀಯಕ್ಕೆ ಬಂದ ನಂತರ ಸಿನಿಮಾಗಳನ್ನು ಮಾಡುವುದಿಲ್ಲ ಎಂದು ವಿಜಯ್ ಹೇಳಿರುವುದರಿಂದ ಇದು ಅವರ ಕೊನೆಯ ಚಿತ್ರ ಎಂದು ಭಾವಿಸಲಾಗಿದೆ. ಹಾಗಾಗಿ, ನಿರೀಕ್ಷೆಗಳು ಹೆಚ್ಚು. ಈ ಚಿತ್ರ ಇತಿಹಾಸ ನಿರ್ಮಿಸಲಿ ಎಂದು ಚಿತ್ರತಂಡ ಶ್ರಮಿಸುತ್ತಿದೆ.

ಇದುವರೆಗೆ ಯಾವುದೇ ತಮಿಳು  ಚಿತ್ರವು 1000 ಕೋಟಿ ಸಂಗ್ರಹಿಸಿಲ್ಲ. ದಳಪತಿ 69 ಆ 100ರ ಗಡಿ ದಾಟುತ್ತದೆ ಎಂದು ನಿರೀಕ್ಷಿಸಲಾಗಿದೆ. ಈ ಚಿತ್ರದಲ್ಲಿ ವಿಜಯ್‌ಗೆ ಜೋಡಿಯಾಗಿ ಪೂಜಾ ಹೆಗ್ಡೆ ನಟಿಸುತ್ತಿದ್ದಾರೆ. ಬಾಬಿ ಡಿಯೋಲ್, ಗೌತಮ್ ಮೀನನ್, ಪ್ರಕಾಶ್ ರಾಜ್, ನರೈನ್, ಪ್ರಿಯಾಮಣಿ, ಮಮಿತಾ ಬೈಜು, ಮೋನಿಷಾ ಬ್ಲೆಸ್ಸಿ ನಟಿಸುತ್ತಿದ್ದಾರೆ. ಈಗ ಸಮಂತಾ ಕೂಡ ಈ ಚಿತ್ರಕ್ಕೆ ಸೇರ್ಪಡೆಯಾಗುತ್ತಿದ್ದಾರೆ ಎನ್ನಲಾಗಿದೆ.

ಕತ್ತಿ, ತೆರಿ, ಮೆರ್ಸಲ್ ಚಿತ್ರಗಳಲ್ಲಿ ವಿಜಯ್ ಜೊತೆ ನಟಿಸಿದ ಸಮಂತಾ ಈಗ 4ನೇ ಬಾರಿಗೆ ದಳಪತಿ 69ರಲ್ಲಿ ನಟಿಸುತ್ತಿದ್ದಾರೆ ಎನ್ನಲಾಗಿದೆ. 2022ರಲ್ಲಿ ಕಾತುವಾಕುಲ ರೆಂಡು ಕಾದಲ್  ಚಿತ್ರದಲ್ಲಿ ನಟಿಸಿದ್ದರು. ಶಾಕುಂತಲಂ, ಖುಷಿ ಚಿತ್ರಗಳಲ್ಲಿ ನಟಿಸಿದ್ದಾರೆ. ಈ ವರ್ಷ ಸಮಂತಾ ಯಾವುದೇ ಚಿತ್ರ ಮಾಡಿಲ್ಲ. ದಳಪತಿ 69ರ ಮೂಲಕ ಮತ್ತೆ ಬರುತ್ತಿದ್ದಾರೆ ಎನ್ನಲಾಗಿದೆ.

ಆದರೆ ಈ ಬಗ್ಗೆ ಅಧಿಕೃತ ಪ್ರಕಟಣೆ ಹೊರ ಬಂದಿಲ್ಲ. ಸಮಂತಾ, ವಿಜಯ್ ಸಿನಿಮಾಗಳೆಲ್ಲವೂ ಹಿಟ್. ಈ ಚಿತ್ರ ಕೂಡ ಹಿಟ್ ಆಗುತ್ತದೆ ಎಂದು ಭಾವಿಸಲಾಗಿದೆ. ಅನಿರುದ್ ಸಂಗೀತ ನೀಡುತ್ತಿದ್ದಾರೆ. ಕೆವಿಎನ್ ಪ್ರೊಡಕ್ಷನ್ಸ್ ನಿರ್ಮಿಸುತ್ತಿದೆ. 2025ರಲ್ಲಿ ಚಿತ್ರ ತೆರೆಗೆ ಬರಲಿದೆ.

ಕೇರಳದಲ್ಲಿ ವಿಜಯ್, ಪೂಜಾ ಹೆಗ್ಡೆ ಹಾಡಿನ ಚಿತ್ರೀಕರಣ ನಡೆದಿದೆ. ಈಗ ಚೆನ್ನೈನಲ್ಲಿ 2ನೇ ಹಂತದ ಚಿತ್ರೀಕರಣ ನಡೆಯುತ್ತಿದೆ. ವಿಜಯ್‌ಗೆ 275 ಕೋಟಿ, ಪೂಜಾ ಹೆಗ್ಡೆಗೆ 6 ಕೋಟಿ ಸಂಭಾವನೆ ಎನ್ನಲಾಗಿದೆ. ಸಮಂತಾಗೆ 4 ಕೋಟಿವರೆಗೆ ನೀಡಬಹುದು.

ಬಾಲಕೃಷ್ಣ ಭಗವಂತ್ ಕೇಸರಿ ಚಿತ್ರದ ರಿಮೇಕ್ ಎನ್ನಲಾಗಿದೆ. ರಾಜಕೀಯ ಹಿನ್ನೆಲೆಯ ಕಥೆಯಲ್ಲಿ ವಿಜಯ್ ರಾಜಕಾರಣಿಯಾಗಿ ನಟಿಸುತ್ತಿದ್ದಾರೆ ಎನ್ನಲಾಗಿದೆ. 2026ರ ಚುನಾವಣೆಗೆ ಈ ಚಿತ್ರ ವಿಜಯ್‌ಗೆ ಪ್ರಚಾರ ತಂತ್ರವಾಗಲಿದೆ ಎಂದು ಭಾವಿಸಲಾಗಿದೆ.