ಪುಷ್ಪ-2 ಸಿನಿಮಾ ಐದು ಕಡೆ ಅಟ್ಟರ್ ಪ್ಲಾಪ್ ಆಗಿದೆ; ಆದ್ರೂ ಬ್ಲಾಕ್ ಬಸ್ಟರ್ ಹೇಗೆ ಸಾಮಿ..!

'ಪುಷ್ಪ 2` ಸಿನಿಮಾ ಸೃಷ್ಟಿಸಿದ ಸಂಚಲನ ಅಷ್ಟಿಷ್ಟಲ್ಲ. ಈ ಸಿನಿಮಾ ಭಾರತೀಯ ಸಿನಿಮಾ ಇತಿಹಾಸದಲ್ಲೇ ಹೊಸ ಸಂಚಲನ. ಹೊಸ ದಾಖಲೆಗಳತ್ತ ಸಾಗುತ್ತಿದೆ. ಅಲ್ಲು ಅರ್ಜುನ್ ಹೀರೋ ಆಗಿ, ಸುಕುಮಾರ್ ನಿರ್ದೇಶನದ `ಪುಷ್ಪ 2` ಡಿಸೆಂಬರ್ 5 ರಂದು ಬಿಡುಗಡೆಯಾಗಿತ್ತು. ಈಗಲೂ ಥಿಯೇಟರ್‌ಗಳಲ್ಲಿ ಯಶಸ್ವಿಯಾಗಿ ಪ್ರದರ್ಶನಗೊಳ್ಳುತ್ತಿದೆ. ಎಲ್ಲಾ ದಾಖಲೆಗಳನ್ನೂ ಮುರಿದು ಇತಿಹಾಸ ಸೃಷ್ಟಿಸಲು ಸಜ್ಜಾಗಿದೆ.

ಪುಷ್ಪ 2 ಸಿನಿಮಾ ಈಗಾಗಲೇ 1700 ಕೋಟಿಗೂ ಹೆಚ್ಚು ಕಲೆಕ್ಷನ್ ಮಾಡಿದೆ. ಸಂಕ್ರಾಂತಿವರೆಗೂ ದೊಡ್ಡ ಸಿನಿಮಾಗಳಿಲ್ಲದ ಕಾರಣ, 'ಬಾಹುಬಲಿ 2' ಲಾಂಗ್ ರನ್ ದಾಖಲೆ (1800 ಕೋಟಿ) ಮುರಿಯುತ್ತೆ ಅಂತಾರೆ. ಇದರ ನಂತರ ಉಳಿದಿರೋದು 'ದಂಗಲ್' ಮಾತ್ರ. ಅದು 2000 ಕೋಟಿ ಕಲೆಕ್ಷನ್ ಮಾಡಿದೆ. ಈ ದಾಖಲೆಗಳನ್ನೂ ಮುರಿಯುತ್ತಾ ಅನ್ನೋದು ಕುತೂಹಲಕಾರಿಯಾಗಿದೆ. ಆದರೆ ಒಂದು ಕಮರ್ಷಿಯಲ್ ಸಿನಿಮಾ ಈ ರೀತಿ ಕಲೆಕ್ಷನ್ ಸುನಾಮಿ ಸೃಷ್ಟಿಸಿರೋದು ಆಶ್ಚರ್ಯ ತಂದಿದೆ. ಟ್ರೇಡ್ ಪಂಡಿತರನ್ನೂ ದಂಗುಬಡಿಸಿದೆ. 
 

ಒಟ್ಟಾರೆಯಾಗಿ ಬ್ಲಾಕ್ ಬಸ್ಟರ್ ಆದ್ರೂ, ಏರಿಯಾವಾರು ನೋಡಿದ್ರೆ ತುಂಬಾ ಕಡೆ ಪ್ಲಾಪ್ ಅಂತಾರೆ. ಈ ಸಿನಿಮಾ ನಾರ್ತ್ ಇಂಡಿಯಾದಲ್ಲಿ ಚೆನ್ನಾಗಿ ಓಡುತ್ತಿದೆ. ಹಿಂದಿ ಮಾರ್ಕೆಟ್‌ನಲ್ಲಿ ಧೂಳೆಬ್ಬಿಸುತ್ತಿದೆ. ನಾರ್ತ್ ಮಾರ್ಕೆಟ್‌ನಲ್ಲಿ 1,000 ಕೋಟಿ ದಾಟಿದೆ. ಎಲ್ಲಾ ಬಾಲಿವುಡ್ ಸಿನಿಮಾಗಳ ದಾಖಲೆಗಳನ್ನೂ ಮುರಿದಿದೆ. ಆದ್ರೆ ಸೌತ್‌ನಲ್ಲಿ ಪ್ಲಾಫ್ ಆಗಿದೆ. ಅಲ್ಲು ಅರ್ಜುನ್‌ಗೆ ಎರಡನೇ ಮಾರುಕಟ್ಟೆ ಅಂತ ಹೇಳುವಂತಹ ಕೇರಳದಲ್ಲೂ  ತೀರಾ ಮಕಾಡೆ ಮಲಗಿರುವುದು ಶಾಕ್ ಕೊಟ್ಟಿದೆ.

ಆಂಧ್ರ ಪ್ರದೇಶದಲ್ಲೂ ಈ ಸಿನಿಮಾ ನಷ್ಟದಲ್ಲಿದೆ ಅಂತೆ. ಸಿನಿಮಾ ಖರೀದಿ ಮಾಡಿದವರಿಗೆ ಅವರ ಹಣವೇ ಬಂದಿಲ್ಲವಂತೆ. ಬ್ರೇಕ್ ಈವನ್ ಕೂಡ ಆಗಿಲ್ಲ ಅಂತ ಟ್ರೇಡ್ ಪಂಡಿತರು ಹೇಳ್ತಿದ್ದಾರೆ. ಸೀಡೆಡ್‌ನಲ್ಲೂ ಅದೇ ಪರಿಸ್ಥಿತಿ. ಅಲ್ಲೂ ಬ್ರೇಕ್ ಈವನ್ ಆಗಿಲ್ಲವಂತೆ. ನೈಜಾಮ್ (ತೆಲಂಗಾಣ) ನಲ್ಲಿ ಮಾತ್ರ ಸೇಫ್ ಅಂತಾರೆ.

ಇನ್ನು ಕರ್ನಾಟಕದಲ್ಲಿ ಚೆನ್ನಾಗಿ ಹಣ ಗಳಿಸಿದೆಯಂತೆ. ಅಡ್ವಾನ್ಸ್ ಕೊಟ್ಟವರಿಗೆ ಬ್ರೇಕ್ ಈವನ್ ಆಗಿದೆಯಂತೆ. ಆದರೆ, ತಮಿಳುನಾಡಿನಲ್ಲಿ ಪ್ಲಾಪ್ ಅಂತಾರೆ. ಅಲ್ಲೂ ಬೈಯರ್‌ಗಳಿಗೆ ಹಣ ಬಂದಿಲ್ಲವಂತೆ. ಈ 4 ಏರಿಯಾದಲ್ಲೂ ಸಿನಿಮಾ ನಷ್ಟದಲ್ಲಿದೆ. ಇದರ ಜೊತೆಗೆ ನಾರ್ತ್ ಅಮೆರಿಕದಲ್ಲೂ ಹಣ ಬಂದಿಲ್ಲ, ಬ್ರೇಕ್ ಈವನ್ ಆಗಿಲ್ಲ. ಒಟ್ಟಾರೆ ಓವರ್ಸೀಸ್‌ನಲ್ಲಿ ಹಿಟ್ ಆದರೂ, ನಾರ್ತ್ ಅಮೆರಿಕದಲ್ಲಿ ಸ್ಟ್ರಗಲ್ ಮಾಡ್ತಿದೆ ಅಂತಾರೆ. ಇತರೆ ಬೇರೆ ದೇಶಗಳಲ್ಲಿ ಚೆನ್ನಾಗಿ ಓಡಿದೆ ಅಂತ ಮಾಹಿತಿ ಇದೆ.

ಹಿಂದಿಯಲ್ಲಿ ಯಾಕೆ ಚೆನ್ನಾಗಿ ಓಡ್ತಿದೆ ಅಂದ್ರೆ.. `ಪುಷ್ಪ 2` ಪಕ್ಕಾ ಮಾಸ್ ಸಿನಿಮಾ. ರಾ ಅಂಡ್ ರಸ್ಟಿಕ್. ಕ್ಯಾರೆಕ್ಟರ್ ಬೇಸ್ಡ್ ಫಿಲ್ಮ್. ಬಿಹಾರ್, ಛತ್ತೀಸ್‌ಘಡ್, ಜಾರ್ಖಂಡ್, ಉತ್ತರ ಪ್ರದೇಶ, ಮಧ್ಯಪ್ರದೇಶ, ಮಹಾರಾಷ್ಟ್ರ, ಪಶ್ಚಿಮ ಬಂಗಾಳದಂತಹ ಏರಿಯಾಗಳಲ್ಲಿ ಜನರಿಗೆ ಈ ರೀತಿ ಮಾಸ್ ಕ್ಯಾರೆಕ್ಟರ್ ಬೇಸ್ಡ್ ಸಿನಿಮಾಗಳು ಇಷ್ಟ. ಅಲ್ಲಿನ ಜನರ ಜೀವನ ಶೈಲಿಗೆ ಹತ್ತಿರ ಇರುತ್ತೆ. ಮಾಸ್ ಪ್ರೇಕ್ಷಕರಿರುವ ರಾಜ್ಯಗಳು ಇವು. ಅದಕ್ಕೆ ಸಿನಿಮಾಗೆ ಭರ್ಜರಿ ಪ್ರತಿಕ್ರಿಯೆ ಸಿಕ್ತಿದೆ. ನಾರ್ತ್‌ನಲ್ಲಿ ಈ ಸಿನಿಮಾ ಹತ್ತು ರೂಪಾಯಿಗೆ ನೂರು ರೂಪಾಯಿ ಗಳಿಸಿರೋದು ವಿಶೇಷ.

ನಾರ್ತ್ ಇಂಡಿಯಾದಲ್ಲಿ ಓಡದಿದ್ರೆ, ಇದು ದೊಡ್ಡ ಡಿಜಾಸ್ಟರ್ ಲಿಸ್ಟ್ ಸೇರುತ್ತಿತ್ತು. ಆದ್ರೆ ಅಲ್ಲು ಅರ್ಜುನ್, ನಿರ್ದೇಶಕ ಸುಕುಮಾರ್ ಈ ವಿಷ್ಯ ಮೊದಲೇ ಊಹಿಸಿದದ್ದರು. ಅವರಿಗೋಸ್ಕರವೇ, ಅವರು ಕನೆಕ್ಟ್ ಆಗೋ ರೀತಿ ಆಕ್ಷನ್ ದೃಶ್ಯಗಳನ್ನಿಟ್ಟರು. ಹೀರೋ ಪಾತ್ರವನ್ನು ವಿನ್ಯಾಸಗೊಳಿಸಿದರು. ಅವರು ಅಂದುಕೊಂಡ ಟಾರ್ಗೆಟ್ ತಲುಪಿದ್ದಾರೆ. ಅಲ್ಲಿ `ಪುಷ್ಪ 2` ಭರ್ಜರಿಯಾಗಿ ಓಡ್ತಿದೆ ಅನ್ನೋದ್ರಲ್ಲಿ ಅತಿಶಯೋಕ್ತಿಯಿಲ್ಲ. ಆದರೆ ತೆಲುಗು ಮತ್ತು ಸೌತ್ ಪ್ರೇಕ್ಷಕರಿಗೆ ಇದು ಅಷ್ಟಾಗಿ ಇಷ್ಟ ಆಗಿಲ್ಲ ಅಂತ ಮಾಹಿತಿ ಇದೆ.