ದೃಶ್ಯಂ-3 ಮುಹೂರ್ತ ಫಿಕ್ಸ್ ಮಾಡಿದ ಮೋಹನ್‌ಲಾಲ್; ಕನ್ನಡ ರಿಮೇಕ್‌ಗೆ ರವಿಚಂದ್ರನ್ ರೆಡಿ!

ಸಿನಿಮಾ ಪ್ರೇಮಿಗಳು ಕಾಯುತ್ತಿರುವ ದೃಶ್ಯಂ 3 ಸಿನಿಮಾ ಆದಷ್ಟು ಬೇಗನೇ ತೆರೆ ಮೇಲೆ ಬರುತ್ತದೆ ಎಂದು ನೇರವಾಗಿ ಸಿನಿಮಾ ಹೀರೋ ಮೋಹನ್‌ ಲಾಲ್ ತಿಳಿಸಿದ್ದಾರೆ. ಇದನ್ನು ಕನ್ನಡಕ್ಕೂ ರಿಮೇಕ್ ಮಾಡುವ ಮೂಲಕ ಮತ್ತೊಮ್ಮೆ ಸಕ್ಸಸ್ ಕಾಣುವುದಕ್ಕೆ ನಟ ರವಿಚಂದ್ರನ್ ಸಿದ್ಧವಾಗಿದ್ದಾರೆ.

ದಕ್ಷಿಣ ಭಾರತದ ಮಲೆಯಾಳಂ ಭಾಷೆಯಲ್ಲಿ ಭಾರಿ ಕಮಾಲ್ ಮಾಡಿದ ಕ್ರೈಂ ಥ್ರಿಲ್ಲರ್ ಸಿನಿಮಾ ದೃಶ್ಯಂ ಬಹುತೇಕ ಎಲ್ಲ ಭಾಷೆಗಳಲ್ಲಿಯೂ ರಿಮೇಕ್ ಆಗಿದೆ. ಇದಾದ ನಂತರ ಹಲವು ಭಾಷೆಗಳಲ್ಲಿ ದೃಶ್ಯಂ-2 ಕೂಡ ಮಾಡಲಾಗಿದ್ದು, ಬೇರೆ ಬೇರೆ ಕಥಾಹಂದರ ಹೊಂದಿವೆ. ಇದರಲ್ಲಿ ಕನ್ನಡಕ್ಕೆ ನಟ ರವಿಚಂದ್ರನ್ ದೃಶ್ಯಂ ಸಿನಿಮಾದ ರಿಮೇಕ್‌ನಲ್ಲಿ ನಟಿಸಿ ಯಶಸ್ಸು ಗಳಿಸಿದ್ದರು. 

ದೃಶ್ಯಂ ಸಿನಿಮಾ ತೆಲುಗು, ಹಿಂದಿ, ಕನ್ನಡ ಭಾಷೆಗಳಲ್ಲೂ ದೃಶ್ಯಂ ರೀಮೇಕ್ ಆಗಿದೆ. ತೆಲುಗುನಲ್ಲಿ ಈ ಸಿನಿಮಾನ ವಿಕ್ಟರಿ ವೆಂಕಟೇಶ್ ಮೀನಾ ಒಟ್ಟಿಗೆ ಆಕ್ಟ್ ಮಾಡಿದ್ದಾರೆ. ಕನ್ನಡದಲ್ಲಿ ನಟ ರವಿಚಂದ್ರನ್- ಮೀನಾ ಒಟ್ಟಿಗೆ ನಟಿಸಿದ್ದಾರೆ. ಆಮೇಲೆ 8 ವರ್ಷಕ್ಕೆ ದೃಶ್ಯಂ ಸಿನಿಮಾಕ್ಕೆ ಸೀಕ್ವೆಲ್ ಆಗಿ ದೃಶ್ಯಂ 2 ಬಂದಿದೆ.

ಇದೀಗ ದೃಶ್ಯಂ-3 ಸಿನಿಮಾಗಾಗಿ ಅಭಿಮಾನಿಗಳು ಕಾತುರದಿಂದ ಕಾಯುತ್ತಿದ್ದರು. ಹೀಗಾಗಿ, ದೃಶ್ಯಂ ಮಲೆಯಾಳಂ ಸಿನಿಮಾದ ನಟ ಮೋಹನ್ ಲಾಲ್ ಅವರೇ ಈ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದಾರೆ. ತಮ್ಮ ಎಕ್ಸ್ ಅಕೌಂಟ್‌ನಲ್ಲಿ ದೃಶ್ಯಂ ಸಿನಿಮಾ ಡೈರೆಕ್ಟರ್ ಜೀತು ಜೋಸೆಫ್, ಪ್ರೊಡ್ಯೂಸರ್ ಜೊತೆಗಿರೋ ಫೋಟೋನೂ ಶೇರ್ ಮಾಡಿದ್ದಾರೆ.

ಮೋಹನ್ ಲಾಲ್ ಆಕ್ಟ್ ಮಾಡಿರೋ ಲಾಸ್ಟ್ ಸಿನಿಮಾ 'ಬಾರೋಸ್' ರಿಲೀಸ್ ಆಗಿದೆ. ಈ ಸಿನಿಮಾ ಜೊತೆ ಅವರು ಡೈರೆಕ್ಟರ್ ಕೂಡ ಆಗಿದ್ದಾರೆ. ಈಗ ಮಮ್ಮುಟ್ಟಿ ಜೊತೆ ಒಂದು ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಇನ್ನು ದೃಶ್ಯಂ-3 ಸಿನಿಮಾ ತೆಲುಗುನಲ್ಲೂ ಚಿತ್ರೀಕರಣ ಆರಂಭವಾಗುವ ಸಾಧ್ಯತೆಯಿದೆ. ಆದರೆ, ಕನ್ನಡದಲ್ಲಿ ರವಿಚಂದ್ರನ್ ಅವರು ರಿಮೇಕ್ ಮಾಡುತ್ತಾರಾ? ಇಲ್ಲವಾ ಎಂಬ ಮಾಹಿತಿ ಲಭ್ಯವಾಗಿಲ್ಲ.

ರವಿಚಂದ್ರನ್ ಅವರು ಕಳೆದ ಕೆಲವು ದಿನಗಳ ಹಿಂದೆ ದೃಶ್ಯ-3 ಸಿನಿಮಾದ ಬಗ್ಗೆ ಮಾತನಾಡಿದಾಗ ಮೂಲ ಕಥೆ ಏನಿದೆಯೋ ಅವರೇ ಕಥೆಯನ್ನು ಮುಂದುವರೆಸಿ ಬರೆಯಬೇಕು. ಅವರು ಪಾರ್ಟ್-3 ಮಾಡಿದ ನಂತರ ಅವರೊಂದಿಗೆ ಚರ್ಚಿಸಿ ನಾವು ಮಾಡಬೇಕು ಎಂದು ಹೇಳಿದ್ದರು. ಅಂದರೆ, ವೇದಿಕೆ ಮೇಲೆ ಅವರೇ ಈ ಬಗ್ಗೆ ಅಧಿಕೃತ ಮಾಹಿತಿ ಹಂಚಿಕೊಳ್ಳಬೇಕಿದೆ. ಆದರೆ, ಸಾಮಾಜಿಕ ಜಾಲತಾಣದಲ್ಲಿ ಆಕ್ಟೀವ್ ಇಲ್ಲದ ರವಿಚಂದ್ರನ್ ಅವರು, ಈ ಬಗ್ಗೆ ಸ್ವತಃ ಹೊಸ ಅಪ್ಡೇಟ್ ಮಾಹಿತಿ ನೀಡಬೇಕು.

ಮೋಹನ್ ಲಾಲ್ ಆಕ್ಟ್ ಮಾಡಿರೋ ಲಾಸ್ಟ್ ಸಿನಿಮಾ 'ಬಾರೋಸ್' ರಿಲೀಸ್ ಆಗಿದೆ. ಈ ಸಿನಿಮಾ ಜೊತೆ ಅವರು ಡೈರೆಕ್ಟರ್ ಕೂಡ ಆಗಿದ್ದಾರೆ. ಈಗ ಮಮ್ಮುಟ್ಟಿ ಜೊತೆ ಒಂದು ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಇನ್ನು ದೃಶ್ಯಂ-3 ಸಿನಿಮಾ ತೆಲುಗುನಲ್ಲೂ ಚಿತ್ರೀಕರಣ ಆರಂಭವಾಗುವ ಸಾಧ್ಯತೆಯಿದೆ. ಆದರೆ, ಕನ್ನಡದಲ್ಲಿ ರವಿಚಂದ್ರನ್ ಅವರು ರಿಮೇಕ್ ಮಾಡುತ್ತಾರಾ? ಇಲ್ಲವಾ ಎಂಬ ಮಾಹಿತಿ ಲಭ್ಯವಾಗಿಲ್ಲ.