ಮಹಾನಟಿ ಕೀರ್ತಿ ಸುರೇಶ್ ಗೆ ಕಂಕಣ ಭಾಗ್ಯ, ಪ್ರಿಯಕರನೊಂದಿಗೆ ಹಸೆಮಣೆ ಏರಲಿದ್ದಾರೆ ನಟಿ

ನಿರ್ಮಾಪಕ ಸುರೇಶ್ ಮೆನನ್ - ನಟಿ ಮೇನಕಾ ದಂಪತಿ ಪುತ್ರಿ ಕೀರ್ತಿ ಸುರೇಶ್. ಗೀತಾಂಜಲಿ ಎನ್ನುವ ಮಲೆಯಾಳಂ ಚಿತ್ರದ ಮೂಲಕ ನಾಯಕಿಯಾಗಿ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದರು. ನಂತರ ಧನುಷ್ ಜೊತೆಗೆ ತೊಡರಿ, ಶಿವಕಾರ್ತಿಕೇಯನ್ ಜೊತೆ ರಜನಿಮುರುಗನ್, ರೆಮೋ ಚಿತ್ರಗಳಲ್ಲಿ ನಟಿಸಿ ಜನಪ್ರಿಯರಾದರು. ಕಡಿಮೆ ಅವಧಿಯಲ್ಲಿಯೇ ಮುಂಚೂಣಿಯ ನಟಿಯಾಗಿ ಬೆಳೆದ ಅವರು ವಿಜಯ್ ಜೊತೆಗೆ ಭೈರವ, ಸರ್ಕಾರ್ ಚಿತ್ರಗಳಲ್ಲಿ ನಟಿಸಿ ಮಹಾನಟಿಯಾದರು.

ಮಹಾನಟಿ ಚಿತ್ರದ ಮೂಲಕ ಟಾಲಿವುಡ್‌ಗೆ ಹೋದ ಕೀರ್ತಿಗೆ, ಆ ಚಿತ್ರಕ್ಕಾಗಿ ಅತ್ಯುತ್ತಮ ನಟಿ ರಾಷ್ಟ್ರೀಯ ಪ್ರಶಸ್ತಿಯೂ ಲಭಿಸಿತು. ವಾಣಿಜ್ಯ ಚಿತ್ರಗಳಲ್ಲಿ ನಟಿಸುತ್ತಿದ್ದ ಕೀರ್ತಿ, ಪೆಂಗ್ವಿನ್, ಸಾಣಿಕಾಯಿದಂ ಚಿತ್ರಗಳನ್ನು ಆಯ್ಕೆ ಮಾಡಿಕೊಂಡರು. ರಿವಾಲ್ವರ್ ರೀಟಾ ಚಿತ್ರದಲ್ಲಿ ನಟಿಸುತ್ತಿದ್ದಾರೆ.

ಬೇಬಿ ಜಾನ್ ಚಿತ್ರದ ಮೂಲಕ ಬಾಲಿವುಡ್‌ ಗೂ ಪಾದಾರ್ಪಣೆ ಮಾಡಲಿದ್ದಾರೆ. ವರುಣ್ ಧವನ್ ಜೊತೆಗೆ ನಟಿಸಿದ್ದಾರೆ. ಅಟ್ಲೀ ನಿರ್ಮಿಸಿರುವ ಈ ಚಿತ್ರ, ವಿಜಯ್ ನಟನೆಯ ತೆರಿ ಚಿತ್ರದ ಹಿಂದಿ ರಿಮೇಕ್. ಡಿಸೆಂಬರ್ ಅಂತ್ಯದಲ್ಲಿ ಕ್ರಿಸ್‌ಮಸ್ ರಜಾದಿನಗಳಲ್ಲಿ ಬಿಡುಗಡೆಯಾಗಲಿದೆ.

ನಟಿಯರ ಸುತ್ತ ಗಾಸಿಪ್‌ಗಳು ಸಾಮಾನ್ಯ. ಕೀರ್ತಿ ಸುರೇಶ್ ಹಲವು ಪ್ರೇಮ ವಿವಾದಗಳಲ್ಲಿ ಸಿಲುಕಿದ್ದಾರೆ. ಸಂಗೀತ ನಿರ್ದೇಶಕ ಅನಿರುದ್ ಜೊತೆಗಿನ ಫೋಟೋದಿಂದಾಗಿ ಇಬ್ಬರೂ ಪ್ರೀತಿಸುತ್ತಿದ್ದಾರೆ ಎಂಬ ವದಂತಿ ಹಬ್ಬಿತ್ತು. ಆದರೆ ಕೀರ್ತಿ ಕುಟುಂಬದವರು ಇದನ್ನು ನಿರಾಕರಿಸಿದರು.

ಕೀರ್ತಿ ಸುರೇಶ್ ನಿಜವಾಗಿಯೂ ಮದುವೆಯಾಗಲಿದ್ದಾರೆ. ವಿವಾಹದ ಸಿದ್ಧತೆಗಳು ಸದ್ದಿಲ್ಲದೆ ನಡೆಯುತ್ತಿವೆ. ಡಿಸೆಂಬರ್ 12 ರಂದು ಕೀರ್ತಿಯವರ ವಿವಾಹ ನಡೆಯಲಿದೆ. 15 ವರ್ಷಗಳಿಂದ ಪ್ರೀತಿಸುತ್ತಿರುವ ಆಂಟನಿ ಥಟ್ಟಿಲ್ ಅವರನ್ನು ಮದುವೆಯಾಗಲಿದ್ದಾರೆ. ಗೋವಾದಲ್ಲಿ ವಿವಾಹ ನಡೆಯಲಿದೆ. ಆಂಟನಿ ಉದ್ಯಮಿ ಎನ್ನಲಾಗಿದೆ. ಶೀಘ್ರದಲ್ಲೇ ಕೀರ್ತಿ ಅಧಿಕೃತವಾಗಿ ಮದ್ವೆ ಬಗ್ಗೆ ಘೋಷಿಸುವ ನಿರೀಕ್ಷೆಯಿದೆ.