ಕಂಗುವಾ ನಟ ಸೂರ್ಯ, ಜ್ಯೋತಿಕಾ ಆಸ್ತಿ ಎಷ್ಟು? ಪತಿಗಿಂತ ಪತ್ನಿ ಶ್ರೀಮಂತೆ!

ಕಾಲಿವುಡ್‌ನ ಮಾದರಿ ಜೋಡಿ ಸೂರ್ಯ ಮತ್ತು ಜ್ಯೋತಿಕಾ. ಇವರಿಬ್ಬರ ಒಟ್ಟು ಆಸ್ತಿ ನೂರಾರು ಕೋಟಿ. ಜ್ಯೋತಿಕೆ ಮದುವೆ ಬಳಿಕ ನಟಿಸಿದ್ದು ಬೆರೆಳೆಣಿಕೆ ಚಿತ್ರ, ಆದರೆ ಸೂರ್ಯಗಿಂತ ಹೆಚ್ಚು ಆಸ್ತಿ ಹೊಂದಿದ್ದಾರೆ. 

ತಮಿಳು ಸಿನಿಮಾದಲ್ಲಿ ಅನೇಕ ಪ್ರೇಮಕಥೆಗಳಿವೆ. ಅನೇಕ ನಟರು ತಾವು ಕೆಲಸ ಮಾಡಿದ ನಟ-ನಟಿಯರನ್ನೇ ಮದುವೆಯಾಗಿದ್ದಾರೆ. ಸೂರ್ಯ-ಜ್ಯೋತಿಕಾ, ಅಜಿತ್-ಶಾಲಿನಿ, ವಿಘ್ನೇಶ್ ಶಿವನ್-ನಯನತಾರ ಸೇರಿದಂತೆ ಹಲವು ಜೋಡಿಗಳಿವೆ. ಈ ಪ್ರೀತಿ ಅವರನ್ನು ಜೀವನದಲ್ಲಿ ಉನ್ನತ ಮಟ್ಟಕ್ಕೆ ಕೊಂಡೊಯ್ದಿದೆ. ಇದೀಗ ಈ ಪೈಕಿ ಕಂಗುವಾ ನಟ ಸೂರ್ಯ ಹಾಗೂ ಪತ್ನಿ ಜ್ಯೋತಿಕಾ ಅಸ್ತಿ ಎಷ್ಟಿದೆ?

ಸೂರ್ಯ ಮತ್ತು ಜ್ಯೋತಿಕಾ

ತಮಿಳು ಸಿನಿಮಾದ ಶ್ರೀಮಂತ ಜೋಡಿ ಸೂರ್ಯ-ಜ್ಯೋತಿಕಾ.  ಮೊದಲು 'ಪೂವೆಲ್ಲಾಂ ಕೆಟ್ಟುಪ್ಪರ್' ಚಿತ್ರದಲ್ಲಿ ಒಟ್ಟಿಗೆ ನಟಿಸಿದರು. ಆಗಿನಿಂದಲೂ ಸ್ನೇಹಿತರಾಗಿದ್ದ ಸೂರ್ಯ ಮತ್ತು ಜ್ಯೋತಿಕಾ, 'ಖಾಕ ಖಾಕ' ಚಿತ್ರದಲ್ಲಿ ನಟಿಸುವಾಗ ಪ್ರೀತಿಸುತ್ತಿದ್ದರು. ಇವರ ಪ್ರೀತಿ ಗಾಢವಾಗಿ ಬಳಿಕ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ. 

ಸೂರ್ಯ ಕುಟುಂಬ ಜ್ಯೋತಿಕಾ ಜೊತೆ ಮದುವೆಗೆ ಗ್ರೀನ್ ಸಿಗ್ನಲ್ ನೀಡಿದ ನಂತರ, ಸೂರ್ಯ 2006 ರಲ್ಲಿ ನಟಿ ಜ್ಯೋತಿಕಾಳನ್ನು ವಿವಾಹವಾದರು. ತಮ್ಮ ವೃತ್ತಿಜೀವನದ ಉತ್ತುಂಗದಲ್ಲಿದ್ದಾಗ ಸೂರ್ಯರನ್ನು ವಿವಾಹವಾದ ಜ್ಯೋತಿಕಾ ನಂತರ ಚಿತ್ರಗಳಿಂದ ದೂರ ಉಳಿದರು.

ಆಗಿನವರೆಗೂ ವಾಣಿಜ್ಯ ಚಿತ್ರಗಳಲ್ಲಿ ನಟಿಸಿದ್ದ ಜ್ಯೋತಿಕಾ, ತಮ್ಮ ಎರಡನೇ ಇನ್ನಿಂಗ್ಸ್‌ನಲ್ಲಿ ಮಹಿಳಾ ಪ್ರಧಾನ ಚಿತ್ರಗಳಿಗೆ ಆದ್ಯತೆ ನೀಡಿದರು. ವಿಜಯ್ ಜೊತೆ ನಟಿಸುವ ಎರಡು ಅವಕಾಶಗಳನ್ನು ಅವರು ತಿರಸ್ಕರಿಸಿದರು. ಒಂದು ಅಟ್ಲಿ ನಿರ್ದೇಶನದ 'ಮೆರ್ಸಲ್' ಮತ್ತು ಇನ್ನೊಂದು ವೆಂಕಟ್ ಪ್ರಭು ನಿರ್ದೇಶನದ 'ಪಾರ್ಟಿ'.

ಜ್ಯೋತಿಕಾ 'ಕಾಟ್ರಿನ್ ಮೋಝಿ' ಮತ್ತು 'ಪೊನ್ಮಗಳ್ ವಂಧಾಳ್' ನಂತಹ ವಿಭಿನ್ನ ಕಥಾಹಂದರಗಳನ್ನು ಹೊಂದಿರುವ ಚಿತ್ರಗಳನ್ನು ಆಯ್ಕೆ ಮಾಡಿ ನಟಿಸಿದರು. ಸೂರ್ಯ ಸತತವಾಗಿ ದೊಡ್ಡ ಚಿತ್ರಗಳಲ್ಲಿ ನಟಿಸುತ್ತಿದ್ದಾರೆ. ಪ್ರಸ್ತುತ, ಅವರು ಶಿವ ನಿರ್ದೇಶನದ 'ಕಂಗುವಾ' ಚಿತ್ರದಲ್ಲಿ ನಟಿಸಿದ್ದಾರೆ.

ಚಿತ್ರಗಳಲ್ಲಿ ನಟಿಸುವುದರ ಜೊತೆಗೆ, ಜ್ಯೋತಿಕಾ ತಮ್ಮ ಪತಿ ಸೂರ್ಯ ಜೊತೆಗೆ 2D ಎಂಟರ್‌ಟೈನ್‌ಮೆಂಟ್ಸ್ ಎಂಬ ನಿರ್ಮಾಣ ಸಂಸ್ಥೆಯ ಮೂಲಕ ವಿಷಯ-ಆಧಾರಿತ ಚಿತ್ರಗಳನ್ನು ನಿರ್ಮಿಸುತ್ತಾರೆ. ಇತ್ತೀಚೆಗೆ, ಅವರ ನಿರ್ಮಾಣ 'ಮೆಯಾಧ ಮಾನ್' ಉತ್ತಮ ಪ್ರತಿಕ್ರಿಯೆ ಪಡೆಯಿತು.

ಸಿನಿಮಾ ಮತ್ತು ವ್ಯವಹಾರ ಎರಡರಲ್ಲೂ ಯಶಸ್ವಿಯಾಗಿರುವ ಸೂರ್ಯ-ಜ್ಯೋತಿಕಾ ಕಾಲಿವುಡ್‌ನ ಶ್ರೀಮಂತ ಜೋಡಿ. ಅವರ ಒಟ್ಟು ಆಸ್ತಿ ₹537 ಕೋಟಿ ಎಂದು ಅಂದಾಜಿಸಲಾಗಿದೆ. ಸೂರ್ಯ ಆಸ್ತಿ ₹206 ಕೋಟಿ ಮಾತ್ರ, ಆದರೆ ಜ್ಯೋತಿಕಾ ಆಸ್ತಿ ₹331 ಕೋಟಿ. ದೊಡ್ಡ ಬಜೆಟ್ ಸಿನಿಮಾದಲ್ಲಿ ನಟಿಸುತ್ತಿದ್ದರೂ ಸೂರ್ಯ ಆಸ್ತಿ ಪತ್ನಿಗಿಂತ ಹೆಚ್ಚಾಗಿಲ್ಲ. ಇಲ್ಲಿ ಪತ್ನಿ ಜ್ಯೋತಿಕಾ ಪತಿಗಿಂತ ಶ್ರೀಮಂತೆ.