ಇವರ ಪ್ರೀತಿಗೆ ವಯಸ್ಸು ಅಡ್ಡಿಯಾಗಲಿಲ್ಲ... ಈ ಸ್ಟಾರ್ ಜೋಡಿ ನಡುವೆ ಇದೆ ಹೆಚ್ಚು ವಯಸ್ಸಿನ ಅಂತರ!

ಒಂದಿಷ್ಟು ನಟ ನಟಿಯರು ವಯಸ್ಸಿನ ವ್ಯತ್ಯಾಸವನ್ನು ಲೆಕ್ಕಿಸದೆ 10 ಅಥವಾ ಅದಕ್ಕೂ ಹೆಚ್ಚು ವರ್ಷ ವಯಸ್ಸಿನವರನ್ನು ಮದುವೆಯಾಗಿದ್ದಾರೆ. ಅವರಲ್ಲಿ ಕೆಲವರು ದಕ್ಷಿಣ ಭಾರತೀಯ ಚಿತ್ರರಂಗದ ನಟ ನಟಿಯರು. ಹಾಗಾದರೆ, ಅಧಿಕ ವಯಸ್ಸಿನ ಅಂತರದಲ್ಲಿ ಮದುವೆಯಾದ 13 ಸೆಲೆಬ್ರಿಟಿಗಳು ಯಾರೆಂದು ಈ ಪೋಸ್ಟ್‌ನಲ್ಲಿ ನೋಡೋಣ. 

​ನರೇಶ್ - ಪವಿತ್ರಾ ಲೋಕೇಶ್

ನರೇಶ್ ವಿಜಯ ಕೃಷ್ಣ ಮತ್ತು ಪವಿತ್ರಾ ಲೋಕೇಶ್:

ಪ್ರಸಿದ್ಧ ತೆಲುಗು ನಟ ನರೇಶ್ ವಿಜಯ ಕೃಷ್ಣ (60) ನಾಲ್ಕು ಬಾರಿ ವಿವಾಹವಾಗಿದ್ದಾರೆ. ಮೊದಲಿಗೆ ಹಿರಿಯ ನೃತ್ಯ ನಿರ್ದೇಶಕ ಶ್ರೀನು ಅವರ ಮಗಳನ್ನು ವಿವಾಹವಾದರು. ಈ ದಂಪತಿಗೆ ನವೀನ್ ವಿಜಯ ಕೃಷ್ಣ ಎಂಬ ಮಗನಿದ್ದಾನೆ. ನಂತರ ಅವರು ತಮ್ಮ ಮೊದಲ ಪತ್ನಿಗೆ ವಿಚ್ಛೇದನ ನೀಡಿದ ನಂತರ ರೇಖಾ ಸುಪ್ರಿಯಾ ಅವರನ್ನು ವಿವಾಹವಾದರು. ಎರಡನೇ ಪತ್ನಿಯೊಂದಿಗೆ ಮಗುವನ್ನು ಪಡೆದ ನಂತರ ಅವರಿಗೂ ವಿಚ್ಛೇದನ ನೀಡಿದರು. ನಂತರ, ಸುಮಾರು 20 ವರ್ಷ ಕಿರಿಯ ರಮ್ಯಾ ರಘುಪತಿ ಅವರನ್ನು ತಮ್ಮ 50 ನೇ ವಯಸ್ಸಿನಲ್ಲಿ ವಿವಾಹವಾದರು. ಅವರಿಂದ ಸಹ ವಿಚ್ಛೇದನ ಪಡೆದ ನರೇಶ್, 2023 ರಲ್ಲಿ ನಾಲ್ಕನೇ ವಿವಾಹವಾಗಿ ನಟಿ ಪವಿತ್ರಾ ಲೋಕೇಶ್ ಅವರನ್ನು ಮದುವೆಯಾದರು. ಪವಿತ್ರಾ ಲೋಕೇಶ್ ಮತ್ತು ನರೇಶ್ ನಡುವೆ ಸುಮಾರು 16 ವರ್ಷಗಳ ವಯಸ್ಸಿನ ಅಂತರವಿದೆ.

ಅಂಬರೀಶ್ - ಸುಮಲತಾ

ಅಂಬರೀಶ್ - ಸುಮಲತಾ:

ತೆಲುಗು ಚಿತ್ರರಂಗದ ನಟಿ ಸುಮಲತಾ (59) 1991 ರಲ್ಲಿ ಕನ್ನಡದ ದಿ. ನಟ ಅಂಬರೀಶ್ ಅವರನ್ನು ಪ್ರೀತಿಸಿ ವಿವಾಹವಾದರು. ಅವರಿಬ್ಬರ ನಡುವೆ ಸುಮಾರು 12 ವರ್ಷಗಳ ವಯಸ್ಸಿನ ಅಂತರವಿದೆ.

ಮುಖೇಶ್ - ಮೆಥಿಲ್ ದೇವಿಕಾ

ಮುಖೇಶ್ ಮತ್ತು ಮೆಥಿಲ್ ದೇವಿಕಾ 

ತಮಿಳು ಮತ್ತು ಮಲಯಾಳಂ ಚಿತ್ರಗಳಲ್ಲಿ ನಟಿಸಿರುವ ನಟ ಮುಖೇಶ್ ಅವರಿಗೆ ಈಗ 66 ವರ್ಷ. ಮೊದಲ ಪತ್ನಿ ಸರಿತಾ ಅವರನ್ನು ವಿಚ್ಛೇದನ ಮಾಡಿದ ನಂತರ, ನರ್ತಕಿ ಮೆಥಿಲ್ ದೇವಿಕಾ (46) ಅವರನ್ನು 2013 ರಲ್ಲಿ ವಿವಾಹವಾದರು. ನಂತರ 2021 ರಲ್ಲಿ ಅವರಿಂದಲೂ ವಿಚ್ಛೇದನ ಪಡೆದರು. ಅವರಿಬ್ಬರ ನಡುವೆ ಸುಮಾರು 19 ವರ್ಷಗಳ ವಯಸ್ಸಿನ ಅಂತರವಿದೆ.

ದಿಲ್ ರಾಜು - ವೈಘಾ ರೆಡ್ಡಿ

ತೆಲುಗಿನಲ್ಲಿ ಸುಮಾರು 50 ಕ್ಕೂ ಹೆಚ್ಚು ಚಲನಚಿತ್ರಗಳನ್ನು ನಿರ್ಮಿಸಿರುವ ನಿರ್ಮಾಪಕ ದಿಲ್ ರಾಜು (52), ಪತ್ನಿ ಅನಿತಾ ರೆಡ್ಡಿ ನಿಧನರಾದ ನಂತರ ಮರು ಮದುವೆ ಬೇಡ ಎಂದಿದ್ದರು. ಆದರೆ, ದಿಲ್ ರಾಜು ಅವರ ಮಗಳು ತನ್ನ ತಂದೆಗೆ ಜೊತೆ ಬೇಕು ಎಂದು ವೈಘಾ ರೆಡ್ಡಿ (33) ಅವರನ್ನು ಮದುವೆಯಾಗುವಂತೆ ಮಾಡಿದರು. ಈ ದಂಪತಿಗೆ ಈಗ 2 ವರ್ಷದ ಗಂಡು ಮಗುವಿದೆ. ಅವರಿಬ್ಬರ ನಡುವೆ ಸುಮಾರು 19 ವರ್ಷಗಳ ವಯಸ್ಸಿನ ಅಂತರವಿದೆ.

ಆರ್ಯ - ಸಾಯಿಷಾ

ತಮಿಳು ಸಿನಿಮಾ ನಟರಾಗಿರುವ ಆರ್ಯ (42), 'ಗಜಿನಿಕಾಂತ್' ಚಿತ್ರದಲ್ಲಿ ನಟಿಸುವಾಗ ನಟಿ ಸಾಯಿಷಾ (25) ಅವರನ್ನು ಪ್ರೀತಿಸುತ್ತಿದ್ದರು. ಪೋಷಕರ ಒಪ್ಪಿಗೆ ಪಡೆದು 2019 ರಲ್ಲಿ ವಿವಾಹವಾದರು. ಈ ದಂಪತಿಗೆ 3 ವರ್ಷದ ಮಗಳಿದ್ದಾಳೆ. ಈ ಸ್ಟಾರ್ ಜೋಡಿಯ ನಡುವೆ ಸುಮಾರು 17 ವರ್ಷಗಳ ವಯಸ್ಸಿನ ಅಂತರವಿದೆ.

ದಿಲೀಪ್ - ಕಾವ್ಯಾ ಮಾಧವನ್

ದಿಲೀಪ್ ಮತ್ತು ಕಾವ್ಯಾ ಮಾಧವನ್:

ಪ್ರಸಿದ್ಧ ಮಲಯಾಳಂ ನಟ ದಿಲೀಪ್ (55), ಮೊದಲ ಪತ್ನಿ ಮತ್ತು ಮಲಯಾಳಂ ಲೇಡಿ ಸೂಪರ್ ಸ್ಟಾರ್ ಮಂಜು ವಾರಿಯರ್ ಅವರನ್ನು ವಿಚ್ಛೇದನ ಮಾಡಿದ ನಂತರ, ತಮ್ಮೊಂದಿಗೆ ಹಲವು ಚಿತ್ರಗಳಲ್ಲಿ ನಟಿಸಿದ್ದ ನಟಿ ಕಾವ್ಯಾ ಮಾಧವನ್ (38) ಅವರನ್ನು ವಿವಾಹವಾದರು. ಕಾವ್ಯಾ ಮಾಧವನ್ ಸಹ ಈ ಹಿಂದೆ ವಿವಾಹಿತರು ಮತ್ತು ವಿಚ್ಛೇದಿತರು ಎಂಬುದು ಗಮನಾರ್ಹ. ದಿಲೀಪ್ - ಕಾವ್ಯಾ ಮಾಧವನ್ ವಿವಾಹವು 2016 ರಲ್ಲಿ ನೆರವೇರಿತು. ಈ ದಂಪತಿಗೆ 5 ವರ್ಷದ ಮಗಳಿದ್ದಾಳೆ. ಈ ಸ್ಟಾರ್ ಜೋಡಿಯ ನಡುವೆ ಸುಮಾರು 17 ವರ್ಷಗಳ ವಯಸ್ಸಿನ ಅಂತರವಿದೆ.

ಧರ್ಮೇಂದ್ರ - ಹೇಮಾ ಮಾಲಿನಿ

ಧರ್ಮೇಂದ್ರ ಮತ್ತು ಹೇಮಾ ಮಾಲಿನಿ:

ಬಾಲಿವುಡ್ ನಟ ಧರ್ಮೇಂದ್ರ (87) 1970 ರಲ್ಲಿ 'ತುಮ್ ಹಸೀನ್ ಮೇ ಜವಾನ್' ಎಂಬ ಬಾಲಿವುಡ್ ಚಿತ್ರದಲ್ಲಿ ಒಟ್ಟಿಗೆ ಕೆಲಸ ಮಾಡಿದ ನಂತರ ಹೇಮಾ ಮಾಲಿನಿ (74) ಅವರನ್ನು ವಿವಾಹವಾದರು. ಅವರಿಬ್ಬರೂ 1980 ರಲ್ಲಿ ವಿವಾಹವಾದರು. ಧರ್ಮೇಂದ್ರ ಈ ಹಿಂದೆ ಪ್ರಕಾಶ್ ಕೌರ್ ಅವರನ್ನು ವಿವಾಹವಾದರು ಮತ್ತು ಅವರಿಗೆ ಇಬ್ಬರು ಮಕ್ಕಳಿದ್ದರು. ಧರ್ಮೇಂದ್ರ ಮತ್ತು ಹೇಮಾ ಮಾಲಿನಿ ನಡುವೆ ಸುಮಾರು 13 ವರ್ಷಗಳ ವಯಸ್ಸಿನ ಅಂತರವಿದೆ.

ಪ್ರಕಾಶ್ ರಾಜ್ - ಪೋನಿ ವರ್ಮಾ

ಪ್ರಕಾಶ್ ರಾಜ್ - ಪೋನಿ ವರ್ಮಾ:

ದಕ್ಷಿಣ ಭಾರತೀಯ ಚಿತ್ರರಂಗದ ಖ್ಯಾತ ಪೋಷಕ ನಟ ಪ್ರಕಾಶ್ ರಾಜ್ (58), 1994 ರಲ್ಲಿ ಲಲಿತಾ ಕುಮಾರಿ ಅವರನ್ನು ಪ್ರೀತಿಸಿ ವಿವಾಹವಾದರು. 2009 ರಲ್ಲಿ ಅವರಿಗೆ ವಿಚ್ಛೇದನ ನೀಡಿದ ನಂತರ, ಪ್ರಸಿದ್ಧ ಗಾಯಕಿ ಪೋನಿ ವರ್ಮಾ (45) ಅವರನ್ನು 2010 ರಲ್ಲಿ ವಿವಾಹವಾದರು. ಈ ದಂಪತಿಗೆ ಮಗುವಿದೆ. ಅವರಿಬ್ಬರ ನಡುವೆ 13 ವರ್ಷಗಳ ವಯಸ್ಸಿನ ಅಂತರವಿದೆ.

​ಫಹಾದ್ ಫಾಸಿಲ್ - ನಜ್ರಿಯಾ

ಫಹಾದ್ ಫಾಸಿಲ್ - ನಜ್ರಿಯಾ ನಜೀಮ್:

ಮಲಯಾಳಂನ ನಟ ಫಹಾದ್ ಫಾಸಿಲ್, ಇತ್ತೀಚೆಗೆ ತಮಿಳು, ತೆಲುಗು ಮುಂತಾದ ಭಾಷೆಗಳಲ್ಲಿಯೂ ಗಮನಾರ್ಹ ಪಾತ್ರಗಳನ್ನು ಆಯ್ಕೆ ಮಾಡಿಕೊಂಡು ನಟಿಸುತ್ತಿದ್ದಾರೆ. ಅವರ ಅಭಿನಯಕ್ಕೆ ಎಲ್ಲಾ ವರ್ಗದ ಪ್ರೇಕ್ಷಕರಿಂದಲೂ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಫಹಾದ್ ಫಾಸಿಲ್ (40) ನಟಿ ನಜ್ರಿಯಾ (28) ಅವರನ್ನು 2014 ರಲ್ಲಿ ವಿವಾಹವಾದರು. ಅವರಿಬ್ಬರ ನಡುವೆ 12 ವರ್ಷಗಳ ವಯಸ್ಸಿನ ಅಂತರವಿದೆ.

ಪ್ರಿಯದರ್ಶನ್ - ಲಿಸಿ

ಪ್ರಿಯದರ್ಶನ್ - ಲಿಸಿ 

ಮಲಯಾಳಂ ಮತ್ತು ಹಿಂದಿ ಚಲನಚಿತ್ರ ನಿರ್ಮಾಪಕ ಪ್ರಿಯದರ್ಶನ್ (66), ನಟಿ ಲಿಸಿ (56) ಅವರನ್ನು ಪ್ರೀತಿಸಿ ವಿವಾಹವಾದರು. ಅವರ ಮಗಳು ಈಗ ದಕ್ಷಿಣ ಭಾರತೀಯ ಚಿತ್ರರಂಗದ ನಟಿ. ಅವರಿಬ್ಬರ ನಡುವೆ ಸುಮಾರು 10 ವರ್ಷಗಳ ವಯಸ್ಸಿನ ಅಂತರವಿದೆ.

ಆಶಿಶ್ ವಿದ್ಯಾರ್ಥಿ - ರೂಪಾಲಿ

ಆಶಿಶ್ ವಿದ್ಯಾರ್ಥಿ - ರೂಪಾಲಿ ಬರುವಾ:

ಭಾರತೀಯ ಸಿನಿಮಾದ ಬಹುತೇಕ ಎಲ್ಲಾ ಪ್ರಮುಖ ಭಾಷೆಗಳಲ್ಲಿ ನಟಿಸಿರುವ ಭಾರತೀಯ ನಟ ಆಶಿಶ್ ವಿದ್ಯಾರ್ಥಿ (60), ಮೇ 25, 2023 ರಂದು ರೂಪಾಲಿ ಬರುವಾ (50) ಅವರನ್ನು ವಿವಾಹವಾದರು. ಇದು ಆಶಿಶ್ ಅವರ ಎರಡನೇ ಮದುವೆ. ಇವರಿಬ್ಬರ ವಯಸ್ಸಿನ ಅಂತರ 10 ವರ್ಷ ಆಗಿದೆ.

ರಣಬೀರ್ ಕಪೂರ್ - ಆಲಿಯಾ

ರಣಬೀರ್ ಕಪೂರ್ - ಆಲಿಯಾ ಭಟ್:

30 ವರ್ಷದ ಬಾಲಿವುಡ್ ನಟಿ ಆಲಿಯಾ ಭಟ್, 2022 ರಲ್ಲಿ ಬಿಡುಗಡೆಯಾದ 'ಆರ್‌ಆರ್‌ಆರ್' ಚಿತ್ರದ ಮೂಲಕ ತೆಲುಗು ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದರು. ಅದೇ ವರ್ಷ ಪ್ರಸಿದ್ಧ ಬಾಲಿವುಡ್ ನಟ ರಣಬೀರ್ ಕಪೂರ್ (40) ಅವರನ್ನು ವಿವಾಹವಾದರು. ಅವರಿಬ್ಬರ ನಡುವೆ 10 ವರ್ಷಗಳ ವಯಸ್ಸಿನ ಅಂತರವಿದೆ. ಈ ಸ್ಟಾರ್ ಜೋಡಿಗೆ 1 ವರ್ಷದ ಮಗಳಿದ್ದಾಳೆ.

​ಸೈಫ್ ಅಲಿ ಖಾನ್ - ಕರೀನಾ

ಸೈಫ್ ಅಲಿ ಖಾನ್ - ಕರೀನಾ ಕಪೂರ್:

ಬಾಲಿವುಡ್‌ನ ಪ್ರಸಿದ್ಧ ಜೋಡಿ ಸೈಫ್ ಅಲಿ ಖಾನ್ (52) ಮತ್ತು ಕರೀನಾ ಕಪೂರ್ (42) 2012 ರಲ್ಲಿ ವಿವಾಹವಾದರು. ಇದು ಸೈಫ್ ಅಲಿ ಖಾನ್ ಅವರ ಎರಡನೇ ಮದುವೆ. ಅವರಿಬ್ಬರ ನಡುವೆ ಸುಮಾರು 10 ವರ್ಷಗಳ ವಯಸ್ಸಿನ ಅಂತರವಿದೆ. ಇತ್ತೀಚೆಗೆ ಸೈಫ್ ಅಲಿ ಖಾನ್ ದಕ್ಷಿಣ ಭಾರತೀಯ ಚಿತ್ರಗಳತ್ತ ಗಮನ ಹರಿಸುತ್ತಿದ್ದಾರೆ. 'ಆದಿಪುರುಷ್' ಚಿತ್ರದಲ್ಲಿ ಅವರ ಪಾತ್ರವು ಟೀಕೆಗೆ ಗುರಿಯಾಯಿತು. ಪ್ರಸ್ತುತ ಜೂನಿಯರ್ ಎನ್‌ಟಿಆರ್ ನಟಿಸುತ್ತಿರುವ 'ದೇವರ' ಚಿತ್ರದಲ್ಲಿಯೂ ನಟಿಸಿದ್ದಾರೆ.