ರೋಜಾ ಚಿತ್ರಕ್ಕೆ ರೆಹಮಾನ್ ಸಂಗೀತವನ್ನೇ ರಿಜೆಕ್ಟ್ ಮಾಡಿದ್ದ ಮಣಿರತ್ನಂ
ರೋಜಾ ಚಿತ್ರದ ಮೂಲಕ ಸಂಗೀತ ನಿರ್ದೇಶಕ ಎ.ಆರ್.ರೆಹಮಾನ್ ಪರಿಚಯವಾದರು ಎಂಬುದು ಎಲ್ಲರಿಗೂ ತಿಳಿದಿದೆ, ಆದರೆ ಆ ಚಿತ್ರಕ್ಕೆ ಸಂಗೀತ ಸಂಯೋಜಿಸಲು ಮಣಿರತ್ನಂ ಮನಸ್ಸಿನಲ್ಲಿ ಬೇರೊಬ್ಬರಿದ್ದರಂತೆ.
ರೋಜಾ ಚಿತ್ರ
ಮಣಿರತ್ನಂ ನಿರ್ದೇಶನದ ಮೇರುಕೃತಿ ಚಿತ್ರಗಳಲ್ಲಿ ರೋಜಾ ಕೂಡ ಒಂದು. 1992ರಲ್ಲಿ ಬಿಡುಗಡೆಯಾದ ಈ ಚಿತ್ರವನ್ನು ಕೆ.ಬಾಲಚಂದರ್ ನಿರ್ಮಿಸಿದ್ದರು. ತಮಿಳು ಸಿನಿಮಾಕ್ಕೆ ಈ ಚಿತ್ರ ಒಂದು ಮಹತ್ವದ ತಿರುವು ನೀಡಿತು ಎಂದರೆ ತಪ್ಪಾಗಲಾರದು. ಏಕೆಂದರೆ ಈ ಚಿತ್ರಕ್ಕೆ ಮುಂಚೆ ಇಳಯರಾಜಾ ಕಾಲಿವುಡ್ ನಲ್ಲಿ ಅಧಿಪತ್ಯ ಸ್ಥಾಪಿಸಿದ್ದರು. ಆ ಸಮಯದಲ್ಲಿ ಎ.ಆರ್.ರಹಮಾನ್ ಎಂಬ ಹೊಸಬರನ್ನು ಪರಿಚಯಿಸಿದರು ರೋಜಾ ಚಿತ್ರದ ನಿರ್ಮಾಪಕ ಕೆ.ಬಾಲಚಂದರ್.
ಎ.ಆರ್. ರೆಹಮಾನ್, ಇಳಯರಾಜ
ಕೆ.ಬಾಲಚಂದರ್ ತೆಗೆದುಕೊಂಡ ಈ ನಿರ್ಧಾರ ತಮಿಳು ಸಿನಿಮಾದ ಭವಿಷ್ಯವನ್ನೇ ಬದಲಾಯಿಸಿತು. ಅಲ್ಲಿಯವರೆಗೆ ಇಳಯರಾಜಾರನ್ನೇ ನಂಬಿದ್ದವರಿಗೆ ಎ.ಆರ್.ರಹಮಾನ್ ಎಂಬ ಹೊಸ ಸಂಗೀತ ನಾಯಕನನ್ನು ಕೊಟ್ಟಿದ್ದು ರೋಜಾ ಚಿತ್ರ. ಮೊದಲ ಚಿತ್ರದಲ್ಲೇ ತನ್ನ ಎಲ್ಲಾ ಪ್ರತಿಭೆಯನ್ನು ತೋರಿಸಿದ ರೆಹಮಾನ್, ಆ ಚಿತ್ರದ ಹಾಡುಗಳಿಂದ ಒಂದು ಮ್ಯಾಜಿಕ್ ಮಾಡಿದರು. ಅದಕ್ಕೆ ಅವರಿಗೆ ಸಿಕ್ಕ ಪ್ರಶಸ್ತಿ ರಾಷ್ಟ್ರೀಯ ಪ್ರಶಸ್ತಿ. ಅದೂ ಇಳಯರಾಜಾರನ್ನು ಒಂದು ಮತದ ಅಂತರದಿಂದ ಸೋಲಿಸಿ ರಾಷ್ಟ್ರೀಯ ಪ್ರಶಸ್ತಿ ಪಡೆದರು ರೆಹಮಾನ್.
ಎ.ಆರ್. ರೆಹಮಾನ್, ಮಣಿರತ್ನಂ
ಹೀಗೆ ರೋಜಾ ಚಿತ್ರ ಎ.ಆರ್.ರಹಮಾನ್ ಗೆ ಒಂದು ಗುರುತಾಗಿ ಪರಿಣಮಿಸಿತು. ಆದರೆ ರೋಜಾ ಚಿತ್ರಕ್ಕೆ ಸಂಗೀತ ಸಂಯೋಜಿಸಲು ನಿರ್ದೇಶಕ ಮಣಿರತ್ನಂ ಅವರ ಮೊದಲ ಆಯ್ಕೆ ರೆಹಮಾನ್ ಅಲ್ಲ ಎಂದರೆ ನಂಬಲು ಸಾಧ್ಯವೇ? ಆದರೆ ಅದು ಸತ್ಯ. ರೋಜಾ ಚಿತ್ರಕ್ಕೆ ಮುಂಚೆ ಇಳಯರಾಜರ ಜೊತೆ ಕೆಲಸ ಮಾಡುತ್ತಿದ್ದ ಮಣಿರತ್ನಂ, ರೋಜಾ ಚಿತ್ರಕ್ಕೆ ಸಂಗೀತ ಸಂಯೋಜಿಸಲು ಮಹೇಶ್ ಮಹದೇವನ್ ಅವರನ್ನು ಮೊದಲು ಸಂಪರ್ಕಿಸಿದ್ದರಂತೆ. ಆದರೆ ಆ ಸಮಯದಲ್ಲಿ ಅವರು ಬ್ಯುಸಿಯಾಗಿದ್ದರಿಂದ ಆ ಅವಕಾಶ ರೆಹಮಾನ್ ಗೆ ಹೋಯಿತು.
ಎ.ಆರ್. ರೆಹಮಾನ್
ಮಣಿರತ್ನಂ ಅವರ ಸಹೋದರಿ ಮೂಲಕ ಎ.ಆರ್.ರಹಮಾನ್ ಗೆ ರೋಜಾ ಚಿತ್ರದ ಅವಕಾಶ ಸಿಕ್ಕಿದೆ. ಅವರೇ ಮಣಿರತ್ನಂ ಅವರಿಗೆ ರೆಹಮಾನ್ ಅವರನ್ನು ಪರಿಚಯಿಸಿದ್ದಾರೆ. ಆಗ ರೆಹಮಾನ್ ಅವರನ್ನು ಅವರ ಸ್ಟುಡಿಯೋದಲ್ಲಿ ಭೇಟಿಯಾದ ಮಣಿರತ್ನಂ, ಅವರು ಸಂಯೋಜಿಸಿದ್ದ ಸಂಗೀತವನ್ನು ಕೇಳಿ ಪ್ರಭಾವಿತರಾಗಿ ರೋಜಾ ಚಿತ್ರದ ಅವಕಾಶ ನೀಡಿದ್ದಾರೆ. ಮಹೇಶ್ ಮಹದೇವನ್ ಬೇರೆ ಯಾರೂ ಅಲ್ಲ, ನಟ ಕಮಲ್ ಹಾಸನ್ ಅವರ ಆಪ್ತ ಗೆಳೆಯ. 1994ರಲ್ಲಿ ಬಿಡುಗಡೆಯಾದ ಕಮಲ್ ಅವರ ನಮ್ಮವರ್ ಚಿತ್ರಕ್ಕೆ ಸಂಗೀತ ಸಂಯೋಜಿಸಿದವರು ಮಹೇಶ್ ಮಹದೇವನ್.
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.