ದಿ ಕೇರಳ ಸ್ಟೋರಿ ನಟಿ ಅದಾ ಶರ್ಮ: ನಿಮಗೆ ಗೊತ್ತಿಲ್ಲದ ಫ್ಯಾಕ್ಟ್ಸ್

ಪ್ರಸ್ತುತ ವಿವಾದಾತ್ಮಕ ಚಿತ್ರ ‘ದಿ ಕೇರಳ ಸ್ಟೋರಿ’ಯಲ್ಲಿ (The Keral Story)  ಪ್ರಮುಖ ಪಾತ್ರದಲ್ಲಿ ನಟಿಸಿದ ಬಾಲಿವುಡ್ ನಟಿ ಅದಾ ಶರ್ಮಾ (Adah Sharma) ಗುರುವಾರ (ಮೇ 11) ತಮ್ಮ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದಾರೆ. ಕನ್ನಡ ಸಿನಿಮಾದಲ್ಲೂ ನಟಿಸಿದ ಈಕೆ ಒಳ್ಳೇ ಡ್ಯಾನ್ಸರ್ ಹಾಗೂ ಪೇಂಟರ್ ಸಹ ಹೌದು. ಇವರ ಬಗ್ಗೆ ಗೊತ್ತಿಲ್ಲದ ಕೆಲವು ವಿಷಯಗಳು. 

ಮುಂಬೈನಲ್ಲಿ ಬೆಳೆದ ನಟಿ ಅದಾ ಶರ್ಮಾ ಮೇ 11, 1992 ರಂದು, ಅವರು ತಮಿಳು ಮೂಲದ ಬ್ರಾಹ್ಮಣ ಕುಟುಂಬದಲ್ಲಿ ಜನಿಸಿದರು. ಅದಾ ಅವರ ತಂದೆ ಮರ್ಚೆಂಟ್ ನೇವಿ ಕ್ಯಾಪ್ಟನ್ ಮತ್ತು ಮಧುರೈ ಮೂಲದವರು. ತಾಯಿ ಯೋಗ ತರಬೇತುದಾರರು.

ಅದಾ ಯಾವಾಗಲೂ ನಟಿಯಾಗಲು ಮತ್ತು ಚಿತ್ರರಂಗದ ಭಾಗವಾಗಲು ಬಯಸಿದ್ದರು. ಅದಾ ನಟನೆಯನ್ನು ಮುಂದುವರಿಸಲು ಶಾಲೆಯನ್ನು ಸಹ ಬಿಡಲು ರೆಡಿಯಾಗಿದ್ದರು. ಆದರೆ ಅವಳ ಪೋಷಕರು ಮೊದಲು ಅವಳ ಶಿಕ್ಷಣವನ್ನು ಮುಗಿಸಲು ಒತ್ತಾಯಿಸಿದರು.

ಯಾವುದೇ ಪ್ರಭಾವಿ ಬೆಂಬಲವಿಲ್ಲದೆ, ನಟಿ ಮುಂಬೈನಲ್ಲಿ ಹಲವಾರು ಪಾತ್ರಗಳಿಗಾಗಿ ಆಡಿಷನ್ ಪ್ರಾರಂಭಿಸಿದರು. ಸುಮಾರು ನಾಲ್ಕು ವರ್ಷಗಳ ಕಾಲ ಹೋರಾಡಿದ ನಂತರ, ಅವರು  ವಿಕ್ರಮ್ ಭಟ್ ನಿರ್ದೇಶಿಸಿದ  1920 ರ ಚಲನಚಿತ್ರದ (2009) ಭಾಗವಾಗಲು ಅವಕಾಶ ಗಿಟ್ಟಿಸಿಕೊಂಡರು.

ಅದಾ ಅವರು ತರಬೇತಿ ಪಡೆದ  ನರ್ತಕಿಯಾಗಿದ್ದು, ಚಿತ್ರಕಲೆಯನ್ನೂ ಪ್ರೀತಿಸುತ್ತಾರೆ. ಮೂರು ವರ್ಷ ವಯಸ್ಸಿನಿಂದಲೂ ಅದಾ ಶರ್ಮಾ ನೃತ್ಯ ಮಾಡುತ್ತಿದ್ದಾರೆ. 

ಅದಾ ಶರ್ಮಾ ಅವರು  ಆರಂಭದಲ್ಲಿ ಜಾಝ್ ಮತ್ತು ಬ್ಯಾಲೆ  ಕಲಿತಿದ್ದಾರೆ.. ಇದರ ಜೊತೆಗೆ ವಿವಿಧ ಸಂಗೀತ ವಾದ್ಯಗಳನ್ನು ಸಹ  ಈ ನಟಿ  ನುಡಿಸಬಲ್ಲರು.

ನಂತರ, ಅವರು ಕಥಕ್ ಕಲಿಯಲು ಪ್ರಾರಂಭಿಸಿದರು ಮತ್ತು ಗೋಪಿ ಕೃಷ್ಣ ಅವರ ನೃತ್ಯ ಅಕಾಡೆಮಿಯಲ್ಲಿ ನೃತ್ಯ ರೂಪದಲ್ಲಿ ಅಧ್ಯಯನ ಪೂರ್ಣಗೊಳಿಸಿದರು.

ಅಷ್ಟೇ ಅಲ್ಲ, ಅವರು ಯುಎಸ್‌ನಲ್ಲಿ ಸಾಲ್ಸಾ ತರಬೇತಿಯನ್ನೂ ಪಡೆದಿದ್ದಾರೆ. ಅವಳು ಬೆಲ್ಲಿ ಡ್ಯಾನ್ಸ್‌ನಲ್ಲಿಯೂ ಪರಿಣತಿ ಹೊಂದಿದ್ದಾರೆ

ನಟಿ ಪ್ರಾಣಿ ಪ್ರೇಮಿಯಾಗಿದ್ದು, ಒಮ್ಮೆ ಸರ್ಕಸ್ ಕಲಾವಿದರಾಗಲು ಬಯಸಿದ್ದರು. ಶರ್ಮಾ ಅವರು ಕೆಲವು ಸಮಯದ ಹಿಂದೆ ಬೀದಿ ಪ್ರಾಣಿಗಳನ್ನು ದತ್ತು ಪಡೆಯುವ ಅಭಿಯಾನವನ್ನು ಪ್ರಾರಂಭಿಸಿದರು.