ನಟ ವಿಜಯ್ ಹೊಸ ಕಾರಿನಲ್ಲಿದೆ ವಿಮಾನದ ರೀತಿ ಸವಲತ್ತು, ಖರೀದಿಗಿದೆ ವಿಶೇಷ ಕಾರಣ!
ತಮಿಳು ನಟ ವಿಜಯ್ ಇತ್ತೀಚೆಗೆ ಭರ್ಜರಿಯಾಗಿ ತಮ್ಮ ರಾಜಕೀಯಕ್ಕೆ ಎಂಟ್ರಿಕೊಟ್ಟಿದ್ದಾರೆ. ತಮ್ಮ ಹೊಸ ಪಕ್ಷದ ಮೂಲಕ ಅದ್ಧೂರಿ ಕಾರ್ಯಕ್ರಮ ಆಯೋಜಿಸಿದ್ದರು. ಇದರ ಜೊತೆಗೆ ವಿಜಯ್ ದುಬಾರಿ ಹಾಗೂ ಅತ್ಯಂತ ಐಷಾರಾಮಿ ಕಾರು ಖರೀದಿಸಿದ್ದಾರೆ. ಈ ಕಾರು ಖರೀದಿಸಿದ್ದು ಯಾಕೆ? ಇದರ ಬೆಲೆ, ಐಷಾರಾಮಿ ಸವಲತ್ತು ಹೇಗಿದೆ?
)
Followಕಾರ್ ರೇಸ್ನಲ್ಲಿ ಅಜಿತ್ಗೆ ಆಸಕ್ತಿ ಜಾಸ್ತಿ ಅಂದ್ರೆ, ವಿಜಯ್ಗೆ ಹೊಸ ಕಾರ್ ಖರೀದಿ ಮೇಲೆ ಹೆಚ್ಚಿನ ಒಲವು. ಹೊಸದಾಗಿ ಬಿಡುಗಡೆಯಾಗೋ ಕಾರ್ಗಳನ್ನ ಖರೀದಿಸೋದ್ರಲ್ಲಿ ಆಸಕ್ತಿ ಹೊಂದಿರೋ ವಿಜಯ್, ಸುಮಾರು 20ಕ್ಕೂ ಹೆಚ್ಚು ಕಾರ್ಗಳನ್ನ ಹೊಂದಿದ್ದಾರೆ. ಇದ್ರಲ್ಲಿ 2 ಕೋಟಿಗೂ ಹೆಚ್ಚು ಬೆಲೆ ಬಾಳೋ 5 ಕಾರ್ಗಳೂ ಇವೆ.
)
2012ರಲ್ಲಿ ಲಂಡನ್ನಿಂದ ರೋಲ್ಸ್ ರಾಯ್ಸ್ ಗೋಸ್ಟ್ ಕಾರನ್ನ ಆಮದು ಮಾಡಿಕೊಂಡಿದ್ರು ವಿಜಯ್. ಈ ಕಾರ್ಗೆ ಸರಿಯಾಗಿ ತೆರಿಗೆ ಕಟ್ಟಿಲ್ಲ ಅನ್ನೋ ಆರೋಪ ಕೇಳಿಬಂದು, ಕೋರ್ಟ್ವರೆಗೂ ಹೋಗಿತ್ತು. ಬಳಿಕ ಆ ಕಾರನ್ನ ಮಾರಿ, ಲೆಕ್ಸಸ್ LM 350h ಕಾರನ್ನ ಖರೀದಿಸಿದ್ದಾರೆ. ಮಾರ್ಚ್ನಲ್ಲಿ ಭಾರತದಲ್ಲಿ ಲಾಂಚ್ ಆದ ಈ ಕಾರನ್ನ ಮೊದಲೇ ಬುಕ್ ಮಾಡಿದ್ದ ವಿಜಯ್, ಲಾಂಚ್ ಆದ ಕೂಡಲೇ ಡೆಲಿವರಿ ಪಡೆದಿದ್ದಾರೆ. ಈ ಕಾರಿನಲ್ಲೇನಿದೆ ಅನ್ನೋದನ್ನ ನೋಡೋಣ.
ಐಷಾರಾಮಿ ಕಾರ್ಗಳಾದ ಆಡಿ, ಬಿಎಂಡಬ್ಲ್ಯೂ, ರೋಲ್ಸ್ ರಾಯ್ಸ್ಗೆ ಪೈಪೋಟಿ ನೀಡಲು ಲೆಕ್ಸಸ್ ಕಂಪನಿ ತಯಾರಿಸಿರೋ ಈ ಕಾರ್, ವಿಮಾನದಂತೆಯೇ ಇದೆ. ನಾಲ್ಕು ಮತ್ತು ಏಳು ಸೀಟುಗಳ ವೇರಿಯೆಂಟ್ಗಳಲ್ಲಿ ಬಂದಿರೋ ಈ ಕಾರಿನ 4 ಸೀಟರ್ ವೇರಿಯೆಂಟ್ ಖರೀದಿಸಿದ್ದಾರೆ ನಟ ವಿಜಯ್. ಗ್ರಾಹಕರ ಅನುಕೂಲಕ್ಕೆ ತಕ್ಕಂತೆ ಈ ಕಾರನ್ನ ವಿನ್ಯಾಸಗೊಳಿಸಲಾಗಿದೆ. ಕಾರಿನ ಒಳಗೆ 48 ಇಂಚಿನ ಡಿಸ್ಪ್ಲೇ ಟಿವಿ, 23 ಸ್ಪೀಕರ್ಗಳ ಆಡಿಯೋ ಸಿಸ್ಟಮ್ ಇದೆ.
ಡ್ರೈವರ್ ಸೀಟ್ ಮತ್ತು ಹಿಂದಿನ ಸೀಟ್ ನಡುವೆ ತಡೆಗೋಡೆ ಇದೆ. ಫೋಲ್ಡ್ಔಟ್ ಟೇಬಲ್ಗಳು, ವೈರ್ಲೆಸ್ ಚಾರ್ಜರ್, ರೀಡಿಂಗ್ ಲೈಟ್, ಹಲವು ಕನ್ನಡಿಗಳು ಸೇರಿದಂತೆ ಸಕಲ ಸವಲತ್ತುಗಳಿವೆ. ಇನ್ನೂ ವಿಶೇಷ ಅಂದ್ರೆ, ಕಾರಿನ ಒಳಗೆ ನೀರು, ಕೋಲ್ಡ್ ಡ್ರಿಂಕ್ಸ್ ಇಡಲು ಫ್ರಿಡ್ಜ್ ಕೂಡ ಇದೆ. ಫುಲ್ ಸ್ಯಾಟಲೈಟ್ ಎಸಿ, ವಾರ್ಮ್ ವೆದರ್ ಸಿಸ್ಟಮ್ ಕೂಡ ಇದೆ.
ಲೆಕ್ಸಸ್ LM 350h
ಈ ಕಾರಿನ ಪ್ರಮುಖ ಅಂಶ ಅಂದ್ರೆ ಅದರ ಸೀಟುಗಳು. ಮೆತ್ತನೆಯ ಸೀಟುಗಳಲ್ಲಿ ಮಲಗಿಕೊಂಡೇ ಪ್ರಯಾಣಿಸಬಹುದು. ಸೀಟನ್ನ ಅಡ್ಜಸ್ಟ್ ಮಾಡಿದ್ರೆ, ಬೆಡ್ರೂಮ್ ರೀತಿ ಆಗುತ್ತೆ. ಮಾಲ್ನಲ್ಲಿರೋ ರೀತಿ ಮಸಾಜ್ ಮಾಡಿಕೊಳ್ಳೋ ವ್ಯವಸ್ಥೆ ಕೂಡ ಇದೆ. ಐಷಾರಾಮಿತನಕ್ಕೆ ಹಿಡಿದ ಕನ್ನಡಿಯಾಗಿದೆ. ಎಲ್ಲಾ ವ್ಯವಸ್ಥೆಗಳು ಈ ಕಾರಿನಲ್ಲಿದೆ. ಇನ್ನು ಆಕರ್ಷಕ ವಿನ್ಯಾಸ ಹೊಂದಿದೆ.
ಹಿಂದಿನ ಸೀಟಿನ ಬಾಗಿಲುಗಳು ಸ್ಲೈಡಿಂಗ್ ಮಾದರಿಯಲ್ಲಿವೆ. ರಿಮೋಟ್ ಕೀ ಬಳಸಿ ಬಾಗಿಲು ತೆರೆಯಬಹುದು. ಪೆಟ್ರೋಲ್ ಮತ್ತು ಎಲೆಕ್ಟ್ರಿಕ್ನಲ್ಲಿ ಚಲಿಸುವ ಈ ಕಾರಿನ ಫ್ಯುಯೆಲ್ ಟ್ಯಾಂಕ್ 60 ಲೀಟರ್ ಸಾಮರ್ಥ್ಯ ಹೊಂದಿದೆ. ಮೋಸ್ಟ್ ಪವರ್‌ಫುಲ್ ಹಾಗೂ ಕ್ರೂಸ್ ಕಂಟ್ರೋಲ್ ಫೀಚರ್ಸ್ ಹೊಂದಿದೆ. ಇನ್ನು ಸುರಕ್ಷತೆಗೆ ಹೆಚ್ಚಿನ ಆದ್ಯತೆ ನೀಡಲಾಗಿದೆ. ಏರ್‌ಬ್ಯಾಗ್, ಎಬಿಸಿ, ಇಬಿಡಿ ಸೇರಿದಂತೆ ಹಲವು ಸುರಕ್ಷತಾ ಫೀಚರ್ಸ್ ಇದರಲ್ಲಿದೆ.
360 ಡಿಗ್ರಿ ಕ್ಯಾಮೆರಾ ಸಿಸ್ಟಮ್ ಕೂಡ ಇದೆ. ಬಿಎಂಡಬ್ಲ್ಯೂ, ಆಡಿ ಸೇರಿದಂತೆ ಹಲವು ಐಷಾರಾಮಿ ಕಾರ್ಗಳನ್ನ ಹೊಂದಿರೋ ವಿಜಯ್, ಹೆಚ್ಚಾಗಿ ಇನ್ನೋವಾ, ಮಾರುತಿ ಸುಜುಕಿ ಕಾರ್ಗಳನ್ನ ಬಳಸುತ್ತಾರೆ. ಲೆಕ್ಸಸ್ ಕಾರನ್ನ ಖರೀದಿಸಿದ್ದಕ್ಕೆ ರಾಜಕೀಯ ಪ್ರವೇಶದ ಕಾರಣಕ್ಕಾಗಿ ಈ ಲೆಕ್ಸಾಸ್ ಕಾರು ಖರೀದಿಸಿದ್ದಾರೆ ಅನ್ನೋ ಮಾತುಗಳು ಕೇಳಿಬಂದಿದೆ. ಜನರ ಸಂಪರ್ಕ, ಪ್ರವಾಸ, ಪಕ್ಷ ಕಟ್ಟಬೇಕಾದ ಜವಾಬ್ದಾರಿಯಿಂದ ಈ ಕಾರು ಖರೀದಿಸಿದ್ದಾರೆ ಎಂದು ಹೇಳಲಾಗುತ್ತಿದೆ.
