ವಿಶ್ವದ ಮೊದಲ ಸೂಪರ್ ಲಕ್ಷುರಿ ರೋಲ್ಸ್ ರಾಯ್ಸ್ ಕಲಿನನ್ II ಭಾರತದಲ್ಲಿ ಬಿಡುಗಡೆ, ಬೆಲೆ ಎಷ್ಟು?

ಇದು ವಿಶ್ವದ ಮೊದಲ ಸೂಪರ್ ಲಕ್ಷುರಿ ಕಾರು. ರೋಲ್ಸ್ ರಾಯ್ಸ್ ಕಲಿನ್ II ಭಾರತದಲ್ಲಿ ಬಿಡುಗಡೆಯಾಗಿದೆ. ನಿರೀಕ್ಷೂ ಮೀರಿದ ಫೀಚರ್ಸ್, ಅತ್ಯಂತ ಆರಾಮದಾಯಕ ಪ್ರಯಾಣ, ಅತ್ಯಾಕರ್ಷಕ ವಿನ್ಯಾಸ, ಮೋಸ್ಟ್ ಪವರ್‌ಫುಲ್ ಎಂಜಿನ್ ಹಾಗೂ ಪರ್ಫಾಮೆನ್ಸ್, ಅತ್ಯಾಧುನಿಕ ತಂತ್ರಜ್ಞಾನ ಸೇರಿದಂತೆ ಹಲವು ವಿಶೇಷತೆಗಳು ಈ ಕಾರಿನಲ್ಲಿದೆ. 

ಇದು ವಿಶ್ವದ ಮೊದಲ ಸೂಪರ್ ಲಕ್ಷುರಿ ಕಾರು, ಹೀಗಾಗಿ ಇದರ ಬೆಲೆಯೂ ಅಷ್ಟೇ ದುಬಾರಿ. ರೋಲ್ಸ್ ರಾಯ್ಸ್ ಕಲಿನ್ II ಕಾರಿನ ಬೆಲೆ ಬರೋಬ್ಬರಿ 12.25 ಕೋಟಿ ರೂಪಾಯಿ. ಇನ್ನು ರೋಡ್ ಟ್ಯಾಕ್ಸ್, ವಿಮೆ ಸೇರಿದಂತೆ ಇತರ ವೆಚ್ಚ ಬೇರೆ.ರೋಲ್ಸ್ ರಾಯ್ಸ್ ಕಲಿನನ್  II ಸೀರಿಸ್ ಬ್ಲಾಕ್ ಬ್ಯಾಡ್ಜ್ ಬೆಲೆ 12,25,00,000 ರೂಪಾಯಿ. ಇನ್ನು ಕಲಿನನ್  II ಬೆಲೆ 10,50,00,000 ರೂಪಾಯಿ.

2018ರಲ್ಲಿ ರೋಲ್ಸ್ ರಾಯ್ಸ್ ಅತ್ಯಂತ ದುಬಾರಿ ಕಲಿನನ್ ಕಾರು ಬಿಡುಗಡೆ ಮಾಡಿದೆ. ಬಳಿಕ ಹಲವು ಅಪ್‌ಗ್ರೇಡ್, ರೂಪಾಂತರ ಪಡೆದುಕೊಂಡಿದೆ. ಬೆಲೆ ದುಬಾರಿಯಾದರೂ ಈ ಕಾರು ಮಾರಾಟದಲ್ಲೇನು ಕಡಿಮೆ ಇಲ್ಲ. ಭರ್ಜರಿ ಮಾರಾಟ ಕಂಡ ರೋಲ್ಸ್ ರಾಯ್ಸ್ ಕಾರು ಅನ್ನೋ ಹೆಗ್ಗಳಿಕೆಗೂ ಪಾತ್ರವಾಗಿದೆ. ಇದೀಗ ಕಲಿನ್ II ಸೀರಿಸ್ ಮಾರುಕಟ್ಟೆ ಪ್ರವೇಶಿಸಿದೆ. 

ಗ್ರಾಹಕರು ಕಲಿನನ್ ಸೀರೀಸ್ II ಮತ್ತು ಬ್ಲಾಕ್ ಬ್ಯಾ ಡ್ಜ್ ಕಲಿನನ್ ಸೀರೀಸ್ II ಕಾರನ್ನು ರೋಲ್ಸ್ -ರಾಯ್ಸ್ ಕಾರ್ಸ್ ಚೆನ್ನೈ ಮತ್ತು ರೋಲ್ಸ್ -ರಾಯ್ಸ್ ನವದೆಹಲಿಯಲ್ಲಿ ಖರೀದಿಸಬಹುದು.ಮೊದಲ ಸ್ಥಳೀಯ ಗ್ರಾಹಕರ ಡೆಲಿವರಿಗಳು 2024ರ ನಾಲ್ಕನೇ ತ್ರೈ ಮಾಸಿಕದಲ್ಲಿ ಪ್ರಾರಂಭವಾಗುತ್ತವೆ.

ಕಲಿನನ್ ಅತ್ಯಂತ ಹೆಚ್ಚು ಕೋರಿಕೆಯ ರೋಲ್ಸ್ ರಾಯ್ಸ್ ಆಗಿದೆ. ಕಲಿನನ್ ಸೀರೀಸ್ II ಹೊಸ ತಂತ್ರಜ್ಞಾ ನಗಳು, ಹೊಸ ಸಾಮಗ್ರಿಗಳು, ಎಚ್ಚರಿಕೆಯಿಂದ ಪರಿಗಣಿಸಲಾದ ಡಿಸೈ ನ್ ಅಪ್ಡೇಟ್ ಹೊಂದಿದೆ ಎಂದು ಜನರಲ್ ಡೈರೆಕ್ಟರ್ ಏಷ್ಯಾ ಪೆಸಿಫಿಕ್ ಇರೇನ್ ನಿಕ್ಕೇನ್ ಹೇಳಿದ್ದಾರೆ. ಆಕರ್ಷಕ ಕಾರಿಗೆ ಈಗಾಗಲೇ ಭಾರಿ ಬೇಡಿಕೆ ವ್ಯಕ್ತವಾಗುತ್ತಿದೆ ಎಂದಿದ್ದಾರೆ.