ಪೋಸ್ಟ್ ಆಫೀಸ್ ಸೂಪರ್ ಸ್ಕೀಂ ಪ್ರತಿದಿನ ₹333 ಹೂಡಿಕೆ ಮಾಡಿ ₹17 ಲಕ್ಷ ನಿಮ್ಮದಾಗಿಸಿಕೊಳ್ಳಿ

ಪೋಸ್ಟ್ ಆಫೀಸ್ ಹಲವು ಚಿಕ್ಕ ಉಳಿತಾಯ ಯೋಜನೆಗಳನ್ನು ಮಧ್ಯಮ ಮತ್ತು ಕೆಳ ವರ್ಗದ ಜನತೆಗೆ ನೀಡುತ್ತದ. ಅವುಗಳಲ್ಲಿ ಒಂದು RD (Recurring Deposit) ಯೋಜನೆ ಸಹ ಒಂದಾಗಿದೆ. ಇದರಲ್ಲಿ ಪ್ರತಿ ತಿಂಗಳು ₹100 ರಿಂದ ಹೂಡಿಕೆ ಮಾಡಬಹುದು.

ಪ್ರತಿಯೊಬ್ಬರೂ ತಮ್ಮ ಆದಾಯದಲ್ಲಿ ಒಂದು ಭಾಗವನ್ನು ಉಳಿಸಿ ಹೂಡಿಕೆ ಮಾಡುತ್ತಾರೆ.  ಹಣ ಸುರಕ್ಷಿತವಾಗಿರುವಲ್ಲಿ ಹೂಡಿಕೆ ಮಾಡಲು ಬಯಸುತ್ತಾರೆ. ಹೂಡಿಕೆಯಿಂದ ಉತ್ತಮ ಬಡ್ಡಿ ದೊರೆಯಬೇಕೆಂದು ನಿರೀಕ್ಷಿಸುತ್ತಾರೆ.

ಪೋಸ್ಟ್ ಆಫೀಸ್ ನೀಡುವ ಚಿಕ್ಕ ಉಳಿತಾಯ ಯೋಜನೆಗಳು ಜನರಲ್ಲಿ ಬಹಳ ಜನಪ್ರಿಯವಾಗಿವೆ. ಪೋಸ್ಟ್ ಆಫೀಸ್ ಯೋಜನೆಯಲ್ಲಿ ದಿನಾ ₹333 ರಂತೆ ಹೂಡಿಕೆ ಮಾಡುವ ಮೂಲಕ ₹17 ಲಕ್ಷಕ್ಕೂ ಹೆಚ್ಚು ಹಣವನ್ನು ಸಂಗ್ರಹಿಸಬಹುದು. ಇದಕ್ಕಾಗಿ ಪೋಸ್ಟ್ ಆಫೀಸ್ RD ಯೋಜನೆಯಲ್ಲಿ ಹೂಡಿಕೆ ಮಾಡಬೇಕು. ಇದು ಹೂಡಿಕೆದಾರರಿಗೆ ಉತ್ತಮ ಆದಾಯವನ್ನು ನೀಡುವ ಒಂದು ಉತ್ತಮ ಯೋಜನೆಯಾಗಿದೆ.

ಪೋಸ್ಟ್ ಆಫೀಸ್‌ನ ಇತರ ಎಲ್ಲಾ ಉಳಿತಾಯ ಯೋಜನೆಗಳಂತೆ RD ಯೋಜನೆಯಲ್ಲಿ ಮಾಡುವ ಹೂಡಿಕೆಯೂ ಸಂಪೂರ್ಣವಾಗಿ ಅಪಾಯ ಮುಕ್ತವಾಗಿದೆ. ಇದರಲ್ಲಿ ಹೂಡಿಕೆ ಮಾಡಿದ ಹಣದ ಸುರಕ್ಷತೆಗೆ ಸರ್ಕಾರವೇ ಗ್ಯಾರಂಟಿ ನೀಡುತ್ತದೆ. ಆದರೆ ಈ ಚಿಕ್ಕ ಉಳಿತಾಯ ಯೋಜನೆಯಲ್ಲಿ ಪ್ರತಿ ತಿಂಗಳು ಸರಿಯಾದ ಸಮಯಕ್ಕೆ ಹೂಡಿಕೆ ಮಾಡಬೇಕು ಎಂಬುದನ್ನು ನೆನಪಿನಲ್ಲಿಟ್ಟುಕೊಳ್ಳಬೇಕು.

ಏಕೆಂದರೆ ಯಾವುದೇ ತಿಂಗಳು ಕಂತು ಪಾವತಿಸಲು ಮರೆತರೆ, 1% ದಂಡ ಪಾವತಿಸಬೇಕಾಗುತ್ತದೆ. ಸತತ 4 ಕಂತುಗಳನ್ನು ಪಾವತಿಸಲು ವಿಫಲವಾದರೆ, ಈ ಖಾತೆಯನ್ನು ಸ್ವಯಂಚಾಲಿತವಾಗಿ ಮುಚ್ಚಲಾಗುತ್ತದೆ. ಇದನ್ನು ತಪ್ಪಿಸಲು ಮುಕ್ತಾಯ ಅವಧಿಯವರೆಗೆ ಪ್ರತಿ ತಿಂಗಳು ನಿಗದಿತ ಮೊತ್ತವನ್ನು ಹೂಡಿಕೆ ಮಾಡಬೇಕು.

ಪೋಸ್ಟ್ ಆಫೀಸ್ RD ಖಾತೆಯ ಮುಕ್ತಾಯ ಅವಧಿ 5 ವರ್ಷಗಳು. ಕನಿಷ್ಠ ಪ್ರತಿ ತಿಂಗಳು ₹100 ಹೂಡಿಕೆ ಮಾಡಿ RD ಖಾತೆ ತೆರೆಯಬಹುದು. ಪ್ರತ್ಯೇಕವಾಗಿ ಅಥವಾ ಜಂಟಿ ಖಾತೆ ತೆರೆಯುವ ಸೌಲಭ್ಯವನ್ನೂ ನೀಡಲಾಗಿದೆ. ಇದರಲ್ಲಿ ಬಡ್ಡಿ ಪ್ರಸ್ತುತ ಶೇ.6.8 ರಷ್ಟಿದೆ. ಹೂಡಿಕೆದಾರರ ಹಣ ಸುರಕ್ಷಿತವಾಗಿರುವುದರ ಜೊತೆಗೆ, ಈ ಬಡ್ಡಿಯ ಲಾಭವನ್ನೂ ಪಡೆಯಬಹುದು.

ಪೋಸ್ಟ್ ಆಫೀಸ್‌ನ ಈ ಜನಪ್ರಿಯ ಯೋಜನೆಯಲ್ಲಿ ಹೂಡಿಕೆ ಮಾಡುವ ಮೂಲಕ ₹17 ಲಕ್ಷಕ್ಕೂ ಹೆಚ್ಚು ಹಣವನ್ನು ಹೇಗೆ ಸಂಗ್ರಹಿಸುವುದು ಎಂದು ನೋಡೋಣ. ಈ ಯೋಜನೆಯಲ್ಲಿ ಪ್ರತಿದಿನ ₹333 ಹೂಡಿಕೆ ಮಾಡಿದರೆ, ತಿಂಗಳಿಗೆ ಸುಮಾರು ₹10,000 ಆಗುತ್ತದೆ. ಅಂದರೆ  ವರ್ಷಕ್ಕೆ ₹1.20 ಲಕ್ಷ ಹೂಡಿಕೆ ಮಾಡಲಾಗುತ್ತದೆ. 5 ವರ್ಷಗಳ ನಂತರ, ಮುಕ್ತಾಯದ ಸಮಯದಲ್ಲಿ, ₹5,99,400 ಹೂಡಿಕೆ ಮಾಡಲಾಗುತ್ತದೆ. ಇದಕ್ಕೆ ಶೇ.6.8 ರಂತೆ ಬಡ್ಡಿ ₹1,15,427 ಸಿಗುತ್ತದೆ. ಒಟ್ಟು ಮೊತ್ತ ₹7,14,827 ಆಗುತ್ತದೆ.

ಪೋಸ್ಟ್ ಆಫೀಸ್ RD ಯೋಜನೆಯನ್ನು 5 ವರ್ಷಗಳ ಮುಕ್ತಾಯ ಅವಧಿಯ ನಂತರ ಇನ್ನೂ 5 ವರ್ಷಗಳವರೆಗೆ ವಿಸ್ತರಿಸಬಹುದು. ಅಂದರೆ, ನಿರಂತರವಾಗಿ 10 ವರ್ಷಗಳವರೆಗೆ ಹೂಡಿಕೆ ಮಾಡಬೇಕು. ಆಗ, 10 ವರ್ಷಗಳ ಅಂತ್ಯದಲ್ಲಿ ಹೂಡಿಕೆ ಮಾಡಿದ ಮೊತ್ತ ₹12,00,000 ಆಗುತ್ತದೆ ಮತ್ತು ಅದಕ್ಕೆ ಬಡ್ಡಿ ₹5,08,546 ಆಗುತ್ತದೆ. ಒಟ್ಟಾರೆಯಾಗಿ ₹17 ಲಕ್ಷಕ್ಕೂ ಹೆಚ್ಚು ಆಗುತ್ತದೆ. ಅಂದರೆ 10 ವರ್ಷಗಳ RD ಮುಗಿಯುವ ಹೊತ್ತಿಗೆ ₹17,08,546 ಸಿಗುತ್ತದೆ.