ಶೆಫ್ ಆಗಿದ್ರೂ ರೆಸ್ಟೋರೆಂಟ್ ಮಾಡಿ ದಿವಾಳಿಯಾಗಿದ್ದ Ranveer Brar ಆಮೇಲೆ ದುಡ್ಡು ಮಾಡಿದ್ದು ಹೇಗೆ?
ಹಣದ ನಿರ್ವಹಣೆ ಮಾಡೋದು ಒಂದು ಕಲೆಯೂ ಹೌದು, ಜಾಣ್ಮೆಯೂ ಹೌದು. ಅನೇಕರಿಗೆ ತಿಂಗಳ ಕೊನೆಯಲ್ಲಿ “ನನ್ನ ಹಣ ಎಲ್ಲಿಗೆ ಹೋಯಿತು?” ಎಂಬ ಯೋಚನೆ ಬರುವುದು.
ಇತ್ತೀಚಿನ ಶಾರ್ಕ್ ಟ್ಯಾಂಕ್ನ ರಿತೇಶ್ ಅಗರ್ವಾಲ್ ಅವರೊಂದಿಗಿನ ಸಂದರ್ಶನದಲ್ಲಿ, ಮಾಸ್ಟರ್ಶೆಫ್ ರಣವೀರ್ ಬ್ರಾರ್ ಅವರು ತಮ್ಮ ರೆಸ್ಟೋರೆಂಟ್ ನಷ್ಟವಾದ ಬಳಿಕ ಆರ್ಥಿಕ ವಿಷಯದಲ್ಲಿ ಶಿಸ್ತನ್ನು ಕಲಿತಿರುವುದಾಗಿ ಹೇಳಿದ್ದಾರೆ. “ರೆಸ್ಟೋರೆಂಟ್ಗಳು ಆರ್ಥಿಕ ಶಿಸ್ತನ್ನು ಕಳೆದುಕೊಳ್ಳುವ ಸಾಧ್ಯತೆಗಳು ತುಂಬಾ ಇವೆ, ಅದನ್ನು ಕಂಟ್ರೋಲ್ ಮಾಡಲು ಸಾಧ್ಯವಿಲ್ಲ. ಕೊಳಾಯಿಯಿಂದ ನೀರು ಸೋರಿಕೆಯಾಗುವಂತೆ, ಹಲವು ಕಡೆಗಳಲ್ಲಿ ಹಣ ಸೋರಿಕೆಯಾಗಬಹುದು, ರೆಸ್ಟೋರೆಂಟ್ ಆರಂಭಿಸುವಾಗ ಒಂದೇ ಅಲ್ಲದೆ, ಅದು ಲಾಭ ಗಳಿಸುವವರೆಗೂ ನಿರಂತರವಾಗಿ ಹೂಡಿಕೆ ಮಾಡಬೇಕು. ಆದರೆ ಬಹಳಷ್ಟು ಹೂಡಿಕೆದಾರರು ‘ನಾವು ರೆಸ್ಟೋರೆಂಟ್ ಆರಂಭಿಸಿದ್ದೇವೆ, ಈಗ ಲಾಭ ಮಾಡಿ’ ಎಂದುಕೊಂಡಿರುತ್ತದೆ.
Rupyaa Paisa ನಿರ್ದೇಶಕ ಮುಕೇಶ್ ಪಾಂಡೆಯವರು, ಆರ್ಥಿಕ ಶಿಸ್ತು ಎಂದರೆ ಸರಿಯಾದ ಆರ್ಥಿಕ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಸಾಮರ್ಥ್ಯ, ಯಾವಾಗಲೂ ಬಜೆಟ್ನೊಳಗೆ ಇರಬೇಕು. ಇದರಿಂದ ಖರ್ಚುಗಳು ತಪ್ಪುತ್ತವೆ, ಇದರಿಂದ ಒಬ್ಬರು ತಮ್ಮ ಗುರಿಗಳತ್ತ ಸ್ಥಿರವಾಗಿ ಸಾಗುತ್ತಾರೆ ಎಂದು ಹೇಳಿದರು. “ಆರ್ಥಿಕ ಶಿಸ್ತು ಎಂದರೆ ಹಣವನ್ನು ಉಳಿಸುವ ಮಾರ್ಗಗಳನ್ನು ಕಂಡುಕೊಳ್ಳುವುದಷ್ಟೇ ಅಲ್ಲ, ಒಬ್ಬರ ಆರ್ಥಿಕ ಸ್ಥಿತಿಯನ್ನು ಬಲಪಡಿಸುವ, ಹೆಚ್ಚಿಸುವ ಅಥವಾ ಸುರಕ್ಷಿತವಾಗಿರಿಸುವ ಚಟುವಟಿಕೆಗಳನ್ನು ರೂಢಿಸಿಕೊಳ್ಳುವುದು” ಎಂದರು.
ಫೈನಾನ್ಶಿಯಲ್ ಪ್ಲ್ಯಾನ್ ಮಾಡಿಕೊಳ್ಳಿ
ಕಿರು ಅಥವಾ ದೀರ್ಘಾವಧಿಯ ಗುರಿಗಳನ್ನು ಮಾಡಿಕೊಳ್ಳಿ. ಇದರಿಂದ ಸ್ಪಷ್ಟ ದಾರಿ ಸಿಗುವುದು. ಈಗ ಮಾಡುವ ಖರ್ಚು, ಮುಂದಿನ ಪ್ಲ್ಯಾನ್ಗಳಿಗೆ ಒಂದಿಷ್ಟು ಹಣ ಬೇಕಾದಾರೆ ನಾವು ಪ್ಲ್ಯಾನ್ ಮಾಡಿದರೆ ಹಣ ಎಲ್ಲೆಲ್ಲಿ ಖರ್ಚಾಗುತ್ತದೆ ಎಂದು ಗೊತ್ತಾಗುತ್ತದೆ.
ಬಜೆಟ್ ರಚನೆ, ಅದಕ್ಕೆ ಬದ್ಧತೆ ಬೇಕು
ಆರ್ಥಿಕ ಶಿಸ್ತಿನ ಬೆನ್ನೆಲುಬು ಬಜೆಟ್. ಇದು ಹಣದ ಒಳಹರಿವು ಮತ್ತು ಹೊರಹರಿವನ್ನು ಚಿತ್ರಿಸುತ್ತದೆ, ಅನಗತ್ಯ ಖರ್ಚುಗಳು ಶಿಕ್ಷಣದಂತಹ ಅಗತ್ಯ ವಿಷಯಗಳಿಗೆ ಕೊರತೆಯನ್ನು ಉಂಟುಮಾಡುವುದನ್ನು ತೋರಿಸುತ್ತದೆ. ಬಜೆಟಿಂಗ್ ಆಪ್ಗಳು ಅಥವಾ ಸ್ಪ್ರೆಡ್ಶೀಟ್ಗಳು ಬಜೆಟ್ ಹೆಚ್ಚು ತೋರಿಸುತ್ತದೆ ಮತ್ತು ನಿಯಂತ್ರಣವನ್ನು ನೀಡಬಹುದು.
ಖರ್ಚು ಮಾಡೋದನ್ನು ಲೇಟ್ ಮಾಡಿ
ಆರ್ಥಿಕ ಶಿಸ್ತಿನ ವ್ಯಕ್ತಿಗಳು ತೃಪ್ತಿಯನ್ನು ವಿಳಂಬಗೊಳಿಸುತ್ತಾರೆ, ಅಗತ್ಯವಿಲ್ಲದ ವಸ್ತುಗಳನ್ನು ಖರೀದಿಸುವ ಮೊದಲು ಅದರ ನಿಜವಾದ ಅಗತ್ಯತೆ ಮತ್ತು ಭವಿಷ್ಯದ ಪರಿಣಾಮವನ್ನು ಮೌಲ್ಯಮಾಪನ ಮಾಡುತ್ತಾರೆ.
ಉಳಿತಾಯ ಮತ್ತು ಹೂಡಿಕೆಯನ್ನು ಶುರು ಮಾಡಿ
ಸ್ವಯಂಚಾಲಿತ ಉಳಿತಾಯ, ಹೂಡಿಕೆಗಳು ಆರ್ಥಿಕ ಸ್ಥಿರತೆಯನ್ನು ಕಾಪಾಡಲು ಸಹಾಯ ಮಾಡುತ್ತವೆ ಮತ್ತು ಹೆಚ್ಚುವರಿ ಹಣವನ್ನು ವಿವೇಚನೆಯಿಂದ ಖರ್ಚು ಮಾಡಲು ಸಹಾಯ ಮಾಡುತ್ತದೆ. ಸಿಸ್ಟಮ್ಯಾಟಿಕ್ ಇನ್ವೆಸ್ಟ್ಮೆಂಟ್ ಪ್ಲಾನ್ಗಳು (SIP), ರಿಕರಿಂಗ್ ಡಿಪಾಸಿಟ್ ಸೌಲಭ್ಯಗಳು, ಉಳಿತಾಯ ಖಾತೆಗಳಿಗೆ ಆಟೋ ಡೆಬಿಟ್ಗಳು ಕೆಲವು ಪರಿಣಾಮಕಾರಿ ಸಾಧನಗಳಾಗಿವೆ.
ಮೇಲ್ವಿಚಾರಣೆ ಮತ್ತು ನಿಯಮಿತ ಪರಿಶೀಲನೆ
ಶಿಸ್ತು ಒಂದು ಬಾರಿಯ ಕಾರ್ಯವಲ್ಲ. ಇದಕ್ಕೆ ನಿರಂತರ ಬದ್ಧತೆಯ ಅಗತ್ಯವಿದೆ. ನಿಮ್ಮ ಆರ್ಥಿಕ ಯೋಜನೆಯ ಪ್ರಗತಿಯನ್ನು ನಿಯಮಿತವಾಗಿ ಪರಿಶೀಲಿಸುವುದು, ಆದಾಯದ ಬದಲಾವಣೆಗಳು, ಹೊಸ ಗುರಿಗಳು, ಅಥವಾ ಆರ್ಥಿಕ ಪರಿಸ್ಥಿತಿಗಳಿಗೆ ತಕ್ಕಂತೆ ಸರಿಹೊಂದಿಸಲು ಅನುವು ಮಾಡಿಕೊಡುತ್ತದೆ. ಇದು ಜವಾಬ್ದಾರಿಯನ್ನು ಮತ್ತು ಸಿದ್ಧತೆಯನ್ನು ಬಲಪಡಿಸುತ್ತದೆ.