ಊರಿನಲ್ಲಿದ್ದುಕೊಂಡು ಲಕ್ಷಾಧಿಪತಿ ಆಗಲು ಈ 5 ವ್ಯವಹಾರ ಆರಂಭಿಸಿ

ಊರಿನಲ್ಲಿ ಮಾಡಬಹುದಾದ ಒಂದು ಉತ್ತಮ ವ್ಯಾಪಾರ ಎಂದರೆ ತರಕಾರಿ ವ್ಯಾಪಾರ. ನಿಮಗೆ ಸ್ವಂತ ಜಮೀನಿದ್ದರೆ ವಿವಿಧ ತರಕಾರಿಗಳನ್ನು ಬೆಳೆದು ಅವುಗಳನ್ನು ಮಾರಾಟ ಮಾಡುವ ಮೂಲಕ ಲಾಭ ಗಳಿಸಬಹುದು. ಈ ವ್ಯಾಪಾರವನ್ನು ಇನ್ನಷ್ಟು ವೇಗವಾಗಿ ಅಭಿವೃದ್ಧಿಪಡಿಸಬೇಕೆಂದರೆ ಸಾವಯವ ವಿಧಾನಗಳಲ್ಲಿ ತರಕಾರಿಗಳನ್ನು ಬೆಳೆದರೆ ಉತ್ತಮ ಇಳುವರಿಯ ಜೊತೆಗೆ, ದುಪ್ಪಟ್ಟು ಆದಾಯ ಬರುತ್ತದೆ. ಈ ವ್ಯಾಪಾರ ಮಾಡಲು ಹೆಚ್ಚಿನ ಬಂಡವಾಳವೂ ಅಗತ್ಯವಿಲ್ಲ. ಸ್ವಂತ ಜಮೀನಿದ್ದರೆ ರೂ.50 ಸಾವಿರಕ್ಕಿಂತ ಕಡಿಮೆ ವೆಚ್ಚದಲ್ಲಿಯೇ ಈ ವ್ಯಾಪಾರ ಆರಂಭಿಸಬಹುದು. ಬಾಡಿಗೆಗೆ ಪಡೆದರೂ ಬಂಡವಾಳ ಅಷ್ಟಾಗಿ ಹೆಚ್ಚಾಗುವುದಿಲ್ಲ. ತರಕಾರಿ ವ್ಯಾಪಾರ ಚೆನ್ನಾಗಿ ನಡೆಯಬೇಕೆಂದರೆ ನೀವು ಬೆಳೆದ ತರಕಾರಿಗಳನ್ನು ನಗರಗಳಿಗೆ ತೆಗೆದುಕೊಂಡು ಹೋಗಿ ಮಾರಾಟ ಮಾಡುವುದು ಒಳ್ಳೆಯದು. ಇದರಿಂದ ನಿಮ್ಮ ಬೆಳೆಗೆ ಉತ್ತಮ ಬೆಲೆ ಸಿಗುವುದರ ಜೊತೆಗೆ, ಸರಕು ಕೂಡ ಬೇಗನೆ ಮಾರಾಟವಾಗುತ್ತದೆ.

ನಾಟಿ ಕೋಳಿಗಳ ವ್ಯಾಪಾರ ಯಾವ ಪ್ರದೇಶದಲ್ಲಾದರೂ ಚೆನ್ನಾಗಿ ನಡೆಯುವ ವ್ಯಾಪಾರ. ವಿಶೇಷವಾಗಿ ಹಳ್ಳಿಗಳಲ್ಲಿ ಕೋಳಿ ಸಾಕಣೆ ಮಾಡಲು ಯಾವುದೇ ತೊಂದರಗಳಿರುವುದಿಲ್ಲ. ಈ ವ್ಯಾಪಾರಕ್ಕಾಗಿ ನೀವು ಕನಿಷ್ಠ ರೂ.2 ಲಕ್ಷ ಬಂಡವಾಳ ಹೂಡಬೇಕಾಗುತ್ತದೆ. ಕೋಳಿಗಳನ್ನು ಬೆಳೆಸಿದ ನಂತರ ನಿಮ್ಮ ಊರಿನಲ್ಲಿ ಮಾತ್ರವಲ್ಲದೆ ಸುತ್ತಮುತ್ತಲಿನ ಹಳ್ಳಿಗಳು, ಪಟ್ಟಣಗಳಲ್ಲೂ ಮಾರಾಟ ಮಾಡಬಹುದು. ಅಷ್ಟೇ ಅಲ್ಲದೆ ನಗರಗಳಲ್ಲಿ ವ್ಯಾಪಾರಿಗಳೊಂದಿಗೆ ಒಪ್ಪಂದ ಮಾಡಿಕೊಂಡು ಅವರಿಗೆ ನೇರವಾಗಿ ಸಾಗಣೆ ಮಾಡುವ ಮೂಲಕ ನೀವು ಉತ್ತಮ ವ್ಯಾಪಾರ ಮಾಡಬಹುದು. ಈ ರೀತಿ ನೀವು ನಿಮ್ಮ ಸ್ವಂತ ಊರಿನಲ್ಲಿಯೇ ಇದ್ದು ನಿಮಗೆ ಸರಿಹೊಂದುವ ವ್ಯಾಪಾರ ಆರಂಭಿಸಿ ಯಶಸ್ಸು ಗಳಿಸಬಹುದು.

ಕೆಲವೊಂದು ಗ್ರಾಮಗಳಲ್ಲಿ ಎಲ್ಲಾ ವಸ್ತುಗಳು ಸಿಗುವುದಿಲ್ಲ. ಕೆಲವೊಮ್ಮೆ ಸಣ್ಣ ವಸ್ತುವಿಗಾಗಿ ಪಕ್ಕದೂರಿಗೆ ಹೋಗಬೇಕಾಗುತ್ತದೆ. ಅಂಗಡಿಗಳಿದ್ದರೂ ಎಲ್ಲಾ ರೀತಿ ವಸ್ತುಗಳು ಸಿಗುತ್ತಿರಲ್ಲ. ಹಾಗಾಗಿ ನಿಮ್ಮೂರಿನ ಜನರ ಅವಶ್ಯಕತೆಗಳನ್ನು ತಿಳಿದುಕೊಂಡು ಪ್ರಾವಿಸನ್ ಸ್ಟೋರ್ ಆರಂಭಿಸಬಹುದು. ನಿಮ್ಮ ಮನೆ ದೊಡ್ಡದಾಗಿದ್ದರೆ ಅಲ್ಲಿಂದಲೇ ವ್ಯಾಪಾರ ಆರಂಭಿಸಬಹುದು. ನಂತರ ಹಂತ ಹಂತವಾಗಿ ವ್ಯಾಪಾರವನ್ನು ವಿಸ್ತರಿಸಿಕೊಳ್ಳಬಹುದು. ಈ ವ್ಯಾಪಾರದಿಂದ ದಿನನಿತ್ಯ ವಹಿವಾಟು ನಡೆಯೋದರಿಂದ ಒಳ್ಳೆಯ ಆದಾಯವನ್ನು ನಿರೀಕ್ಷೆ ಮಾಡಬಹುದಾಗಿದೆ. 

ಇಂದು ಎಲ್ಲಾ ಊರುಗಳಲ್ಲಿ ಬೇಕರಿ ಆಹಾರಗಳಿಗೆ ಬೇಡಿಕೆ ಹೆಚ್ಚಾಗಿರುತ್ತದೆ. ಬೇಕರಿ ಪದಾರ್ಥಗಳನ್ನು ತಯಾರಿಸುವ ತರಬೇತಿ ಪಡೆದುಕೊಂಡು ನೀವಿರುವ ಸ್ಥಳದಲ್ಲಿಯೇ ಅಂಗಡಿ ಆರಂಭಿಸಬಹುದು. ಬ್ರೆಡ್, ಕೇಕ್ ಸೇರಿದಂತೆ ವಿವಿಧ ಆಹಾರಗಳನ್ನು ರುಚಿಯಾಗಿ ತಯಾರಿಸಬೇಕಾಗುತ್ತದೆ. ಒಮ್ಮೆ ನಿಮ್ಮ ಬೇಕರಿಯ ರುಚಿಗೆ ಗ್ರಾಹಕರು ಫಿದಾ ಆದ್ರೆ ಅವರೇ ನಿಮ್ಮಂಗಡಿಗೆ ಹೊಸ ಗ್ರಾಹಕರನ್ನು ಕರೆದುಕೊಂಡು ಬರುತ್ತಾರೆ. 

ಗ್ರಾಮದ ಶಾಲೆಗಳ ಮುಂದೆ ಬುಕ್ ಸೆಂಟರ್ ಆರಂಭಿಸುವ ಮೂಲಕ ವ್ಯವಹಾರ ಆರಂಭಿಸಬಹುದು. ಶಾಲೆಯ ಮಕ್ಕಳಿಗೆ ಬೇಕಾಗುವಂತಹ ಪುಸ್ತಕ, ಪೆನ್, ಪೇಪರ್ ಸಂಬಂಧಿಸಿದ ವಸ್ತುಗಳಿಗೆ ಸದಾ ಬೇಡಿಕೆ ಇರುತ್ತದೆ. ಇದರ ಜೊತೆಯಲ್ಲಿ ಝೆರಾಕ್ಸ್ ಯಂತ್ರ ಇರಿಸಿಕೊಂಡರೂ ಇದು ಮಗದೊಂದು ಆದಾಯದ ಮಾರ್ಗವಾಗಿದೆ.