OnePlus India Event: ಭಾರತದಲ್ಲಿಂದು OnePlus 10R ಸೇರಿ ಹಲವು ಸಾಧನಗಳ ಲಾಂಚ್: ಲೈವ್ ವೀಕ್ಷಿಸುವುದು ಹೇಗೆ?
OnePlus 10R ಬಿಡುಗಡೆಯೊಂದಿಗೆ ಕಂಪನಿಯು ಈ ವರ್ಷಕ್ಕೆ ತನ್ನ ಪ್ರೀಮಿಯಂ ಪೋರ್ಟ್‌ಫೋಲಿಯೊವನ್ನು ಮತ್ತೊಂದು ಸ್ಮಾರ್ಟ್‌ಫೋನ್‌ನೊಂದಿಗೆ ವಿಸ್ತರಿಸಲು ಸಿದ್ಧವಾಗಿದೆ
OnePlus India Event: ಒನ್‌ಪ್ಲಸ್ ಇತ್ತೀಚೆಗೆ ಕಂಪನಿಯ 2022ರ ಮೊದಲ ಪ್ಲ್ಯಾಗ್‌ಶಿಪ್ ಸ್ಮಾರ್ಟ್‌ಫೋ OnePlus 10 Pro ಭಾರತದಲ್ಲಿ ಬಿಡುಗಡೆ ಮಾಡಿದೆ. ಈಗ OnePlus 10R ಬಿಡುಗಡೆಯೊಂದಿಗೆ ಕಂಪನಿಯು ಈ ವರ್ಷಕ್ಕೆ ತನ್ನ ಪ್ರೀಮಿಯಂ ಪೋರ್ಟ್‌ಫೋಲಿಯೊವನ್ನು ಮತ್ತೊಂದು ಸ್ಮಾರ್ಟ್‌ಫೋನ್‌ನೊಂದಿಗೆ ವಿಸ್ತರಿಸಲು ಸಿದ್ಧವಾಗಿದೆ. ಇದಲ್ಲದೆ, ಕಂಪನಿಯು ಇದೇ ಸಮಾರಂಭದಲ್ಲಿ OnePlus Nord CE 2 Lite 5G ಮತ್ತು OnePlus Nord Buds ಸಹ ಬಿಡುಗಡೆ ಮಾಡಲಿದೆ. ಒನ್‌ಪ್ಲಸ್ ಇಂದು (ಏಪ್ರಿಲ್ 28) ಸಂಜೆ 7 ಗಂಟೆಗೆ 'ಮೋರ್ ಪವರ್ ಟು ಯು' ಬಿಡುಗಡೆ ಕಾರ್ಯಕ್ರಮವನ್ನು ಆಯೋಜಿಸಲಿದೆ. ಈವೆಂಟನ್ನು ಕಂಪನಿಯ ಅಧಿಕೃತ ವೆಬ್‌ಸೈಟ್ ಮತ್ತು ಯೂಟ್ಯೂಬ್ ಚಾನೆಲ್‌ನಲ್ಲಿ ಲೈವ್-ಸ್ಟ್ರೀಮ್ ಮಾಡಲಾಗುತ್ತದೆ.
ಎಲ್ಲಾ ಸಾಧನಗಳು ಎರಡು ವಿಭಿನ್ನ ಬಣ್ಣ ಆಯ್ಕೆಗಳಲ್ಲಿ ಲಭ್ಯವಿರಬಹುದು ಹಾಗೂ ಮುಂಬರುವ ಎರಡೂ ಸ್ಮಾರ್ಟ್‌ಫೋನ್‌ಗಳು ಎರಡು ವಿಭಿನ್ನ RAM ಮತ್ತು ಸ್ಟೋರೇಜ್ ರೂಪಾಂತರಗಳನ್ನು ಹೊಂದುವ ನಿರೀಕ್ಷೆಯಿದೆ ಎಂದು ವರದಿಗಳು ಸೂಚಿಸಿವೆ. OnePlus 10R ಮೀಡಿಯಾ ಟೆಕ್ ಪ್ರೊಸೆಸರ್ ಹೊಂದಿರಬಹುದು ಹಾಗೂ OnePlus Nord CE 2 Lite 5G ಸ್ನಾಪ್‌ಡ್ರಾಗನ್ ಚಿಪ್‌ಸೆಟ್‌ನೊಂದಿಗೆ ಬಿಡುಗಡೆಯಾಗುವ ನಿರೀಕ್ಷೆಯಿದೆ.
OnePlus 10R ನಿರೀಕ್ಷಿತ ಬೆಲೆ ಮತ್ತು ಲಭ್ಯತೆ: ಮೊದಲೇ ಹೇಳಿದಂತೆ, OnePlus 10R ಸ್ಮಾರ್ಟ್‌ಫೋನ್ ಎರಡು ರ‍್ಯಾಮ್ ಮತ್ತು ಸ್ಟೋರೇಜ್ ರೂಪಾಂತರಗಳೊಂದಿಗೆ ಹೊರಬರಲಿದೆ. 8GB RAM ಮತ್ತು 128GB ಸ್ಟೋರೇಜ್ ಹೊಂದಿರುವ ಬೇಸ್ ಮಾಡೆಲ್, 80W ಫಾಸ್ಟ್ ಚಾರ್ಜಿಂಗ್ ಬೆಂಬಲದೊಂದಿಗೆ ಬಿಡುಗಡೆಯಾಗುವ ಸಾಧ್ಯತೆದ್ದು ರೂ 40,000 ಕ್ಕಿಂತ ಕಡಿಮೆ ಬೆಲೆಯ ನಿರೀಕ್ಷೆಯಿದೆ.
ಇನ್ನು 150W ಫಾಸ್ಟ್ ಚಾರ್ಜಿಂಗನ್ನು ಬೆಂಬಲಿಸುವ 12GB RAM ಮತ್ತು 256GB ಸ್ಟೋರೇಜ್ ಹೊಂದಿರುವ ಟಾಪ್ ಮಾಡೆಲ್ ಬೆಲೆ ರೂ 45,000 ಕ್ಕಿಂತ ಕಡಿಮೆ ಇರಬಹುದು. ಸಾಧನವು ಎರಡು ಬಣ್ಣ ಆಯ್ಕೆಗಳಲ್ಲಿ ಬರಬಹುದು -- ಕಪ್ಪು ಮತ್ತು ಹಸಿರು. ಸ್ಮಾರ್ಟ್‌ಫೋನ್ ಅಮೆಝಾನ್, ಫ್ಲಿಪ್‌ಕಾರ್ಟ್ ಮತ್ತು ಕಂಪನಿಯ ಅಧಿಕೃತ ವೆಬ್ಸೈಟ್ನಲ್ಲಿ ಮಾರಾಟಕ್ಕೆ ಲಭ್ಯವಿರಲಿದೆ.
OnePlus Nord CE 2 Lite 5G ನಿರೀಕ್ಷಿತ ಬೆಲೆ ಮತ್ತು ಲಭ್ಯತೆ: OnePlus Nord CE 2 Lite 5G ಎರಡು ವಿಭಿನ್ನ ರ‍್ಯಾಮ್ ಮತ್ತು ಶೇಖರಣಾ ಆವೃತ್ತಿಗಳಲ್ಲಿ ಹೊರಬರುವ ನಿರೀಕ್ಷೆಯಿದೆ. 6GB RAM ಮತ್ತು 128GB ಸಂಗ್ರಹಣೆಯೊಂದಿಗೆ ಮುಂಬರುವ ಫೋನ್‌ನ ಮೂಲ ಮಾದರಿಯು ರೂ 19,999 ಆಗಿರುತ್ತದೆ ಎಂದು ವರದಿಗಳು ತಿಳಿಸಿವೆ.
ಇದನ್ನೂ ಓದಿ: 108MP ಕ್ಯಾಮೆರಾದೊಂದಿಗೆ Samsung Galaxy M53 5G ಭಾರತದಲ್ಲಿ ಲಾಂಚ್: OnePlus Nord CE 2ಗೆ ಟಕ್ಕರ್‌
ಇನ್ನು 8GB RAM ಮತ್ತು 128GB ಸಂಗ್ರಹಣೆಯೊಂದಿಗೆ ಟಾಪ್ ರೂಪಾಂತರವು ರೂ 21,999 ಕ್ಕೆ ಮಾರಾಟವಾಗುವ ಸಾಧ್ಯತೆಯಿದೆ. ಈ ಸ್ಮಾರ್ಟ್‌ಫೋನ್ ಎರಡು ಬಣ್ಣ ರೂಪಾಂತರಗಳನ್ನು ಹೊಂದಿರುತ್ತದೆ -- ನೀಲಿ ಮತ್ತು ಕಪ್ಪು ಮತ್ತು ಪ್ರಮುಖ ಇ-ಕಾಮರ್ಸ್ ಸೈಟ್‌ಗಳು ಮತ್ತು ಕಂಪನಿಯ ವೆಬ್ಸೈಟ್ನಲ್ಲಿ ಲಭ್ಯವಿರುತ್ತದೆ.
OnePlus Nord Buds ನಿರೀಕ್ಷಿತ ಬೆಲೆ ಮತ್ತು ಲಭ್ಯತೆ: OnePlus Nord Buds TWS ಇಯರ್ಬಡ್ ಸುಮಾರು 2,999 ಬೆಲೆಯಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ ಮತ್ತು ಕಪ್ಪು ಮತ್ತು ಬಿಳಿ ಬಣ್ಣದ ರೂಪಾಂತರಗಳಲ್ಲಿ ಹೊರಬರಬಹುದು.
OnePlus 10R ನಿರೀಕ್ಷಿತ ಫೀಚರ್ಸ್: OnePlus 10R ಸ್ಮಾರ್ಟ್‌ಫೋನ್ Realme GT Neo 3 ಗೆ ಹೋಲುವ ವಿನ್ಯಾಸವನ್ನು ಹೊಂದಿದೆ ಎಂದು ವದಂತಿಗಳಿವೆ. ಡಿಸ್‌ಪ್ಲೇಯು ತೆಳುವಾದ ಬೆಜೆಲ್‌ಗಳನ್ನು ಹೊಂದಿದ್ದು ಮೇಲ್ಭಾಗದಲ್ಲಿ ಪಂಚ್-ಹೋಲ್ ಕಟೌಟ್‌ನಲ್ಲಿ ಸೆಲ್ಫಿ ಕ್ಯಾಮೆರಾವನ್ನು ನೀಡಲಾಗಿದೆ. ಸಾಧನವು ಹಿಂಭಾಗದಲ್ಲಿ ಚೌಕಾಕಾರದ ವಿನ್ಯಾಸ ಹೊಂದಿದ್ದು ಟ್ರಿಪಲ್ ಕ್ಯಾಮೆರಾ ಸೆಟಪ್ ಮತ್ತು ಎಲ್ಇಡಿ ಫ್ಲ್ಯಾಷ್ ಹೊಂದಿರುತ್ತದೆ.
ಮುಂಬರುವ ಸ್ಮಾರ್ಟ್‌ಫೋನ್ 6.7-ಇಂಚಿನ E4 AMOLED FHD+ ಡಿಸ್‌ಪ್ಲೇಯನ್ನು ಹೊಂದಿದ್ದು ಅದು HDR10+ ಮತ್ತು 120Hz ರಿಫ್ರೆಶ್ ದರವನ್ನು ಬೆಂಬಲಿಸುತ್ತದೆ. OnePlus 10R ಹ್ಯಾಂಡ್‌ಸೆಟ್ MediaTek ಡೈಮೆನ್ಸಿಟಿ 8100-MAX ಚಿಪ್‌ಸೆಟ್‌ನಿಂದ ಚಾಲಿತವಾಗಲಿದೆ ಎಂದು ಕಂಪನಿ ದೃಢಪಡಿಸಿದೆ.
ಇದನ್ನೂ ಓದಿ: OnePlus 10 Pro Review: ಸುಧಾರಿತ ಕ್ಯಾಮೆರಾ, ವೇಗದ ಕಾರ್ಯಕ್ಷಮತೆ, ಆದರೆ ನಿರಾಶಾದಾಯಕ ವಿನ್ಯಾಸ?
ಮೇಲೆ ಹೇಳಿದಂತೆ, ಸಾಧನವು ಟ್ರಿಪಲ್ ರಿಯರ್ ಕ್ಯಾಮೆರಾ ಸೆಟಪ್ ಒಳಗೊಂಡಿರುತ್ತದೆ -- 50MP ಪ್ರಾಥಮಿಕ ಕ್ಯಾಮೆರಾ, 8MP ಅಲ್ಟ್ರಾ-ವೈಡ್ ಲೆನ್ಸ್ ಮತ್ತು 2MP ಮ್ಯಾಕ್ರೋ ಸ್ನ್ಯಾಪರ್ ಅನ್ನು ಒಳಗೊಂಡಿರುತ್ತದೆ. ಇದಲ್ಲದೆ, ಫೋನ್ ಸೆಲ್ಫಿಗಳು ಮತ್ತು ವೀಡಿಯೊ ಕರೆಗಳಿಗಾಗಿ 16MP ಫ್ರಂಟ್ ಶೂಟರ್ ಅನ್ನು ಸಹ ಹೊಂದಿದೆ.
ಸ್ಮಾರ್ಟ್‌ಫೋನ್‌ನ ಉನ್ನತ ರೂಪಾಂತರವು 4,500mAh ಬ್ಯಾಟರಿ ಘಟಕವನ್ನು ಪ್ಯಾಕ್ ಮಾಡುತ್ತದೆ ಅದು 150W ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ, ಆದರೆ ಮೂಲ ಮಾದರಿಯು 5,000mAh ಬ್ಯಾಟರಿಯೊಂದಿಗೆ ರವಾನೆಯಾಗುತ್ತದೆ ಮತ್ತು 80W ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ. OnePlus 10R Android 12 ಅನ್ನು ಆಧರಿಸಿ OxygenOS 12 ನಲ್ಲಿ ರನ್ ಆಗುತ್ತದೆ.
OnePlus Nord CE 2 Lite 5G ನಿರೀಕ್ಷಿತ ಫೀಚರ್ಸ್: OnePlus Nord CE 2 Lite 5G ಸ್ಮಾರ್ಟ್‌ಫೋನ್ 120Hz ರಿಫ್ರೆಶ್ ದರವನ್ನು ಬೆಂಬಲಿಸುವ 6.58-ಇಂಚಿನ Full-HD+ ಡಿಸ್‌ಪ್ಲೇಯನ್ನು ಹೊಂದುವ ನಿರೀಕ್ಷೆಯಿದೆ. ಸ್ಮಾರ್ಟ್‌ಫೋನ್ ಕ್ವಾಲ್ಕಾಮ್ ಸ್ನಾಪ್‌ಡ್ರಾಗನ್ 695 5G ಪ್ರೊಸೆಸರ್ ಜೊತೆಗೆ 8GB RAM ಮತ್ತು 128GB ಸ್ಟೋರೇಜ್‌ನಿಂದ ಚಾಲಿತವಾಗುತ್ತದೆ.
ಮುಂಬರುವ ಹ್ಯಾಂಡ್‌ಸೆಟ್ ಟ್ರಿಪಲ್ ಹಿಂಬದಿಯ ಕ್ಯಾಮೆರಾ ಸೆಟಪ ಸಹ ಒಳಗೊಂಡಿದ್ದು 64MP ಪ್ರಾಥಮಿಕ ಕ್ಯಾಮೆರಾ, 2MP ಮ್ಯಾಕ್ರೋ ಲೆನ್ಸ್ ಮತ್ತು 2MP ಮೊನೊ ಸೆನ್ಸಾರ್ ಒಳಗೊಂಡಿರುತ್ತದೆ. ಸೆಲ್ಫಿಗಳು ಮತ್ತು ವೀಡಿಯೊ ಕರೆಗಳಿಗಾಗಿ 16MP ಶೂಟರ್ ಹೊಂದಿರುತ್ತದೆ.
OnePlus Nord CE 2 Lite 5G 5000mAh ಬ್ಯಾಟರಿ ಪ್ಯಾಕ್ ಮಾಡಬಹುದು. ಅದು 33W ವೇಗದ ಚಾರ್ಜಿಂಗ್ ಬೆಂಬಲಿಸುತ್ತದೆ. ಆಂಡ್ರಾಯ್ಡ್ 11 ಆಧಾರಿತ ಆಕ್ಸಿಜನ್ ಓಎಸ್‌ನಲ್ಲಿ ಹ್ಯಾಂಡ್‌ಸೆಟ್ ಕಾರ್ಯನಿರ್ವಹಿಸುವ ನಿರೀಕ್ಷೆಯಿದೆ.
OnePlus Nord Buds ನಿರೀಕ್ಷಿತ ಫಿಚರ್ಸ್: OnePlus ನಾರ್ಡ್ ಬಡ್ಸ್ TWS ಇಯರ್‌ಬಡ್‌ಗಳು 12.4mm ಡ್ಯುಯಲ್ ಡ್ರೈವರ್‌ಗಳನ್ನು ಒಳಗೊಂಡಿರುವ ನಿರೀಕ್ಷೆಯಿದೆ ಮತ್ತು ಬ್ಲೂಟೂತ್ 5.2 ಕನೆಕ್ಟಿವಿಟಿ ಬೆಂಬಲಿಸುತ್ತದೆ. ಪ್ರತಿ ಇಯರ್ಬಡ್ 41 mAh ಬ್ಯಾಟರಿ ಯೂನಿಟ್ ಪ್ಯಾಕ್ ಮಾಡವ ನಿರೀಕ್ಷೆಯಿದೆ ಮತ್ತು ಕೇಸ್ 480mAh ಬ್ಯಾಟರಿ ಯೂನಿಟ್ ಪ್ಯಾಕ್ ಮಾಡುತ್ತದೆ.
TWS ಇಯರ್‌ಬಡ್‌ಗಳು 30 ಗಂಟೆಗಳ ಬ್ಯಾಟರಿ ಅವಧಿಯನ್ನು ಹೊಂದಿರುತ್ತದೆ ಎಂದು ವದಂತಿಗಳು ಸೂಚಿಸುತ್ತವೆ. ಇದಲ್ಲದೆ, ಪ್ರತಿ ಇಯರ್ಬಡ್ ಸುಮಾರು ಏಳು ಗಂಟೆಗಳ ಬ್ಯಾಟರಿ ಅವಧಿಯನ್ನು ನೀಡುತ್ತದೆ ಮತ್ತು 10-ನಿಮಿಷದ ಚಾರ್ಜ್ ಸಹ ಐದು ಗಂಟೆಗಳವರೆಗೆ ಆಲಿಸುವ ಸಮಯವನ್ನು ನೀಡುತ್ತದೆ ಎಂದು ವರದಿ ಸೂಚಿಸಿವೆ.
OnePlus Nord Buds ಧೂಳು ಮತ್ತು ಜಲ-ನಿರೋಧಕ್ಕಾಗಿ IP55 ರೇಟಿಂಗ್‌ ಹೊಂದಿದ್ದು ಸಕ್ರಿಯ ಶಬ್ದ ರದ್ದತಿಯನ್ನು (ANC) ಬೆಂಬಲಿಸಬಹುದು. ಇಯರ್‌ಬಡ್‌ಗಳು ಗೇಮಿಂಗ್‌ಗಾಗಿ 94ms ಲೋ ಲೇಟೆನ್ಸಿ ಮೋಡ್ ಬೆಂಬಲ ಮತ್ತು ಡಾಲ್ಬಿ ಅಟ್ಮಾಸ್‌ಗೆ ಬೆಂಬಲವನ್ನು ನೀಡುತ್ತದೆ.
