Asianet Suvarna News Asianet Suvarna News

1,19,000 ರೂ. ಬೆಲೆಯ ಲೆನೆವೋ ಯೋಗಾ ಸ್ಲಿಮ್ 7ಐ ಕಾರ್ಬನ್ ಲ್ಯಾಪ್‌ಟ್ಯಾಪ್ ಬಿಡುಗಡೆ

ಲ್ಯಾಪ್‌ಟ್ಯಾಪ್ ಮತ್ತು ಸ್ಮಾರ್ಟ್‌ಫೋನ್‌ ತಯಾರಿಕೆಯಲ್ಲಿ ನೈಪುಣ್ಯತೆಯನ್ನು ಸಾಧಿಸಿರುವ ಚೀನಾ ಮೂಲದ ಲೆನೆವೋ ಭಾರತೀಯ ಮಾರುಕಟ್ಟೆಗೆ ಮತ್ತೊಂದು ಹೊಸ ಲ್ಯಾಪ್ ಟ್ಯಾಪ್ ಬಿಡುಗಡೆ ಮಾಡಿದೆ. ಲೆನೆವೋ ಯೋಗಾ ಸ್ಲಿಮ್ 7ಐ ಕಾರ್ಬನ್ ಹೆಸರಿನ ಈ ಲ್ಯಾಪ್ ಟ್ಯಾಪ್ ಬೆಲೆ ಬರೋಬ್ಬರಿ 1,19,000 ರೂಪಾಯಿಯಾಗಿದೆ. ಇದೊಂದು ಪ್ರೀಮಿಯಂ ಲ್ಯಾಪ್ ಟ್ಯಾಪ್ ಆಗಿದೆ.

Lenovo Yoga Slim 7i Carbon Laptop launched in India
Author
Bengaluru, First Published Mar 24, 2021, 4:15 PM IST

ಕಳೆದ ವರ್ಷ ಅಕ್ಟೋಬರ್‌ನಲ್ಲಿ ಜಾಗತಿಕವಾಗಿ ಬಿಡುಗಡೆ ಕಂಡಿದ್ದ ಲೆನೆವೋ ಯೋಗಾ ಸ್ಲಿಮ್ 7ಐ ಕಾರ್ಬನ್ ಲ್ಯಾಪ್‌ ಟ್ಯಾಪ್ ಇದೀಗ  ಭಾರತೀಯ ಮಾರುಕಟ್ಟೆಗೆ  ಬಿಡುಗಡೆಯಾಗಿದೆ. ಈ ಲ್ಯಾಪ್ ‌ಟ್ಯಾಪ್ ಬೆಲೆ 1,19,000 ರೂಪಾಯಿ ಆಗಿರಲಿದೆ.

ಭಾರತಕ್ಕೆ ಲಗ್ಗೆ ಇಟ್ಟ ಸ್ಯಾಮ್ಸಂಗ್ ಗ್ಯಾಲಕ್ಸಿ ಎ52, ಎ72 ಸ್ಮಾರ್ಟ್‌ಫೋನ್

ಚೀನಾ ಮೂಲದ ಲೆನೆವೋ ಕಂಪನಿಯ ಈ ಯೋಗಾ ಸ್ಲಿಮ್ 7ಐ ಕಾರ್ಬನ್ ಲ್ಯಾಪ್‌ ಟ್ಯಾಪ್‌ನಲ್ಲಿ 11ನೇ ಜೆನ್ ಇಂಟೆಲ್ ಟೈಗರ್ ಲೇಕ್ ಸಿಪಿಯು ಇದ್ದು, ಈಗಾಗಲೇ ಲ್ಯಾಪ್ ಟ್ಯಾಪ್ ಆಸ್ಟ್ರೇಲಿಯಾ, ಹಾಂಕಾಂಗ್, ಸಿಂಗಾಪುರ ಸೇರಿದಂತೆ ಹಲವು ದೇಶಗಳಲ್ಲಿ ಬಿಡುಗಡೆ ಕಂಡು ಉತ್ತಮ ಪ್ರತಿಕ್ರಿಯೆ ಪಡೆದುಕೊಂಡಿದೆ. ಇದೀಗ ಕಂಪನಿ ಈ ಲೆನೆವೋ ಯೋಗಾ ಸ್ಲಿಮ್ 7ಐ ಕಾರ್ಬನ್ ಲ್ಯಾಪ್ ಟ್ಯಾಪ್ ಅನ್ನು ಭಾರತದಲ್ಲಿ ಲಾಂಚ್ ಮಾಡಿದೆ.

ಈ ಲೆನೆವೋ ಯೋಗಾ ಸ್ಲಿಮ್ 7ಐ ಕಾರ್ಬನ್ ಲ್ಯಾಪ್‌ಟ್ಯಾಪ್ 13 ಇಂಚ್ ಕ್ಯೂಎಚ್‌ಡಿ ಡಿಸ್‌ಪ್ಲೇ ಒಳಗೊಂಡಿದೆ. ಈ ಡಿಸ್‌ಪ್ಲೇ 16:10 ರೇಷಿಯೋ ಮತ್ತು ಅಕ್ಯೂರೇಟ್ ಕಲರ್‌ ಫೀಚರ್‌ಗಳನ್ನು ಹೊಂದಿದೆ. ಕಂಪನಿಯು ಈ ಲೆನೆವೋ ಯೋಗಾ ಸ್ಲಿಮ್ ಕಾರ್ಬನ್ ಲ್ಯಾಪ್‌ಟ್ಯಾಪ್ ಅನ್ನು ಗ್ರಾಹಕರಿಗೆ ಎರಡು ಸಿಪಿಯು ಆಯ್ಕೆಗಳಲ್ಲಿ ಅಂದರೆ, 11ನೇ ಜೆನ್ ಕೋರ್ ಐ5 ಮತ್ತು 11ನೇ ಜೆನ್ ಕೋರ್ ಐ7 ಸಿಪಿಯು ಆಯ್ಕೆಗಳಲ್ಲಿ ಮಾರಾಟ ಮಾಡಲಿದೆ.

Lenovo Yoga Slim 7i Carbon Laptop launched in India

ಭಾರತದಲ್ಲಿ ಕಂಪನಿ ಈ ಲ್ಯಾಪ್ ಟ್ಯಾಪ್ ಅನ್ನು 1,19,000 ರೂಪಾಯಿಗೆ ಮಾರಾಟ ಮಾಡುತ್ತಿದೆ. ಮೂನ್ ವೈಟ್ ಬಣ್ಣದ ಆಯ್ಕೆಯಲ್ಲಿ ಈ ಲ್ಯಾಪ್ ಟ್ಯಾಪ್ ಸಿಗಲಿದೆ. ಜೊತೆಗೆ ಮಾರ್ಚ್ 25ರಿಂದ www.lenovo.com ವೆಬ್‌ಸೈಟ್‌ನಲ್ಲಿ ಮಾರಾಟಕ್ಕೆ ಸಿಗಲಿದೆ. ಅಷ್ಟು ಮಾತ್ರವಲ್ಲದೇ, ಲೆನೆವೋ ಎಕ್ಸ್‌ಕ್ಲೂಸಿವ್ ಸ್ಟೋರ್ಸ್ ಸೇರಿದಂತೆ ಇತರ ವೇದಿಕೆಗಳಲ್ಲೂ ಮಾರಾಟ ಕಾಣಲಿದೆ.

ಮೈಕ್ರೋಮ್ಯಾಕ್ಸ್ ಇನ್ 1 ಸ್ಮಾರ್ಟ್‌ಫೋನ್ ಬಿಡುಗಡೆ, ಬೆಲೆ ತುಂಬಾ ಕಡಿಮೆ!

ಲೆನೆವೋ ಕಂಪನಿಯ ಯೋಗಾ ಸ್ಲಿಮ್ ಕಾರ್ಬನ್ 7ಐ ಲ್ಯಾಪ್ ಟ್ಯಾಪ್ ವಿಂಡೋಸ್ 10 ಹೋಮ್ ಓಎಸ್ ಆಧರಿತವಾಗಿದೆ. ಈ ಮೊದಲೇ ಹೇಳಿದಂತೆ 13 ಇಂಚಿನ್ ಡಿಸ್‌ಪ್ಲೇ ಇದ್ದು, ಡಾಲ್ಬಿ ವಿಷನ್ ಸಪೋರ್ಟ್, TUV Rheinland ಸರ್ಟಿಫಿಕೇಷನ್ ಫೀಚರ್‌ಗಳಿವೆ. ಲೆನೊವೊ ಎನ್‌ಟಿಎಸ್‌ಸಿಯ 72 ಪ್ರತಿಶತ ಮತ್ತು ಎಸ್‌ಆರ್‌ಜಿಬಿ ಬಣ್ಣದ ಹರವುಗಳ 100 ಪ್ರತಿಶತ ವ್ಯಾಪ್ತಿಯನ್ನು ಹೊಂದಿದೆ. 11ನೇ ಜೆನ್ Intel Core i7-1165G7 GPU  ಮತ್ತು ಇಂಟೆಲ್ ಐರಿಶ್ ಎಕ್ಸ್ಇ ಗ್ರಾಫಿಕ್ಸ್‌ನೊಂದಿಗೆ ಈ ಲ್ಯಾಪ್ ಟ್ಯಾಪ್ ಬರುತ್ತದೆ. ಹಾಗಾಗಿ ನೀವು 16 ಜಿಬಿ ರ್ಯಾಮ್ ಮತ್ತು 1 ಟಿಬಿವರೆಗೂ ಸ್ಟೋರೇಜ್ ಪಡೆದುಕೊಳ್ಳಬಹುದು.

ಇನ್ನು ಲೆನೆವೋ ಯೋಗಾ ಸ್ಲಿಮ್ 7ಐ ಕಾರ್ಬನ್ ಲ್ಯಾಪ್ ಟ್ಯಾಪ್‌ನ ಕನೆಕ್ಟಿವಿಟಿ ಬಗ್ಗೆ ಹೇಳುವುದಾದರೆ, ಈ ಲ್ಯಾಪ್‌ಟ್ಯಾಪ್, ಇಂಟೆಲ್ 2x2 802.11ax Wi-Fi 6 ಒಳಗೊಂಡಿದೆ. ಜೊತೆಗೆ, ಬ್ಲೂಟೂಥ್ 5.9, ಎರಡು ಯುಎಸ್‌ಬಿ ಟೈಪ್-ಸಿ ಥಂಡರ್‌ಬೋಲ್ಟ್ ನಾಲ್ಕು  ಪೋರ್ಟ್‌ಗಳು, ಯುಎಸ್‌ಬಿ ಟೈಪ್-ಸಿ 3.0 ಜೆನ್ ಒಂದು ಪೋರ್ಟ್, ಆಡಿಯೋ ಜಾಕ್ ಕೂಡ ಸಿಗಲಿದೆ. ಡಾಲ್ಬಿ ಆಠ್ಮೋಸ್ ಸಪೋರ್ಟ್‍ನೊಂದಿಗೆ 2 ವ್ಯಾಟಿನ ರ್ಮನ್ ಕರ್ದಾನ್ ಸ್ಪೀಕರ್‌ಗಳು ಸಿಗಲಿವೆ. ಹಾಗೆಯೇ ಎರಡು ಡಿಜಿಟಲ್ ಮೈಕ್‌ಗಳೂ ಇವೆ. ಇನ್ನು 1080ಪಿ ವಿಡಿಯೋ ಪ್ಲೇ ಬ್ಯಾಕ್, 15 ಗಂಟೆಗಳ ಕಾಲ ಬಾಳಕೆ ಬಾರುವ ಬ್ಯಾಟರಿ ಕೂಡ ಈ ಲ್ಯಾಪ್‌ ಟ್ಯಾಪ್‌ನಲ್ಲಿದೆ.

ವಾಯ್ಸ್ ಕಮಾಂಡ್‌ಗೆ ಸಂಬಂಧಿಸಿದಂತೆ ಈ ಹೊಸ ಲೆನೆವೋ ಯೋಗಾ ಸ್ಲಿಮ್ 7ಐ ಕಾರ್ಬನ್ ಲ್ಯಾಪ್‌ಟ್ಯಾಪ್‌ನಲ್ಲಿ ಕೋರ್ಟನಾ ಮತ್ತು ಅಲೆಕ್ಸಾಗಳನ್ನು ಎನೆಬಲ್ ಮಾಡಲಾಗಿದೆ. ಹಾಗೆಯೇ, ಸ್ಕ್ರೀನ್ ಅನ್ನು 180 ಡಿಗ್ರಿ ಕೋನ್‌ಗಳಲ್ಲಿ ಬದಲಿಸಲು ಅವಕಾಶ ಕಲ್ಪಿಸಿಕೊಡಲಾಗುತ್ತದೆ. ಈ ಲ್ಯಾಪ್ ಟ್ಯಾಪ್ ಅಂದಾಜು 966 ಗ್ರಾಮ್ ತೂಗುತ್ತದೆ.

ಮಾರುಕಟ್ಟೆಗೆ ಲಗ್ಗೆ ಇಟ್ಟ ರೆಡ್‌ಮಿ ಸ್ಮಾರ್ಟ್ ಟಿವಿಗಳು

ಈ ಲ್ಯಾಪ್‌ಟ್ಯಾಪ್‌ನ ಎಲ್ಲ ಫೀಚರ್‌ಗಳನ್ನು ಮತ್ತು ತಾಂತ್ರಿಕತೆಯನ್ನು ಗಮನಿಸಿದರೆ ಇದೊಂದು ಪ್ರೀಮಿಯಂ ಲ್ಯಾಪ್‌ಟ್ಯಾಪ್ ಎಂಬುದು ಮನದಟ್ಟಾಗುತ್ತದೆ.

Follow Us:
Download App:
  • android
  • ios