Asianet Suvarna News Asianet Suvarna News

Huawei Smart Glasses: ಬೆನ್ನುಮೂಳೆ ಸಮಸ್ಯೆಯಿದ್ದರೆ ಎಚ್ಚರಿಸೋ ಕನ್ನಡಕವಿದು!

ಹುವಾಯ್‌ ಸ್ಮಾರ್ಟ್‌ ಗ್ಲಾಸ್  ಬೆನ್ನುಮೂಳೆಯ ಆರೋಗ್ಯವನ್ನು ಪರಿಶೀಲಿಸುವ ವೈಶಿಷ್ಟ್ಯ  ಸಹ ಒಳಗೊಂಡಿದ್ದು, ಇದರಲ್ಲಿರುವ ಸೆನ್ಸರ್‌ಗಳು ನಿರಂತರವಾಗಿ ದೇಹದ ಭಂಗಿಯನ್ನು ಪರಿಶೀಲಿಸುತ್ತವೆ.

Huawei launches new smart glasses powered by Harmony OS in China mnj
Author
Bengaluru, First Published Dec 27, 2021, 10:23 AM IST
  • Facebook
  • Twitter
  • Whatsapp

Tech Desk: ತಮ್ಮ ಹಾರ್ಮನಿ OS ನಿಂದ ನಡೆಸಲ್ಪಡುವ ಹೊಸ ಜೋಡಿ ಸ್ಮಾರ್ಟ್ ಗ್ಲಾಸ್‌ಗಳನ್ನು (Smart Glass) ಹುವಾಯ್ ಚೀನಾದಲ್ಲಿ ಬಿಡುಗಡೆ ಮಾಡಿದೆ. ವಿನ್ಯಾಸವು ಡಿಟ್ಯಾಚೇಬಲ್ ಫ್ರಂಟ್ ಫ್ರೇಮ್ ಅನ್ನು ಹೊಂದಿದೆ ಮತ್ತು ಎರಡು ಸಾಧನಗಳನ್ನು ಒಂದೇ ಬಾರಿಗೆ ಕನೆಕ್ಟ್‌  ಮಾಡಬಹುದಾಗಿದೆ.  'ಹುವಾವೇ ಸ್ಮಾರ್ಟ್ ಗ್ಲಾಸ್' ಎಂದು ಕರೆಯಲ್ಪಡುವ ಉತ್ಪನ್ನವು ಮೂರು ಫ್ರೇಮ್ ಪ್ರಕಾರಗಳಲ್ಲಿ ಬರುತ್ತದೆ. ಇದು ಕ್ಲಾಸಿಕ್ ( Classic), ಸ್ಟೈಲಿಶ್ ಪೈಲಟ್ (Stylish Pilot) ಮತ್ತು ರೆಟ್ರೊ ರೌಂಡ್ ಫ್ರೇಮ್ (Retro Round frame), ಬಣ್ಣ ಆಯ್ಕೆಗಳ ಶ್ರೇಣಿಯನ್ನು ಒಳಗೊಂಡಿದೆ. 

ಸಂಗೀತದ ಸ್ಟ್ರೀಮಿಂಗ್ (Music Streaming) ಮತ್ತು ಹ್ಯಾಂಡ್ಸ್-ಫ್ರೀ ಕರೆಗಾಗಿ ಟೆಂಪಲ್‌ ಮೇಲೆ (ಕನ್ನಡಕವನ್ನು ಕಿವಿಯ ಮೇಲೆ ಇರಿಸಿಕೊಳ್ಳಲು ಬಳಸುವ ಫ್ರೇಮ್)  128mm "ಅಲ್ಟ್ರಾ-ತೆಳುವಾದ ಲಾರ್ಜ್-ಆಂಪ್ಲಿಟ್ಯೂಡ್" ಸ್ಟೀರಿಯೋ ಸ್ಪೀಕರ್‌ಗಳನ್ನು ಕನ್ನಡಕ ಒಳಗೊಂಡಿದೆ. ಧ್ವನಿ ಸೋರಿಕೆಯನ್ನು ಕಡಿಮೆ ಮಾಡಲು, ಇದು ವಿಲೋಮ ಸೌಂಡ್ ಫೀಲ್ಡ್ ಅಕೌಸ್ಟಿಕ್ ಸಿಸ್ಟಮ್ ಅನ್ನು ಒಳಗೊಂಡಿದೆ, ಇದು ಹೊರಗಡೆಯಿಂದ ಬರುವ ಧ್ವನಿ ಪಿಕಪ್ ಅನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.‌

ಬೆನ್ನುಮೂಳೆಯ ಆರೋಗ್ಯ ಪರಿಶೀಲಿಸುತ್ತದೆ ಈ ಗ್ಲಾಸ್!

ಹಾರ್ಮನಿ ಓಎಸ್ ಅನ್ನು ಸ್ಮಾರ್ಟ್ ಗ್ಲಾಸ್‌ಗಳು ಎರಡು ಸಾಧನಗಳ ಏಕಕಾಲಿಕ ಸಂಪರ್ಕವನ್ನು ಅನುಮತಿಸುತ್ತದೆ, ಅಲ್ಲಿ ನೀವು ಒಂದು-ಕೀ ಸೆಟ್ಟಿಂಗ್‌ನೊಂದಿಗೆ ಎರಡು ಸಾಧನಗಳ ನಡುವೆ ಬದಲಾವಣೆ ಮಾಡಹುದು. ಇದರ ಟಚ್ ಕಂಟ್ರೋಲ್‌ಗಳು ನಿಮಗೆ ಫೋನ್ ಕರೆಗಳನ್ನು ತೆಗೆದುಕೊಳ್ಳಲು, ಸಂಗೀತವನ್ನು ಪ್ಲೇ ಮಾಡಲು ಅಥವಾ ವಿರಾಮಗೊಳಿಸಲು ಮತ್ತು ಬೆರಳಿನಿಂದ ಆಡಿಯೋ ಲೇನ್‌ಗಳನ್ನು ಬದಲಾಯಿಸಲು ಸಹಾಯ ಮಾಡುತ್ತದೆ. 

ಕನ್ನಡಕವು  ಬೆನ್ನುಮೂಳೆಯ ಆರೋಗ್ಯವನ್ನು (Cervical Spine Health) ಪರಿಶೀಲಿಸುವ ವೈಶಿಷ್ಟ್ಯ  ಸಹ ಒಳಗೊಂಡಿದೆ. ಇದರಲ್ಲಿರುವ ಸೆನ್ಸರ್‌ಗಳು ನಿರಂತರವಾಗಿ ದೇಹದ ಭಂಗಿಯನ್ನು ಪರಿಶೀಲಿಸುತ್ತವೆ. (ಬೆನ್ನುಮೂಳೆಗೆ ಸಂಬಂಧಿಸಿದಂತೆ ತಲೆಯ ಸ್ಥಾನ). ಒಬ್ಬ ವ್ಯಕ್ತಿಯು ತನ್ನ ತಲೆ ನೇತಾಡುವ ಅವಧಿಯನ್ನು ಸಹ ಇದು ಟ್ರ್ಯಾಕ್ ಮಾಡುವ ಗ್ಲಾಸ್, ಬೆನ್ನುಮೂಳೆಯ ಆರೋಗ್ಯದ ಅಪಾಯಗಳಿದ್ದರೆ ಮುಂಯೇ ಎಚ್ಚರಿಕೆಯನ್ನು ನೀಡುತ್ತವೆ.  ‌

16 ಗಂಟೆಗಳವರೆಗೆ ಬ್ಯಾಟರಿ ಬ್ಯಾಕಪ್‌!

ಸಂಪೂರ್ಣ ಚಾರ್ಜ್‌ ಮಾಡಿದಾಗ, ಈ ಕನ್ನಡಕವು 16 ಗಂಟೆಗಳವರೆಗೆ ಬ್ಯಾಟರಿ ಬ್ಯಾಕಪ್‌ ನೀಡುತ್ತದೆ. ಜತೆಗೆ 4.5 ಗಂಟೆಗಳ ಟಾಕ್ ಟೈಮ್ ಮತ್ತು 6 ಗಂಟೆಗಳ ಸಂಗೀತ ಪ್ಲೇಬ್ಯಾಕ್ ಅನ್ನು ಒದಗಿಸುತ್ತದೆ. ಇದು ವೈಯರ್ಡ್ ಮ್ಯಾಗ್ನೆಟಿಕ್ ಚಾರ್ಜಿಂಗ ಸಿಸ್ಟಮ್, ರಿಯಲ್‌ ಟೈಮ್‌ ಅಲರ್ಟ್‌ಗಳನ್ನು  ಸಹ ಹೊಂದಿದೆ. ಇದನ್ನು IPX 4  ರೇಟ್ ಮಾಡಲಾಗಿದೆ  ಬೆವರು ಮತ್ತು ನೀರಿನ ಪ್ರತಿರೋಧಿಸುತ್ತದೆ (sweat and splash resistance). ಹುವಾಯ್‌ ಸ್ಮಾರ್ಟ್‌ ಗ್ಲಾಸ್ ಚೀನಾದಲ್ಲಿ ಎರಡು ಮಾದರಿಗಳಲ್ಲಿ ಲಭ್ಯವಿದೆ - ಯುವಾನ್ 1699 ನಲ್ಲಿ ಸ್ಪಷ್ಟವಾದ ಲೆನ್ಸ್‌ಗಳು (ಸುಮಾರು ರೂ 20,120) ಹಾಗೂ ಡಾರ್ಕ್ ಲೆನ್ಸ್‌ಗಳು ನಿಮಗೆ ಯುವಾನ್ 1899 (ಸುಮಾರು ರೂ 22,500) ವೆಚ್ಚವಾಗುತ್ತದೆ. ಸದ್ಯಕ್ಕೆ ಚೀನಾದಲ್ಲಿ ಬಿಡುಗಡೆಯಾಗಿರುವ ಹುವಾಯ್‌ ಸ್ಮಾರ್ಟ್‌ ಗ್ಲಾಸ್ ಭಾರತ ಹಾಗೂ ಇತರ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗುವ ಬಗ್ಗೆ ಅಧಿಕೃತ ಮಾಹಿತಿ ಇಲ್ಲ. ಆದರೆ ಶೀಘ್ರದಲ್ಲೇ ಭಾರತದಲ್ಲೂ ಬಿಡುಗಡೆ ಮಾಡುವ ಸಾಧ್ಯತೆ ಇದೆ ಎಂದು ಟೆಕ್‌ ವಿಮರ್ಷಕರು ಹೇಳಿದ್ದಾರೆ. 

ಇದನ್ನೂ ಓದಿ:

1) iPhone Without Sim Slot: ಆ್ಯಪಲ್‌ ಹೊಸ ಐಫೋನ್‌ ಮಾದರಿಯಲ್ಲಿ ಸಿಮ್‌ ಕಾರ್ಡ್‌ ಸ್ಲಾಟೇ ಇರೋಲ್ವಂತೆ!

2) Dual Mode Vehicle: ರಸ್ತೆ ಮತ್ತು ರೈಲು ಹಳಿಗಳೆರಡರ ಮೇಲೂ ಓಡಲಿದೆ ಜಪಾನ್‌ನ ಮಿನಿ ಬಸ್!‌

3) Moto Razr 3 Launch: ಮೊಟೊರೊಲಾದ ಹೊಸ ಫೋಲ್ಡಬಲ್ ಸ್ಮಾರ್ಟ್‌ಫೋನ್ ಶೀಘ್ರದಲ್ಲೇ ಬಿಡುಗಡೆ!

Follow Us:
Download App:
  • android
  • ios