ನಿಮ್ಮ ರಾಶಿ ಬ್ರೇಕಪ್ ಮಾಡಿಕೊಳ್ಳಲೇನು ಕಾರಣ?
ಪ್ರತಿ ರಾಶಿಚಕ್ರ ಚಿಹ್ನೆಯು ಸಂಬಂಧಗಳಲ್ಲಿ ಏಕೆ ಮತ್ತು ಹೇಗೆ ಬ್ರೇಕಪ್ ಮಾಡಿಕೊಳ್ಳುತ್ತವೆ ಎಂಬುದರ ಕುರಿತು ಇಲ್ಲಿ ಕೊಡಲಾಗಿದೆ..
ಸಂಗಾತಿಯೊಂದಿಗೆ ಬ್ರೇಕ್ ಅಪ್ ಆಗುವುದು ಕೆಲವರಿಗೆ ಹೃದಯ ವಿದ್ರಾವಕ ಮತ್ತು ಕೆಲವರಿಗೆ ಸ್ವಾತಂತ್ರ್ಯ. ಕೆಲವರ ಜೀವನದಲ್ಲಿ ಒಂದು ಬಾರಿ ಬ್ರೇಕಪ್ ಆದರೆ, ಮತ್ತೆ ಕೆಲವರ ಜೀವನದಲ್ಲಿ ಪದೇ ಪದೆ ಬ್ರೇಕಪ್ ಆಗುತ್ತದೆ. ಯಾವ ರಾಶಿಯವರಿಗೆ ಯಾವ ಕಾರಣಕ್ಕೆ ಬ್ರೇಕಪ್ ಆಗುತ್ತದೆ ಎಂಬ ಚಿತ್ರಣ ಇಲ್ಲಿದೆ..
ಮೇಷ
ಮೇಷ ರಾಶಿಯವರು ನೀವು ನಿಮ್ಮ ಸ್ನೇಹಿತರೊಂದಿಗೆ ಸಮಯ ಕಳೆಯಲು ಇಷ್ಟಪಡುತ್ತೀರಿ ಮತ್ತು ನೀವು ಸಂಬಂಧದಲ್ಲಿದ್ದರೆ ಯಾವುದೇ ದಿನ ನಿಮ್ಮ ಸಂಗಾತಿಗಿಂತ ನಿಮ್ಮ ಸ್ನೇಹಿತರಿಗೆ ಹೆಚ್ಚು ಆದ್ಯತೆ ನೀಡುತ್ತೀರಿ. ನಿಮ್ಮ ಸಂಬಂಧಗಳು ಆಗಾಗ್ಗೆ ವಿಫಲಗೊಳ್ಳಲು ಇದು ಕಾರಣವಾಗಿದೆ. ನಿಮ್ಮ ಈ ವರ್ತನೆಯಿಂದ ನಿಮ್ಮ ಸಂಗಾತಿ ಸಿಟ್ಟಿಗೆದ್ದು ಅವರು ನಿಮ್ಮನ್ನು ಬಿಟ್ಟು ಹೋಗುತ್ತಾರೆ.
ವೃಷಭ
ವೃಷಭ ರಾಶಿಯ ಅಡಿಯಲ್ಲಿ ಜನಿಸಿದ ಜನರು ತಮ್ಮ ಸಂಗಾತಿಯೊಂದಿಗಿನ ಸಂಬಂಧವನ್ನು ಹಾಳು ಮಾಡುವ ಮಾದರಿಯನ್ನು ಪುನರಾವರ್ತಿಸಿ ಬ್ರೇಕಪ್‌ಗೆ ಕಾರಣವಾಗುತ್ತಾರೆ. ಇದು ಅನಾವಶ್ಯಕ ಜಗಳವಾಗಿರಬಹುದು ಅಥವಾ ಅವರನ್ನು ನೋಯಿಸುವ ಯಾವುದೇ ಕ್ರಮವಾಗಿರಬಹುದು. ಪದೇ ಪದೆ ಅದನ್ನೇ ಮಾಡಿ ಬೇಸರ ಹುಟ್ಟಿಸುತ್ತಾರೆ.
ಮಿಥುನ
ಮಿಥುನ ರಾಶಿಯವರು ತಮ್ಮ ಸಂಗಾತಿಯೊಂದಿಗೆ ಬೇರ್ಪಡುವ ಸಂದರ್ಭ ಅಷ್ಟೇನೂ ಅಲ್ಲ. ಸಾಮಾನ್ಯವಾಗಿ ಅವರ ಸಂಗಾತಿಯೇ ಸ್ವಂತ ಕಾರಣಗಳಿಗಾಗಿ ಅವರನ್ನು ಬಿಟ್ಟು ದೂರ ಹೋಗುವುದು ಹೆಚ್ಚು.
ಕಟಕ
ಕರ್ಕಾಟಕ ರಾಶಿಯವರು ತಮ್ಮ ಪಾಲುದಾರರ ಮುಂದೆ ಸದಾ ಅಳುವವರಂತೆ ವರ್ತಿಸುವ ಪ್ರವೃತ್ತಿಯನ್ನು ಹೊಂದಿರುತ್ತಾರೆ. ಈ ನಡವಳಿಕೆಯು ಅವರ ಸಂಗಾತಿಗೆ ಕಿರಿಕಿರಿಯುಂಟು ಮಾಡಬಹುದು ಮತ್ತು ಅವರು ಸಂಬಂಧವನ್ನು ಕೊನೆಗೊಳಿಸಬಹುದು.
Surya Gochar 2023: 3 ರಾಶಿಗಳಿಗೆ ಸರ್ಕಾರಿ ಕೆಲಸ ಸಿಗುವ ಸಂಭಾವ್ಯತೆ
ಸಿಂಹ
ಸಿಂಹ ರಾಶಿಯವರು ಸಾಮಾನ್ಯವಾಗಿ ತಮ್ಮ ಸಂಗಾತಿಯೊಂದಿಗೆ ಕಿರಿಕಿರಿಗೊಂಡಾಗ ಅವರು ಹೆಚ್ಚು ಯೋಚಿಸದೆ ಸಂಗಾತಿಯನ್ನು ಬಿಡುತ್ತಾರೆ. ಸಿಂಹ ರಾಶಿಯವರಿಗೆ, ಕಿರಿಕಿರಿಯುಂಟು ಮಾಡುವ ಪಾಲುದಾರನನ್ನು ಸಹಿಸಿಕೊಳ್ಳುವುದಕ್ಕಿಂತ ಹಣವನ್ನು ಗಳಿಸುವುದೇ ಹೆಚ್ಚು ಮುಖ್ಯವೆನಿಸುತ್ತದೆ.
ಕನ್ಯಾ
ಕನ್ಯಾ ರಾಶಿಯವರು ಸಂಬಂಧದಲ್ಲಿ ಯಾವುದೇ ಬೆಳವಣಿಗೆ ಸಾಧ್ಯವಿಲ್ಲ ಎನಿಸಿದಾಗ ಅವರು ತಮ್ಮ ಸಂಗಾತಿಯಿಂದ ದೂರ ಹೋಗುತ್ತಾರೆ. ಅವರು ಜೀವನದಲ್ಲಿ ಬೆಳೆಯಲು ಸಂಗಾತಿಯೊಂದಿಗೆ ಇರುತ್ತಾರೆ. ಮತ್ತು, ಬೆಳವಣಿಗೆಗೆ ಯಾವುದೇ ಅವಕಾಶವಿಲ್ಲದಿದ್ದಾಗ ಅವರು ನಿರಾಸಕ್ತರಾಗುತ್ತಾರೆ.
ತುಲಾ
ಸಮಸ್ಯೆಯು ವಿತ್ತೀಯ ವಿಷಯದ ಸುತ್ತ ಸುತ್ತುವಾಗ ತುಲಾ ಸಾಮಾನ್ಯವಾಗಿ ಸಂಬಂಧವನ್ನು ಕೊನೆಗೊಳಿಸುತ್ತದೆ.
ವೃಶ್ಚಿಕ
ವೃಶ್ಚಿಕ ರಾಶಿಯವರು ತಮ್ಮ ಸಂಗಾತಿಯ ಬಗ್ಗೆ ಇತರರು ಏನು ಹೇಳುತ್ತಾರೆಂಬ ವಿಷಯದಿಂದ ಪ್ರಭಾವಿತರಾಗುತ್ತಾರೆ. ಮೂರನೇ ವ್ಯಕ್ತಿ ತಮ್ಮ ಸಂಗಾತಿಯ ಬಗ್ಗೆ ಏನಾದರೂ ಹೇಳಿದಾಗ, ಅದು ದೂರು ಅಥವಾ ಯಾವುದಾದರೂ ಆಗಿರಬಹುದು, ವೃಶ್ಚಿಕದವರು ಮೂರನೇ ವ್ಯಕ್ತಿಯ ಮಾತುಗಳನ್ನು ನಂಬಲು ಬಯಸುತ್ತಾರೆ. ಅವರು ಎಂದಿಗೂ ತಮ್ಮ ಸಂಗಾತಿಯನ್ನು ನಂಬುವುದಿಲ್ಲ ಮತ್ತು ಅವರು ಮೋಸ ಹೋಗುತ್ತಿದ್ದಾರೆ ಎಂದು ಭಾವಿಸಿ ಬೇರೆ ದಾರಿಯಲ್ಲಿ ಹೋಗುತ್ತಾರೆ.
ಧನು
ಧನು ರಾಶಿಯವರು ತಮ್ಮ ಸಂಗಾತಿಯೊಂದಿಗೆ ಬೇರ್ಪಟ್ಟಾಗ ಅದಕ್ಕೆ ಸಾಮಾನ್ಯ ಕಾರಣ ಸಂಗಾತಿಯಿಂದ ಉಸಿರುಗಟ್ಟುವಂಥ ವಾತಾವರಣದ ನಿರ್ಮಾಣ. ಸಂಗಾತಿಯು ತಮ್ಮ ಜೀವನವನ್ನು ನಡೆಸಲು ಸಾಕಷ್ಟು ಸ್ವಾತಂತ್ರ್ಯವನ್ನು ನೀಡುವುದಿಲ್ಲ ಎಂದು ಅವರು ಭಾವಿಸಿದಾಗ ಬ್ರೇಕಪ್ ಮೊರೆ ಹೋಗುತ್ತಾರೆ.
Chanakya Niti: ಮಹಿಳೆಯಲ್ಲಿ ಈ 3 ಸ್ವಭಾವವಿದ್ದರೆ, ಕುಟುಂಬದಲ್ಲಿ ಸಂತೋಷಕ್ಕೆಂದೂ ಕೊರತೆ ಇರುವುದಿಲ್ಲ..
ಮಕರ
ನಿಮ್ಮ ಕುಟುಂಬದ ವಿಷಯವಾಗಿ ನಿಮ್ಮ ಸಂಗಾತಿಯೊಂದಿಗೆ ನೀವು ಆಗಾಗ್ಗೆ ಮುರಿದು ಬೀಳುತ್ತೀರಿ. ನಿರ್ದಿಷ್ಟ ಸಮಯದ ನಂತರ, ನೀವು ಮತ್ತು ನಿಮ್ಮ ಪಾಲುದಾರರ ಕುಟುಂಬವು ಪರಸ್ಪರ ಬೆರೆಯುತ್ತಿಲ್ಲ ಎಂದು ನೀವು ಕಂಡುಕೊಳ್ಳುತ್ತೀರಿ. ಮತ್ತು ಕುಟುಂಬಕ್ಕೆ ಹೆಚ್ಚು ಪ್ರಾಶಸ್ತ್ಯ ಕೊಟ್ಟು ಸಂಗಾತಿಯೊಂದಿಗೆ ಬ್ರೇಕಪ್ ಮಾಡಿಕೊಳ್ಳುತ್ತೀರಿ.
ಕುಂಭ
ಸಾಮಾನ್ಯವಾಗಿ ನೀವು ಸಂಬಂಧದಲ್ಲಿರುವಾಗ ನಿಮ್ಮ ಸಂಗಾತಿಯ ಬಗ್ಗೆ ಗಂಭೀರವಾಗಿರುವುದಿಲ್ಲ. ಒಮ್ಮೆ ನೀವು ನಿಮ್ಮ ಸಂಗಾತಿಯ ಬಗ್ಗೆ ಬೇಸರಗೊಂಡರೆ ನೀವು ಉದ್ದೇಶಪೂರ್ವಕವಾಗಿ ನಿಮ್ಮ ಸಂಗಾತಿಯನ್ನು ದೂರ ತಳ್ಳುವ ರೀತಿಯಲ್ಲಿ ವರ್ತಿಸುತ್ತೀರಿ ಮತ್ತು ಅವರೇ ನಿಮ್ಮೊಂದಿಗೆ ಬ್ರೇಕಪ್ ಬಯಸುತ್ತಾರೆ.
ಮೀನ
ನಿಮ್ಮ ಜೀವನದಲ್ಲಿ ಪ್ರಣಯ ಸಂಬಂಧವು ಕೊನೆಗೊಂಡಾಗ, ನಿಮ್ಮ ಸಂಗಾತಿ ದೂರ ಸರಿಯಲು ಪ್ರಾರಂಭಿಸಿದಾಗ ಮತ್ತು ನಿಮ್ಮ ಮಾತನ್ನು ಕೇಳುವುದನ್ನು ನಿಲ್ಲಿಸಿದಾಗ ನೀವು ಆಸಕ್ತಿ ಕಳೆದುಕೊಳ್ಳಲು ಪ್ರಾರಂಭಿಸುತ್ತೀರಿ.
