ವಾರದ ಈ ದಿನಗಳಲ್ಲಿ ವಿವಾಹಿತ ಮಹಿಳೆಯರು ತಲೆ ಸ್ನಾನ ಮಾಡಿದರೆ ನಷ್ಟ ತಪ್ಪಿದ್ದಲ್ಲ!

ಹಿಂದೂ ಧಾರ್ಮಿಕ ಗ್ರಂಥಗಳಲ್ಲಿ, ಕೇವಲ ಪೂಜೆ ಪಾಠಗಳನ್ನು ಮಾತ್ರವಲ್ಲದೆ, ಬಹುತೇಕ ಎಲ್ಲಾ ಕೆಲಸಗಳಿಗೆ ಅಗತ್ಯವಾದ ನಿಯಮಗಳು ಮತ್ತು ದಿನಗಳನ್ನು ಉಲ್ಲೇಖಿಸಲಾಗಿದೆ. ಈ ನಿಯಮಗಳನ್ನು ಪಾಲಿಸುವುದರಿಂದ ಮಾತ್ರ ಮನೆಯಲ್ಲಿ ಸುಖ ಮತ್ತು ಸಮೃದ್ಧಿ ಉಳಿಯುತ್ತದೆ ಎಂದು ಹೇಳಲಾಗುತ್ತದೆ. ಹಿಂದೂ ಧರ್ಮದಲ್ಲಿ ಮನೆಯ ಮಹಿಳೆಯರನ್ನು ಮನೆಯ ಲಕ್ಷ್ಮಿ ಎಂದು ಪರಿಗಣಿಸಲಾಗುತ್ತದೆ. ಮನೆಯ ಸುಖ ಮತ್ತು ಸಮೃದ್ಧಿಯು ಮನೆಯ ಲಕ್ಷ್ಮಿಗೆ ಅಂದರೆ ಮಹಿಳೆಗೆ ಸಂಬಂಧಿಸಿದೆ.

ಹಾಗಾಗಿ, ಶಾಸ್ತ್ರದಲ್ಲಿ ಹೇಳಲಾದ ಈ ನಿಯಮಗಳನ್ನು ಮನೆಯ ಮಹಿಳೆಯರು ಅನುಸರಿಸುವುದು ಬಹಳ ಮುಖ್ಯ. ಮಹಿಳೆಯು ಅಶುಭ ಕಾರ್ಯಗಳನ್ನು ಮಾಡಿದರೆ ಅಥವಾ ನಿಯಮಗಳನ್ನು ಪಾಲಿಸದಿದ್ದರೆ, ಅದು ಕುಟುಂಬ, ಮನೆಯ ಸಂತೋಷ, ಸಮೃದ್ಧಿ ಮತ್ತು ಆರ್ಥಿಕ ಸ್ಥಿತಿಯ ಮೇಲೆ ಪರಿಣಾಮ ಬೀರುತ್ತದೆ. ಈ ನಿಯಮಗಳಲ್ಲಿ ಒಂದು ಕೂದಲು ತೊಳೆಯುವ ನಿಯಮಗಳು ಮತ್ತು ದಿನಗಳು.

Haunted Place in Ahmedabad: ಇಲ್ಲಿ ಇದ್ದಕ್ಕಿದ್ದಂತೆ ತೆರೆದುಕೊಳ್ಳುತ್ವೆ ಕಿಟಕಿಗಳು, ಕೇಳುತ್ತೆ ಹುಡುಗಿಯ ಕಿರುಚಾಟ

ಮಹಿಳೆಯರ ಕೂದಲು ತೊಳೆಯಲು ಶುಭ ಮತ್ತು ಅಶುಭ ದಿನಗಳು

• ಧರ್ಮಗ್ರಂಥಗಳಲ್ಲಿ, ಸ್ತ್ರೀಯರ ಕೂದಲು ತೊಳೆಯಲು ಸಂಬಂಧಿಸಿದ ನಿಯಮಗಳು ಮತ್ತು ಶುಭ ಮತ್ತು ಅಶುಭ ದಿನಗಳನ್ನು ಹೇಳಲಾಗಿದೆ. ನಿಮಗೆ ಗೊತ್ತೇ? ವಿವಾಹಿತ ಮಹಿಳೆ ಮತ್ತು ಅವಿವಾಹಿತ ಹುಡುಗಿಯ ಕೂದಲು ತೊಳೆಯುವ ದಿನಗಳಲ್ಲಿ ವ್ಯತ್ಯಾಸವಿದೆ.
• ಅವಿವಾಹಿತ ಹುಡುಗಿಯರು ಬುಧವಾರ ತಮ್ಮ ಕೂದಲನ್ನು ತೊಳೆಯಬಾರದು. ಹೀಗೆ ಮಾಡುವುದರಿಂದ ಸಹೋದರನು ತೊಂದರೆ ಅನುಭವಿಸಬೇಕಾಗಬಹುದು.
• ವಿಶೇಷವಾಗಿ ಕಿರಿಯ ಸಹೋದರರನ್ನು ಹೊಂದಿರುವವರು ಬುಧವಾರದಂದು ತಮ್ಮ ಕೂದಲನ್ನು ತೊಳೆಯಬಾರದು.
• ಸಾಮಾನ್ಯವಾಗಿ ಮಹಿಳೆಯರು ಯಾವುದೇ ವಿಶೇಷ ಹಬ್ಬ, ಶುಭ ಮುಹೂರ್ತಗಳಲ್ಲಿ ತಮ್ಮ ಕೂದಲನ್ನು ತೊಳೆಯುತ್ತಾರೆ. ಆದರೆ ಶಾಸ್ತ್ರಗಳ ಪ್ರಕಾರ, ಮಹಿಳೆಯರು ಶುಭ ದಿನ ಅಥವಾ ಮಂಗಳಕರ ಸಮಯದಲ್ಲಿ ತಮ್ಮ ಕೂದಲನ್ನು ಎಂದಿಗೂ ತೊಳೆಯಬಾರದು. ನೀವು ನಿಮ್ಮ ಕೂದಲನ್ನು ತೊಳೆಯಬೇಕಾದರೆ, ಮಂಗಳಕರ ದಿನಾಂಕಗಳ ಹಿಂದಿನ ದಿನ ನಿಮ್ಮ ಕೂದಲನ್ನು ತೊಳೆಯಿರಿ.
• ಶಾಸ್ತ್ರಗಳ ಪ್ರಕಾರ, ಮಹಿಳೆಯರು ಅಮವಾಸ್ಯೆ, ಪೌರ್ಣಮಿ, ಏಕಾದಶಿ ಅಥವಾ ಉಪವಾಸದ ದಿನಗಳಲ್ಲಿ ಕೂಡ ತಮ್ಮ ಕೂದಲನ್ನು ತೊಳೆಯಬಾರದು. ಈ ದಿನಗಳಲ್ಲಿ ಕೆಲವು ಕಾರಣಗಳಿಂದ ನಿಮ್ಮ ಕೂದಲನ್ನು ತೊಳೆಯಬೇಕಾದರೆ, ಮೊದಲು ನಿಮ್ಮ ಕೂದಲಿಗೆ ಹಸಿ ಹಾಲನ್ನು ಹಚ್ಚಿ, ನಂತರ ನಿಮ್ಮ ಕೂದಲನ್ನು ತೊಳೆಯಿರಿ.
  
  Shani Jayanti 2023 Date: ದಿನಾಂಕ, ಸಮಯ, ಪೂಜಾ ವಿಧಿ ಮತ್ತು ಮುಹೂರ್ತ
   
• ವಿವಾಹಿತ ಮಹಿಳೆಯರು ಗುರುವಾರ ತಪ್ಪಾಗಿಯೂ ತಮ್ಮ ಕೂದಲನ್ನು ತೊಳೆಯಬಾರದು. ಈ ರೀತಿ ಮಾಡುವುದರಿಂದ ಆರ್ಥಿಕ ಸ್ಥಿತಿಯ ಮೇಲೆ ಕೆಟ್ಟ ಪರಿಣಾಮ ಉಂಟಾಗುತ್ತದೆ.
• ಶುಕ್ರವಾರವನ್ನು ಕ್ಷೌರ ಮತ್ತು ಕೂದಲು ತೊಳೆಯಲು ಬಹಳ ಮಂಗಳಕರವೆಂದು ಪರಿಗಣಿಸಲಾಗುತ್ತದೆ. ಅದಕ್ಕಾಗಿಯೇ ಮಹಿಳೆಯರು ಮತ್ತು ವಿಶೇಷವಾಗಿ ಮಗನ ತಾಯಿಯಾಗಿರುವ ಮಹಿಳೆಯರು ಶುಕ್ರವಾರ ತಮ್ಮ ಕೂದಲನ್ನು ತೊಳೆಯುವುದು ಮಂಗಳಕರವೆಂದು ಪರಿಗಣಿಸಲಾಗಿದೆ.
• ಶುಕ್ರವಾರದಂದು ಕೂದಲು ತೊಳೆಯುವುದರಿಂದ ತಾಯಿ ಲಕ್ಷ್ಮಿ ಪ್ರಸನ್ನಳಾಗುತ್ತಾಳೆ. ಏಕೆಂದರೆ ಈ ದಿನ ಲಕ್ಷ್ಮಿ ದೇವಿಯ ದಿನ.
• ಕೂದಲು ತೊಳೆಯಲು ಶನಿವಾರವೂ ತುಂಬಾ ಮಂಗಳಕರವೆಂದು ಪರಿಗಣಿಸಲಾಗುವುದಿಲ್ಲ. ಅಲ್ಲದೆ ಶನಿವಾರ ಕೂದಲಿಗೆ ಎಣ್ಣೆ ಹಚ್ಚಬಾರದು.
  
  ದಿನ ಭವಿಷ್ಯ, ವಾರ ಭವಿಷ್ಯ, ನಿಮ್ಮ ರಾಶಿ ವಿಶೇಷ, ದಿನ ವಿಶೇಷ, ಹಬ್ಬ ಹರಿದಿನಗಳು, ಸಂಪ್ರದಾಯ ಆಚರಣೆಗಳು, ಅವುಗಳ ವೈಜ್ಞಾನಿಕ ಹಿನ್ನೆಲೆ, ಪುರಾಣ ಪುಣ್ಯ ಕತೆಗಳು, ವಾಸ್ತು ಕುರಿತು ಹೆಚ್ಚಿನ ಮಾಹಿತಿ ಪಡೆಯಲು ಸುವರ್ಣ ನ್ಯೂಸ್ ಜ್ಯೋತಿಷ್ಯ ವಿಭಾಗವನ್ನು ತಪ್ಪದೇ ನೋಡುತ್ತಿರಿ.

• Hair wash
• women
• rules
• money