ಶನಿಯ ವಕ್ರಿ ಸಂಚಾರ; 5 ರಾಶಿಗಳಿಗೆ ನಾಕೂವರೆ ತಿಂಗಳು ಸಂಚಕಾರ
ಇನ್ನೆರಡು ತಿಂಗಳಲ್ಲಿ ಶನಿಯು ವಕ್ರಿಯಾಗಿ ಕುಂಭದಲ್ಲಿ ಹಿಮ್ಮುಖ ಚಲನೆಗೆ ತೊಡಗಲಿದ್ದಾನೆ. ಶನಿಯ ಈ ನಡೆಯಿಂದಾಗಿ 5 ರಾಶಿಗಳಿಗೆ ಸಂಕಷ್ಟ ಹೆಚ್ಚಲಿದೆ. ಅವರ ಆರೋಗ್ಯ, ವೃತ್ತಿ ಬದುಕು, ಸಂಸಾರ ಮುಂತಾದ ಕಡೆ ಸಮಸ್ಯೆಗಳು ಹೆಚ್ಚುತ್ತವೆ.
Followಜ್ಯೋತಿಷ್ಯದ ಪ್ರಕಾರ, ಎಲ್ಲಾ ಗ್ರಹಗಳ ಚಲನೆಯು ಖಂಡಿತವಾಗಿಯೂ ಪ್ರತಿಯೊಬ್ಬ ವ್ಯಕ್ತಿಯ ಜೀವನದ ಮೇಲೆ ಪರಿಣಾಮ ಬೀರುತ್ತದೆ. ಎಲ್ಲಾ ಒಂಬತ್ತು ಗ್ರಹಗಳಲ್ಲಿ, ಶನಿಯು ಕರ್ಮವನ್ನು ನೀಡುವವನು ಮತ್ತು ನ್ಯಾಯದ ದೇವರು. ಶನಿಯು ಎಲ್ಲಾ ಗ್ರಹಗಳಲ್ಲಿ ನಿಧಾನವಾಗಿ ಚಲಿಸುವ ಗ್ರಹವಾಗಿದೆ. ಶನಿಯು ಯಾವುದೇ ಒಂದು ರಾಶಿಯಲ್ಲಿ ಸುಮಾರು ಎರಡೂವರೆ ವರ್ಷಗಳ ಕಾಲ ಇರುತ್ತಾನೆ. ಶನಿಯು ಪ್ರಸ್ತುತ ಕುಂಭ ರಾಶಿಯಲ್ಲಿದ್ದಾನೆ. ಮುಂದಿನ ದಿನಗಳಲ್ಲಿ ಶನಿದೇವನು ವಿರುದ್ಧ ದಿಕ್ಕಿನಲ್ಲಿ ನಡೆಯಲು ಪ್ರಾರಂಭಿಸುತ್ತಾನೆ.
ಹೌದು, ಜೂನ್ 17, 2023ರಂದು ರಾತ್ರಿ 10.48ಕ್ಕೆ ಶನಿಯು ಕುಂಭ ರಾಶಿಯಲ್ಲಿ ಹಿಮ್ಮುಖ ಚಲನೆ(Shani Vakri 2023) ಆರಂಭಿಸುತ್ತಾನೆ. ಶನಿಯು ಇಲ್ಲಿ ವಕ್ರಿ ಸ್ಥಿತಿಯಲ್ಲಿ ನವೆಂಬರ್ 4, 2023ರಂದು ಬೆಳಿಗ್ಗೆ 8.26 ರವರೆಗೆ ಇರುತ್ತಾನೆ. ಶನಿ ವಕ್ರಿಯಿಂದಾಗಿ, ಕೆಲವು ರಾಶಿಚಕ್ರ ಚಿಹ್ನೆಗಳಿಗೆ(Zodiac signs) ಸಮಸ್ಯೆಗಳು ಹೆಚ್ಚಾಗಬಹುದು.
ಮೇಷ ರಾಶಿ (Aries)
ಕುಂಭ ರಾಶಿಯಲ್ಲಿ ಶನಿಯ ಹಿಮ್ಮುಖ ಚಲನೆಯಿಂದಾಗಿ ಮೇಷ ರಾಶಿಯವರಿಗೆ ಕೆಲವು ಸಮಸ್ಯೆಗಳು ಎದುರಾಗಬಹುದು. ನೀವು ಕೆಲಸದಲ್ಲಿ ವೈಫಲ್ಯಗಳನ್ನು ಅನುಭವಿಸುವಿರಿ. ಹಣ ನಷ್ಟವಾಗುವ ಸಂಭವವಿದೆ. ವೈವಾಹಿಕ ಜೀವನದಲ್ಲಿ ಉದ್ವಿಗ್ನತೆ ಉಂಟಾಗಬಹುದು. ವಿಶೇಷವಾಗಿ ಆರೋಗ್ಯ ಹದಗೆಡಬಹುದು. ಅವಿವಾಹಿತರಿಗೆ ಭರವಸೆ ಕ್ಷೀಣವಾಗಿ ಕಂಗಾಲಾಗಬಹುದು. ಮಾನಸಿಕ ಚಿಂತೆಗಳು ಹೆಚ್ಚಲಿವೆ. ಮಕ್ಕಳ ಜೀವನದ ಸಮಸ್ಯೆಗಳು ಕಾಡಲಿವೆ.
Shukra Gochar 2023: ವೃಷಭ, ಮಿಥುನ ಸೇರಿ 4 ರಾಶಿಗಳಿಗೆ ಶುರುವಾಗಲಿದೆ ಶುಕ್ರದೆಸೆ
ವೃಷಭ ರಾಶಿ (Taurus)
ನಿಮ್ಮ ರಾಶಿಯಲ್ಲಿ ಹಿಮ್ಮೆಟ್ಟುವ ಶನಿಯು ಹತ್ತನೇ ಮನೆಯ ಮೇಲೆ ಪರಿಣಾಮ ಬೀರುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ಮುಂಬರುವ ಸಮಯವು ನಿಮಗೆ ಸವಾಲುಗಳಿಂದ ತುಂಬಿರುತ್ತದೆ. ಉದ್ಯೋಗಸ್ಥರು ಕೆಲಸದ ಸ್ಥಳದಲ್ಲಿ ಒತ್ತಡವನ್ನು ಎದುರಿಸಬೇಕಾಗಬಹುದು. ಇದನ್ನು ಹೊರತುಪಡಿಸಿ ವ್ಯಾಪಾರದಲ್ಲಿರುವವರು ನಷ್ಟವನ್ನು ಅನುಭವಿಸಬೇಕಾಗಬಹುದು. ಆರೋಗ್ಯ ಕ್ಷೀಣಿಸುವ ಲಕ್ಷಣಗಳೂ ಇವೆ. ಹಿತಶತ್ರುಗಳ ಸಂಖ್ಯೆ ಹೆಚ್ಚಾಗುತ್ತದೆ. ನಂಬಿದವರಿಂದಲೇ ಮೋಸ ಹೋಗಿ ಸದಾ ದುಃಖಿಸುವಂತಾಗುತ್ತದೆ.
ಕಟಕ ರಾಶಿ (Cancer)
ಶನಿಯ ಹಿಮ್ಮೆಟ್ಟುವಿಕೆ ನಿಮಗೆ ಒಳ್ಳೆಯ ಸಂಕೇತವಲ್ಲ. ನಿಮ್ಮ ರಾಶಿಚಕ್ರದಲ್ಲಿ, ಶನಿಯು ಎಂಟನೇ ಮನೆಯಲ್ಲಿ ಹಿಮ್ಮೆಟ್ಟುತ್ತಾನೆ. ಕರ್ಕಾಟಕ ರಾಶಿಯವರು ಕೆಲವು ಸಮಸ್ಯೆಗಳನ್ನು ಎದುರಿಸಬೇಕಾಗಬಹುದು. ಹಣದ ನಷ್ಟ ಮತ್ತು ಯಾರೊಂದಿಗಾದರೂ ಜಗಳವಾಗಬಹುದು. ಇದರಿಂದ ಆಪ್ತರನ್ನು ದೂರ ಮಾಡಿಕೊಂಡು ಕೊರಗುವಂತಾಗುತ್ತದೆ. ಬೆಳೆ, ವ್ಯಾಪಾರ ನಷ್ಟ ಕಾಣುತ್ತದೆ. ಪ್ರಯಾಣ ಪ್ರಯಾಸವಾಗುತ್ತದೆ.
ತುಲಾ ರಾಶಿ (Libra)
ಶನಿಯ ಹಿಮ್ಮೆಟ್ಟುವಿಕೆ ನಿಮಗೆ ಕಷ್ಟಗಳನ್ನು ಹೆಚ್ಚಿಸಬಹುದು. ಈ ಅವಧಿಯಲ್ಲಿ ಉದ್ಯೋಗಿಗಳು ವಿಶೇಷ ಕಾಳಜಿ ವಹಿಸಬೇಕಾಗುತ್ತದೆ. ವ್ಯಾಪಾರದಲ್ಲಿ ತೊಡಗಿರುವವರಿಗೆ ಧನಹಾನಿಯಾಗುವ ಸಂಭವವಿದೆ. ಆರೋಗ್ಯದಲ್ಲಿ ಕ್ಷೀಣತೆಯನ್ನೂ ಕಾಣಬಹುದು. ದೂರ ಪ್ರಯಾಣಗಳು ಸಂತೋಷಕ್ಕಿಂತ ಹೆಚ್ಚು ಆತಂಕ ತರಲಿವೆ. ಪ್ರೀತಿಪಾತ್ರರನ್ನು ಕಳೆದುಕೊಳ್ಳಬೇಕಾದ ಸಾಧ್ಯತೆಯೂ ಇರಲಿದೆ. ಸಂಗಾತಿಯ ದುರ್ವರ್ತನೆ ದೊಡ್ಡ ಚಿಂತೆಯಾಗಬಹುದು.
Vastu Tips: ಲಕ್ಷ್ಮಿಯ ಈ ರೂಪ ಇಂದ್ರನಿಗೆ ಕೊಡಿಸಿತ್ತು ಸಂಪತ್ತು, ಮನೆಯಲ್ಲಿಟ್ಟರೆ ಸಿಗುತ್ತೆ ಸಮೃದ್ಧಿ
ಕುಂಭ ರಾಶಿ (Aquarius)
ಶನಿದೇವನು ನಿಮ್ಮ ರಾಶಿಚಕ್ರದಲ್ಲಿ ಹಿಮ್ಮುಖವಾಗುತ್ತಿದ್ದಾನೆ. ಅಲ್ಲದೆ, ಸಾಡೇಸಾತಿಯ ಕೊನೆಯ ಹಂತದಲ್ಲಿದ್ದೀರಿ. ಅಂತಹ ಪರಿಸ್ಥಿತಿಯಲ್ಲಿ, ಅವನು ನಿಮ್ಮ ಮೇಲೆ ನಕಾರಾತ್ಮಕ ಪರಿಣಾಮ ಬೀರುವ ಸಾಧ್ಯತೆ ಹೆಚ್ಚು. ನೀವು ದೈಹಿಕ ಮತ್ತು ಮಾನಸಿಕ ಒತ್ತಡವನ್ನು ಎದುರಿಸಬೇಕಾಗಬಹುದು. ನಿಮ್ಮ ವೃತ್ತಿ ಜೀವನದ ಬಗ್ಗೆ ನೀವು ಸ್ವಲ್ಪ ಜಾಗೃತರಾಗಿರಬೇಕು. ಚಟಗಳು ನಿಮ್ಮ ಪಾಲಿಗೆ ವಿಲನ್ ಆಗಿ ಸಂಬಂಧ, ಆರೋಗ್ಯ ಎಲ್ಲವನ್ನೂ ಹದಗೆಡಿಸಲಿವೆ.
ದಿನ ಭವಿಷ್ಯ, ವಾರ ಭವಿಷ್ಯ, ನಿಮ್ಮ ರಾಶಿ ವಿಶೇಷ, ದಿನ ವಿಶೇಷ, ಹಬ್ಬ ಹರಿದಿನಗಳು, ಸಂಪ್ರದಾಯ ಆಚರಣೆಗಳು, ಅವುಗಳ ವೈಜ್ಞಾನಿಕ ಹಿನ್ನೆಲೆ, ಪುರಾಣ ಪುಣ್ಯ ಕತೆಗಳು, ವಾಸ್ತು ಕುರಿತು ಹೆಚ್ಚಿನ ಮಾಹಿತಿ ಪಡೆಯಲು ಸುವರ್ಣ ನ್ಯೂಸ್ ಜ್ಯೋತಿಷ್ಯ ವಿಭಾಗವನ್ನು ತಪ್ಪದೇ ನೋಡುತ್ತಿರಿ.
