Samudrik Shastra: ವೇಗವಾಗಿ ಮಾತನಾಡುವವರ ಸ್ವಭಾವ ಹೇಗಿರುತ್ತೆ ತಿಳೀಬೇಕಾ?
ಸಾಮುದ್ರಿಕ ಶಾಸ್ತ್ರದ ಪ್ರಕಾರ, ವ್ಯಕ್ತಿಯ ಮಾತನಾಡುವ ಶೈಲಿಯ ಮೂಲಕ ಅವನ ಭವಿಷ್ಯ ಮತ್ತು ವ್ಯಕ್ತಿತ್ವದ ಬಗ್ಗೆ ತಿಳಿಯಬಹುದು. ನೀವು ಹೇಗೆ ಮಾತನಾಡುತ್ತೀರಿ?
Followಸಾಮುದ್ರಿಕ ಶಾಸ್ತ್ರದಲ್ಲಿ, ವ್ಯಕ್ತಿಯ ದೇಹದ ಮೇಲೆ ಇರುವ ಅಂಗಗಳ ವಿನ್ಯಾಸ ಮತ್ತು ಆಕಾರವನ್ನು ನೋಡುವ ಮೂಲಕ ಆತನ ಭವಿಷ್ಯ ಹಾಗೂ ವ್ಯಕ್ತಿತ್ವದ ಬಗ್ಗೆ ಫಲಿತಾಂಶಗಳನ್ನು ಪಡೆಯಲಾಗುತ್ತದೆ. ಆದರೆ ಒಬ್ಬ ವ್ಯಕ್ತಿಯ ಮಾತು, ಮಾತನಾಡುವ ಶೈಲಿ ಅವನ ಸ್ವಭಾವ ಮತ್ತು ಭವಿಷ್ಯದ ಬಗ್ಗೆಯೂ ಹೇಳಬಲ್ಲದು ಎಂದು ತಿಳಿದಿದೆಯೇ? ತೊದಲುವಿಕೆ, ವೇಗವಾಗಿ ಮಾತನಾಡುವುದು, ತೊದಲದೆ ಮಾತನಾಡುವುದು ಇವೆಲ್ಲವೂ ವ್ಯಕ್ತಿಯ ಸ್ವಭಾವದ ಭಾಗವಾಗಿದೆ. ನೀವು ಮಾತಾಡುವ ಭಾವ ಭಂಗಿ, ಧ್ವನಿ, ವಿಚಾರಗಳು ಪ್ರತಿಯೊಂದೂ ನಿಮ್ಮ ಬಗ್ಗೆ ಸಾಕಷ್ಟನ್ನು ಹೇಳುತ್ತಿರುತ್ತವೆ. ನಾವು ಇನ್ನೊಬ್ಬರ ಬಗ್ಗೆ ಮಾತಾಡುವಾಗ ಎದುರಿರುವವರಿಗೆ ನಮ್ಮ ಬಗ್ಗೆಯೇ ತಿಳಿಯುತ್ತಿರುತ್ತದೆ ಎಂಬ ಎಚ್ಚರ ಇರಬೇಕು. ಒಬ್ಬ ವ್ಯಕ್ತಿಯ ಸ್ವಭಾವವನ್ನು ಅವನ ಮಾತಿನ ಶೈಲಿಯಿಂದ ತಿಳಿಯುವುದು ಹೇಗೆ ನೋಡೋಣ..
ವ್ಯಕ್ತಿತ್ವ ಆಕರ್ಷಕವಾಗಿದೆ
ಒಬ್ಬ ವ್ಯಕ್ತಿಯು ಸಂಕೋಚವಿಲ್ಲದೆ ಎಚ್ಚರಿಕೆಯಿಂದ ಮತ್ತು ವೇಗವಾಗಿ ಮಾತನಾಡುತ್ತಿದ್ದರೆ, ಅಂಥ ಜನರು ಆಕರ್ಷಕ ವ್ಯಕ್ತಿತ್ವವನ್ನು ಹೊಂದಿರುತ್ತಾರೆ. ಅಲ್ಲದೆ, ಈ ಜನರು ತಮಾಷೆಯ ಸ್ವಭಾವದವರು. ಈ ಜನರು ಪ್ರಾಯೋಗಿಕರು ಕೂಡಾ. ಈ ಜನರು ಇತರರ ಸಂತೋಷ ಮತ್ತು ದುಃಖದಲ್ಲಿ ಒಟ್ಟಿಗೆ ನಿಲ್ಲುತ್ತಾರೆ. ಇವರು ಜೀವನದಲ್ಲಿ ಸಾಕಷ್ಟು ಪ್ರಗತಿ ಹೊಂದುತ್ತಾರೆ. ಅಲ್ಲದೆ, ಅವರು ಪ್ರಯಾಣಿಸಲು ಇಷ್ಟಪಡುತ್ತಾರೆ. ಈ ಜನರು ಅಗತ್ಯ ವಸ್ತುಗಳಿಗೆ ಮಾತ್ರ ಹಣವನ್ನು ಖರ್ಚು ಮಾಡುತ್ತಾರೆ. ಇವರು ಹಣವನ್ನು ಸೇರಿಸುವಲ್ಲಿ ನಿಪುಣರು.
ಸಂಭಾಷಣೆಯಲ್ಲಿ ನಿಪುಣ
ಸಾಮುದ್ರಿಕಾ ಶಾಸ್ತ್ರದ ಪ್ರಕಾರ, ಒಬ್ಬ ವ್ಯಕ್ತಿಯು ಉತ್ಸಾಹದಿಂದ ಮಾತನಾಡಿದರೆ ಅಂದರೆ ಅವನು ವೇಗವಾಗಿ ಮಾತನಾಡಿದರೆ ಅಂತಹ ವ್ಯಕ್ತಿಯು ಸ್ವಭಾವತಃ ಹರ್ಷಚಿತ್ತದಿಂದ ಇರುತ್ತಾನೆ. ಈ ಜನರು ಮುಕ್ತವಾಗಿ ಜೀವನವನ್ನು ನಡೆಸುತ್ತಾರೆ. ಅಲ್ಲದೆ, ಈ ಜನರು ಸಂಭಾಷಣೆಯಲ್ಲಿ ನುರಿತರು. ಅವರು ತಮ್ಮ ಗುರಿಗಳನ್ನು ಸಾಧಿಸಿದ ನಂತರವೇ ಉಸಿರು ತೆಗೆದುಕೊಳ್ಳುತ್ತಾರೆ. ಅವರ ಮುಖದಲ್ಲಿ ವಿಭಿನ್ನವಾದ ತೀಕ್ಷ್ಣತೆ ಇದೆ. ಈ ಜನರು ತಮ್ಮ ವೃತ್ತಿಜೀವನದಲ್ಲಿ ಉನ್ನತ ಸ್ಥಾನವನ್ನು ಸಾಧಿಸುತ್ತಾರೆ. ಈ ಜನರು ವಿರುದ್ಧ ಸಂದರ್ಭಗಳಲ್ಲಿಯೂ ಶಾಂತವಾಗಿರುತ್ತಾರೆ.
Weekly Love Horoscope: ಕುಂಭದ ಅವಿವಾಹಿತರಿಗೆ ಜೋಡಿ ಸಿಗುವ ವಾರ
ತೊದಲುವವರು
ತೊದಲು ಮಾತನಾಡುವವರಲ್ಲಿ ಆತ್ಮವಿಶ್ವಾಸದ ಕೊರತೆ ಇದೆ. ಈ ರೀತಿ ಮಾತಾಡುವವರು ತುಂಬಾ ಭಾವನಾತ್ಮಕವಾಗಿರುತ್ತಾರೆ ಮತ್ತು ಸಣ್ಣ ವಿಷಯಗಳಿಗೆ ಅಸಮಾಧಾನಗೊಳ್ಳುತ್ತಾರೆ. ಅಲ್ಲದೆ ಈ ಜನರು ಅತಿಯಾಗಿ ಯೋಚಿಸುತ್ತಾರೆ. ಆದರೆ ಈ ಜನರು ಹೃದಯವಂತರು ಮತ್ತು ಅವರು ಏನು ಹೇಳಲು ಬಯಸುತ್ತಾರೋ ಅದನ್ನು ಅವರ ಮುಖವೇ ತೋರಿಸುತ್ತದೆ.
ಎತ್ತರದ ಧ್ವನಿಯಲ್ಲಿ ಮಾತಾಡುವವರು
ಸಾಮುದ್ರಿಕಾ ಶಾಸ್ತ್ರದ ಪ್ರಕಾರ, ಯಾರು ಎತ್ತರದ ಧ್ವನಿಯಲ್ಲಿ ಮಾತಾಡುವರೋ ಅಂತಹವರು ಇತರರನ್ನು ಆಳುವವರು. ಅಲ್ಲದೆ, ಈ ಜನರು ತಮ್ಮ ಎದುರಿನ ವ್ಯಕ್ತಿಯನ್ನು ತ್ವರಿತವಾಗಿ ಮೆಚ್ಚಿಸುತ್ತಾರೆ. ಈ ಜನರು ಕಲಾ ಪ್ರೇಮಿಗಳು ಮತ್ತು ಕಲಾ ರಸಿಕರು. ಈ ಜನರು ಗುರು ಗ್ರಹದಿಂದ ಪ್ರಭಾವಿತರಾಗಿದ್ದಾರೆ.
ವಾರ ಭವಿಷ್ಯ: ಈ ರಾಶಿಗೆ ವಾರವಿಡೀ ಸಂತೋಷ, ಅವಕಾಶಗಳ ಮಹಾಪೂರ
ಮೃದು ಭಾಷಿಗಳು
ಮೃದುವಾಗಿ ನಿಧಾನವಾದ ದನಿಯಲ್ಲಿ ಮಾತಾಡುವವರು ಸಮಚಿತ್ತರು. ಇವರು ನಿಧಾನವಾಗಿ ಮಾತಾಡುತ್ತಾರೆಂದ ಮಾತ್ರಕ್ಕೆ ಯಾರಾದರೂ ಅವರನ್ನು ಆಳಬಹುದೆಂದಲ್ಲ. ಅವರಲ್ಲಿಯೂ ಮತ್ತೊಬ್ಬರ ಮೇಲೆ ನಿಯಂತ್ರಣ ತೆಗೆದುಕೊಳ್ಳುವ ಸಾಮರ್ಥ್ಯ ಇರುತ್ತದೆ. ಮೃದುವಾಗಿ ಮಾತಾಡಿದರೂ ಸರಿಯಾದ ಸಮಯಕ್ಕೆ ಸರಿಯಾದ ಮಾತುಗಳನ್ನು ಆಡುವ ಅವರು ತೂಕದ ವ್ಯಕ್ತಿತ್ವವನ್ನು ಹೊಂದಿರುತ್ತಾರೆ. ಅವರ ಮಾತುಗಳ ಮೇಲೆ ಇತರರಿಗೆ ನಂಬಿಕೆಯೂ ಹೆಚ್ಚು, ಗೌರವವೂ ಹೆಚ್ಚು.
ದಿನ ಭವಿಷ್ಯ, ವಾರ ಭವಿಷ್ಯ, ನಿಮ್ಮ ರಾಶಿ ವಿಶೇಷ, ದಿನ ವಿಶೇಷ, ಹಬ್ಬ ಹರಿದಿನಗಳು, ಸಂಪ್ರದಾಯ ಆಚರಣೆಗಳು, ಅವುಗಳ ವೈಜ್ಞಾನಿಕ ಹಿನ್ನೆಲೆ, ಪುರಾಣ ಪುಣ್ಯ ಕತೆಗಳು, ವಾಸ್ತು ಕುರಿತು ಹೆಚ್ಚಿನ ಮಾಹಿತಿ ಪಡೆಯಲು ಸುವರ್ಣ ನ್ಯೂಸ್ ಜ್ಯೋತಿಷ್ಯ ವಿಭಾಗವನ್ನು ತಪ್ಪದೇ ನೋಡುತ್ತಿರಿ.
