Asianet Suvarna News Asianet Suvarna News

Peacock feather: ಶನಿ ದೋಷದಿಂದ ಮುಕ್ತರಾಗಲು ನವಿಲುಗರಿ ಬಳಸಿ!

ನವಿಲಿನ ಗರಿಗಳು ಜ್ಯೋತಿಷ್ಯ ಮತ್ತು ವಾಸ್ತು ಶಾಸ್ತ್ರದಲ್ಲಿ ಮಹತ್ವದ ಸ್ಥಾನ ಹೊಂದಿವೆ. ನವಿಲಿನಗರಿಗಳನ್ನು ಹೇಗೆಲ್ಲ ಬಳಸಿದರೆ ನಮ್ಮೆಲ್ಲ ಸಮಸ್ಯೆಗಳಿಂದ ಪರಿಹಾರ ಪಡೆಯಬಹುದು ಎಂಬುದನ್ನು ಇಲ್ಲಿ ತಿಳಿಸಲಾಗಿದೆ. 

Peacock feathers are good to have it in homes for various reasons skr
Author
First Published Dec 14, 2022, 10:43 AM IST

ನವಿಲು ಗರಿಗಳನ್ನು ಜ್ಯೋತಿಷ್ಯ ಶಾಸ್ತ್ರದಲ್ಲಿ ಡ್ರೀಮ್ ಕ್ಯಾಚರ್ಸ್ ಎಂದೂ ಕರೆಯುತ್ತಾರೆ. ರಾತ್ರಿಯಲ್ಲಿ ದಿಂಬಿನ ಕೆಳಗೆ ನವಿಲು ಗರಿಯನ್ನು ಇಟ್ಟುಕೊಳ್ಳುವುದು ಕೆಟ್ಟ ಕನಸುಗಳನ್ನು ತಡೆಯುತ್ತದೆ. ನವಿಲುಗರಿಗೆ ಜ್ಯೋತಿಷ್ಯ ಮತ್ತು ವಾಸ್ತುವಿನಲ್ಲಿ ಉತ್ತಮ ಸ್ಥಾನಮಾನವಿದೆ. 

ನವಿಲು ದೇಶದ ರಾಷ್ಟ್ರೀಯ ಪಕ್ಷಿಯಾಗಿದೆ ಮತ್ತು ಹಿಂದೂ ಧರ್ಮದಲ್ಲಿ ಇದನ್ನು ಮಂಗಳಕರವೆಂದು ಪರಿಗಣಿಸಲಾಗಿದೆ. ಇದು ಸುಬ್ರಹ್ಮಣ್ಯನ ವಾಹನವಾಗಿದೆ. ಶ್ರೀಕೃಷ್ಣನಿಗೆ ನವಿಲು ಗರಿಯ ಮೇಲೆ ಎಲ್ಲಿಲ್ಲದ ಪ್ರೀತಿ. ಅದಕ್ಕಾಗಿಯೇ ಅವನು ಅದನ್ನು ತನ್ನ ಕಿರೀಟದ ಮೇಲೆ ಹಾಕಿಕೊಂಡೇ ಇರುತ್ತಿದ್ದನು.

ಶ್ರೀಕೃಷ್ಣನ ಹೊರತಾಗಿ, ಕಾರ್ತಿಕೇಯ, ಗಣೇಶ ಮತ್ತು ಇಂದ್ರ ದೇವರು ಕೂಡ ನವಿಲು ಗರಿಯನ್ನು ಇಷ್ಟಪಟ್ಟಿದ್ದಾರೆ. ವೇದ ಶಾಸ್ತ್ರಗಳಲ್ಲಿ ನವಿಲು ಗರಿಗೆ ಏಕೆ ಮಹತ್ವವಿದೆ ಎಂಬುದಕ್ಕೆ ಇವೆಲ್ಲವೂ ಕಾರಣವಾಗಿರಬಹುದು.

ಅಷ್ಟೇ ಅಲ್ಲ, ವಾಸ್ತು ಶಾಸ್ತ್ರ(Vastu Shastra)ಕ್ಕೆ ನವಿಲು ಗರಿ ಕೂಡ ಮುಖ್ಯ. ನವಿಲು ಗರಿಯನ್ನು ಕೆಲವು ದಿಕ್ಕುಗಳಲ್ಲಿ ಮತ್ತು ಮನೆಯ ಕೆಲವು ಭಾಗಗಳಲ್ಲಿ ಇಡುವುದರಿಂದ ಮನೆಯಲ್ಲಿ ವಾಸಿಸುವ ವ್ಯಕ್ತಿಗಳಿಗೆ ಪ್ರಯೋಜನವಾಗುತ್ತದೆ ಎಂದು ನಂಬಲಾಗಿದೆ.

ಇಲ್ಲಿ, ನವಿಲು ಗರಿಗಳನ್ನು ಮನೆಯಲ್ಲಿ ಹೇಗೆ ಇಟ್ಟುಕೊಳ್ಳಬೇಕು ಮತ್ತು ಅದರ ಪ್ರಯೋಜನಗಳನ್ನು(benefits) ನೋಡೋಣ.

ಮಕ್ಕಳಲ್ಲಿ ಅಧ್ಯಯನ ಆಸಕ್ತಿ ಮೂಡಿಸಲು
ನಿಮ್ಮ ಮಕ್ಕಳ ಕೊಠಡಿಯಲ್ಲಿರುವ ಸ್ಟಡಿ ಟೇಬಲ್ ಬಳಿ ಕೆಲವು ನವಿಲು ಗರಿಗಳನ್ನು ಇಡುವುದು ಅವರಿಗೆ ಸಹಾಯ ಮಾಡುತ್ತದೆ. ಅವರು ಪ್ರೇರೇಪಿತರಾಗುತ್ತಾರೆ ಮತ್ತು ಅಧ್ಯಯನ ಮಾಡಲು ಬಯಸುತ್ತಾರೆ. ಏಕೆಂದರೆ ನವಿಲು ಜ್ಞಾನದ ದೇವತೆ ಸರಸ್ವತಿ ದೇವಿಗೆ ಸಂಬಂಧಿಸಿದೆ. 

Yearly Horoscope 2023: ಮಕರ ರಾಶಿಗೆ ಮಿಶ್ರ ಫಲದ ವರ್ಷ 2023

ನಕಾರಾತ್ಮಕ ಶಕ್ತಿಗಳನ್ನು ದೂರ ಮಾಡಲು
ನವಿಲು ಗರಿಗಳು ಮನೆಯಿಂದ ನಕಾರಾತ್ಮಕ ಶಕ್ತಿ(negative energy)ಯನ್ನು ತೊಡೆದುಹಾಕಲು ಸಹ ಪ್ರಯೋಜನಕಾರಿ. ಮನೆಯಲ್ಲಿ ಕೆಲವು ನವಿಲು ಗರಿಗಳನ್ನು ಇಡುವುದರಿಂದ ಮನೆಯಲ್ಲಿ ನಕಾರಾತ್ಮಕ ಶಕ್ತಿಗಳು ಹರಡುವುದನ್ನು ತಡೆಯುತ್ತದೆ. ಪರಿಣಾಮಕಾರಿ ಫಲಿತಾಂಶಗಳನ್ನು ಪಡೆಯಲು ಒಬ್ಬರು ತಮ್ಮ ಮನೆಯ ಪ್ರವೇಶದ್ವಾರದಲ್ಲಿ ಕೆಲವು ನವಿಲು ಗರಿಗಳನ್ನು ಇಡಬೇಕು.

ನಿಮ್ಮ ಮಲಗುವ ಕೋಣೆಯಲ್ಲಿ ನವಿಲು ಗರಿಗಳನ್ನು ಇಟ್ಟುಕೊಳ್ಳುವುದು ನಿಮ್ಮ ದಾಂಪತ್ಯ ಜೀವನವನ್ನು ಸಂತೋಷದಿಂದ ತುಂಬಲು ಸಹಾಯ ಮಾಡುತ್ತದೆ. ಇದು ನಿಮ್ಮ ಸಂಬಂಧವನ್ನು ಗಾಢವಾಗಿಸಲು ಸಹಾಯ ಮಾಡುತ್ತದೆ ಮತ್ತು ನಿಮ್ಮ ಪ್ರೀತಿಯೂ ಬೆಳೆಯುತ್ತದೆ ಎಂದು ನಂಬಲಾಗಿದೆ.

ಸಂಪತ್ತು ಮತ್ತು ಸಮೃದ್ಧಿ
ಲಾಕರ್ ಬಳಿ ನವಿಲು ಗರಿ(Peacock feather) ಇಡಬೇಕು. ಲಾಕರ್ ಬಳಿ ವರ್ಣರಂಜಿತ ಗರಿಗಳನ್ನು ಇರಿಸುವುದು ಸಂಪತ್ತು, ಸಮೃದ್ಧಿಯನ್ನು ಆಕರ್ಷಿಸುತ್ತದೆ ಮತ್ತು ಸ್ಥಿರತೆಯನ್ನು ಒದಗಿಸುತ್ತದೆ.
ನಿಮ್ಮ ಮನೆಯ ದಕ್ಷಿಣ ದಿಕ್ಕಿನಲ್ಲಿ ನವಿಲು ಗರಿಗಳ ಗುಂಪನ್ನು ಇಟ್ಟುಕೊಳ್ಳುವುದು ನಿಮ್ಮ ಆರ್ಥಿಕ ಸ್ಥಿತಿಯನ್ನು ಸುಧಾರಿಸಲು ಸಹಾಯ ಮಾಡುತ್ತದೆ ಮತ್ತು ನೀವು ಎಂದಿಗೂ ಆರ್ಥಿಕ ಬಿಕ್ಕಟ್ಟನ್ನು ಎದುರಿಸುವುದಿಲ್ಲ.

Gods and Flowers: ಯಾವ ದೇವರಿಗೆ ಯಾವ ಹೂವು ಅರ್ಪಿಸಬೇಕು?

ಪ್ರೀತಿಯನ್ನು ಹೆಚ್ಚಿಸಲು
ಮನೆಯಲ್ಲಿ ಕುಟುಂಬ ಸದಸ್ಯರ ನಡುವೆ ಭಿನ್ನಾಭಿಪ್ರಾಯಗಳಿದ್ದರೆ, ಸಮಸ್ಯೆಯನ್ನು ಪರಿಹರಿಸಲು ನವಿಲು ಗರಿಗಳನ್ನು ಬಳಸಬಹುದು. ನೀವು ವಾಸಿಸುವ ಪೂರ್ವ ದಿಕ್ಕಿನಲ್ಲಿ ಏಳು ನವಿಲು ಗರಿಗಳ ಗುಂಪನ್ನು ಇಟ್ಟುಕೊಳ್ಳುವುದು ನಿಮ್ಮ ಮನೆಗೆ ಶಾಂತಿ ಮತ್ತು ಸಂತೋಷವನ್ನು ತರಲು ಸಹಾಯ ಮಾಡುತ್ತದೆ. ನವಿಲು ಕೋಣೆಯ ಅಂದವನ್ನು ಹೆಚ್ಚಿಸುವುದಲ್ಲದೆ, ನವಿಲಿನ ಚಿತ್ರವನ್ನು ನೇತು ಹಾಕುವುದರಿಂದ ದಂಪತಿಗಳ ನಡುವೆ ಅನ್ಯೋನ್ಯತೆ ಮತ್ತು ತಿಳುವಳಿಕೆ ಹೆಚ್ಚಾಗುತ್ತದೆ.

ವಾಸ್ತು ದೋಷ ನಿವಾರಣೆಗೆ
ನಿಮ್ಮ ಮನೆಯಲ್ಲಿ ಇತರ ಕೆಲವು ವಾಸ್ತು ದೋಷ(Vastu dosh)ಗಳಿದ್ದರೆ, ನವಿಲಿನ ಎಂಟು ಗರಿಗಳನ್ನು ಒಟ್ಟುಗೂಡಿಸಿ ‘ಓಂ ಸೋಮಾಯ ನಮಃ’ ಎಂಬ ಮಂತ್ರವನ್ನು ಪಠಿಸುತ್ತಾ ಬಿಳಿ ದಾರವನ್ನು ಬಳಸಿ ಕೆಳಗಿನಿಂದ ಅವುಗಳನ್ನು ಒಟ್ಟಿಗೆ ಕಟ್ಟಬೇಕು.

ಮನೆ ಅಲಂಕಾರ
ನವಿಲು ಸೌಂದರ್ಯದ ಪ್ರಾಣಿ. ಇದು ಯುಗಗಳಿಂದಲೂ ಪ್ರಕೃತಿ ಮತ್ತು ಸೌಂದರ್ಯದೊಂದಿಗೆ ಸಂಬಂಧ ಹೊಂದಿದೆ. ಆದ್ದರಿಂದ, ನವಿಲಿನ ವರ್ಣಚಿತ್ರವನ್ನು ನೇತುಹಾಕುವುದು ಮಂಗಳಕರವೆಂದು ಪರಿಗಣಿಸಲಾಗಿದೆ. ಅಲ್ಲದೆ, ನರ್ತಿಸುವ ನವಿಲಿನ ಪೇಂಟಿಂಗ್ ಅನ್ನು ಇರಿಸುವುದರಿಂದ ಅದು ಮನೆಗ ಸೌಂದರ್ಯ, ಮೋಡಿ ಮತ್ತು ಸೊಗಸಾದ ನೋಟವನ್ನು ನೀಡುತ್ತದೆ.

Jobs in 2023: ಈ ರಾಶಿಗಳಿಗೆ ಹೊಸ ವರ್ಷದಲ್ಲಿ ಹೊಸ ಉದ್ಯೋಗ, ಬಡ್ತಿ ಅವಕಾಶ..

ಶನಿಯ ದುಷ್ಪರಿಣಾಮಗಳನ್ನು ತೊಡೆದುಹಾಕಲು
ಶನಿ ಗ್ರಹದ ದುಷ್ಪರಿಣಾಮಗಳನ್ನು ತೆಗೆದುಹಾಕುವಲ್ಲಿ ನವಿಲು ಗರಿಗಳು ಬಹಳ ಪರಿಣಾಮಕಾರಿ. ಇದನ್ನು ಪರಿಹಾರವಾಗಿ ಬಳಸಲು, ನವಿಲಿನ ಮೂರು ಗರಿಗಳನ್ನು ಕಪ್ಪು ದಾರದಿಂದ ಕಟ್ಟಬೇಕು. ಸ್ವಲ್ಪ ನೀರು ಚಿಮುಕಿಸಿ ‘ಓಂ ಶನೇಶ್ವರಾಯ ನಮಃ’ ಮಂತ್ರವನ್ನು ಇಪ್ಪತ್ತು ಬಾರಿ ಜಪಿಸಬೇಕು.

Follow Us:
Download App:
  • android
  • ios