ಸಂಕ್ರಾಂತಿ, ಲೋಹ್ರಿ, ಓಣಂ, ಪೊಂಗಲ್.. ಹಬ್ಬ ಒಂದು, ಹೆಸರು ಹಲವು
ಮಕರ ಸಂಕ್ರಾಂತಿಯಂದು ಹಬ್ಬ ಆಚರಣೆಗೆ ದೇಶಾದ್ಯಂತ ಒಂದೊಂದು ರಾಜ್ಯಕ್ಕೆ ಒಂದೊಂದು ಕಾರಣವಿದೆ. ಈ ದಿನ ರೈತರು ಸುಗ್ಗಿ ಹಬ್ಬವನ್ನು ಆಚರಿಸುತ್ತಾರೆ. ಸಂಕ್ರಾಂತಿ ಹಬ್ಬವನ್ನು ಎಲ್ಲೆಲ್ಲಿ ಹೇಗೆ, ಯಾವ ಹೆಸರಿನಿಂದ ಆಚರಿಸುತ್ತಾರೆ ತಿಳಿಯೋಣ.
ಮಕರ ಸಂಕ್ರಾಂತಿಯನ್ನು ಪ್ರತಿ ವರ್ಷ ಜನವರಿ 14 ರಂದು ಆಚರಿಸಲಾಗುತ್ತದೆ. ಬಹುತೇಕ ಎಲ್ಲ ಹಿಂದೂ ಹಬ್ಬಗಳೂ ಚಂದ್ರನ ಕ್ಯಾಲೆಂಡರ್ ಆಧರಿಸಿದ್ದರೆ, ಮಕರ ಸಂಕ್ರಾಂತಿಯು ಸೌರ ಕ್ಯಾಲೆಂಡರ್ ಅನ್ನು ಆಧರಿಸಿರುವುದು ವಿಶೇಷ. ಮಕರ ಸಂಕ್ರಾಂತಿಯನ್ನು ಮಕರ ರಾಶಿಯಲ್ಲಿ ಸೂರ್ಯನ ಚಲನೆಯನ್ನು ಗುರುತಿಸಲು ಆಚರಿಸಲಾಗುತ್ತದೆ. ಸಂಕ್ರಾಂತಿ ಎಂದರೆ ಚಲನೆ ಎಂದರ್ಥ.
ಹಬ್ಬ ಒಂದೇ, ಹೆಸರು ಹಲವು
ಭಾರತದಲ್ಲಿ, ಸುಗ್ಗಿಯ ಕಾಲವನ್ನು ಅತ್ಯಂತ ಉತ್ಸಾಹದಿಂದ ಮತ್ತು ಸಂತೋಷದಿಂದ ಆಚರಿಸಲಾಗುತ್ತದೆ. ಭಾರತೀಯ ಜನಸಂಖ್ಯೆಯ ಹೆಚ್ಚಿನ ಭಾಗವು ಕೃಷಿಕರದ್ದಾಗಿದೆ. ಆದ್ದರಿಂದ, ಮಕರ ಸಂಕ್ರಾಂತಿಯನ್ನು ದೇಶದ ಹಲವು ರಾಜ್ಯಗಳಲ್ಲಿ ಹಲವು ವಿಭಿನ್ನ ಹೆಸರುಗಳಿಂದ ಆಚರಿಸಲಾಗುತ್ತದೆ.
ಸಂಕ್ರಾಂತಿ(Sankranti)
ಕರ್ನಾಟಕದಲ್ಲಿ ಈ ದಿನ ಮನೆಮನೆಗಳಲ್ಲಿ ಎಳ್ಳುಬೆಲ್ಲಗಳನ್ನು ತಯಾರಿಸಿ ಅಕ್ಕಪಕ್ಕದವರಿಗೆ ಹಂಚುತ್ತಾ 'ಎಳ್ಳು ಬೆಲ್ಲ ತಿಂದು ಒಳ್ಳೆ ಮಾತಾಡಿ' ಎನ್ನುತ್ತಾರೆ. ದನಕರುಗಳನ್ನು ಕಿಚ್ಚು ಹಾಯಿಸಲಾಗುತ್ತದೆ.
ಥಾಯ್ ಪೊಂಗಲ್ / ಪೊಂಗಲ್ (Pongal)
ತಮಿಳುನಾಡಿನಲ್ಲಿ ಆಚರಿಸಲಾಗುವ ಥಾಯ್ ಪೊಂಗಲ್, ಭಗವಾನ್ ಇಂದ್ರನಿಗೆ ಗೌರವ ಸಲ್ಲಿಸುವ ನಾಲ್ಕು ದಿನಗಳ ಆಚರಣೆಯಾಗಿದೆ. ಸಮೃದ್ಧವಾದ ಮಳೆ ಮತ್ತು ಫಲವತ್ತಾದ ಭೂಮಿ ಮತ್ತು ಉತ್ತಮ ಇಳುವರಿಗಾಗಿ ಭಗವಾನ್ ಇಂದ್ರನಿಗೆ ಧನ್ಯವಾದ ಹೇಳಲು ಈ ಹಬ್ಬವು ಒಂದು ಮಾಧ್ಯಮವಾಗಿದೆ. ಥಾಯ್ ಪೊಂಗಲ್ ಆಚರಣೆಗಳು ಭಗವಾನ್ ಸೂರ್ಯ ಮತ್ತು ಭಗವಾನ್ ಇಂದ್ರನಿಗೆ ಅರ್ಪಿಸದೆ ಅಪೂರ್ಣವಾಗಿರುತ್ತವೆ. ಥೈ ಪೊಂಗಲ್‌ನ ಎರಡನೇ ದಿನದಂದು, ಹೊಸದಾಗಿ ಬೇಯಿಸಿದ ಅನ್ನವನ್ನು ಹಾಲಿನಲ್ಲಿ ಕುದಿಸಿ ಮತ್ತು ಮಣ್ಣಿನ ಪಾತ್ರೆಗಳಲ್ಲಿಟ್ಟು ಸೂರ್ಯನಿಗೆ ಅರ್ಪಿಸಲಾಗುತ್ತದೆ. ಮೂರನೇ ದಿನ, ಕೃಷಿಗೆ ಸಹಕರಿಸಿದ ದನಕರುಗಳನ್ನು ಗಂಟೆಗಳು, ಹೂವಿನ ಹಾರಗಳು, ಮಣಿಗಳು ಮತ್ತು ಬಣ್ಣಗಳಿಂದ ಅಲಂಕರಿಸುವ ಮೂಲಕ ಆಚರಿಸಲಾಗುತ್ತದೆ. ಇದನ್ನು ಮಟ್ಟು ಪೊಂಗಲ್ ಎನ್ನಲಾಗುತ್ತದೆ. ಪೊಂಗಲ್‌ನ ನಾಲ್ಕನೇ ದಿನದಂದು, ಕಣ್ಣುಂ ಪೊಂಗಲ್ ಅನ್ನು ಆಚರಿಸಲಾಗುತ್ತದೆ, ಇದರಲ್ಲಿ ಮನೆಯ ಎಲ್ಲಾ ಮಹಿಳೆಯರು ಒಟ್ಟಾಗಿ ವಿವಿಧ ಆಚರಣೆಗಳನ್ನು ಮಾಡುತ್ತಾರೆ.
Monthly horoscope Aries: ಮೇಷ ರಾಶಿಗೆ ನೋ ವರಿ ತಿಂಗಳು ಜನವರಿ
ಉತ್ತರಾಯಣ (Uttarayan)
ಗುಜರಾತ್‌ನಲ್ಲಿ ಸುಗ್ಗಿಯ ಕಾಲವನ್ನು ಆಚರಿಸಲು ಉತ್ತರಾಯಣವನ್ನು ವಿಶೇಷವಾಗಿ ಆಚರಿಸಲಾಗುತ್ತದೆ. ಉತ್ತರಾಯಣದ ನಂತರ ಮರುದಿನ ವಾಸಿ ಉತ್ತರಾಯಣವನ್ನು ಆಚರಿಸಲಾಗುತ್ತದೆ. ಈ ಹಬ್ಬವನ್ನು ಗಾಳಿಪಟಗಳನ್ನು ಹಾರಿಸುವುದು ಮತ್ತು ಬೆಲ್ಲ ಮತ್ತು ಕಡಲೆಕಾಯಿ ಚಿಕ್ಕಿಗಳನು ಹಂಚುವುದರ ಮೂಲಕ ಆಚರಿಸಲಾಗುತ್ತದೆ.
ಲೋಹ್ರಿ(Lohri)
ಲೋಹ್ರಿ ಪಂಜಾಬಿನ ಸುಗ್ಗಿಯ ಹಬ್ಬವಾಗಿದ್ದು, ಇದನ್ನು ಜನವರಿ 13ರಂದು ಆಚರಿಸಲಾಗುತ್ತದೆ. ಈ ಹಬ್ಬವು ಸಂಜೆಯ ದೀಪೋತ್ಸವಗಳಿಗೆ ಹೆಸರುವಾಸಿಯಾಗಿದೆ. ಈ ಸಂದರ್ಭದಲ್ಲಿ ಕಡಲೆಕಾಯಿ, ಎಳ್ಳು, ಬೆಲ್ಲ ಮತ್ತು ಪಾಪ್‌ಕಾರ್ನ್‌ಗಳನ್ನು ಸೇವಿಸಲಾಗುತ್ತದೆ. ಪೂಜಾ ವಿಧಿಯ ಭಾಗವಾಗಿ, ಈ ಆಹಾರ ಪದಾರ್ಥಗಳನ್ನು ತಿನ್ನುವ ಮೊದಲು ಪವಿತ್ರ ಅಗ್ನಿಗೆ ಅರ್ಪಿಸಲಾಗುತ್ತದೆ.
ಮಾಘ್/ ಭೋಗಾಲಿ ಬಿಹು (Bhogali bihu)
ಮಾಘ್ ಅಥವಾ ಭೋಗಾಲಿ ಬಿಹು ಅಸ್ಸಾಂನ ಒಂದು ವಾರದ ಸುಗ್ಗಿಯ ಹಬ್ಬವಾಗಿದೆ. ಇದು ಪೂಹ್ ತಿಂಗಳ 29ನೇ ದಿನದಂದು ಪ್ರಾರಂಭವಾಗುತ್ತದೆ, ಇದು ಜನವರಿ 13ರಂದು ಬರುತ್ತದೆ ಮತ್ತು ಸುಮಾರು ಒಂದು ವಾರ ಇರುತ್ತದೆ. ಈ ಹಬ್ಬದ ಆಚರಣೆಗಳಲ್ಲಿ ದೀಪೋತ್ಸವಗಳು ಮತ್ತು 'ಶುಂಗಾ ಪಿತಾ', 'ತಿಲ್ ಪಿತಾ' ಮತ್ತು 'ಲಾರು' ಎಂಬ ತೆಂಗಿನಕಾಯಿ ಸಿಹಿತಿಂಡಿಗಳು, ಅಕ್ಕಿ ಕೇಕ್‌ಗಳನ್ನು ತಯಾರಿಸಲಾಗುತ್ತದೆ. ಈ ಸ್ಥಳದ ಸ್ಥಳೀಯರು ಮಡಕೆ ಒಡೆಯುವುದು ಮತ್ತು ಎಮ್ಮೆ ಕಾಳಗವನ್ನು ಒಳಗೊಂಡಿರುವ 'ಟೆಕೇಲಿ ಭೋಂಗಾ'ದಂತಹ ಆಟಗಳಲ್ಲಿ ಸಹ ತೊಡಗುತ್ತಾರೆ.
Shani Gochar 2023: ಕುಂಭಕ್ಕೆ ಶನಿ, 5 ರಾಶಿಗಳಿಗೆ ಕಷ್ಟಕೋಟಲೆ ಹೆಚ್ಚಳ! ಇರಲಿ ಎಚ್ಚರ!
ಓಣಂ(Onam)
ಓಣಂ ಎಂಬುದು ಅಸುರ ಮಹಾಬಲಿಯ ವಾರ್ಷಿಕ ಭೇಟಿಯನ್ನು ಗೌರವಿಸಲು ಕೇರಳದಲ್ಲಿ ಆಚರಿಸಲಾಗುತ್ತದೆ. ಅಂದು ಪಾತಾಳ ಲೋಕದಿಂದ ಪೃಥ್ವಿ ಲೋಕಕ್ಕೆ ತನ್ನ ಸಂಬಂಧಿಕರನ್ನು ಭೇಟಿಯಾಗಲು ಮಹಾಬಲಿ ಬರುತ್ತಾನೆಂಬ ನಂಬಿಕೆ ಇದೆ. ಇದು ಹತ್ತು ದಿನಗಳ ಆಚರಣೆಯಾಗಿದೆ. ಈ ಹಬ್ಬದಂದು ಕೇರಳದ ಸಂಸ್ಕೃತಿಯನ್ನು ಪ್ರದರ್ಶಿಸುವ ಫಲಕಗಳು ಮತ್ತು ಮೆರವಣಿಗೆಗಳನ್ನು ಆಯೋಜಿಸಲಾಗುತ್ತದೆ. ರಾಜ್ಯ ಮತ್ತು ಸಂಸ್ಕೃತಿಯ ಸ್ಥಳೀಯ ಜನರು ಈ ಅವಧಿಯಲ್ಲಿ ಸಾಂಪ್ರದಾಯಿಕ ನೃತ್ಯದಲ್ಲಿ ತೊಡಗುತ್ತಾರೆ. ಓಣಂ ಸಮಯದಲ್ಲಿ ಅತ್ಯಂತ ಪ್ರಸಿದ್ಧವಾದ ಚಟುವಟಿಕೆಯೆಂದರೆ ದೋಣಿ ಓಟ.
ತೀರ್ಥಯಾತ್ರೆಗಳು (Pilgrimages)
ಸಾಮಾನ್ಯವಾಗಿ, ಮಕರ ಸಂಕ್ರಾಂತಿಯು ಉತ್ತರ ಭಾರತದಲ್ಲಿ, ವಿಶೇಷವಾಗಿ ಉತ್ತರ ಪ್ರದೇಶದಲ್ಲಿ ಪ್ರಸಿದ್ಧ ಕುಂಭಮೇಳದ ಆರಂಭವನ್ನು ಮತ್ತು ದಕ್ಷಿಣ ಭಾರತದಲ್ಲಿ, ವಿಶೇಷವಾಗಿ ಕೇರಳದಲ್ಲಿ ಶಬರಿಮಲೆ ಯಾತ್ರೆಯ ಅಂತ್ಯವನ್ನು ಸೂಚಿಸುತ್ತದೆ. ಈ ಸಂದರ್ಭದಲ್ಲಿ, ಸಾಮಾನ್ಯವಾಗಿ, ವಿವಿಧ ಜಾತಿಗಳು ಮತ್ತು ಸಂಸ್ಕೃತಿಗಳಿಗೆ ಸೇರಿದ ಜನರು ಈ ಹಬ್ಬದ ಶುಭವನ್ನು ಗುರುತಿಸಲು ಪವಿತ್ರ ನೀರಿನಲ್ಲಿ ಸ್ನಾನ ಮಾಡಲು ಬಯಸುತ್ತಾರೆ. ಈ ಮಂಗಳಕರ ದಿನದಂದು ಸಾಯುವವರು ಮೋಕ್ಷವನ್ನು ಪಡೆಯುತ್ತಾರೆ ಮತ್ತು ಮರಣ ಮತ್ತು ಪುನರ್ಜನ್ಮದ ಚಕ್ರದಿಂದ ಮುಕ್ತರಾಗುತ್ತಾರೆ ಎಂದು ನಂಬಲಾಗಿದೆ.
