ಜಪಾನ್‌ನಲ್ಲಿ ಕ್ರಿಸ್ಮಸ್ ಎಂದರೆ ಪ್ರೇಮಿಗಳ ಹಬ್ಬ!
ಜಪಾನ್‌ನಲ್ಲಿ ಕ್ರಿಸ್ಮಸ್ ಹಬ್ಬವನ್ನು ಪ್ರೇಮಿಗಳ ದಿನದಂತೆ ಆಚರಿಸಲಾಗುತ್ತದೆ. ಈ ದಿನ ಜೋಡಿಗಳು ಉಡುಗೊರೆಗಳನ್ನು ವಿನಿಮಯ ಮಾಡಿಕೊಳ್ಳುತ್ತಾರೆ, ಜರ್ಮನ್ ಶೈಲಿಯ ಕ್ರಿಸ್ಮಸ್ ಮಾರುಕಟ್ಟೆಗಳಿಗೆ ಭೇಟಿ ನೀಡುತ್ತಾರೆ, ಅಲಂಕೃತ ರೆಸ್ಟೋರೆಂಟ್‌ಗಳಲ್ಲಿ ಊಟ ಮಾಡುತ್ತಾರೆ ಮತ್ತು ಇದನ್ನು ರೋಮ್ಯಾಂಟಿಕ್ ದಿನವನ್ನಾಗಿ ಮಾಡುತ್ತಾರೆ.
Followಎಲ್ಲೆಡೆ ಕ್ರಿಸ್ಮಸ್ ಸಂಭ್ರಮ. ಆದರೆ ಜಪಾನ್‌ನಲ್ಲಿ ಕ್ರಿಸ್ಮಸ್ ಆಚರಣೆಗೆ ಮತ್ತೊಂದು ವಿಶೇಷತೆ ಇದೆ. ಏನದು ಗೊತ್ತಾ? ಅದು ಅವರಿಗೆ ವ್ಯಾಲೆಂಟೈನ್ಸ್ ಡೇನಂತೆ. ಪ್ರೇಮಿಗಳು ಮತ್ತು ದಂಪತಿಗಳು ಈ ದಿನವನ್ನು ತಮ್ಮ ಪ್ರೇಮ ದಿನವಾಗಿಯೂ ಆಚರಿಸುತ್ತಾರೆ ಎಂದು ವರದಿಗಳು ತಿಳಿಸಿವೆ.
ಕ್ರಿಸ್ಮಸ್ ದಿನದಂದು ಪ್ರೀತಿಪಾತ್ರರ ಜೊತೆ ಹೊರಗೆ ಹೋಗಲು, ಸುಂದರ ರೆಸ್ಟೋರೆಂಟ್‌ಗಳಿಗೆ ಭೇಟಿ ನೀಡಲು, ಅಲಂಕೃತ ಸ್ಥಳಗಳಲ್ಲಿ ಸಮಯ ಕಳೆಯಲು ಜನರು ಇಷ್ಟಪಡುತ್ತಾರೆ.
ತುಂಟತನ ಒಳ್ಳೆಯದಲ್ಲವೆಂದು ಕ್ರಿಸ್‌ಮಸ್‌ಗೆ ಗಂಡನ ಜೊತೆ ಮುದ್ದಾದ ಫೋಟೋ ಹಂಚಿಕೊಂಡ ಪ್ರಿಯಾಂಕಾ ಚೋಪ್ರಾ
ಹದಿನಾರನೇ ಶತಮಾನದಲ್ಲಿ ಕ್ರೈಸ್ತ ಧರ್ಮ ಜಪಾನ್‌ಗೆ ಬಂದರೂ, ಎರಡನೇ ಮಹಾಯುದ್ಧದ ನಂತರ ಅಮೇರಿಕನ್ ಸಂಸ್ಕೃತಿ ಜಪಾನ್‌ನ ಆಚರಣೆಗಳ ಮೇಲೆ ಪ್ರಭಾವ ಬೀರಲು ಪ್ರಾರಂಭಿಸಿತು. ಹಿಂದೂಸ್ತಾನ್ ಟೈಮ್ಸ್ ಬರೆಯುವ ಪ್ರಕಾರ, ಒಟಾಗೊ ವಿಶ್ವವಿದ್ಯಾಲಯದ ಸಹ ಪ್ರಾಧ್ಯಾಪಕರಾದ ರಾಯ್ ಸ್ಟಾರ್ಸ್, ಜಪಾನ್‌ನಲ್ಲಿ ಮಿನುಗುವ ದೀಪಗಳು, ಸಾಂಟಾಕ್ಲಾಸ್ ಅಲಂಕಾರಗಳು ಮತ್ತು ಕೇಕ್‌ಗಳೊಂದಿಗೆ ಕ್ರಿಸ್ಮಸ್ ಒಂದು ಪಾಪ್-ಸಂಸ್ಕೃತಿಯಾಗಿ ವಿಕಸನಗೊಂಡಿದೆ ಎಂದು ಅಭಿಪ್ರಾಯಪಟ್ಟಿದ್ದಾರೆ.
ವಿಶ್ವವಿದ್ಯಾಲಯದ ವಿದ್ಯಾರ್ಥಿನಿ ಸುಮಿರೆ ಸೆಕಿನೊ ಹೇಳುವಂತೆ, ತನ್ನ ಅತ್ಯಂತ ಸ್ಮರಣೀಯ ಕ್ರಿಸ್ಮಸ್ ಆಚರಣೆಗಳಲ್ಲಿ ಒಂದು ತನ್ನ ಗೆಳೆಯನೊಂದಿಗೆ ಕಳೆದ ಕ್ಷಣಗಳು ಎಂದು ಹೇಳುತ್ತಾರೆ. ಟೋಕಿಯೊದ ಕೆಲವು ಪ್ರಸಿದ್ಧ ಡೇಟಿಂಗ್ ತಾಣಗಳಿಗೆ ಭೇಟಿ ನೀಡಿದ್ದಾಗಿ ಅವರು ಹೇಳಿದ್ದಾರೆ ಎಂದು ಸಿಎನ್‌ಎನ್ ಬರೆಯುತ್ತದೆ.
ಮಿಸ್ ಏಷ್ಯಾ ಪೆಸಿಫಿಕ್ 2024 ರನ್ನರ್ ಅಪ್ ಆದ ಕನ್ನಡತಿ ಲಾಸ್ಯ ನಾಗರಾಜ್
ಅದೇ ರೀತಿ, 19 ವರ್ಷದ ಅಕಾವೊ ತಕಾವೊ ಕೂಡ ತನ್ನ ಇದೇ ರೀತಿಯ ಕ್ರಿಸ್ಮಸ್ ಅನುಭವವನ್ನು ಹಂಚಿಕೊಳ್ಳುತ್ತಾರೆ. ಸುಂದರವಾದ ದೀಪಗಳ ಅಲಂಕಾರಗಳನ್ನು ನೋಡುವುದು ಮತ್ತು ಗೆಳತಿಯೊಂದಿಗೆ ಒಂದು ಕಪ್ ಹಾಟ್ ಚಾಕೊಲೇಟ್ ಸವಿಯುವುದು ಅಕಾವೊ ಹೇಳುವ ಅನುಭವ.
ಅದೇ ರೀತಿ ಈ ದಿನ ಜಪಾನ್‌ನ ದಂಪತಿಗಳು ಉಡುಗೊರೆಗಳನ್ನು ವಿನಿಮಯ ಮಾಡಿಕೊಳ್ಳುತ್ತಾರೆ, ಜರ್ಮನ್ ಶೈಲಿಯ ಕ್ರಿಸ್ಮಸ್ ಮಾರುಕಟ್ಟೆಗಳಿಗೆ ಭೇಟಿ ನೀಡುತ್ತಾರೆ, ಅಲಂಕೃತ ರೆಸ್ಟೋರೆಂಟ್‌ಗಳಲ್ಲಿ ಊಟ ಮಾಡುತ್ತಾರೆ ಮತ್ತು ಇದನ್ನು ರೋಮ್ಯಾಂಟಿಕ್ ದಿನವನ್ನಾಗಿ ಮಾಡುತ್ತಾರೆ. ಇನ್ನೇನು ಹೇಳಬೇಕು, ಈ ಸಮಯವನ್ನು ವಿವಾಹ ಪ್ರಸ್ತಾಪ ಮತ್ತು ಪ್ರೇಮ ನಿವೇದನೆಗೆ ಸಹ ಸೂಕ್ತವೆಂದು ಪರಿಗಣಿಸಲಾಗುತ್ತದೆ.
