Asianet Suvarna News Asianet Suvarna News

ಈ 5 ರಾಶಿಗಳ ಜನರು ಸಂಬಂಧಗಳನ್ನು ಹೂವಿನಂತೆ ಪ್ರೀತಿಸುತ್ತಾರೆ... ನಿಮ್ಮ ರಾಶಿ ಯಾವುದು?

ಉತ್ತಮವಾದ ಸಂಬಂಧ ಕಾಪಾಡಿಕೊಳ್ಳಲು ಸಂಸಾರವನ್ನು ಸಾಗಿಸುವ ಧೈರ್ಯ ಮತ್ತು ತಿಳುವಳಿಕೆ ಅಗತ್ಯ.  ಹಲವರು ತಮ್ಮ ಸಂಬಂಧವನ್ನು ಹೇಗೆ ಗಟ್ಟಿಗೊಳಿಸಬೇಕು ಎಂಬ ಗೊಂದಲದಲ್ಲಿರುತ್ತಾರೆ ಪರಿಪೂರ್ಣ ಸಂಬಂಧವು ನಂಬಿಕೆ, ನಿಷ್ಠೆ, ಸಂವಹನ ಮತ್ತು ತಿಳುವಳಿಕೆ ಎಂಬ 4 ವಿಷಯಗಳ ಮೇಲೆ ಅವಲಂಬಿತವಾಗಿದೆ. ಅಪರೂಪದ ಜನರು ಈ ಗುಣಗಳನ್ನು ಹೊಂದಿರುತ್ತಾರೆ. ಕೆಲ ರಾಶಿಯವರಿಗೆ ಮಾತ್ರ ಈ ಗುಣಗಳು ಇರುತ್ತವೆ. ಈ ಕುರಿತು ಇಲ್ಲಿದೆ ಮಾಹಿತಿ.
 

5 zodiac signs cherish relationships like flowers suh
Author
First Published Jun 1, 2023, 6:42 PM IST

ಮದುವೆ (marriage)ಯು ವ್ಯಕ್ತಿಯ ಜೀವನದಲ್ಲಿ  ಪ್ರಮುಖ ಹಂತಗಳಲ್ಲಿ ಒಂದಾಗಿದೆ.  ವಾಸ್ತವವಾಗಿ, ನಮ್ಮಲ್ಲಿ ಹೆಚ್ಚಿನವರು ಆ ಪರಿಪೂರ್ಣ ಜೀವನ ಸಂಗಾತಿಯ ಕನಸು ಕಾಣುತ್ತಾರೆ, ಅವರೊಂದಿಗೆ ಈ ಜೀವನವನ್ನು ಎಂದೆಂದಿಗೂ ಸಂತೋಷದಿಂದ ಸಾಗಿಸ ಬಹುದು ಎಂದುಕೊಳ್ಳುತ್ತಾರೆ. ಆದರೆ ನಿರೀಕ್ಷೆಯಂತೆ ಎಲ್ಲವೂ ನಡೆಯುವುದಿಲ್ಲ. ಹಲವರಿಗೆ ಮದುವೆ ವಿಳಂಬವಾಗಬಹುದು, ಕೆಲವರಿಗೆ ಮದುವೆಯಲ್ಲಿ ಸಮಸ್ಯೆ (problem)ಗಳನ್ನು ಎದುರಿಸಬಹುದು. ವೈದಿಕ ಜ್ಯೋತಿಷ್ಯದ ಪ್ರಕಾರ, ಶುಕ್ರ ಮತ್ತು ಗುರು ಗ್ರಹಗಳು ವ್ಯಕ್ತಿಯ ಮದುವೆಯಲ್ಲಿ ಪ್ರಮುಖ ಪಾತ್ರವನ್ನು ವಹಿಸುತ್ತವೆ. 

1. ವೃಷಭ (Taurus): ಇವರು ನಿಷ್ಠಾವಂತರು ಮತ್ತು ವಿಶ್ವಾಸಾರ್ಹ (Reliable)ರು. ಈ ಗುಣದಿಂದ ಯಾವುದೇ ರೀತಿಯ ಸಂಬಂಧದಲ್ಲಿ ಇವರು ಉತ್ತಮರಾಗಿ ಇರುತ್ತಾರೆ. ಇವರಿಗೆ ತುಂಬಾ ತಾಳ್ಮೆ ಇರುತ್ತದೆ. ಆದ್ದರಿಂದ ಸಂಬಂಧ (relationship)ದಲ್ಲಿ ಯಾವುದೇ ಸಮಸ್ಯೆಗಳು ಉದ್ಭವಿಸಿದರೂ ಅವರು ಶಾಂತವಾಗಿ ಸವಾಲುಗಳನ್ನು ಎದುರಿಸುತ್ತಾರೆ.

2. ಕಟಕ (Cancer):  ಇವರು ತುಂಬಾ ಭಾವನಾತ್ಮಕ (Emotional)ಮತ್ತು ಸಂವೇದನಾಶೀಲರು. ಇತರರೊಂದಿಗೆ ಸಹಾನುಭೂತಿ (Sympathy)ಯಿಂದ ನಡೆದುಕೊಳ್ಳುತ್ತಾರೆ. ಹೀಗಾಗಿ ಸಾಂಸಾರಿಕ ಜೀವನವನ್ನು ಉತ್ತಮವಾಗಿ ಸಾಗಿಸುವುದರ ಜತೆಗೆ  ಇತರ ಜನರೊಂದಿಗೆ ಉತ್ತಮ ಬಂಧವನ್ನು ಕಾಪಾಡಿಕೊಳ್ಳುತ್ತಾರೆ.

3. ತುಲಾ (Libra): ಇವರು ಸ್ವಾಭಾವಿಕವಾಗಿ ಬಹಳ ಸಮತೋಲಿತ ಜನರು. ಮೂಲತಃ ಬಹಳ ಆಕರ್ಷಕ (attractive) ಮತ್ತು ಬುದ್ಧಿವಂತರಾಗಿರುತ್ತಾರೆ.  ಬಹಳ ಜನರು ನಿಜವಾಗಿಯೂ ಈ ವ್ಯಕ್ತಿಗೆ ಹತ್ತಿರವಾಗಲು ಬಯಸುತ್ತಾರೆ. ಜನರ ಜೊತೆ ಉತ್ತಮ ಸಂಬಂಧ ಇರಲಿದೆ. ಅವರು ವಿಭಿನ್ನ ದೃಷ್ಟಿಕೋನ (different perspective)ಗಳಿಂದ ವಿಷಯಗಳನ್ನು ನೋಡುತ್ತಾರೆ. ಮತ್ತು ವಿಭಿನ್ನ ಅಭಿಪ್ರಾಯಗಳನ್ನು ಹೊಂದಿರುವ ಜನರೊಂದಿಗೆ ಸ್ನೇಹ ಬಯಸುತ್ತಾರೆ.

4. ವೃಶ್ಚಿಕ (Scorpio): ಇವರು ತೀವ್ರ ಭಾವೋದ್ರಿಕ್ತ (passionate)ರಾಗಿರುತ್ತಾರೆ. ಆದರೆ ಪ್ರಣಯ ಸಂಬಂಧದಲ್ಲಿ ಉತ್ತಮ ಪಾಲುದಾರರಾಗುತ್ತಾರೆ. ಅವರು ಅತ್ಯಂತ ನಿಷ್ಠಾವಂತರು ಮತ್ತು ಕಾಳಜಿ ವಹಿಸುವ ಜನರಿಗೆ ಬದ್ಧರಾಗಿರುತ್ತಾರೆ. ಉತ್ತಮ ಸಂಬಂಧ ಕಾಪಾಡಿಕೊಳ್ಳಲು ಸಿದ್ಧರಾಗಿರುತ್ತಾರೆ. ಅವರು ಉನ್ನತ ಮಟ್ಟದಲ್ಲಿ ಪ್ರಾಮಾಣಿಕತೆ (Honesty)ಯನ್ನು ಗೌರವಿಸುತ್ತಾರೆ.

5. ಮಕರ (Capricorn): ಇವರು ಮಹತ್ವಾಕಾಂಕ್ಷೆಯಿಂದ ತುಂಬಿದ ಶಿಸ್ತಿನ ಜೀವನ (disciplined life)ವನ್ನು ನಡೆಸುತ್ತಾರೆ. ಅವರು ಸಂಗಾತಿಯನ್ನು ಉತ್ತಮ ಪಾಲುದಾರರನ್ನಾಗಿ ಮಾಡುತ್ತಾರೆ‌‌. ಏಕೆಂದರೆ ಅವರು ತಮ್ಮ ಪಾಲುದಾರರನ್ನು ಉತ್ತಮ ವ್ಯಕ್ತಿಯಾಗಲು ನಿರಂತರವಾಗಿ ಪ್ರೇರೇಪಿಸುತ್ತಾರೆ. ಅವರು ಬಲವಾದ ಮತ್ತು ಬೆಂಬಲಿತ ಸಂಬಂಧಗಳನ್ನು ಕಟ್ಟಲು ಪ್ರಯತ್ನಿಸುತ್ತಾರೆ. 

ಸಂಬಂಧ ಕಾಪಾಡಿಕೊಳ್ಳಲು ಕಷ್ಟವಾಗುವ ರಾಶಿಗಳು

ಮೇಷ, ಮಿಥುನ,  ಸಿಂಹ, ಕನ್ಯಾ, ಧನು ರಾಶಿ, ಕುಂಭ ಮತ್ತು ಮೀನ ರಾಶಿಯವರು ಪ್ರೀತಿ (Love)ಯಲ್ಲಿ ಅಸುರಕ್ಷಿತರಾಗಿರುವುದರಿಂದ ಸಂಬಂಧಗಳನ್ನು ಕಾಪಾಡಿಕೊಳ್ಳಲು ಕಷ್ಟವಾಗುತ್ತದೆ. ಅವರು ತಮ್ಮ ಭಾವನೆ (feeling)ಗಳನ್ನು ನಿಯಂತ್ರಿಸಲು ಕಷ್ಟಪಡುತ್ತಾರೆ ಮತ್ತು ಆಗಾಗ್ಗೆ ತಮ್ಮ ಸಂಗಾತಿಯನ್ನು ಗೊಂದಲಗೊಳಿಸುತ್ತಾರೆ ಮತ್ತು ನಿರಾಶೆಗೊಳಿಸುತ್ತಾರೆ.

Follow Us:
Download App:
  • android
  • ios