ಮೋದಿ ಆಧಾರಿತ ಮತ್ತೊಂದು ಸಿನಿಮಾ ‘ಮನ್ ಭೈರಾಗಿ’; ಫಸ್ಟ್ ಲುಕ್ ರಿಲೀಸ್!

ಮೋದಿ ಜೀವನಾಧಾರಿತವಾಗಿ ಬರಲಿದೆ ಹೊಸ ಸಿನಿಮಾ | ಸಂಜಯ್ ಲೀಲಾ ಬನ್ಸಾಲಿ ನಿರ್ದೇಶನದಲ್ಲಿ ಮೂಡಿ ಬರಲಿದೆ ‘ಮನ್ ಭೈರಾಗಿ’ | ಫಸ್ಟ್ ಲುಕ್ ರಿಲೀಸ್ 

sanjay leela bhansali

ಬಾಲಿವುಡ್ ಖ್ಯಾತ ನಿರ್ದೇಶಕ ಸಂಜಯ್ ಲೀಲಾ ಬನ್ಸಾಲಿ ಪ್ರಧಾನಿ ನರೇಂದ್ರ ಮೋದಿ ಜೀವನಾಧಾರಿತ ಸಿನಿಮಾವೊಂದನ್ನು ಮಾಡುತ್ತಿದ್ದಾರೆ. ಮೋದಿ 69 ನೇ ಬರ್ತಡೇ ದಿನವಾದ ಇಂದು ಚಿತ್ರದ ಫಸ್ಟ್ ಲುಕ್ ರಿಲೀಸ್ ಮಾಡಲಾಗಿದೆ. ಚಿತ್ರಕ್ಕೆ ಮನ್ ಭೈರಾಗಿ ಎಂದು ಹೆಸರಿಡಲಾಗಿದೆ. 

ಚಿತ್ರದ ಫಸ್ಟ್ ಲುಕ್ ರಿಲೀಸ್ ಮಾಡುತ್ತಾ, ಸಂಜಯ್ ಲೀಲಾ ಬನ್ಸಾಲಿ ಹಾಗೂ ಮಹಾವೀರ್ ಜೈನ್ ಸ್ಪೆಷಲ್ ಫೀಚರ್ ಸಿನಿಮಾ #MannBairagi ಫಸ್ಟ್ ಲುಕ್ ನೋಡಲು ಖುಷಿಯಾಗುತ್ತಿದೆ. ‘ಹ್ಯಾಪಿ ಬರ್ತಡೇ ಪಿಎಂ ಮೋದಿ’ ಎಂದು ಅಕ್ಷಯ್ ಕುಮಾರ್ ಟ್ವೀಟ್ ಮಾಡಿದ್ದಾರೆ. 

ಪ್ರಧಾನಿ ಮೋದಿ ಬಗ್ಗೆ ಸಿನಿಮಾವೊಂದು ಬರುತ್ತಿರುವುದು ಇದೇ ಮೊದಲಲ್ಲ. ವಿವೇಕ್ ಓಬೆರಾಯ್ ‘PM Narendra Modi' ಎನ್ನುವ ಸಿನಿಮಾವೊಂದನ್ನು ಮಾಡಿದ್ದರು. ಆದರೆ ಹೇಳಿಕೊಳ್ಳುವಂತಹ ಯಶಸ್ಸು ಗಳಿಸಲಿಲ್ಲ. Modi: Journey of a common man ಎನ್ನುವ ವೆಬ್ ಸೀರೀಸ್ ವೊಂದು ಬಂದಿತ್ತು.