ಇರ್ಫಾನ್ ಖಾನ್ ಗೆ ಐಫಾ ಬೆಸ್ಟ್ ಆ್ಯಕ್ಟರ್ ಪ್ರಶಸ್ತಿ!

First Published 27, Jun 2018, 8:34 PM IST
Irrfan Khan reacts after bagging Best Actor honour at IIFA Awards for Hindi Medium PTI
Highlights

ಇರ್ಫಾನ್ ಖಾನ್ ಗೆ ಅತ್ಯುತ್ತಮ ನಟ ಪ್ರಶಸ್ತಿ

ಪ್ರಶಸ್ತಿ ಪ್ರಕಟಿಸಿದ ಐಫಾ-2018

ಅಭಿಮಾನಿಗಳಿಗೆ ದಣ್ಯವಾದ ಸಲ್ಲಿಸಿದ ಇರ್ಫಾನ್

ಲಂಡನ್(ಜೂ.27): ಬಾಲಿವುಡ್ ನಟ ಇರ್ಫಾನ್ ಖಾನ್ ಕ್ಯಾನ್ಸರ್ ಚಿಕಿತ್ಸೆಗಾಗಿ ಲಂಡನ್ ನಲ್ಲಿರುವುದು ಎಲ್ಲರಿಗೂ ಗೊತ್ತಿರುವ ಸಂಗತಿ. ಈ ಮಧ್ಯೆ ಇರ್ಫಾನ್ ಖಾನ್ ಅವರಿಗೆ ಪ್ರಸಕ್ತ ಐಫಾ-೨೦೧೮ ಅವಾರ್ಡ್ಸ ನಲ್ಲಿ ಅತ್ಯುತ್ತಮ ನಟ ಪ್ರಶಸ್ತಿ ಲಭಿಸಿದೆ.

'ಹಿಂದಿ ಮಿಡಿಯಂ' ಚಿತ್ರದಲ್ಲಿನ ಮನೋಜ್ಞ ಅಭಿನಯಕ್ಕಾಗಿ ಇರ್ಫಾನ್ ಖಾನ್ ಅತ್ಯುತ್ತಮ ನಟ ಪ್ರಶಸ್ತಿ ಪಡೆದುಕೊಂಡಿದ್ದಾರೆ. ಈ ಕುರಿತು ಪ್ರತಿಕ್ರಿಯೆ ನೀಡಿರುವ ಇರ್ಫಾನ್, ಐಫಾ ಮತ್ತು ಅಭಿಮಾನಿಗಳಿಗೆ ಧನ್ಯವಾದ ಅರ್ಪಿಸಿದ್ದಾರೆ.

ಟ್ವಿಟರ್ ನಲ್ಲಿ ಸಂತಸ ಹಂಚಿಕೊಂಡಿರುವ ಇರ್ಪಾನ್, ಜೀವನದ ಪಯಣದಲ್ಲಿ ಸದಾ ಜೊತೆಗಿರುವ ತಮ್ಮ ಅಭಿಮಾನಿಗಳಿಗೆ ಈ ಪ್ರಶಸ್ತಿ ಸಮರ್ಪಿಸುತ್ತಿರುವುದಾಗಿ ತಿಳಿಸಿದ್ದಾರೆ. ಸಾಕೇತ್ ಚೌಧರಿ ನಿರ್ದೇಶನದ 'ಹಿಂದಿ ಮಿಡಿಯಂ' ಚಿತ್ರದಲ್ಲಿ ಪಾಕಿಸ್ತಾನದ ನಟಿ ಸಾಬಾ ಕಮರ್, ಇರ್ಫಾನ್ ಖಾನ್, ದೀಪಕ್ ದೋಬ್ರಿಯಾಲ್ ಮತ್ತಿತರರು ನಟಿಸಿದ್ದರು.