Daily Horoscope: ಕಟಕಕ್ಕೆ ವಿವಾಹ ಕಂಟಕ, ಕುಂಭದ ಕನಸು ನನಸು
20 ಫೆಬ್ರವರಿ 2022, ಭಾನುವಾರದ ಭವಿಷ್ಯ ಹೇಗಿದೆ?
ಯಾವ ರಾಶಿಗೆ ಶುಭ ಫಲವಿದೆ?
ವೃಶ್ಚಿಕ ರಾಶಿಗೆ ಮಾನಸಿಕ ಕಿರಿಕಿರಿ ಹೆಚ್ಚಳ
 )
Followಮೇಷ(Aries): ಹಿಂದಿನಿಂದ ಮಾತನಾಡುವವರ ಬಗ್ಗೆ, ಹಲ್ಲು ಮಸೆಯುವವರ ಬಗ್ಗೆ ಎಚ್ಚರಿಕೆ ಅಗತ್ಯ. ನಿಮ್ಮ ನೇರಾನೇರ ನುಡಿಗಳು ಶತ್ರುಗಳನ್ನು ಹೆಚ್ಚಿಸಬಹುದು. ಕೆಲಸದಲ್ಲಿ ಸಿಕ್ಕ ಯಶಸ್ಸನ್ನು ಹಬ್ಬದಂತೆ ಆಚರಿಸುವಿರಿ. ಕುಟುಂಬಕ್ಕಾಗಿ ಸಮಯ ಮೀಸಲಿಡುವಿರಿ. ವೆಂಕಟೇಶ್ವರನಲ್ಲಿ ಪ್ರಾರ್ಥನೆ ಮಾಡಿ.
ವೃಷಭ(Taurus): ಮನೆಯಲ್ಲಿ ಧಾರ್ಮಿಕ, ಕೌಟುಂಬಿಕ ಶುಭ ಕಾರ್ಯಗಳು ನಡೆಯುವುದರಿಂದ ಮನಸ್ಸು ಆಹ್ಲಾದಕರವಾಗಿರುವುದು. ಈ ಕಾರ್ಯಗಳ ವಿಷಯದಲ್ಲಿ ತಪ್ಪಾಗದಂತೆ ಎಚ್ಚರ ವಹಿಸಿ. ಮನೆಗೆ ಬಂದವರು ಮಾತಾಡಿದ್ದೆಲ್ಲ ನಿಜವಿರಬೇಕಿಲ್ಲ ಎಂಬ ಎಚ್ಚರ ಇರಲಿ. ಹತ್ತಿರದ ದೇವಾಲಯಕ್ಕೆ ಭೇಟಿ ನೀಡಿ.
ಮಿಥುನ(Gemini): ಮನರಂಜನಾ ಕ್ಷೇತ್ರದಲ್ಲಿರುವವರಿಗೆ ಪ್ರತಿಭೆಗೆ ತಕ್ಕ ಫಲ ಸಿಗಲಿದೆ. ಅನಿರೀಕ್ಷಿತ ಮೂಲಗಳಿಂದ ಧನ ಲಾಭವೂ ಇದೆ. ಸ್ನೇಹಿತರ ಸಾಧನೆಗೆ ಶ್ಲಾಘನೆ ನೀಡಿ. ವ್ಯಾಪಾರಿಗಳು, ರೈತರು, ಸಣ್ಣ ಪುಟ್ಟ ಮಾರಾಟಗಾರರಿಗೆ ಲಾಭ, ಕುಲದೇವರಿಗೆ ತುಪ್ಪದ ದೀಪ ಹಚ್ಚಿ.
ಕಟಕ(Cancer): ವೈವಾಹಿಕ ಜೀವನದಲ್ಲಿ ಬಿರುಕುಗಳು ಮೂಡಬಹುದು. ನಿಮ್ಮ ವರ್ತನೆಯನ್ನು ಆತ್ಮವಿಮರ್ಶೆಗೆ ಹಚ್ಚಿ. ದಿನಸಿ ಅಂಗಡಿ ಇರುವವರಿಗೆ ಬಹಳಷ್ಟು ಲಾಭ. ನಿಮ್ಮ ಅನಿರೀಕ್ಷಿತ ಪ್ರಗತಿ ಇತರರಿಗೆ ಆಶ್ಚರ್ಯವೆನಿಸಬಹುದು. ಸ್ನೇಹಿತರ ಕಾರಣದಿಂದ ಮನೆಯಲ್ಲಿ ಕಲಹ. ಆದಿತ್ಯ ಹೃದಯ ಪಠಣ ಮಾಡಿ.
ಸಿಂಹ(Leo): ಬದುಕಿನಲ್ಲಿ ಹೊಸ ಕನಸುಗಳ ಕಟ್ಟುವಿರಿ. ಸಾಮಾಜಿಕ ಕಾರ್ಯಗಳಲ್ಲಿ ಭಾಗಿಯಾಗಿ ಮನಸ್ಸಿಗೆ ಸಂತಸ. ಸ್ನೇಹಿತರು, ಪರಿಚಿತ ಹಿರಿಯರ ಭೇಟಿಯಿಂದ ಸಂತಸ. ಹವ್ಯಾಸಕ್ಕಾಗಿ ಸಮಯ ಮಾಡಿಕೊಳ್ಳುವಿರಿ. ಸಹೋದರರ ಕಡೆಯಿಂದ ಸಹಾಯ ಸಿಗಲಿದೆ. ಸೂರ್ಯನಿಗೆ ಅರ್ಘ್ಯ ಬಿಡಿ.
Extramarital affair: ಈ ರಾಶಿಯವರು ದಾಂಪತ್ಯದಾಚೆಗೂ ಜಿಗಿಯಬಲ್ಲರು, ಹುಷಾರಾಗಿರಿ!
ಕನ್ಯಾ(Virgo): ಆಸ್ತಿ ಖರೀದಿಯಲ್ಲಿ ಆಸಕ್ತಿ ಹೆಚ್ಚಲಿದೆ. ಆದರೂ ಪ್ರಚಲಿತ ವಿದ್ಯಮಾನಗಳು ಗೊಂದಲ ಹುಟ್ಟು ಹಾಕಲಿವೆ. ಹೊಸ ವಸ್ತು ಖರೀದಿ ಸಮಾಧಾನ ತರುವುದಿಲ್ಲ. ದೈಹಿಕ ಆರೋಗ್ಯ ಕಾಪಾಡಿಕೊಳ್ಳಲು ಸಮತೋಲಿತ ಆಹಾರ ಸೇವನೆ ಮಾಡಿ. ಗೆಳೆಯರೊಂದಿಗೆ ಸಮಯ ಕಳೆಯುವಿರಿ. ಕುಲದೇವತೆಯ ಸ್ಮರಣೆ ಮಾಡಿ.
ತುಲಾ(Libra): ಪಾರಂಪರಿಕ ಉದ್ಯೋಗದಲ್ಲಿ ತೊಡಗಿರುವವರಿಗೆ ಲಾಭ. ಮನೆಯ ಕೆಲ ವಸ್ತುಗಳು ರಿಪೇರಿಗೆ ಬರಬಹುದು. ಮಕ್ಕಳ ಆತ್ಮವಿಶ್ವಾಸವನ್ನು ಹೆಚ್ಚಿಸುವ ಕಾರ್ಯದಲ್ಲಿ ತೊಡಗಿ. ತಂದೆತಾಯಿಯ ಸಹಕಾರದಿಂದ ಕನಸುಗಳು ಈಡೇರುವುವು. ಸಂತಸದಿಂದ ದಿನ ಕಳೆಯುವಿರಿ. ಪಕ್ಷಿಗಳಿಗೆ ಧಾನ್ಯ ನೀಡಿ.
ವೃಶ್ಚಿಕ(Scorpio): ಇಂದು ಕೆಲ ತಪ್ಪು ನಿರ್ಧಾರಗಳನ್ನು ತೆಗೆದುಕೊಳ್ಳಲಿರುವಿರಿ. ಮತ್ತೊಬ್ಬರ ಬದುಕಿನ ಕುರಿತ ಅತೀವ ಅಸೂಯೆ ಹಾಗೂ ಕುತೂಹಲ ಎರಡನ್ನೂ ಬಿಡಿ. ನಿರಾಶಾದಾಯಕ ಯೋಚನೆಗಳು ಹೆಚ್ಚಲಿವೆ. ನಿದ್ರಾಹೀನತೆ ಕಾಡಬಹುದು. ಹಾಸಿಗೆ ಇದ್ದಷ್ಟೇ ಕಾಲು ಚಾಚಿ. ಹಸುವಿಗೆ ಹಸಿರು ಹುಲ್ಲು ತಿನ್ನಿಸಿ.
Chanakya Niti: ವೈವಾಹಿಕ ಜೀವನ ಹಾಳು ಮಾಡುವ ಆರು ಅಭ್ಯಾಸಗಳು
ಧನುಸ್ಸು(Sagittarius): ಪ್ರಯಾಣದಿಂದ ಮನಸ್ಸು ಹಗುರಾಗಲಿದೆ. ಕುಟುಂಬದೊಂದಿಗೆ ಸಂತಸದ ಕ್ಷಣಗಳನ್ನು ಕಳೆಯುವಿರಿ. ದೂರದ ನೆಂಟರಿಂದ ಶುಭ ಸುದ್ದಿ ಕೇಳಲಿದ್ದೀರಿ. ವೃತ್ತಿಯಿಂದ ಕೊಂಚ ಬಿಡುವು ಸಿಗಲಿದೆ. ಉಳಿತಾಯದ ಕಡೆ ಗಮನ ಹರಿಸಿ. ಆರೋಗ್ಯ ಚೆನ್ನಾಗಿರಲಿದೆ. ಆದಿತ್ಯ ಹೃದಯ ಪಠಿಸಿ.
ಮಕರ(Capricorn): ಅಸ್ಥಿರತೆ ಆವರಿಸಿ ಕಾಡಲಿದೆ. ಸ್ತ್ರೀಯರಿಗೆ ಅತ್ತೆ ಮಾವಂದಿರ ಮಾತುಗಳು ಚುಚ್ಚಬಹುದು. ಮನೆ ಬೇರೆ ಮಾಡುವ ಬಗ್ಗೆ ಯೋಚನೆ ಬರಬಹುದು. ಹಣಕಾಸಿನ ಸಮಸ್ಯೆಗೆ ಒಡವೆಗಳನ್ನು ಅಡ ಇಡುವ ಯೋಚನೆ ಬರಲಿದೆ. ಅನೈತಿಕ ಕೆಲಸಗಳಲ್ಲಿ ತೊಡಗಿಸಿಕೊಳ್ಳಬೇಡಿ. ಬಡಬಗ್ಗರಿಗೆ ಸಾಧ್ಯವಾದುದನ್ನು ದಾನ ಮಾಡಿ.
ಕುಂಭ(Aquarius): ನಿಮ್ಮ ಕನಸೊಂದು ನನಸಾಗಿರುವ ಕ್ಷಣ. ನಿಮ್ಮ ಧೈರ್ಯ ಹಾಗೂ ಬುದ್ಧಿವಂತಿಕೆ ಜನ ಮೆಚ್ಚುಗೆ ಗಳಿಸುವುದು. ಆಮದು-ರಫ್ತು ವ್ಯವಹಾರವನ್ನು ಪ್ರಾರಂಭಿಸುವ ನಿರ್ಧಾರವನ್ನು ಇಂದು ಮಾಡಬಹುದು. ಸಂಗಾತಿಯ ಸಹಕಾರ ಸಂಪೂರ್ಣ ಸಿಕ್ಕಲಿದೆ. ಆರೋಗ್ಯ ಚೆನ್ನಾಗಿರುವುದು. ವಿಷ್ಣು ಸಹಸ್ರನಾಮ ಪಠಣ ಮಾಡಿ.
ಮೀನ(Pisces): ಕೌಟುಂಬಿಕ ಜೀವನದಲ್ಲಿ ಕೆಲ ಸವಾಲುಗಳನ್ನು ಸಮರ್ಥವಾಗಿ ಎದುರಿಸುವಿರಿ. ಮನೆ ಸ್ಥಳಾಂತರ ಕಾರ್ಯ ನಡೆಯಬಹುದು. ಮನೆಯ ಸ್ವಚ್ಛತಾ ಕಾರ್ಯಗಳೂ ನಡೆಯಬಹುದು. ವಿಚ್ಚೇದಿತರಿಗೆ ಮರು ವಿವಾಹಕ್ಕೆ ಸಂಬಂಧ ಹೊಂದಿಬರಲಿದೆ. ಆದಿತ್ಯ ಹೃದಯ ಪಠಣ ಮಾಡಿ.
