Daily Horoscope: ಕನ್ಯಾಗೆ ಆಸ್ತಿ ಖರೀದಿ ಸಂತಸ, ವೃಶ್ಚಿಕಕ್ಕೆ ಅಪಘಾತ ಸಾಧ್ಯತೆ
12 ಫೆಬ್ರವರಿ 2022, ಶನಿವಾರದ ಭವಿಷ್ಯ ಹೇಗಿದೆ?
ಯಾವ ರಾಶಿಗೆ ಶುಭ ಫಲವಿದೆ?
ಧನಸ್ಸಿಗೆ ಪ್ರಯತ್ನವಿದ್ದರೆ ಮಾತ್ರ ಫಲ ಸಿದ್ಧಿ
 )
Followಮೇಷ(Aries): ನಿಮ್ಮ ಮನೋಭಾವಕ್ಕೆ ಕುಟುಂಬವರ್ಗದಿಂದ ವಿರೋಧಗಳು ಕೇಳಿ ಬರಬಹುದು. ಬಂಧುಗಳೊಂದಿಗೆ ಮುನಿಸು. ಮಾತಿನ ಮೇಲೆ ಹಿಡಿತವಿರಲಿ. ಮಂದಗತಿಯಲ್ಲಿ ಸಾಗುವ ಕೆಲಸಗಳು. ಹಣಕಾಸಿನ ಅಡಚಣೆ ಹೆಚ್ಚಲಿದೆ. ಮನೆ ದೇವರ ಪ್ರಾರ್ಥನೆ ಮಾಡಿ.
ವೃಷಭ(Taurus): ನಿಮ್ಮ ಕುಟುಂಬ ಸದಸ್ಯರ ಮೇಲೆ ಸಂಗಾತಿ ದೂರಬಹುದು. ಮನಸ್ಸಿನ ಕೈಗೆ ಬುದ್ಧಿ ಕೊಡಬೇಡಿ, ಅದರಲ್ಲಿರುವ ಸತ್ಯಾಸತ್ಯತೆ ಬಗ್ಗೆ ಯೋಚಿಸಿ, ಆ ಜಾಗದಲ್ಲಿ ನೀವಿದ್ದರೆ ಏನು ಮಾಡುತ್ತಿದ್ದಿರೋ ಹಾಗೆ ಮಾಡಿ. ಇದರಿಂದ ನೆಮ್ಮದಿ ಲಭಿಸುವುದು. ಶನಿ ಸ್ಮರಣೆ ಮಾಡಿ.
ಮಿಥುನ(Gemini): ಎಲ್ಲವೂ ನಿಮ್ಮ ಮಾತಿನಂತೆಯೇ ನಡೆಯಬೇಕು ಎಂಬ ಹಟ ಬಿಡಿ. ಜೊತೆಗಿರುವವರ ಮಾತನ್ನೂ ಆಲಿಸುವ ಅಭ್ಯಾಸ ಮಾಡಿಕೊಳ್ಳಿ. ಹತ್ತಿರದವರು ಮನೆಗೆ ಭೇಟಿ ನೀಡುವುದರಿಂದ ಸಂತಸ. ಉಳಿದಂತೆ ಉದಾಸೀನವಾಗಿ ದಿನ ಕಳೆಯುವಿರಿ. ಕೃಷ್ಣನಿಗೆ ತುಳಸಿ ಅರ್ಪಿಸಿ.
ಕಟಕ(Cancer): ಪ್ರೇಮ ಜೀವನದ ಸಮಸ್ಯೆಗಳೇನು ಮುಗಿಯುವಂತೆ ಕಾಣುವುದಿಲ್ಲ. ಆರ್ಥಿಕ ಸಂಕಷ್ಟಗಳೂ ಇರುವ ಸಮಸ್ಯೆಗೆ ಜೊತೆಯಾಗಲಿವೆ. ಆದರೆ, ಭರವಸೆ ಇರಲಿ, ಸಮಯವೇ ಎಲ್ಲವನ್ನೂ ಸರಿ ಮಾಡುವುದು. ಕೋಪದಿಂದ ಅನಾಹುತಗಳಿಗೆ ಎಡೆ ಮಾಡಿಕೊಳ್ಳದಿರಿ. ಅಶ್ವತ್ಥ ವೃಕ್ಷಕ್ಕೆ ನಮಸ್ಕರಿಸಿ.
ಸಿಂಹ(Leo): ವೃಥಾ ಕಾಲು ಕೆರೆದುಕೊಂಡು ಅಕ್ಕಪಕ್ಕದವರೊಡನೆ ಜಗಳಕ್ಕೆ ಹೋಗಬೇಡಿ. ನೈತಿಕವಾಗಿ ನೀವು ಬಲವಾಗಿದ್ದಾಗ ಮಾತ್ರ ಮತ್ತೊಬ್ಬರತ್ತ ಬೊಟ್ಟು ತೋರಿಸಬಹುದು. ರಿಯಲ್ ಎಸ್ಟೇಟ್ ಉದ್ಯಮಿಗಳಿಗೆ ಲಾಭ. ವ್ಯಾಪಾರದಲ್ಲಿ ಲಾಭ ಹೆಚ್ಚುವುದು. ಕಪ್ಪು ಧಾನ್ಯ ದಾನ ಮಾಡಿ.
ಕನ್ಯಾ(Virgo): ಮನೆ, ಜಮೀನು ಖರೀದಿ ಕೆಲಸಗಳು ಮುಂದುವರಿಯಲಿವೆ. ಜೀವನ ಸಂಗಾತಿಯಿಂದ ಪ್ರೀತಿ ಮತ್ತು ಸಹಕಾರದ ವಿಷಯದಲ್ಲಿ ದಿನವು ಅದ್ಭುತವಾಗಿದೆ. ಧಾರ್ಮಿಕ, ಶುಭ ಸಮಾರಂಭಗಳಿಗೆ ಭೇಟಿಯಿಂದ ಸಂತಸ. ಹೊಸ ವಸ್ತುಗಳ ಖರೀದಿ. ಕುಲದೇವರ ಸ್ಮರಣೆ ಮಾಡಿ.
Astrology Tips: ಆಂಜನೇಯನನ್ನು ನೀವೇಕೆ ಪೂಜಿಸಲೇಬೇಕು ಅಂದರೆ..
ತುಲಾ(Libra): ವಾಹನಗಳು ದುರಸ್ಥಿಗೆ ಬರುವ ಸಾಧ್ಯತೆ. ಹಿಂದೆ ತೆಗೆದುಕೊಂಡ ನಿರ್ಧಾರವೊಂದು ತದ್ವಿರುದ್ಧವಾಗಿ ಬದಲಾಗಬಹುದು. ನೀವು ತೋರಿದ ಅಹಂಕಾರಕ್ಕೆ ಬೆಲೆ ಕಟ್ಟಬೇಕಾಗಬಹುದು. ಯಾರೊಂದಿಗೂ ವಿನಾ ಕಾರಣ ವಾದ ಮಾಡಬೇಡಿ. ನವಗ್ರಹ ಪ್ರಾರ್ಥನೆ ಮಾಡಿ.
ವೃಶ್ಚಿಕ(Scorpio): ತೆಗೆದುಕೊಂಡ ಸಾಲ ಹಿಂದೆ ಕೊಡದಿರುವ ಯೋಚನೆಯೇ ಮುಳುವಾದೀತು. ಮೊದಲು ಅದನ್ನು ಹಿಂದೆ ಕೊಟ್ಟು ನಂತರ ನಿಮ್ಮ ಪ್ರಗತಿಯ ಯೋಜನೆಗಳನ್ನು ಮುಂದುವರಿಸಿ. ಗೃಹಿಣಿಯರಿಗೆ ಮನರಂಜನೆ. ಅಪಘಾತ ಸಾಧ್ಯತೆ ಇದ್ದು, ಹೆಚ್ಚನ ಎಚ್ಚರ ಅಗತ್ಯ. ಶನಿ ಸ್ಮರಣೆ ಮಾಡಿ.
ಧನುಸ್ಸು(Sagittarius): ನಿಮ್ಮ ರೊಮ್ಯಾಂಟಿಕ್ ಜೀವನ ಚೆನ್ನಾಗಿರಬೇಕು ಎಂದರೆ ಅದಕ್ಕಾಗಿ ನೀವೊಂದಿಷ್ಟು ಪ್ರಯತ್ನ ಹಾಕಬೇಕು. ಸೋತು ಗೆಲ್ಲುವುದನ್ನು ಕಲಿಯಬೇಕು. ಸಂಗಾತಿಯನ್ನು ಖುಷಿ ಪಡಸಲು ಪ್ರಯತ್ನಿಸಿ. ಅವರ ಮಾತುಗಳನ್ನು ಸಂಪೂರ್ಣವಾಗಿ ಆಲಿಸಿ, ತಾಳ್ಮೆಯಿಂದ ಪ್ರತಿಕ್ರಿಯಿಸಿ. ಶಿವ ಶತನಾಮಾವಳಿ ಹೇಳಿಕೊಳ್ಳಿ.
ಮಕರ(Capricorn): ಆಸ್ತಿ ಸಂಬಂಧ ಸಂಘರ್ಷಗಳಿಂದ ಮನಸ್ಸಿಗೆ ಕಸಿವಿಸಿ. ಬಂಧುಗಳೊಂದಿಗೆ ಮುನಿಸು. ಉದ್ಯೋಗ ಹಾಗೂ ಮನೆಯಲ್ಲಿ ಸಂತೋಷ ಹುಡುಕಿ. ಕೆಲಸವನ್ನು ಪ್ರಾಮಾಣಿಕವಾಗಿ ಮಾಡಿದರೆ ನೀವು ಬಯಸಿದ್ದೆಲ್ಲ ತಾನಾಗೇ ದೊರಕುತ್ತದೆ. ಹನುಮಾನ್ ಚಾಳೀಸ್ ಹೇಳಿಕೊಳ್ಳಿ.
Gift Ideas: ಈ ಉಡುಗೊರೆ ಕೊಟ್ರೆ ನಿಮ್ಮ ಲವ್ ಪಕ್ಕಾ ಸಕ್ಸಸ್ ಆಗುತ್ತೆ!
ಕುಂಭ(Aquarius): ಶ್ರಮವಿಲ್ಲದೆ ಯಾವುದೂ ಬರಲಾರದು. ಅದೃಷ್ಟದ ಬಲದಿಂದ ಬಂದರೂ ಅದನ್ನು ಉಳಿಸಿಕೊಳ್ಳಲಾದರೂ ಶ್ರಮ ಹಾಕಲೇಬೇಕು ಎಂಬುದನ್ನು ನೆನಪಿಟ್ಟರೆ ನಿಮ್ಮ ಕನಸನ್ನು ನನಸು ಮಾಡಿಕೊಳ್ಳಲು ಸಾಧ್ಯವಾಗುವುದು. ಅದೃಷ್ಟ ರತ್ನ ಧರಿಸಿ.
ಮೀನ(Pisces): ವೃತ್ತಿ ಸಂಬಂಧ ಸಂಶಯಗಳಿದ್ದರೆ, ಗೊಂದಲದಲ್ಲಿದ್ದರೆ, ಇಂದು ಯಾವುದೇ ನಿರ್ಧಾರ ತೆಗೆದುಕೊಳ್ಳಬೇಡಿ. ಹಿರಿಯರ ಚುಚ್ಚು ಮಾತುಗಳಿಗೆ ಉದಾಸೀನವೇ ಮದ್ದು.ಆರೋಗ್ಯದ ವಿಚಾರದಲ್ಲಿ ಅಸಡ್ಡೆ ಬೇಡ. ಕೋಪದ ಮೇಲೆ ನಿಯಂತ್ರಣ ಅಗತ್ಯ. ಶಿವ ದೇವಾಲಯಕ್ಕೆ ಭೇಟಿ ನೀಡಿ.
