ಮಾದಕ ವಸ್ತು ಮಾರಾಟ: ಇಬ್ಬರು ನೈಜೀ​ರಿಯಾ ಪ್ರಜೆ​ಗ​ಳ ಬಂಧನ

ಬೆಂಗಳೂರು(ಫೆ.24): ಮಾದಕ ವಸ್ತು ಮಾರಾಟ ಮಾಡುತ್ತಿದ್ದ ಆರೋಪದ ಮೇರೆಗೆ ಇಬ್ಬರು ನೈಜೀ​ರಿಯಾ ಪ್ರಜೆ​ಗ​ಳನ್ನು ಕೇಂದ್ರ ಅಪ​ರಾಧ ವಿಭಾಗ (ಸಿಸಿಬಿ) ಪೊಲೀ​ಸರು ಬಂಧಿ​ಸಿ​ದ್ದಾ​ರೆ.

ನೈಜೀರಿಯಾ ಮೂಲದ ಚುಕ್ವೂ ಇಮೆ​ಕ್‌​(24) ಮತ್ತು ಆ್ಯಮ್‌ ಸಿಲಮ್‌ ಚಿರೋ​ಜ್‌​(35) ಬಂಧಿ​ತರು. ಆರೋಪಿಗಳಿಂದ 56 ಎಕ್ಸ್‌ಟಸಿ ಮಾತ್ರೆ​ ಜಪ್ತಿ ಮಾಡಲಾಗಿದೆ ಎಂದು ಸಿಸಿಬಿ ಪೊಲೀಸರು ಹೇಳಿದ್ದಾರೆ. ಇಂದಿ​ರಾ​ನ​ಗ​ರದ ಮೆಟ್ರೋ ಸಮೀ​ಪ​ದಲ್ಲಿ ಆರೋ​ಪಿ​ಗಳು ಗ್ರಾಹ​ಕ​ರಿಗೆ ಮಾದ​ಕ ವಸ್ತು ನೀಡಲು ಬಂದಿ​ದ್ದರು. ಈ ಖಚಿತ ಮಾಹಿತಿ ಮೇರೆಗೆ ದಾಳಿ ನಡೆಸಿ ಬಂಧಿ​ಸ​ಲಾ​ಗಿದೆ.

ಡ್ರಗ್ ಸೀಝ್: ಬಿಜೆಪಿ ಮುಖಂಡನಿಗೆ ಸಮನ್ಸ್

ವಿದ್ಯಾರ್ಥಿ ವೀಸಾ​ದಡಿ ಬೆಂಗ​ಳೂ​ರಿಗೆ ಬಂದಿ​ರುವ ಆರೋ​ಪಿ​ಗಳು, ವೀಸಾ ಅವಧಿ ಮುಗಿ​ದರೂ ಅಕ್ರ​ಮ​ವಾಗಿ ವಾಸ​ವಾ​ಗಿ​ದ್ದಾರೆ. ಈ ಹಿಂದೆ ಡ್ರಗ್ಸ್‌ ಪ್ರಕ​ರ​ಣ​ದಲ್ಲಿ ಬಂಧ​ನ​ಕ್ಕೊ​ಳ​ಗಾದ ಕೆಲ ನೈಜೀ​ರಿಯಾ ಪ್ರಜೆ​ಗಳ ಜತೆ ಶಾಮೀ​ಲಾ​ಗಿ​ರುವ ಮಾಹಿತಿ ಸಿಕ್ಕಿ​ದೆ ಎಂದು ಸಿಸಿ​ಬಿ ಪೊಲೀ​ಸರು ತಿಳಿಸಿದ್ದಾರೆ. ಈ ಸಂಬಂಧ ಇಂದಿ​ರಾ​ನ​ಗರ ಠಾಣೆ​ಯಲ್ಲಿ ಪ್ರಕ​ರಣ ದಾಖ​ಲಾ​ಗಿ​ದೆ.