ಬಸ್ನಲ್ಲೇ ವಸ್ತು ಬಿಟ್ಟು ಊಟ, ಬಾತ್ರೂಮ್ಗಂತ ಕೆಳಗೆ ಇಳಿತೀರಾ? ಶಾಕಿಂಗ್ ವಿಡಿಯೋ ವೈರಲ್
ಬೆಂಗಳೂರಿನಿಂದ ಕೊಯಮತ್ತೂರಿಗೆ ಹೊರಟ ಬಸ್ ಊಟಕ್ಕೆಂದು ನಿಲ್ಲಿಸಿದ ಸಂದರ್ಭದಲ್ಲಿ ಕಳ್ಳನೊಬ್ಬ ಬ್ಯಾಗ್ಗಳನ್ನು ತೆಗೆದುಕೊಂಡು ಹೋಗಿರುವ ವಿಡಿಯೋ ಸಿಸಿಟಿಯಲ್ಲಿ ದಾಖಲಾಗಿದೆ.
Followಹೆಚ್ಚಾಗಿ ರೈಲುಗಳಲ್ಲಿ ಪ್ರಯಾಣಿಸುವ ಸಂದರ್ಭಗಳಲ್ಲಿ ಕಳ್ಳತನ ಆಗುವ ಉದಾಹರಣೆಗಳು ಸಾಕಷ್ಟಿವೆ. ಅದರಲ್ಲಿಯೂ ಒಂಟಿಯಾಗಿ ಪ್ರಯಾಣಿಸುವಾಗ, ರಾತ್ರಿಯ ರೈಲಿನಲ್ಲಿ ಪ್ರಯಾಣಿಸುವ ಸಂದರ್ಭಗಳಲ್ಲಿ ಬ್ಯಾಗ್ ಇತ್ಯಾದಿಗಳನ್ನು ಬಿಟ್ಟು ಬಾತ್ರೂಮಿಗೆ ಹೋಗುವ ಸಂದರ್ಭಗಳಲ್ಲಿ ಇಲ್ಲವೇ ಯಾವುದಾದರು ಸ್ಟೇಷನ್ನಲ್ಲಿ ರೈಲು ನಿಲ್ಲಿಸಿದಾಗ, ಅಲ್ಲಿ ಇಳಿದು ಹೋದ ಸಂದರ್ಭಗಳಲ್ಲಿ ಬ್ಯಾಗ್ ಕಳ್ಳತನ ಆಗುವ ಉದಾಹರಣೆಗಳು ಸಾಕಷ್ಟಿವೆ. ಇದೇ ಕಾರಣಕ್ಕೆ ಒಂಟಿಯಾಗಿ ಪ್ರಯಾಣಿಸುವಾಗ, ಹೀಗೆ ಹೋಗುವ ಅನಿವಾರ್ಯತೆ ಉಂಟಾದರೆ ಸಹ ಪ್ರಯಾಣಿಕರ ಗಮನಕ್ಕೆ ತಂದು ಹೋಗುವಂತೆ ಎಚ್ಚರಿಕೆ ನೀಡಲಾಗುತ್ತದೆ. ಅಲ್ಲದೇ ವಾಷ್ರೂಮ್ಗೆ ಹೋಗುವಾಗ ರೈಲು ನಿಂತಾಗ ಹೋಗುವುದು ಬಹಳ ಡೇಂಜರ್. ಇಂಥ ಸಂದರ್ಭಗಳಲ್ಲಿಯೇ ಖದೀಮರು ಬ್ಯಾಗ್ ಕದ್ದು ಸುಲಭದಲ್ಲಿ ತಪ್ಪಿಸಿಕೊಳ್ಳುತ್ತಾರೆ. ಆದ್ದರಿಂದ ಆದಷ್ಟು ರೈಲು ಚಲಿಸುತ್ತಿರುವಾಗ ಹೋಗುವಂತೆ ಹೇಳಲಾಗುತ್ತದೆ. ರೈಲು ನಿಂತಾಗ ಕೆಳಗಿಳಿದು ಹೋಗುವ ಅನಿವಾರ್ಯತೆ ಇದ್ದಲ್ಲಿ ಪಕ್ಕದಲ್ಲಿರುವವರಿಗೆ ಹೇಳಿ ಹೋದರೆ ಉತ್ತಮ.
ಇದು ರೈಲಿನ ಮಾತಾದರೆ, ಇದೀಗ ಐಷಾರಾಮಿ ಬಸ್ ಒಂದರಲ್ಲಿ ಲ್ಯಾಪ್ಟಾಪ್ಗಳ ಕಳ್ಳತನವಾಗಿದ್ದು, ಬಸ್ನಲ್ಲಿ ಅಳವಡಿಸಲಾಗಿರುವ ಸಿಸಿಟಿವಿಯಲ್ಲಿ ಇದು ದಾಖಲಾಗಿದೆ. ಈ ಶಾಕಿಂಗ್ ವಿಡಿಯೋ ಈಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಬೆಂಗಳೂರು-ಕೊಯಮತ್ತೂರಿನ ಬಸ್ನಲ್ಲಿ ಈ ಘಟನೆ ನಡೆದಿದೆ. ಕೃಷ್ಣಗಿರಿಯ ಬಳಿ ಬಸ್ಸು ನಿಲ್ಲಿಸಿದಾಗ, ಪ್ರಯಾಣಿಕರು ಲ್ಯಾಪ್ಟಾಪ್ ಇರುವ ಬ್ಯಾಗ್ ಅನ್ನು ಬಸ್ಸಿನಲ್ಲಿಯೇ ಬಿಟ್ಟು ಇಳಿದಿದ್ದಾರೆ. ಇದನ್ನೇ ಕಾಯುತ್ತಿದ್ದ ಕಳ್ಳನೊಬ್ಬ ಬಸ್ ಏರಿ, ಹಲವು ಸೀಟುಗಳನ್ನು ತಡಕಾಡಿದ್ದಾನೆ. ಎಲ್ಲೆಲ್ಲಿ ಬ್ಯಾಗ್ಗಳಿಗೆ ಅದನ್ನು ಎತ್ತಾಕಿಕೊಂಡು ಹೋಗಿದ್ದಾನೆ. ಅವೆಲ್ಲವೂ ಲ್ಯಾಪ್ಟಾಪ್ ಇರುವ ಬ್ಯಾಗ್ ಎನ್ನಲಾಗಿದೆ. ಟೋಪಿ ಧರಿಸಿ ಬಂದಿರುವ ಈತ ತನ್ನ ಗುರುತನ್ನು ಮರೆಮಾಚಲು ನೋಡಿದರೂ ಸಿಸಿಟಿವಿಯಲ್ಲಿ ಆತನ ಮುಖವನ್ನು ಕಾಣಬಹುದಾಗಿದೆ.
ನಸುಕಿನಲ್ಲಿ ಒಂಟಿಯಾಗಿ ವಾಕಿಂಗ್ ಹೋಗ್ತೀರಾ? ಬೆಂಗಳೂರಿನ ಶಾಕಿಂಗ್ ಘಟನೆ ಸಿಸಿಟಿವಿಯಲ್ಲಿ ಸೆರೆ
ಇದರ ವಿಡಿಯೋ ವೈರಲ್ ಆಗುತ್ತಲೇ ಹಲವರು ತಮಗಾಗಿರುವ ಅನುಭವವನ್ನೂ ಹಂಚಿಕೊಂಡಿದ್ದಾರೆ. ಬಾತ್ರೂಮ್ಗೆ ಹೋಗುವುದಿದ್ದರೂ ಇಂಥ ಬ್ಯಾಗ್ಗಳನ್ನು ತೆಗೆದುಕೊಂಡು ಹೋಗಿ ಎಂದು ಕೆಲವರು ಹೇಳುತ್ತಿದ್ದರೆ, ಕೊನೆಯ ಪಕ್ಷ ಅಕ್ಕ-ಪಕ್ಕದಲ್ಲಿ ಯಾರಾದರೂ ಇದ್ದರೆ, ಅವರು ಕೆಳಕ್ಕೆ ಇಳಿಯದಿದ್ದರೆ ಅವರ ಬಳಿ ಇಂಥ ಬ್ಯಾಗ್ಗಳನ್ನು ಇಟ್ಟು ಹೋಗಿ, ಇಲ್ಲವೇ ಅವರಿಗೆ ಹೇಳಿ ಹೋಗಿ ಎಂದು ಕೆಲವರು ಎಚ್ಚರಿಕೆ ನೀಡುತ್ತಿದ್ದಾರೆ. ರೆಸ್ಟ್ರೂಮ್ಗಳಿಗೆ, ಊಟಕ್ಕೆ ಹೋಗುವುದು ಅನಿವಾರ್ಯ ಆಗಿರುತ್ತದೆ. ಅಂಥ ಸಂದರ್ಭಗಳಲ್ಲಿ ಎಷ್ಟು ಎಚ್ಚರಿಕೆಯಿಂದ ಇರಬೇಕು ಎನ್ನುವುದನ್ನು ಈ ವೈರಲ್ ವಿಡಿಯೋ ತೋರಿಸಿಕೊಟ್ಟಿದೆ.
ಇಂಥ ಸಂದರ್ಭಗಳಲ್ಲಿ ಯಾರೇ ಬಂದು ಬ್ಯಾಗ್ ತೆಗೆದುಕೊಂಡು ಹೋದರೂ, ಅದನ್ನು ಇತರ ಪ್ರಯಾಣಿಕರು ಗಮನಿಸಿದರೂ ಅವರಿಗೆ ಸಂಶಯ ಬರಲು ಸಾಧ್ಯವೇ ಇಲ್ಲ. ಏಕೆಂದರೆ ಇನ್ನೊಂದು ಸೀಟಿಯಲ್ಲಿ ಯಾರು ಮಲಗಿರುತ್ತಾರೆ ಎಂದು ಅವರಿಗೆ ಗೊತ್ತಿರುವುದಿಲ್ಲ. ಆದ್ದರಿಂದ ಕಳ್ಳರು ಯಾವುದೇ ಸಂದೇಹ ಬರದಂತೆ ತಮ್ಮದೇ ಬ್ಯಾಗ್ ಅನ್ನುವ ರೀತಿಯಲ್ಲಿ, ಅದನ್ನು ಸಲೀಸಾಗಿ ತೆಗೆದುಕೊಂಡು ಹೋಗುತ್ತಾರೆ.
ಬೆಂಗಳೂರು ಪಿಜಿಗೆ ನುಗ್ಗಿದ ಕಳ್ಳ ಮಾಡಿದ್ದೇನು? ಸಿಸಿಟಿವಿಯಲ್ಲಿ ಶಾಕಿಂಗ್ ದೃಶ್ಯಗಳ ಸೆರೆ!
