ಜೂನಿಯರ್ ಯುವರಾಜ್ ಸಿಂಗ್ ನಮ್ಮ ಶಿವಂ ದುಬೆ.! ಧೋನಿ ಸೈನ್ಯ ಸೇರಿದ ನಂತರ ಬಯಲಾಯ್ತು ಅಸಲಿ ಟ್ಯಾಲೆಂಟ್..!
ಭಾರತ 2011ರ ಏಕದಿನ ವಿಶ್ವಕಪ್ ಹೀರೋ. ಈ ಪಂಜಾಬ್ ಪುತ್ತರ್ ಕ್ರಿಕೆಟ್ಗೆ ಗುಡ್ ಬೈ ಹೇಳಿ ವರ್ಷಗಳೇ ಕಳೆದಿವೆ. ಆದ್ರೆ, ಟೀಮ್ ಇಂಡಿಯಾದಲ್ಲಿ ಅವ್ರ ಸ್ಥಾನ ತುಂಬಬಲ್ಲ ಮತ್ತೊಬ್ಬ ಆಟಗಾರ ಸಿಕ್ಕಿಲ್ಲ. ಯುವಿಯಂತ ಬ್ಯಾಟರ್ ತಂಡದಲ್ಲಿದ್ರೆ, ಏಕದಿನ ವಿಶ್ವಕಪ್ ಫೈನಲ್ನಲ್ಲಿ ರೋಹಿತ್ ಪಡೆ ಆಸೀಸ್ಗೆ ಶರಣಾಗ್ತಿರಲಿಲ್ಲ.
![Team India Cricketer Shivam Dube a mini Yuvraj Singh More than just a resemblance kvn Team India Cricketer Shivam Dube a mini Yuvraj Singh More than just a resemblance kvn](https://static-ai.asianetnews.com/images/01hm0sj8skea3z2gnr2xbbx19p/yuvraj-singh-shivam-dube_363x203xt.jpg)
ಬೆಂಗಳೂರು(ಜ.13) ಈ ಆಟಗಾರ ಕ್ರಿಕೆಟ್ಗೆ ಗುಡ್ ಬೈ ಹೇಳಿ ವರ್ಷಗಳೇ ಕಳೆದಿವೆ. ಆದ್ರೆ, ಟೀಮ್ ಇಂಡಿಯಾಗೆ ಅವ್ರ ಸ್ಥಾನ ತುಂಬಬಲ್ಲ ಮತ್ತೊಬ್ಬ ಆಟಗಾರ ಸಿಕ್ಕಿಲ್ಲ. ಆದ್ರೆ, ಈ ಮುಂಬೈಕರ್ ಆ ಆಟಗಾರನ ರಿಪ್ಲೇಸ್ ಮಾಡೋ ಭರವಸೆ ಹುಟ್ಟಿಸಿದ್ದಾನೆ. ಅಪ್ಘಾನಿಸ್ತಾನ ವಿರುದ್ಧದ ಪಂದ್ಯದಲ್ಲಿ ತಮ್ಮ ತಾಕತ್ತು ಪ್ರೂವ್ ಮಾಡಿದ್ದಾನೆ. ಯಾರು ಆ ಆಟಗಾರ..? ಏನ್ ಕಥೆ ಅಂತೀರಾ..? ಈ ಸ್ಟೋರಿ ನೋಡಿ...!
ಬ್ಯಾಟಿಂಗ್ & ಬೌಲಿಂಗ್ ಎರಡರಲ್ಲೂ ಸೂಪರ್..!
ಯುವರಾಜ್ ಸಿಂಗ್..! ಭಾರತ 2011ರ ಏಕದಿನ ವಿಶ್ವಕಪ್ ಹೀರೋ. ಈ ಪಂಜಾಬ್ ಪುತ್ತರ್ ಕ್ರಿಕೆಟ್ಗೆ ಗುಡ್ ಬೈ ಹೇಳಿ ವರ್ಷಗಳೇ ಕಳೆದಿವೆ. ಆದ್ರೆ, ಟೀಮ್ ಇಂಡಿಯಾದಲ್ಲಿ ಅವ್ರ ಸ್ಥಾನ ತುಂಬಬಲ್ಲ ಮತ್ತೊಬ್ಬ ಆಟಗಾರ ಸಿಕ್ಕಿಲ್ಲ. ಯುವಿಯಂತ ಬ್ಯಾಟರ್ ತಂಡದಲ್ಲಿದ್ರೆ, ಏಕದಿನ ವಿಶ್ವಕಪ್ ಫೈನಲ್ನಲ್ಲಿ ರೋಹಿತ್ ಪಡೆ ಆಸೀಸ್ಗೆ ಶರಣಾಗ್ತಿರಲಿಲ್ಲ.
ಹೌದು, ಯುವಿ ಟೀಂ ಇಂಡಿಯಾ ಮಿಡಲ್ ಆರ್ಡರ್ ಬ್ಯಾಟಿಂಗ್ನ ಸ್ಟ್ರಾಂಗ್ ವೆಪೆನ್ ಆಗಿದ್ರು. ಅದರಲ್ಲೂ ನಾಕೌಟ್ ಮ್ಯಾಚ್ಗಳಲ್ಲಿ ಅಸಲಿ ಮ್ಯಾಚ್ ವಿನ್ನರ್ ಆಗಿದ್ರು. ಯುವಿಯಂತ ಮ್ಯಾಚ್ ಫಿನಿಶರ್ ತಂಡಕ್ಕೆ ಬೇಕಾಗಿದೆ. ಸದ್ಯ ಶಿವಂ ದುಬೆಗೆ ಆ ಎಲ್ಲಾ ಅರ್ಹತೆಯಿದೆ. ಅಪ್ಘಾನಿಸ್ತಾನ ವಿರುದ್ಧದ ಮೊದಲ T20ಯಲ್ಲಿ ಶಿವಂ ದುಬೆಯ ಆಟವೇ ಆದಕ್ಕೆ ಸಾಕ್ಷಿ.!
ವಿ ಕೌಶಿಕ್ ಮ್ಯಾಜಿಕ್: ಮೊದಲ ದಿನವೇ ಕರ್ನಾಟಕ ಎದುರು ಗುಜರಾತ್ ಆಲೌಟ್
ಯೆಸ್, ಯುವಿನ ರಿಪ್ಲೇಸ್ ಮಾಡೋ ತಾಕತ್ತು ಈ ಮುಂಬೈಕರ್ಗಿದೆ ಅಂದ್ರೆ ತಪ್ಪಿಲ್ಲ. ದುಬೆಯ ಬ್ಯಾಟಿಂಗ್ ಶೈಲಿಯು, ಯುವಿಯ ಬ್ಯಾಟಿಂಗ್ನ ನೆನಪಿಸುತ್ತೆ. ದುಬೆಯನ್ನ ಜೂನಿಯರ್ ಯುವರಾಜ್ ಸಿಂಗ್ ಅಂತ ಫ್ಯಾನ್ಸ್ ಕರೀತಿದ್ದಾರೆ. ಮೊನ್ನೆಯ ಪಂದ್ಯದಲ್ಲಿ 4ನೇ ಕ್ರಮಾಂಕದಲ್ಲಿ ಫೀಲ್ಡಿಗಿಳಿದ ದುಬೆ, ಸಂಕಷ್ಟದ ಸಮಯದಲ್ಲಿ ತಂಡಕ್ಕೆ ಆಸರೆಯಾದ್ರು. 40 ಎಸೆತಗಳಲ್ಲಿ 5 ಫೋರ್ ಮತ್ತು 2 ಭರ್ಜರಿ ಸಿಕ್ಸರ್ ಸಹಿತ 60 ರನ್ಗಳಿಸಿದ್ರು. ಕೊನೆವರೆಗೂ ಕ್ರೀಸ್ನಲ್ಲಿ ನಿಂತು ತಂಡಕ್ಕೆ ಭರ್ಜರಿ ಗೆಲುವು ತಂದುಕೊಟ್ರು.
ಬ್ಯಾಟಿಂಗ್ ಅಷ್ಟೇ ಅಲ್ಲ, ಬೌಲಿಂಗ್ನಲ್ಲೂ ದುಬೆ ಮಿಂಚಿದ್ರು. 2 ಓವರ್ ಬೌಲಿಂಗ್ ಮಾಡಿ 9 ರನ್ ನೀಡಿ ಒಂದು ವಿಕೆಟ್ ಪಡೆದುಕೊಂಡ್ರು. ಯುವರಾಜ್ ಸಿಂಗ್ ಕೂಡ ನಂಬರ್ ಫೋರ್ನಲ್ಲೇ ಬ್ಯಾಟಿಂಗ್ ಮಾಡ್ತಿದ್ರು. ಅಲ್ಲದೇ, 6ನೇ ಬೌಲರ್ ಆಗಿ ಕ್ಯಾಪ್ಟನ್ ಚಿಂತೆಯನ್ನ ಕಡಿಮೆ ಮಾಡ್ತಿದ್ರು. ಅಲ್ಲದೇ ಹಲವು ಬಾರಿ ಅದ್ಭುತ ಬೌಲಿಂಗ್ ಮೂಲಕ ತಂಡಕ್ಕೆ ಗೆಲುವು ತಂದುಕೊಟ್ಟಿದ್ರು. 2011ರ ಏಕದಿನ ವಿಶ್ವಕಪ್ ಟೂರ್ನಿಯಲ್ಲಿ 15 ವಿಕಟ್ ಬೇಟೆಯಾಡಿದ್ರು. ಆದ್ರೆ, ಯುವಿ ಎಡಗೈ ಸ್ಪಿನ್ನರ್ ಆಗಿದ್ರು, ದುಬೆ ಬಲಗೈ ಮೀಡಿಯಮ್ ಫಾಸ್ಟ್ ಬೌಲರ್ ಅನ್ನೋದಷ್ಟೇ ವ್ಯತ್ಯಾಸ.!
Breaking: ಇಂಗ್ಲೆಂಡ್ ವಿರುದ್ಧ ಮೊದಲ ಎರಡು ಟೆಸ್ಟ್ಗೆ ಭಾರತ ತಂಡ ಪ್ರಕಟ
ಧೋನಿ ಸೈನ್ಯ ಸೇರಿದ ನಂತರ ಬಯಲಾಯ್ತು ಅಸಲಿ ಟ್ಯಾಲೆಂಟ್..!
ಯೆಸ್, ದೇಶಿಯ ಕ್ರಿಕೆಟ್ನಲ್ಲಿ ಮುಂಬೈ ಪರ ದುಬೆ ಬ್ಯಾಟ್ ಬೀಸ್ತಿದ್ದಾರೆ. ಇನ್ನು IPLನಲ್ಲಿ RCB ಪರ ಕರಿಯರ್ ಆರಂಭಿಸಿ, 2022ರ ಸೀಸನ್ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಕ್ಯಾಂಪ್ ಸೇರಿದ್ರು. ಧೋನಿ ಸೈನ್ಯ ಸೇರಿದ ನಂತರ ದುಬೆಯ ರಿಯಲ್ ಟ್ಯಾಲೆಂಟ್ ಬಯಲಾಯ್ತು. ಕಳೆದ ಸೀಸನ್ನಲ್ಲಿ ದುಬೆ 158ರ ಸ್ಟ್ರೈಕ್ರೇಟ್ನಲ್ಲಿ 418 ರನ್ ಸಿಡಿಸಿದ್ರು. ದುಬೆ ತಾಕತ್ತಿಗೆ ಧೋನಿ ಫಿದಾ ಆಗಿದ್ದಾರೆ. ಆಪ್ಘಾನ್ ವಿರುದ್ಧದ ಪಂದ್ಯದ ನಂತರ ದುಬೆ ತಮ್ಮ ಯಶಸ್ಸಿನಲ್ಲಿ ಧೋನಿಗೂ ಪಾಲು ನೀಡಿದ್ರು.
ಹಾರ್ದಿಕ್ ಪಾಂಡ್ಯಗೆ ಟಫ್ ಕಾಂಪಿಟೇಟರ್..!
ಹೌದು, ಇಂಜುರಿಯಿಂದಾಗಿ ಹಾರ್ದಿಕ್ ಪಾಂಡ್ಯ ತಂಡದಿಂದ ಹೊರ ಗುಳಿದಿದ್ದಾರೆ. ಇದೇ ಕಾರಣಕ್ಕೆ ಫಾಸ್ಟ್ ಬೌಲಿಂಗ್ ಆಲ್ರೌಂಡರ್ ರೂಪದಲ್ಲಿ ದುಬೆಗೆ ತಂಡದಲ್ಲಿ ಅವಕಾಶ ಸಿಕ್ಕಿದೆ. ಮುಂದಿನ ಪಂದ್ಯಗಳಲ್ಲೂ ಇದೇ ರೀತಿ ಮಿಂಚಿದ್ರೆ, ಹಾರ್ದಿಕ್ ಪಾಂಡ್ಯಗೆ ಪರ್ಯಾವಾಗಿ ದುಬೆ ಬೆಳೆದ್ರು ಅಚ್ಚರಿ ಇಲ್ಲ.
ಸ್ಪೋರ್ಟ್ಸ್ ಬ್ಯುರೋ, ಏಷ್ಯಾನೆಟ್ ಸುವರ್ಣ ನ್ಯೂಸ್