ಟೆಸ್ಟ್ ಸ್ಪೆಷಲಿಸ್ಟ್ ಚೇತೇಶ್ವರ್ ಪೂಜಾರ ಕ್ರಿಕೆಟ್ ಕರಿಯರ್ ಇನ್ನೂ ಮುಗಿದಿಲ್ಲ..!
* ಕಳಪೆ ಫಾರ್ಮ್‌ನಿಂದ ಟೀಂ ಇಂಡಿಯಾದಿಂದ ಹೊರಬಿದ್ದಿರುವ ಚೇತೇಶ್ವರ್ ಪೂಜಾರ
* ಟೀಂ ಇಂಡಿಯಾಗೆ ಕಮ್‌ಬ್ಯಾಕ್ ಮಾಡುವತ್ತ ದಿಟ್ಟ ಹೆಜ್ಜೆಯಿಟ್ಟಿರುವ ಸೌರಾಷ್ಟ್ರ ಬ್ಯಾಟರ್
* ಕೌಂಟಿ ಕ್ರಿಕೆಟ್‌ನಲ್ಲಿ ಶತಕಗಳ ಮೇಲೆ ಶತಕ ಸಿಡಿಸುತ್ತಿರುವ ಪೂಜಾರ
ಬೆಂಗಳೂರು(ಮೇ.09): 2021 ಹಾಗೂ 2022. ಈ ಎರಡು ವರ್ಷಗಳಲ್ಲಿ ಚೇಶೇಶ್ವರ್ ಪೂಜಾರ ಅನ್ನೋ ಟೆಸ್ಟ್ ಸ್ಪೆಶಲಿಸ್ಟ್ ಸತತ ವೈಫಲ್ಯ ಕಂಡಿದ್ರು. ದೇಶಿ ಹಾಗೂ ವಿದೇಶಿ ಪಿಚ್ನಲ್ಲಿ ರನ್ ಬರ ಅನುಭವಿಸಿದ್ರು. ಇಂಗ್ಲೆಂಡ್, ದಕ್ಷಿಣ ಆಫ್ರಿಕಾ ಪ್ರವಾಸದಲ್ಲಿ ಮುಗ್ಗರಿಸಿ ಮುಖಭಂಗಕ್ಕೆ ತುತ್ತಾದ್ರು. ಏಕಾಂಗಿಯಾಗಿ ನಿಂತು ಪಂದ್ಯ ಗೆಲ್ಲಿಸಿಕೊಡ್ತಿದ್ದ ಸೆಕೆಂಡ್ ವಾಲ್ ಒಂದೊಂದು ರನ್ಗೂ ಹೆಣಗಾಡಿದ್ರು. ಈ ಎರಡು ವರ್ಷಗಳಲ್ಲಿ ಒಂದೂ ಶತಕ ಗಳಿಸಲಿಲ್ಲ. ಯಾವಾಗ ಪೂಜಾರ ಹಳೇ ಚಾರ್ಮ್ ಕಳೆದುಕೊಂಡ್ರೋ ಸೆಲೆಕ್ಟರ್ಸ್ ಹಿಂದೆ ಮುಂದೆ ನೋಡದೇ ಜೂನಿಯರ್ ವಾಲ್ರನ್ನ ಟೀಂ ಇಂಡಿಯಾದಿಂದ ಕೈಬಿಟ್ಟು ಶಾಕ್ ನೀಡಿದ್ರು.
ಮತ್ತೆ ತಂಡಕ್ಕೆ ಮರಳಬೇಕಾದ್ರೆ ಡೊಮೆಸ್ಟಿಕ್ ಆಡಬೇಕು. ಅಲ್ಲಿ ಅದ್ಭುತ ಪ್ರದರ್ಶನ ನೀಡಿದರಷ್ಟೇ ಟೀಂ ಇಂಡಿಯಾ ಬಾಗಿಲು ತೆರೆಯಲಿದೆ ಎಂದು ಖಡಕ್ ಸೂಚನೆ ಕೊಟ್ಟಿದ್ರು. ಎಷ್ಟೇ ಆದ್ರೂ ಪೂಜಾರ ಛಲದಂಕ ಮಲ್ಲ ನೋಡಿ. ಡ್ರಾಪ್ ಆದ ದಿನವೇ ಮತ್ತೆ ಟೀಂ ಇಂಡಿಯಾಗೆ ಎಂಟ್ರಿ ಕೊಡುವ ಶತಪಗೈದ್ರು. ಅಂದಿನಿಂದಲೇ ಸಿದ್ಧತೆ ಆರಂಭಿಸಿದ್ರು. ಪರಿಣಾಮ ಕಳೆದ ವರ್ಷಾಂತ್ಯದಲ್ಲಿ ತಂಡದಿಂದ ಹೊರಬಿದ್ದ ಪೂಜಾರ ಕೌಂಟಿ ಚಾಂಪಿಯನ್ಶಿಪ್ನಲ್ಲಿ ರನ್ ಹೊಳೆ ಹರಿಸಿದ್ದಾರೆ. ಆ ಮೂಲಕ ಮೈ ಟೆಸ್ಟ್ ಕೆರಿಯರ್ ಇಸ್ ನಾಟ್ ಓವರ್ ಅನ್ನೋ ಸ್ಟ್ರಾಂಗ್ ಮೆಸೆಜ್ ಅನ್ನ ಆಯ್ಕೆಗಾರರಿಗೆ ರವಾನಿಸಿದ್ದಾರೆ.
ಕೌಂಟಿ ಚಾಂಪಿಯನ್ಶಿಪ್ನಲ್ಲಿ ಪೂಜಾರ ರನ್ ಭರಾಟೆ:
ಇಂಗ್ಲೀಷ್ ಕೌಂಟಿ ಚಾಂಪಿಯನ್ಶಿಪ್ನಲ್ಲಿ ಪೂಜಾರ ಸಸ್ಸೆಕ್ಸ್ ಪರ ಆಡ್ತಿದ್ದು ಧೂಳೆಬ್ಬಿಸಿದ್ದಾರೆ. ಈವರೆಗೆ ಆಡಿದ 4 ಪಂದ್ಯಗಳಲ್ಲಿ ಸತತ 4 ಸೆಂಚುರಿ ಸಹಿತ ಅಮೋಘ 701 ರನ್ ಗಳಿಸಿದ್ದಾರೆ. ಆ ಮೂಲಕ ವೈಟ್ ರೆಡ್ ಬಾಲ್ನಲ್ಲಿ ಪೂಜಾರರ ಹಳೆ ಖದರ್ ಮತ್ತೆ ಮರುಕಳಿಸಿದೆ.
2 ಡಬಲ್ ಸೆಂಚುರಿ ವೈಭವ:
ಇನ್ನು ನಾಲ್ಕು ಶತಕಗಳ ಪೈಕಿ, ಎರಡೂ ಅತ್ಯಾಮೋಘ ಡಬಲ್ ಸೆಂಚುರಿ ಗಳಿಸಿದ್ದಾರೆ. ಡಹ್ರಾಮ್ ವಿರುದ್ಧ 203 ರನ್ ಗಳಿಸಿದ್ರೆ, ಡರ್ಬಿಶೈರ್ ವಿರುದ್ಧ 201 ರನ್ ಗಳಿಸಿ ಮಿಂಚಿದ್ರು. ಸದ್ಯ ಈ ಎರಡು ದ್ವಿಶತಕಗಳು ಪೂಜಾರರ ಕಾನ್ಫಿಡೆಂಟ್ ಹೆಚ್ಚಿಸಿವೆ.
2007ರ ಟಿ20 ವಿಶ್ವಕಪ್‌ಗೆ ನಾನು ಟೀಂ ಇಂಡಿಯಾ ಕ್ಯಾಪ್ಟನ್‌ ಆಗ್ಬೇಕಿತ್ತು: ಯುವಿ ಸ್ಪೋಟಕ ಹೇಳಿಕೆ
ಪೂಜಾರಗೆ ಮತ್ತೆ ತೆರೆಯಲಿದೆ ಟೀಂ ಇಂಡಿಯಾ ಬಾಗಿಲು:
ಕೌಂಟಿ ಚಾಂಪಿಯನ್ಶಿಪ್ನಲ್ಲಿ ರನ್ ಗೋಪುರ ಕಟ್ಟಿರೋ ಪೂಜಾರ, ಮತ್ತೆ ಟೀಂ ಇಂಡಿಯಾ ಮೇಲೆ ಕಣ್ಣಿಟ್ಟಿದ್ದಾರೆ. ಐಪಿಎಲ್ ಮುಗಿಯದ ಬಳಿಕ ಭಾರತ ತಂಡಕ್ಕೆ ಯಾವುದೇ ಟೆಸ್ಟ್ ಸರಣಿಗಳಿಲ್ಲ. ದಕ್ಷಿಣ ಆಫ್ರಿಕಾ ಹಾಗೂ ವೆಸ್ಟ್ ಇಂಡೀಸ್ ವಿರುದ್ಧ ಸೀಮಿತ ಓವರ್ಗಳ ಸರಣಿ ಆಡಲಿದೆ. ಬಳಿಕ ಆಫ್ರಿಕಾ ಪ್ರವಾಸ ಕೈಗೊಳ್ಳುವ ರೋಹಿತ್ ಪಡೆ ಟೆಸ್ಟ್ ಆಡಲಿದೆ. ಆ ವೇಳೆ ಪೂಜಾರ ಸೆಲೆಕ್ಟ್ ಆಗೋದು ಬಹುತೇಕ ಫಿಕ್ಸ್. ಡ್ರಾಪ್ ಅವಮಾನಕ್ಕೆ ತಕ್ಕ ಪ್ರತೀಕಾರ ನೀಡಿದಂತಾಗಲಿದೆ.
