ಕೊಹ್ಲಿ ಸಾರ್ವಕಾಲಿಕ ದಾಖಲೆ ಸೇಫ್‌; ಶುಭ್‌ಮನ್‌ ಗಿಲ್‌ಗೆ ಸುವರ್ಣಾವಕಾಶ ಮಿಸ್‌..!
2023ನೇ ಸಾಲಿನ ಐಪಿಎಲ್ ಟೂರ್ನಿ ಯಶಸ್ವಿಯಾಗಿ ಮುಕ್ತಾಯ
ಐಪಿಎಲ್ ಇತಿಹಾಸದಲ್ಲಿ ಗರಿಷ್ಠ ರನ್ ಬಾರಿಸಿದ ಬ್ಯಾಟರ್‌ಗಳ ಪಟ್ಟಿಯಲ್ಲಿ ಗಿಲ್‌ಗೆ ಎರಡನೇ ಸ್ಥಾನ
ವಿರಾಟ್ ಕೊಹ್ಲಿ ಸಾರ್ವಕಾಲಿಕ ದಾಖಲೆ ಮುರಿಯಲು ಗಿಲ್ ವಿಫಲ
 )
Followಅಹಮದಾಬಾದ್‌(ಮೇ.30): ಉತ್ಕೃಷ್ಠ ಲಯದಲ್ಲಿರುವ ಗುಜರಾತ್‌ನ ಶುಭ್‌ಮನ್‌ ಗಿಲ್ 16ನೇ ಆವೃತ್ತಿ ಐಪಿಎಲ್‌ನಲ್ಲಿ ರನ್ ಗಳಿಕೆಯಲ್ಲಿ ಮತ್ತೊಂದು ದಾಖಲೆ ಬರೆದಿದ್ದಾರೆ. ಸೋಮವಾರ ಚೆನ್ನೈ ವಿರುದ್ಧ ಫೈನಲ್‌ನಲ್ಲಿ 20 ಎಸೆತಗಳಲ್ಲಿ 39 ರನ್ ಸಿಡಿಸಿದ ಗಿಲ್, ಐಪಿಎಲ್ ಆವೃತ್ತಿಯೊಂದರಲ್ಲಿ ಗರಿಷ್ಠ ರನ್ ಸಿಡಿಸಿದವರ ಪಟ್ಟಿಯಲ್ಲಿ 2ನೇ ಸ್ಥಾನಕ್ಕೇರಿದರು.
ಗಿಲ್ ಈ ಬಾರಿ 17 ಪಂದ್ಯಗಳಲ್ಲಿ 63.57ರ ಸರಾಸರಿಯಲ್ಲಿ 3 ಶತಕ, 4 ಅರ್ಧಶತಕಗಳನ್ನೊಳಗೊಂಡ 890 ರನ್ ಸಿಡಿಸಿದ್ದು, ರಾಜಸ್ಥಾನದ ಜೋಸ್‌ ಬಟ್ಲರ್‌ ಅವರ ದಾಖಲೆಯನ್ನು ಮುರಿದರು. ಕಳೆದ ವರ್ಷ ಬಟ್ಲರ್‌ 863 ರನ್ ಕಲೆ ಹಾಕಿದ್ದರು. ಆದರೆ ಗಿಲ್‌ಗೆ ವಿರಾಟ್ ಕೊಹ್ಲಿ ದಾಖಲೆ ಮುರಿಯಲು ಸಾಧ್ಯವಾಗಲಿಲ್ಲ. ಕೊಹ್ಲಿ 2016ರಲ್ಲಿ 4 ಶತಕಗಳು ಸೇರಿದಂತೆ ಬರೋಬ್ಬರಿ 973 ರನ್ ಸಿಡಿಸಿದ್ದರು. ಅದೇ ಆವೃತ್ತಿಯಲ್ಲಿ ಡೇವಿಡ್‌ ವಾರ್ನರ್‌ ಹೈದರಾಬಾದ್‌ ಪರ 848 ರನ್ ಗಳಿಸಿದ್ದರು. ಈ ನಾಲ್ವರನ್ನು ಹೊರತುಪಡಿಸಿ ಬೇರೆ ಯಾರೂ ಒಂದು ಆವೃತ್ತಿಯಲ್ಲಿ 800ಕ್ಕಿಂತ ಹೆಚ್ಚು ರನ್ ಕಲೆಹಾಕಿಲ್ಲ.
250 ಐಪಿಎಲ್ ಪಂದ್ಯ ಆಡಿದ ಮೊದಲಿಗ ಧೋನಿ!
ಗುಜರಾತ್‌ ವಿರುದ್ಧ ಫೈನಲ್‌ನಲ್ಲಿ ಕಣಕ್ಕಿಳಿಯುವುದರೊಂದಿಗೆ ಚೆನ್ನೈ ನಾಯಕ ಎಂ.ಎಸ್‌.ಧೋನಿ ಐಪಿಎಲ್‌ನಲ್ಲಿ 250 ಪಂದ್ಯವಾಡಿದ ಮೊದಲ ಆಟಗಾರ ಎನಿಸಿಕೊಂಡರು. 2008ರ ಚೊಚ್ಚಲ ಆವೃತ್ತಿ (2016, 2017ರಲ್ಲಿ ಪುಣೆ ಪರ)ಯಿಂದಲೂ ಧೋನಿ ಚೆನ್ನೈ ಪರ ಆಡುತ್ತಿದ್ದು, 5000ಕ್ಕೂ ಹೆಚ್ಚು ರನ್ ಕಲೆಹಾಕಿದ್ದಾರೆ. ಇನ್ನು, 243 ಪಂದ್ಯಗಳನ್ನಾಡಿರುವ ರೋಹಿತ್‌ ಶರ್ಮಾ ಪಟ್ಟಿಯಲ್ಲಿ 2ನೇ ಸ್ಥಾನದಲ್ಲಿದ್ದು, ದಿನೇಶ್‌ ಕಾರ್ತಿಕ್‌ 242, ವಿರಾಟ್ ಕೊಹ್ಲಿ 237, ಜಡೇಜಾ 226 ಪಂದ್ಯಗಳನ್ನಾಡಿದ್ದಾರೆ.
ಯಶಸ್ಸಿನ ಉತ್ತುಂಗಕ್ಕೆ ಏರಿದಾಗ ಧೋನಿಯಂತೆ ಬದುಕೋಣ!
ಇದೇ ವೇಳೆ ಟಿ20 ಕ್ರಿಕೆಟ್‌ನಲ್ಲಿ 300 ಬಲಿ ಪಡೆದ ಮೊದಲ ವಿಕೆಟ್‌ ಕೀಪರ್‌ ಎನ್ನುವ ದಾಖಲೆಯನ್ನೂ ಧೋನಿ ಬರೆದರು.
ಈ ಐಪಿಎಲ್‌ನಲ್ಲಿ 564 ರನ್ ನೀಡಿದ ತುಷಾರ್‌!
ಅಹಮದಾಬಾದ್‌: ಐಪಿಎಲ್ ಅವೃತ್ತಿಯೊಂದರಲ್ಲಿ ಅತಿಹೆಚ್ಚು ರನ್ ಚಚ್ಚಿಸಿಕೊಂಡ ಬೌಲರ್‌ ಎನ್ನುವ ಅಪಖ್ಯಾತಿಗೆ ಚೆನ್ನೈ ಸೂಪರ್‌ ಕಿಂಗ್‌್ಸನ ವೇಗಿ ತುಷಾರ್‌ ದೇಶಪಾಂಡೆ ಗುರಿಯಾಗಿದ್ದಾರೆ. ಸೋಮವಾರ ಗುಜರಾತ್‌ ವಿರುದ್ಧ ನಡೆದ ಫೈನಲ್‌ನಲ್ಲಿ ತುಷಾರ್‌ 4 ಓವರಲ್ಲಿ 56 ರನ್ ಬಿಟ್ಟುಕೊಟ್ಟರು. ಇದರೊಂದಿಗೆ ಈ ಆವೃತ್ತಿಯಲ್ಲಿ ಅವರು 16 ಪಂದ್ಯಗಳಲ್ಲಿ ಒಟ್ಟು 564 ರನ್ ನೀಡಿ, ಪ್ರಸಿದ್ಧ್ ಕೃಷ್ಣ ಅವರನ್ನು ಹಿಂದಿಕ್ಕಿದರು. 2022ರಲ್ಲಿ ರಾಜಸ್ಥಾನ ರಾಯಲ್ಸ್‌ ತಂಡದದ ಪ್ರಸಿದ್‌್ಧ 551 ರನ್ ನೀಡಿದ್ದರು. 2020ರಲ್ಲಿ ಕಗಿಸೋ ರಬಾಡ 548, 2018ರಲ್ಲಿ ಸಿದ್ಧಾರ್ಥ್‌ ಕೌಲ್‌ 547 ರನ್ ಚಚ್ಚಿಸಿಕೊಂಡಿದ್ದರು.
