Asia Cup 2022 ಆಡುವ ರವಿ ಬಿಷ್ನೋಯಿ ಐಸಿಸಿ ಟಿ20 ವಿಶ್ವಕಪ್ ಆಡಲ್ವಾ..?
ಏಷ್ಯಾಕಪ್ ಕ್ರಿಕೆಟ್ ಟೂರ್ನಿಗೆ ಆಯ್ಕೆಯಾದ ಸ್ಪಿನ್ನರ್ ರವಿ ಬಿಷ್ಣೋಯಿ
ಏಷ್ಯಾಕಪ್ ಟೂರ್ನಿಗೆ 15 ಆಟಗಾರರ ತಂಡದಲ್ಲಿ ಲೆಗ್ ಸ್ಪಿನ್ನರ್ ಬಿಷ್ಣೋಯಿ
ಬಿಷ್ಣೋಯಿ ಚೊಚ್ಚಲ ಟಿ20 ವಿಶ್ವಕಪ್ ಆಡುವ ಬಿಗ್ ಡ್ರೀಮ್ ನುಚ್ಚುನೂರು..?
ಬೆಂಗಳೂರು(ಆ.12): ಏಷ್ಯಾದ ಕಿಂಗ್ ಯಾರು ಎನ್ನುವುದನ್ನು ನಿರ್ಧರಿಸುವ ಏಷ್ಯಾಕಪ್ ಕ್ರಿಕೆಟ್ ಟೂರ್ನಿ ಆರಂಭಕ್ಕೆ ಇನ್ನು 3 ವಾರಗಳಷ್ಟೇ ಬಾಕಿ ಇದೆ. ಇದಕ್ಕಾಗಿ ಬಿಸಿಸಿಐ ಬಲಿಷ್ಠ 15 ಸದಸ್ಯರ ತಂಡವನ್ನ ಅನೌನ್ಸ್ ಮಾಡಿದೆ. ಈ ಮೆಗಾ ಈವೆಂಟ್ನಲ್ಲಿ ಯಾರಿಗೆಲ್ಲಾ ಆಡುವ ಹನ್ನೊಂದರ ಬಳಗದಲ್ಲಿ ಚಾನ್ಸ್ ಸಿಗಬಹುದು. ಯಾರೆಲ್ಲಾ ಬೆಂಚ್ ಕಾಯಿಸಬಹುದು ಅನ್ನೋ ಚರ್ಚೆನೂ ಜೋರಾಗಿದೆ. ಜೊತೆಗೆ ಏಷ್ಯಾಕಪ್ಗೆ ಸೆಲೆಕ್ಟ್ ಆದವರೇ ಟಿ20 ವಿಶ್ವಕಪ್ ಆಡ್ತಾರೆ ಅಂತಾನೂ ಹೇಳಲಾಗ್ತಿದೆ. ಆದರೆ ಗೂಗ್ಲಿ ಸ್ಪಿನ್ನರ್ ರವಿ ಬಿಷ್ನೋಯಿಗೆ ಮಾತ್ರ ಗೋಲ್ಡನ್ ಚಾನ್ಸ್ ಸಿಗಲ್ವಾ ಅನ್ನೋ ಪ್ರಶ್ನೆ ಎದ್ದಿದೆ.
ರಾಜಸ್ಥಾನಿ ಬೌಲರ್ ಏಷ್ಯಾಕಪ್ನಲ್ಲಿ ಎಷ್ಟೇ ದಮ್ದಾರ್ ಆಟವಾಡಿದ್ರೂ ಅದು ನೀರಿನಲ್ಲಿ ಹುಣಸೆ ಹಣ್ಣು ತೊಳೆದಂತೆ ವ್ಯರ್ಥವಾಗಲಿದೆ. ಚೊಚ್ಚಲ ಟಿ20 ವಿಶ್ವಕಪ್ ಆಡುವ ಬಿಗ್ ಡ್ರೀಮ್ ನುಚ್ಚುನೂರಾಗುವ ಸಾಧ್ಯತೆ ಹೆಚ್ಚಿದೆ. ಹೀಗಾಗಿ ಸದ್ಯಕ್ಕೆ ಬಿಷ್ನೋಯಿ ಏಷ್ಯಾಕಪ್ನಲ್ಲಿ ಶೈನ್ ಆದರೂ ಬಂತೂ, ಆಗದಿದ್ರೂ ಬಂತು. ಲೆಗ್ ಬ್ರೇಕರ್ ಮಾತ್ರ ಆಸೀಸ್ಗೆ ಫ್ಲೈಟ್ ಏರಲ್ಲ. ಇವರ ಬದಲು ಕೇರಂ ಸ್ಪೆಶಲಿಸ್ಟ್ ಅಶ್ವಿನ್, ಟಿ20 ವಿಶ್ವಕಪ್ನಲ್ಲಿ ಚಾನ್ಸ್ ಗಿಟ್ಟಿಸಿಕೊಳ್ಳೋದು ಪಕ್ಕಾ ಆಗಿದೆ.
ಸೆಲೆಕ್ಟರ್ಸ್ಗೆ ಬೇಕಿದೆ ಆಫ್ ಸ್ಪಿನ್ನರ್:
ಅಷ್ಟಕ್ಕೂ ಬಿಷ್ನೋಯಿ ಟಿ20 ವಿಶ್ವಕಪ್ ಯಾಕೆ ಆಡಲ್ಲ ಅನ್ನೋದಕ್ಕೆ ಕಾರಣನೇ ಇದು. 2022ರ ಚುಟುಕು ಮಹಾದಂಗಲ್ ಗೆಲ್ಲಲು ಬಿಸಿಸಿಐ ಪಣತೊಟ್ಟಿದೆ. ಅದಕ್ಕಾಗಿ ಬ್ಲೂ ಪ್ರಿಂಟ್ ರೆಡಿಮಾಡಿಕೊಂಡಿದ್ದು, ಆ ಬ್ಲೂ ಪ್ರಿಂಟ್ನಲ್ಲಿ ಒಬ್ಬ ಆಫ್ ಸ್ಪಿನ್ನರ್ನನ್ನ ಆಡಿಸುವ ಪ್ಲಾನ್ ಇದೆ. ಅಲ್ಲಿಗೆ ಆಫ್ ಸ್ಪಿನ್ನರ್ ಅಂದ್ರೆ ಮೊದಲಿಗೆ ನೆನಪಾಗೋದೆ ರವಿಚಂದ್ರನ್ ಅಶ್ವಿನ್. ಸೋ ಕೇರಂ ಸ್ಪೆಶಲಿಸ್ಟ್ಗೆ ಟಿ20 ವಿಶ್ವಕಪ್ನಲ್ಲಿ ಪ್ಲೇಸ್ ಫಿಕ್ಸ್ ಅನ್ನೋದನ್ನ ಮರೆಯುವಂತಿಲ್ಲ.
ಬೆಂಚ್ ಸ್ಟ್ರೆಂಥ್ ಹೆಚ್ಚಿದ್ರೆ ದ್ರಾವಿಡ್ಗೆ ಲಾಭ, ಸೀನಿಯರ್ ಪ್ಲೇಯರ್ಸ್ಗೆ ಶುರುವಾಯ್ತು ಪೀಕಲಾಟ..!
ವಾಷಿಂಗ್ಟನ್ ಸುಂದರ್ ಆಫ್ ಸ್ಪಿನ್ನರ್ ಅನ್ನಿಸಿಕೊಂಡಿದ್ರೂ ಸಾಕಷ್ಟು ಫಿಟ್ನೆಸ್ ಸಮಸ್ಯೆ ಎದುರಿಸ್ತಿದ್ದಾರೆ. ಐಪಿಎಲ್ ಬಳಿಕ ಒಂದೂ ಅಂತರರಾಷ್ಟ್ರೀಯ ಪಂದ್ಯವನ್ನಾಡಿಲ್ಲ. ಹೀಗಾಗಿ ವಿಶ್ವಕಪ್ಗೆ ನಿಮ್ಮನ್ನ ಆಡಿಸಲ್ಲ ಎಂದೂ ಬಿಸಿಸಿಐ ಈಗಾಗ್ಲೇ ವಾಷಿಗೆ ತಿಳಿಸಿದ್ದು, ಅಶ್ವಿನ್ ಆಸ್ಟ್ರೇಲಿಯಾ ಫ್ಲೈಟ್ ಏರೋದು ಪಕ್ಕಾ.
ವೇಗಿಗಳ ಸ್ವರ್ಗದಲ್ಲಿ ಆಫ್ ಸ್ಪಿನ್ನರ್ಗೇಕೆ ಮಣೆ..? :
ಈ ಬಾರಿ ವಿಶ್ವಕಪ್ ನಡೆಯುವ ಸ್ಥಳ ಆಸ್ಟ್ರೇಲಿಯಾ. ಇದನ್ನ ವೇಗಿಗಳ ತಾಣವೆಂದೇ ಹೇಳಲಾಗ್ತಿದೆ. ಅಂತ್ರದಲ್ಲಿ ಆಫ್ ಸ್ಪಿನ್ನರ್ ಆಡಿಲು ಸೆಲೆಕ್ಟರ್ಸ್ ನಿರ್ಧಾರ ಮಾಡಿದ್ದರ ಹಿಂದೆ ಒಂದು ಪ್ಲಾನ್ ಇದೆ. ಅದೇನಂದ್ರೆ ಕ್ವಾಲಿಟಿ ಲೆಫ್ಟಿ ಬ್ಯಾಟರ್ಗಳನ್ನ ಕಟ್ಟಿಹಾಕಲು ಆಫ್ ಸ್ಪಿನ್ನರ್ ನ ಅಗತ್ಯವಿದೆ. ಜೊತೆಗೆ ಆ್ಯಷ್ ಅನುಭವಿ ಬೌಲರ್. ವೇರಿಯೇಶನ್ ಸ್ಪಿನ್ ಮಾಡಬಲ್ಲರು. ಆ ಮೂಲಕ ಎದುರಾಳಿಗೆ ಕಂಟಕ ಆಗಬಲ್ಲರು. ಅಲ್ಲದೇ ಆಸೀಸ್ ಪಿಚ್ ಕಂಡೀಷನ್ನಲ್ಲಿ ಅಶ್ವಿನ್ ಉತ್ತಮ ಟ್ರ್ಯಾಕ್ ರೆಕಾರ್ಡ್ ಹೊಂದಿದ್ದಾರೆ. ಹೀಗಾಗಿ ಅಶ್ವಿನ್ ವಿಶ್ವಕಪ್ನಲ್ಲಿ ಟಿಕೆಟ್ ಗಿಟ್ಟಿಸಿಕೊಳ್ಳೋದು ಗ್ಯಾರಂಟಿ.
ಇನ್ನು ಟಿ20 ವಿಶ್ವಕಪ್ಗೆ ಸೆಲೆಕ್ಟ್ ಆದ್ರೂ ಪ್ಲೇಯಿಂಗ್-11 ನಲ್ಲಿ ಚಾನ್ಸ್ ಸಿಗೋದು ಕಷ್ಟ. ಯಾಕಂದ್ರೆ ಆಡುವ ಹನ್ನೊಂದರ ಬಳಗದಲ್ಲಿ ರವೀಂದ್ರ ಜಡೇಜಾ ಮತ್ತು ಯುಜುವೇಂದ್ರ ಚಹಲ್ ಆಡೋದು ಖಚಿತ. ಒಂದು ವೇಳೆ 3ನೇ ಸ್ಪಿನ್ನರ್ ಆಯ್ಕೆ ಬಯಸಿದರಷ್ಟೇ ಅಶ್ವಿನ್ಗೆ ಚಾನ್ಸ್. ಇಲ್ಲವಾದ್ರೆ ಬೆಂಚ್ಗೆ ಸೀಮಿತವಾಗಲಿದ್ದಾರೆ.
