Yashasvi Jaiswal: ಟೆಸ್ಟ್ ಕ್ರಿಕೆಟ್ನಲ್ಲಿ ಅಬ್ಬರಿಸಲು ರೆಡಿಯಾದ ಪಾನಿಪೂರಿವಾಲಾ..!
ಭಾರತ ಟೆಸ್ಟ್ ತಂಡದಲ್ಲಿ ಸ್ಥಾನ ಪಡೆದ ಯಶಸ್ವಿ ಜೈಸ್ವಾಲ್
ಐಪಿಎಲ್ನಲ್ಲಿ ಅದ್ಭುತ ಬ್ಯಾಟಿಂಗ್ ಮೂಲಕ ಮಿಂಚಿರುವ ಯಶಸ್ವಿ
ದ್ರಾವಿಡ್ ಆಡಿದ್ದ 3ನೇ ಕ್ರಮಾಂಕದಲ್ಲಿ ಮಿಂಚ್ತಾರಾ ಜೈಸ್ವಾಲ್..?
 )
Followಬೆಂಗಳೂರು(ಜೂ.26) ಟ್ಯಾಲೆಂಟ್ ಅನ್ನೋದು ಯಾರೊಬ್ಬರ ಸ್ವತ್ತಲ್ಲ. ಸಾಧಿಸೋ ಛಲ, ಗೆಲ್ಲಲೆಬೇಕೆಂಬ ಹಠ, ಹಾರ್ಡ್ವರ್ಕ್, ಡೆಡಿಕೇಷನ್ ಇದ್ರೆ ಯಾರು ಏನು ಬೇಕಾದ್ರೂ ಆಗ್ಬಹುದು. ಇದಕ್ಕೆ ಜಸ್ಟ್ 21 ವರ್ಷದ ಯಶಸ್ವಿ ಜೈಸ್ವಾಲ್ ಜೀವನವೇ ಬೆಸ್ಟ್ ಎಕ್ಸಾಂಪಲ್.!
ಉತ್ತರಪ್ರದೇಶದ ಬಡ ಕುಟುಂಬದಲ್ಲಿ ಹುಟ್ಟಿ ಬೆಳೆದ, ರಸ್ತೆ ಬದಿಯಲ್ಲಿ ಪಾನಿಪೂರಿ ಮಾರಾಟ ಮಾಡಿ, ಚಿಕ್ಕ ಟೆಂಟ್ನಲ್ಲಿ ಮಲಗ್ತಿದ್ದ ಹುಡುಗ, ಇಂದು ಟೀಮ್ ಇಂಡಿಯಾ ಪರ ಮಿಂಚಲು ರೆಡಿಯಾಗಿದ್ದಾನೆ. ಯೆಸ್, ವೆಸ್ಟ್ ವಿಂಡೀಸ್ ವಿರುದ್ಧದ ಟೆಸ್ಟ್ ಸರಣಿಗಾಗಿ ಜೈಸ್ವಾಲ್ಗೆ ಟೀಂ ಇಂಡಿಯಾದಲ್ಲಿ ಚಾನ್ಸ್ ನೀಡಲಾಗಿದೆ. IPLನಲ್ಲಿ ರಾಜಸ್ಥಾನ ರಾಯಲ್ಸ್ ಪರ ಆರಂಭಿಕರಾಗಿ ಅಬ್ಬರಿಸಿದ್ದ ಜೈಸ್ವಾಲ್, ರೆಡ್ಬಾಲ್ ಕ್ರಿಕೆಟ್ನಲ್ಲಿ 3ನೇ ಕ್ರಮಾಂಕದಲ್ಲಿ ಬ್ಯಾಟ್ ಬೀಸಲಿದ್ದಾನೆ.
ಟೆಸ್ಟ್ನಲ್ಲಿ 3ನೇ ಕ್ರಮಾಂಕದಲ್ಲಿ ಆಡೋದು ಅಂದ್ರೆ ಸಾಮಾನ್ಯ ಅಲ್ಲ. ಆದ್ರೆ, 21ನೇ ವಯಸ್ಸಿಗೆ ದ್ರಾವಿಡ್, ಪೂಜಾರ ಆಡಿದ್ದ ಸ್ಲಾಟ್ನಲ್ಲಿ ಆಡೋ ಅದೃಷ್ಟ ಜೈಸ್ವಾಲ್ಗೆ ಸಿಕ್ಕಿದೆ. ಕೆರಿಬಿಯನ್ ನಾಡಲ್ಲಿ ಜೈಸ್ವಾಲ್ ಮಿಂಚಿದ್ರೆ, ಟೆಸ್ಟ್ ತಂಡದ ಜೈಸ್ವಾಲ್ಗೆ ಸ್ಥಾನ ಫಿಕ್ಸ್ ಆಗಲಿದೆ.
WTC ವೇಳೆಯಲ್ಲೇ ಜೈಸ್ವಾಲ್ ಟ್ಯಾಲೆಂಟ್ ಗುರುತಿಸಿದ್ದ ದ್ರಾವಿಡ್..!
ಯೆಸ್, ಜೈಸ್ವಾಲ್ ಟೀಮ್ ಇಂಡಿಯಾಗೆ ಆಯ್ಕೆಯಾಗಲು IPL ಪ್ರದರ್ಶನ ಮಾತ್ರ ಕಾರಣವಲ್ಲ. IPL ಜೊತೆಗೆ ಕೋಚ್ ರಾಹುಲ್ ದ್ರಾವಿಡ್ಗೆ ತಮ್ಮ ಶಿಷ್ಯನ ಟ್ಯಾಲೆಂಟ್, ಸಾಮರ್ಥ್ಯ ಮೇಲಿರೋ ನಂಬಿಕೆ. WTC ಫೈನಲ್ಗಾಗಿ ಋತುರಾಜ್ ಗಾಯಕ್ವಾಡ್ರನ್ನ ಸ್ಟ್ಯಾಂಡ್ ಬೈ ಆಟಗಾರನಾಗಿ ಆಯ್ಕೆ ಮಾಡಲಾಗಿತ್ತು. ಆದ್ರೆ, ಮದುವೆ ಕಾರಣದಿಂದಾಗಿ ಋತುರಾಜ್ ಇಂಗ್ಲೆಂಡ್ಗೆ ಪ್ರಯಾಣ ಬೆಳೆಸಲಿಲ್ಲ.
ಸರ್ಫರಾಜ್‌ ಖಾನ್‌ಗೆ ಮುಳುವಾಯ್ತಾ ಚೇತನ್ ಶರ್ಮಾ ಮುಂದೆ ಮಾಡಿದ ಅಗ್ರೆಸಿವ್ ಸೆಲಿಬ್ರೇಷನ್‌..?
ಋತುರಾಜ್ ಸ್ಥಾನದಲ್ಲಿ ಇಂಗ್ಲೆಂಡ್ಗೆ ತೆರಳಿದ ಜೈಸ್ವಾಲ್, ತಂಡದ ಜೊತೆ ಪ್ರಾಕ್ಟೀಸ್ ಮಾಡಿದ್ರು. ಈ ವೇಳೆ ನೆಟ್ಸ್ನಲ್ಲಿ ಜೈಸ್ವಾಲ್ ಬ್ಯಾಟಿಂಗ್ ನೋಡಿ ರಾಹುಲ್ ದ್ರಾವಿಡ್ ಫುಲ್ ಇಂಪ್ರೆಸ್ ಆಗಿದ್ರು. ಅಲ್ಲೇ ಜೈಸ್ವಾಲ್ರನ್ನ ಟೆಸ್ಟ್ ತಂಡಕ್ಕೆ ಸೇರಿಸಿಕೊಳ್ಳಲೇಬೇಕು ಅಂತ ಫಿಕ್ಸ್ ಆಗಿದ್ರು.
ಟೀಂ ಇಂಡಿಯಾ ಪರ ಶತಕ ಬಾರಿಸೋದೊಂದೇ ಬಾಕಿ
ಇನ್ನು ಜೈಸ್ವಾಲ್ ಬ್ಯಾಟಿಂಗ್ ಬಗ್ಗೆ ಹೇಳೊದಾದ್ರೆ.. ಜೈಸ್ವಾಲ್ ರನ್ಗಳಿಸಲು ಡಿಫ್ರೆಂಟ್ ಡಿಫ್ರೆಂಟ್ ಶಾಟ್ಗಳನ್ನ ಆಡಲ್ಲ. ಪರ್ಫೆಕ್ಟ್ ಟೈಮಿಂಗ್, ಪರ್ಫೆಕ್ಟ್ ಪ್ಲೇಸ್ಮೆಂಟೇ ಜೈಸ್ವಾಲ್ ಸ್ಟ್ರೆಂಥ್. ಇನ್ನು ಜೈಸ್ವಾಲ್ ಐಪಿಎಲ್ನಲ್ಲಿ ಮಾತ್ರ ಅಲ್ಲ. ಅಂಡರ್-19 ಸೇರಿ ಈವರೆಗು ಆಡಿರೋ ಎಲ್ಲಾ ಟೂರ್ನಿಗಳಲ್ಲೂ ಶತಕ ಸಿಡಿಸಿದ್ದಾನೆ.
ಯೆಸ್, ಜೈಸ್ವಾಲ್ ಈವರೆಗು ಆಡಿರೋ ಎಲ್ಲಾ ಟೂರ್ನಿಗಳಲ್ಲೂ ಶತಕ ದಾಖಲಿಸಿದ್ದಾನೆ. 2019ರ ಅಂಡರ್-19 ವಿಶ್ವಕಪ್ನಲ್ಲಿ ಜೈಸ್ವಾಲ್, ಪಾಕಿಸ್ತಾನ ವಿರುದ್ಧ ಶತಕ, ರಣಜಿಯಲ್ಲಿ ಉತ್ತರಾಖಂಡ್ ವಿರುದ್ಧ ಶತಕ, ಇರಾನಿ ಕಪ್ನಲ್ಲಿ ಶತಕ, ವಿಜಯ್ ಹಜಾರೆಯಲ್ಲೂ ಶತಕ, ಇಂಡಿಯಾ A ಪರ ಶತಕ, ದುಲೀಪ್ ಟ್ರೋಪಿಯಲ್ಲೂ ಶತಕ, IPLನಲ್ಲೂ ಶತಕದ ಸಾಧನೆ. ಈಗ ಟೀಂ ಇಂಡಿಯಾ ಪರ ಶತಕ ಬಾರಿಸೊಂದೆ ಬಾಕಿಯಿದೆ. ವೆಸ್ಟ್ ಇಂಡೀಸ್ ಟೆಸ್ಟ್ ಸರಣಿಯ ಮೊದಲ ಪಂದ್ಯದಲ್ಲೇ ಯಶಸ್ವಿ ಶತಕ ಬಾರಿಸಿದ್ರೆ ಅಚ್ಚರಿ ಇಲ್ಲ.
