4 ಓವರ್, 4 ಮೇಡನ್, 3 ವಿಕೆಟ್: ಲಾಕಿ ಫರ್ಗ್ಯೂಸನ್ ಬೆಂಕಿ ಬೌಲಿಂಗ್ ಗುಣಗಾನ ಮಾಡಿದ ವಿಲಿಯಮ್ಸನ್..!
ಸೋಮವಾರ ಪಪುವಾ ನ್ಯೂ ಗಿನಿ ವಿರುದ್ಧದ ಟಿ20 ವಿಶ್ವಕಪ್ ಪಂದ್ಯದಲ್ಲಿ ಲಾಕಿ, 4 ಓವರಲ್ಲಿ 4 ಮೇಡನ್ ಎಸೆದು 3 ವಿಕೆಟ್ ಕಿತ್ತರು. ಟಿ20 ಪಂದ್ಯವೊಂದರಲ್ಲಿ 4 ಓವರ್ ಮೇಡನ್ ಹಾಕಿದ ವಿಶ್ವದ ಕೇವಲ 3ನೇ ಬೌಲರ್ ಲಾಕಿ. ಕೆನಡಾದ ಸಾದ್‌ ಝಫರ್‌, ವಿದರ್ಭದ ಅಕ್ಷಯ್‌ ಕರ್ನೇವಾರ್‌ ಸಹ ಈ ಸಾಧನೆ ಮಾಡಿದ್ದರು.
ತರೌಬ: ಟಿ20 ಕ್ರಿಕೆಟ್‌ ಇತಿಹಾಸದಲ್ಲೇ ಅತ್ಯಂತ ಶ್ರೇಷ್ಠ ಬೌಲಿಂಗ್ ಸ್ಪೆಲ್‌ ಎನ್ನುವ ದಾಖಲೆಯನ್ನು ನ್ಯೂಜಿಲೆಂಡ್‌ನ ಲಾಕಿ ಫರ್ಗ್ಯೂಸನ್ ಬರೆದಿದ್ದಾರೆ. ಟಿ20 ವಿಶ್ವಕಪ್ ಇತಿಹಾಸದಲ್ಲಿ ಈ ಹಿಂದೆ ಯಾವೊಬ್ಬ ಬೌಲರ್ ಮಾಡದ ದಾಖಲೆಯನ್ನು ನಿರ್ಮಿಸಿದ ಲಾಕಿ ಬಗ್ಗೆ ನಾಯಕ ಕೇನ್ ವಿಲಿಯಮ್ಸನ್ ಮೆಚ್ಚುಗೆ ಮಾತುಗಳನ್ನಾಡಿದ್ದಾರೆ
ಸೋಮವಾರ ಪಪುವಾ ನ್ಯೂ ಗಿನಿ ವಿರುದ್ಧದ ಟಿ20 ವಿಶ್ವಕಪ್ ಪಂದ್ಯದಲ್ಲಿ ಲಾಕಿ, 4 ಓವರಲ್ಲಿ 4 ಮೇಡನ್ ಎಸೆದು 3 ವಿಕೆಟ್ ಕಿತ್ತರು. ಟಿ20 ಪಂದ್ಯವೊಂದರಲ್ಲಿ 4 ಓವರ್ ಮೇಡನ್ ಹಾಕಿದ ವಿಶ್ವದ ಕೇವಲ 3ನೇ ಬೌಲರ್ ಲಾಕಿ. ಕೆನಡಾದ ಸಾದ್‌ ಝಫರ್‌, ವಿದರ್ಭದ ಅಕ್ಷಯ್‌ ಕರ್ನೇವಾರ್‌ ಸಹ ಈ ಸಾಧನೆ ಮಾಡಿದ್ದರು. ಅವರಿಬ್ಬರೂ ತಲಾ 2 ವಿಕೆಟ್ ಕಿತ್ತಿದ್ದರು. ಕೆನಡಾದ ಸಾದ್‌ ಝಫರ್‌ 2021ರ ಐಸಿಸಿ ಟಿ20 ವಿಶ್ವಕಪ್ ಅರ್ಹತಾ ಸುತ್ತಿನ ಪಂದ್ಯದಲ್ಲಿ ಪನಾಮಾ ಎದುರು 4 ಓವರ್‌ನಲ್ಲಿ 4 ಮೇಡನ್ ಓವರ್ ಮಾಡಿ 2 ವಿಕೆಟ್ ಕಬಳಿಸಿದ್ದರು.
ಗ್ರೂಪ್ ಹಂತದಲ್ಲೇ ಹೊರಬಿದ್ದ ಪಾಕಿಸ್ತಾನ ತಂಡದ ಬಗ್ಗೆ ಶಾಕಿಂಗ್ ಹೇಳಿಕೆ ಕೊಟ್ಟ ಹೆಡ್ ಕೋಚ್ ಗ್ಯಾರಿ ಕರ್ಸ್ಟನ್‌..!
ಇನ್ನು ಲಾಕಿ ಫರ್ಗ್ಯೂಸನ್ ಬೌಲಿಂಗ್ ಪ್ರದರ್ಶನವನ್ನು ನಾಯಕ ಕೇನ್ ವಿಲಿಯಮ್ಸನ್ ಕೊಂಡಾಡಿದ್ದಾರೆ. " ಇದು ನಿಜಕ್ಕೂ ಅತ್ಯದ್ಬುತವಾದ ಬೌಲಿಂಗ್ ಆಗಿತ್ತು. ಈ ರೀತಿಯ ಬೌಲಿಂಗ್ ಪ್ರದರ್ಶನ ನಮಗೆ ಪದೇ ಪದೇ ನೋಡಲು ಸಿಗುವುದಿಲ್ಲ. ಆದರೆ ಲಾಕಿ ಸ್ಥಿರವಾಗಿ ಬೌಲಿಂಗ್ ಪ್ರದರ್ಶನ ತೋರಿದ್ದರಿಂದ ಯಶಸ್ಸು ಸಿಕ್ಕಿತು. ಅದರಲ್ಲೂ 4 ಓವರ್ ಮೇಡನ್ ಮಾಡಿದ್ದು ನಿಜಕ್ಕೂ ಅದ್ಭುತವಾಗಿತ್ತು" ಎಂದು ಹೇಳಿದ್ದಾರೆ.
ಈ ಬಾರಿಯ ಐಸಿಸಿ ಟಿ20 ವಿಶ್ವಕಪ್ ಟೂರ್ನಿಯಲ್ಲಿ ಕೇನ್ ವಿಲಿಯಮ್ಸನ್ ನೇತೃತ್ವದ ನ್ಯೂಜಿಲೆಂಡ್ ತಂಡವು ಗ್ರೂಪ್ ಹಂತದಲ್ಲೇ ಹೊರಬೀಳುವ ಮೂಲಕ ಮುಖಭಂಗ ಅನುಭವಿಸಿದೆ. ಇನ್ನು ಕೇನ್ ವಿಲಿಯಮ್ಸನ್ ಕೂಡಾ ಈ ಬಾರಿ ದಯನೀಯ ಬ್ಯಾಟಿಂಗ್ ವೈಪಲ್ಯ ಅನುಭವಿಸಿದ್ದಾರೆ. 4 ಪಂದ್ಯಗಳನ್ನಾಡಿದ ವಿಲಿಯಮ್ಸನ್ ಕೇವಲ 14ರ ಬ್ಯಾಟಿಂಗ್ ಸರಾಸರಿಯಲ್ಲಿ 28 ರನ್ ಗಳಿಸಲಷ್ಟೇ ಶಕ್ತರಾಗಿದ್ದರು.
T20 World Cup 2024: ಟೀಂ ಇಂಡಿಯಾ ಆಟಗಾರರ ಜತೆ ಕಾಣಿಸಿಕೊಂಡ 'ನಿಗೂಢ ವ್ಯಕ್ತಿ'..! ವಿಡಿಯೋ ವೈರಲ್
ಟಿ20: ಪಪುವಾ ನ್ಯೂ ಗಿನಿ ವಿರುದ್ಧ ಕಿವೀಸ್‌ಗೆ ಗೆಲುವು
ತರೌಬ: ಟಿ20 ವಿಶ್ವಕಪ್ ಅಭಿಯಾನವನ್ನು ನ್ಯೂಜಿಲೆಂಡ್ ಗೆಲುವಿನೊಂದಿಗೆ ಮುಕ್ತಾಯಗೊಳಿಸಿದೆ. ಸೋಮವಾರ ನಡೆದ ಪಪುವಾ ನ್ಯೂ ಗಿನಿ ವಿರುದ್ಧದ ಪಂದ್ಯದಲ್ಲಿ ಕಿವೀಸ್ 7 ವಿಕೆಟ್‌ಗಳ ಜಯ ಸಾಧಿಸಿತು. ಮೊದಲು ಬ್ಯಾಟ್ ಮಾಡಿದ ಪಪುವಾ, 19.4 ಓವರಲ್ಲಿ 78 ರನ್‌ಗೆ ಆಲೌಟ್ ಆಯಿತು. ಫರ್ಗ್ಯೂಸನ್ 3, ಬೌಲ್ಟ್, ಸೌಥಿ ಹಾಗೂ ಸೋಧಿ ತಲಾ 2 ವಿಕೆಟ್ ಕಿತ್ತರು. ನ್ಯೂಜಿಲೆಂಡ್ 12.2 ಓವರಲ್ಲಿ 3 ವಿಕೆಟ್ ಕಳೆದುಕೊಂಡು 79 ರನ್ ಕಲೆಹಾಕಿ, ಜಯಿಸಿತು. ಕಾನ್‌ವೇ 35 ರನ್ ಗಳಿಸಿದರು.
