16ನೇ ಆವೃತ್ತಿಯ ಐಪಿಎಲ್ ಟೂರ್ನಿ ಮಾರ್ಚ್ 31ರಿಂದ ಆರಂಭಆರ್‌ಸಿಬಿ ಅಭ್ಯಾಸ ವೀಕ್ಷಿಸಲು ಟಿಕೆಟ್ ನಿಗದಿ ಪಡಿಸಿದ ಫ್ರಾಂಚೈಸಿಮಾರ್ಚ್‌ 26ರಂದು ಚಿನ್ನ​ಸ್ವಾಮಿ ಕ್ರೀಡಾಂಗ​ಣ​ದಲ್ಲಿ ನಡೆ​ಯ​ಲಿ​ರುವ ಆಟ​ಗಾ​ರ​ರ ಅಭ್ಯಾಸ 

ಬೆಂಗ​ಳೂ​ರು(ಮಾ.18): 16ನೇ ಆವೃ​ತ್ತಿಯ ಐಪಿ​ಎಲ್‌ನ ತವ​ರಿನ ಪಂದ್ಯ​ಗಳ ವೀಕ್ಷ​ಣೆಗೆ ದುಬಾರಿ ಟಿಕೆ​ಟ್‌​ಗ​ಳನ್ನು ಮಾರಾ​ಟ​ಕ್ಕಿಟ್ಟಆರ್‌​ಸಿಬಿ ತಂಡ ಮಾರ್ಚ್‌ 26ರಂದು ಚಿನ್ನ​ಸ್ವಾಮಿ ಕ್ರೀಡಾಂಗ​ಣ​ದಲ್ಲಿ ನಡೆ​ಯ​ಲಿ​ರುವ ಆಟ​ಗಾ​ರ​ರ ಅಭ್ಯಾಸ ವೀಕ್ಷ​ಣೆಗೂ ಟಿಕೆಟ್‌ ನಿಗ​ದಿ​ಪ​ಡಿ​ಸಿದೆ.

ಆರ್‌​ಸಿಬಿ ತವ​ರಿನ ಮೊದಲ ಪಂದ್ಯ​ವನ್ನು ಏಪ್ರಿಲ್ 2ಕ್ಕೆ ಮುಂಬೈ ವಿರುದ್ಧ ಆಡ​ಲಿ​ದ್ದು, ಮಾರ್ಚ್‌ 26ರಂದು ಎಲ್ಲಾ ಆಟ​ಗಾ​ರರು ಕ್ರೀಡಾಂಗ​ಣ​ದಲ್ಲಿ ಅಭ್ಯಾಸ ನಡೆ​ಸ​ಲಿ​ದ್ದಾರೆ. ಇದಕ್ಕೆ ಟಿಕೆಟ್‌ ಇಟ್ಟಿ​ರುವ ಫ್ರಾಂಚೈ​ಸಿಯು ಕನಿಷ್ಠ 640 ರುಪಾಯಿನಿಂದ ಗರಿಷ್ಠ 7,500 ರುಪಾಯಿ ವರೆಗೆ ದರ ನಿಗ​ದಿ​ಪ​ಡಿ​ಸಿದೆ. ಟಿಕೆ​ಟ್‌​ಗ​ಳು ಆರ್‌​ಸಿಬಿಯ ಅಧಿ​ಕೃತ ವೆಬ್‌​ಸೈ​ಟ್‌​ನಲ್ಲಿ ಮಾರಾ​ಟಕ್ಕೆ ಲಭ್ಯ​ವಿ​ದೆ.

ಗೇಲ್‌, ಎಬಿಡಿಗೆ ಗೌರವ

ಆಟ​ಗಾ​ರರ ಅಭ್ಯಾ​ಸದ ಜೊತೆಗೆ ದಿಗ್ಗಜ ಕ್ರಿಕೆ​ಟಿ​ಗ​ರಾ​ದ ವೆಸ್ಟ್‌​ಇಂಡೀ​ಸ್‌​ನ ಕ್ರಿಸ್‌ ಗೇಲ್‌ ಹಾಗೂ ದಕ್ಷಿಣ ಆ​ಫ್ರಿ​ಕಾದ ಎಬಿ ಡಿ ವಿಲಿ​ಯರ್ಸ್‌​ರನ್ನು ಆರ್‌ಸಿಬಿ ಹಾಲ್‌ ಆಫ್‌ ಫೇಮ್‌ಗೆ ಸೇರ್ಪ​ಡೆ​ಗೊ​ಳಿ​ಸುವ ಕಾರ್ಯ​ಕ್ರ​ಮವೂ ಇದೆ. ಅಲ್ಲದೇ ಸೋನು ನಿಗಮ್‌, ಜೇಸನ್‌ ಡೆರುಲೊ ಸೇರಿ​ದಂತೆ ವಿವಿಧ ಬ್ಯಾಂಡ್‌​ಗ​ಳಿಂದ ಸಂಗೀತ ಕಾರ‍್ಯಕ್ರಮ ಆಯೋ​ಜಿ​ಸ​ಲಾ​ಗು​ತ್ತದೆ. ಸಂಜೆ 4ರಿಂದ ರಾತ್ರಿ 10ರ ವರೆಗೆ ಅಭ್ಯಾಸ, ಸಂಗೀತ, ಹಾಲ್‌ ಆಫ್‌ ಫೇಮ್‌ಗೆ ಸೇರ್ಪಡೆ ಕಾರ‍್ಯಕ್ರಮಗಳು ನಡೆಯಲಿವೆ ಎಂದು ಫ್ರಾಂಚೈಸಿಯು ತಿಳಿಸಿದೆ.

Scroll to load tweet…

ಆರ್‌​ಸಿಬಿ ಆಟ​ಗಾರ ಜ್ಯಾಕ್ಸ್‌ ಐಪಿ​ಎ​ಲ್‌​ನಿಂದ ಹೊರ​ಕ್ಕೆ

ನವ​ದೆ​ಹ​ಲಿ: ಬಾಂಗ್ಲಾ​ದೇಶ ವಿರು​ದ್ಧದ ಪಂದ್ಯದ ವೇಳೆ ಗಾಯ​ಗೊಂಡಿ​ರುವ ಇಂಗ್ಲೆಂಡ್‌ ಬ್ಯಾಟರ್‌ ವಿಲ್‌ ಜ್ಯಾಕ್ಸ್‌ ಈ ಬಾರಿ ಐಪಿ​ಎ​ಲ್‌​ನಿಂದ ಹೊರ​ಬಿ​ದ್ದಿ​ದ್ದಾರೆ. ಇತ್ತೀ​ಚೆಗೆ ನಡೆದ ಆಟ​ಗಾ​ರರ ಹರಾ​ಜಿ​ನಲ್ಲಿ 24 ವರ್ಷದ, ಟಿ20 ಕ್ರಿಕೆಟ್‌ನಲ್ಲಿ 150ಕ್ಕೂ ಹೆಚ್ಚು ಸ್ಟ್ರೈಕ್‌ರೇಟ್‌ ಹೊಂದಿರುವ ವಿಲ್ ಜ್ಯಾಕ್ಸ್‌​ರನ್ನು ರಾಯಲ್‌ ಚಾಲೆಂಜ​ರ್ಸ್‌ ಬೆಂಗ​ಳೂ​ರು​(ಆರ್‌​ಸಿಬಿ) ತಂಡ 3.2 ಕೋಟಿ ರು. ನೀಡಿ ಖರೀ​ದಿ​ಸಿತ್ತು. ಸದ್ಯ ಫ್ರಾಂಚೈ​ಸಿ​ಯು ನ್ಯೂಜಿ​ಲೆಂಡ್‌ನ ಆಲ್ರೌಂಡರ್‌ ಮೈಕಲ್‌ ಬ್ರೇಸ್‌​ವೆ​ಲ್‌​ ಜೊತೆ ಮಾತುಕತೆ ನಡೆಸುತ್ತಿದ್ದು, ತಂಡಕ್ಕೆ ಸೇರ್ಪಡೆಗೊಳ್ಳುವ ಸಾಧ್ಯತೆ ಇದೆ ಎನ್ನಲಾಗಿದೆ.

16ನೇ ಆವೃತ್ತಿಯ ಐಪಿಎಲ್ ಟೂರ್ನಿಯು ಮಾರ್ಚ್‌ 31ರಿಂದ ಆರಂಭವಾಗಲಿದ್ದು, ಉದ್ಘಾಟನಾ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ಗುಜರಾತ್ ಟೈಟಾನ್ಸ್ ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್‌ ತಂಡಗಳು ಸೆಣಸಾಡಲಿವೆ.

WPL 2023: ಆರ್‌​ಸಿ​ಬಿಗೆ ಇಂದು ಡು ಆರ್‌ ಡೈ ಪಂದ್ಯ

ಮುಂಬೈ: ವುಮೆನ್ಸ್‌ ಪ್ರೀಮಿ​ಯರ್‌ ಲೀಗ್‌​ನಲ್ಲಿ ಪ್ಲೇ-ಆಫ್‌ಗೇರಲು ಹರ​ಸಾ​ಹಸ ಪಡು​ತ್ತಿ​ರುವ ಆರ್‌​ಸಿಬಿ ಮಾಡು ಇಲ್ಲವೇ ಮಡಿ ಪಂದ್ಯ​ದಲ್ಲಿ ಶನಿ​ವಾರ ಗುಜ​ರಾತ್‌ ಜೈಂಟ್ಸ್‌ ವಿರುದ್ಧ ಸೆಣ​ಸಾ​ಡ​ಲಿದೆ. ಮತ್ತೊಂದು ಪಂದ್ಯ​ದಲ್ಲಿ ಮುಂಬೈ ಇಂಡಿ​ಯನ್ಸ್‌-ಯು.ಪಿ.ವಾರಿ​ಯ​ರ್‍ಸ್ ಮುಖಾ​ಮುಖಿ​ಯಾ​ಗ​ಲಿದ್ದು, ಯು.ಪಿ. ಸೋಲಿಗೆ ಆರ್‌​ಸಿಬಿ ಪ್ರಾರ್ಥಿ​ಸು​ತ್ತಿ​ದೆ.

ಈ ಸಲ ಐಪಿಎಲ್‌ನಲ್ಲಿ ಸ್ಟಾರ್‌ vs ಜಿಯೋ ಸಮರ..! ಟಿವಿ vs ಡಿಜಿಟಲ್‌: ಖರ್ಚೆಷ್ಟು?

ಆರ್‌​ಸಿ​ಬಿ ಹಾಗೂ ಗುಜ​ರಾ​ತ್‌ಗೆ ಈ ಪಂದ್ಯ ಮಹ​ತ್ವದ್ದೆನಿ​ಸಿದ್ದು, ಗೆಲ್ಲುವ ತಂಡ ನಾಕೌಟ್‌ ಕನ​ಸನ್ನು ಜೀವಂತ​ವಾ​ಗಿ​ಸಿ​ಕೊ​ಳ್ಳ​ಲಿದೆ. ಸೋಲುವ ತಂಡದ ಪ್ಲೇ-ಆಫ್‌ ಬಾಗಿಲು ಬಂದ್‌ ಆಗ​ಲಿದೆ. ಆರಂಭಿಕ 5 ಪಂದ್ಯ​ ಸೋತು ಕಳೆದ ಪಂದ್ಯ ಜಯಿ​ಸಿದ ಆರ್‌​ಸಿಬಿ 2 ಅಂಕ​ಗ​ಳೊಂದಿಗೆ ಕೊನೆ ಸ್ಥಾನ​ದ​ಲ್ಲಿದೆ. ಗುಜ​ರಾತ್‌ 6 ಪಂದ್ಯ​ದಲ್ಲಿ 2 ಜಯ​ದೊಂದಿಗೆ 4ನೇ ಸ್ಥಾನ ಪಡೆ​ದು​ಕೊಂಡಿದೆ. ಶನಿ​ವಾ​ರದ ಮೊದಲ ಪಂದ್ಯ​ದ​ಲ್ಲಿ ಯುಪಿ ವಿರುದ್ಧ ಮುಂಬೈ ಗೆದ್ದರೆ ಆರ್‌​ಸಿ​ಬಿಯ ನಾಕೌಟ್‌ ಕನಸು ಜೀವಂತ​ವಾ​ಗಿ​ರ​ಲಿದ್ದು, ಗುಜ​ರಾತ್‌ ವಿರುದ್ಧ ತಾನು ಗೆಲ್ಲು​ವುದರ ಜೊತೆ​ಗೆ ಕೊನೆ ಪಂದ್ಯ​ದಲ್ಲಿ ಮುಂಬೈ​ಯನ್ನು ಸೋಲಿ​ಸ​ಬೇ​ಕಿದೆ. ಆಗ ಇತರ ಕೆಲ ಫಲಿ​ತಾಂಶ​ಗಳು ತನ್ನ ಪರ​ವಾಗಿ ಬಂದರೆ ಆರ್‌​ಸಿ​ಬಿ​ಗೆ ಪ್ಲೇ-ಆಫ್‌​ಗೇ​ರುವ ಅವ​ಕಾ​ಶ​ವಿ​ದೆ.

ಪಂದ್ಯ: 
ಮುಂಬೈ-ಯುಪಿ, ಮಧ್ಯಾಹ್ನ 3.30ಕ್ಕೆ
ಆರ್‌​ಸಿಬಿ-ಗುಜ​ರಾತ್‌ ಸಂಜೆ 7.30ಕ್ಕೆ

ಪ್ರ​ಸಾ​ರ: ಸ್ಪೋರ್ಟ್ಸ್ 18