ಡೆಲ್ಲಿಯಲ್ಲಿ ಪಂಜಾಬ್ ಕಿಂಗ್ಸ್-ಡೆಲ್ಲಿ ಕ್ಯಾಪಿಟಲ್ಸ್ ಮುಖಾಮುಖಿಪಂಜಾಬ್ ಕಿಂಗ್ಸ್ ಪಾಲಿಗೆ ಮಹತ್ವದ ಪಂದ್ಯದೊಡ್ಡ ಅಂತರದ ಗೆಲುವಿನ ನಿರೀಕ್ಷೆಯಲ್ಲಿ ಪಂಜಾಬ್ ಕಿಂಗ್ಸ್

ನವ​ದೆ​ಹ​ಲಿ(ಮೇ.13): ಈಗಾ​ಗಲೇ 7 ಸೋಲಿ​ನೊಂದಿಗೆ 16ನೇ ಆವೃತ್ತಿ ಪ್ಲೇ-ಆಫ್‌ ರೇಸ್‌​ನಿಂದ ಎರಡೂ ಕಾಲನ್ನು ಹೊರ​ಗಿ​ಟ್ಟಿ​ರುವ ಡೆಲ್ಲಿ ಕ್ಯಾಪಿಟಲ್ಸ್ ಹಾಗೂ ಪ್ಲೇ-ಆಫ್‌ ಸ್ಥಾನಕ್ಕೆ ಇನ್ನೂ ಹೋರಾಟ ನಡೆ​ಸು​ತ್ತಿ​ರುವ ಪಂಜಾಬ್‌ ಕಿಂಗ್ಸ್ ಶನಿ​ವಾರ ಪರ​ಸ್ಪರ ಮುಖಾ​ಮುಖಿ​ಯಾ​ಗ​ಲಿವೆ. ಕೊನೆ ಸ್ಥಾನ​ದ​ಲ್ಲಿ​ರುವ ಡೆಲ್ಲಿ​ಗಿದು ಪ್ರತಿ​ಷ್ಠೆಯ ಪಂದ್ಯ​ವಾ​ಗಿ​ದ್ದರೆ, ಪಂಜಾ​ಬ್‌ ಕಿಂಗ್ಸ್‌ ಪಾಲಿಗೆ ನಾಕೌ​ಟ್‌ ರೇಸ್‌​ನ ಅಳಿವು ಉಳಿ​ವನ್ನು ನಿರ್ಧ​ರಿ​ಸುವ ನಿರ್ಣಾ​ಯಕ ಪಂದ್ಯ.

11ರಲ್ಲಿ 4 ಪಂದ್ಯ​ಗ​ಳ​ನ್ನಷ್ಟೇ ಗೆದ್ದಿ​ದ್ದರೂ ಡೆಲ್ಲಿ ಕ್ಯಾಪಿಟಲ್ಸ್ ಇನ್ನೂ ಅಧಿ​ಕೃ​ತ​ವಾಗಿ ಹೊರ​ಬಿ​ದ್ದಿಲ್ಲ. ಹಾಗಂತ ತಂಡ ಇನ್ನು ಮೂರು ಪಂದ್ಯ ಗೆದ್ದರೂ ಪ್ಲೇ-ಆಫ್‌ಗೇರು​ವುದು ಸದ್ಯಕ್ಕೆ ಅಸಾ​ಧ್ಯದ ಮಾತು. 8 ತಂಡ​ಗ​ಳಿ​ದ್ದಾಗ 7 ಪಂದ್ಯ ಗೆದ್ದರೂ ಪ್ಲೇ-ಆಫ್‌​ಗೇ​ರ​ಬ​ಹು​ದಿತ್ತು. ಆದರೆ ಈಗ 10 ತಂಡ​ಗ​ಳಿ​ರು​ವ ಕಾರಣ 8 ಪಂದ್ಯ​ಗ​ಳಲ್ಲಿ ಜಯಿ​ಸಿ​ದರೂ ಅಗ್ರ-4ರಲ್ಲಿ ಸ್ಥಾನ ಸಿಗು​ವುದು ಕಷ್ಟ. ಮತ್ತೊಂದೆಡೆ ಪಂಜಾ​ಬ್‌ಗೆ ಇನ್ನೂ 16 ಅಂಕ ತಲುಪಲು ಅವ​ಕಾ​ಶವಿದ್ದರೂ ನೆಟ್‌​ ರ​ನ್‌​ರೇ​ಟ್‌​ನ​ಲ್ಲಿ ಇತರೆ ತಂಡ​ಗ​ಳ​ನ್ನು ಹಿಂದಿ​ಕ್ಕಬಹುದೇ ಎನ್ನುವ ಕುತೂ​ಹ​ಲ​ವಿ​ದೆ.

ಡೆಲ್ಲಿ ಕ್ಯಾಪಿಟಲ್ಸ್ ತಂಡವು ಬ್ಯಾಟಿಂಗ್‌ನಲ್ಲಿ ನಾಯಕ ಡೇವಿಡ್ ವಾರ್ನರ್‌, ಫಿಲ್‌ ಸಾಲ್ಟ್‌, ಮನೀಶ್‌ ಪಾಂಡೆ, ರಿಲೇ ರೊಸ್ಸೌ, ಮಿಚೆಲ್ ಮಾರ್ಷ್ ಅವರನ್ನು ನೆಚ್ಚಿಕೊಂಡಿದ್ದಾರೆ. ಇನ್ನು ಬೌಲಿಂಗ್‌ನಲ್ಲಿ ಕುಲ್ದೀಪ್‌ ಯಾದವ್, ಇಶಾಂತ್‌ ಶರ್ಮಾ, ಖಲೀ​ಲ್‌ ಅಹಮ್ಮದ್ ಜವಾಬ್ದಾರಿಯುತ ಪ್ರದರ್‍ಶನ ತೋರಬೇಕಿದೆ.

ಇನ್ನೊಂದೆಡೆ ಪಂಜಾಬ್ ಕಿಂಗ್ಸ್ ಪರ ನಾಯಕ ಶಿಖರ್ ಧವನ್, ಭಾನುಕಾ ರಾಜಪಕ್ಸಾ, ಪ್ರಭ್‌ಸಿಮ್ರನ್ ಸಿಂಗ್, ಲಿಯಾಮ್ ಲಿವಿಂಗ್‌ಸ್ಟೋನ್ ಹಾಗೂ ಜಿತೇಶ್ ಅವರನ್ನು ಬ್ಯಾಟಿಂಗ್‌ನಲ್ಲಿ ನೆಚ್ಚಿಕೊಂಡಿದೆ. ಇನ್ನು ಸ್ಯಾಮ್ ಕರ್‍ರನ್, ಹಪ್ರೀತ್ ಬ್ರಾರ್, ರಾಹುಲ್‌ ಚಹರ್, ಆರ್ಶದೀಪ್ ಸಿಂಗ್, ನೇಥನ್ ಎಲ್ಲಿ​ಸ್‌ ಮಾರಕ ದಾಳಿ ಸಂಘಟಿಸಿದರಷ್ಟೇ ಡೆಲ್ಲಿ ಬ್ಯಾಟರ್‍‌ಗಳನ್ನು ಕಟ್ಟಿಹಾಕಲು ಸಾಧ್ಯ.

IPL 2023 ಲಖ​ನೌಗೆ ಸನ್‌ರೈಸರ್ಸ್ ಹೈದರಾಬಾದ್ ಸವಾ​ಲು

ಐಪಿಎಲ್ ಇತಿಹಾಸದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ಹಾಗೂ ಪಂಜಾಬ್ ಕಿಂಗ್ಸ್‌ ತಂಡಗಳು 30 ಬಾರಿ ಮುಖಾಮುಖಿಯಾಗಿದ್ದು, ಈ ಪೈಕಿ ಉಭಯ ತಂಡಗಳು ಸಮಾನ ಗೆಲುವು ಸಾಧಿಸಿದೆ. ಡೆಲ್ಲಿ ಕ್ಯಾಪಿಟಲ್ಸ್ ತಂಡವು 15 ಪಂದ್ಯಗಳಲ್ಲಿ ಗೆಲುವು ಸಾಧಿಸಿದ್ದರೆ, ಪಂಜಾಬ್ ಕಿಂಗ್ಸ್ ತಂಡವು 15 ಪಂದ್ಯಗಳಲ್ಲಿ ಗೆಲುವಿನ ನಗೆ ಬೀರಿದೆ. ಇಂದಿನ ಪಂದ್ಯದಲ್ಲಿ ಯಾರ ಕೈ ಮೇಲಾಗಲಿದೆ ಎನ್ನುವುದನ್ನು ಕಾದು ನೋಡಬೇಕಿದೆ.

ಒಟ್ಟು ಮುಖಾಮುಖಿ: 30

ಡೆಲ್ಲಿ: 15

ಪಂಜಾಬ್‌: 15

ಸಂಭವನೀಯ ಆಟಗಾರರ ಪಟ್ಟಿ

ಡೆಲ್ಲಿ ಕ್ಯಾಪಿಟಲ್ಸ್: ಡೇವಿಡ್ ವಾರ್ನರ್‌(ನಾಯಕ), ಫಿಲ್‌ ಸಾಲ್ಟ್‌, ಮನೀಶ್‌ ಪಾಂಡೆ, ರಿಲೇ ರೊಸ್ಸೌ, ಮಿಚೆಲ್ ಮಾರ್ಷ್, ಅಕ್ಷರ್‌ ಪಟೇಲ್, ರಿಪಲ್‌ ಪಟೇಲ್, ಅಮನ್‌ ಖಾನ್‌, ಲಲಿತ್‌ ಯಾದವ್, ಕುಲ್ದೀಪ್‌ ಯಾದವ್, ಇಶಾಂತ್‌ ಶರ್ಮಾ, ಖಲೀ​ಲ್‌ ಅಹಮ್ಮದ್.

ಪಂಜಾಬ್‌ ಕಿಂಗ್ಸ್: ಶಿಖರ್ ಧವನ್‌(ನಾಯಕ), ಪ್ರಭ್‌ಸಿಮ್ರನ್‌ ಸಿಂಗ್, ಭಾನುಕಾ ರಾಜ​ಪಕ್ಸೆ, ಲಿಯಾಮ್‌ ಲಿವಿಂಗ್‌ಸ್ಟೋನ್, ಜಿತೇಶ್‌ ಶರ್ಮಾ, ಶಾರುಖ್‌ ಖಾನ್, ಸ್ಯಾಮ್ ಕರ್ರನ್‌, ರಿಷಿ ಧವನ್, ಹಪ್ರೀತ್ ಬ್ರಾರ್, ರಾಹುಲ್‌ ಚಹರ್, ಆರ್ಶದೀಪ್ ಸಿಂಗ್, ನೇಥನ್ ಎಲ್ಲಿ​ಸ್‌.

ಪಂದ್ಯ: ಸಂಜೆ 7.30ರಿಂದ, ಪ್ರಸಾರ: ಸ್ಟಾರ್‌ ಸ್ಪೋರ್ಟ್ಸ್‌, ಜಿಯೋ ಸಿನಿಮಾ

ಪಿಚ್‌ ರಿಪೋರ್ಚ್‌

ಇಲ್ಲಿ ನಡೆದ ಕಳೆ​ದೆ​ರಡು ಪಂದ್ಯ​ಗ​ಳ 4 ಇನ್ನಿಂಗ್‌್ಸ​ನಲ್ಲೂ 180+ ರನ್‌ ದಾಖ​ಲಾ​ಗಿದೆ. ಹೀಗಾಗಿ ಮತ್ತೊಮ್ಮೆ ದೊಡ್ಡ ಮೊತ್ತ ನಿರೀ​ಕ್ಷಿ​ಸ​ಬ​ಹುದು. ಇಲ್ಲಿನ 4 ಪಂದ್ಯ​ಗ​ಳಲ್ಲಿ 4ರಲ್ಲಿ ಚೇಸ್‌ ಮಾಡಿದ ತಂಡ ಜಯ​ಗ​ಳಿ​ಸಿದೆ.