IPL 2022: ದಿನೇಶ್ ಕಾರ್ತಿಕ್ ಡಿಫರೆಂಟ್ ಹೆಲ್ಮೆಟ್ ಹಾಕಿ ಆಡೋದ್ಯಾಕೆ..?
* ಆರ್ಸಿಬಿ ಪರ ಐಪಿಎಲ್ನಲ್ಲಿ ಅಬ್ಬರಿಸುತ್ತಿರುವ ದಿನೇಶ್ ಕಾರ್ತಿಕ್
* ಮ್ಯಾಚ್ ಫಿನಿಶರ್ ಪಾತ್ರವನ್ನು ಅಚ್ಚುಕಟ್ಟಾಗಿ ನಿಭಾಯಿಸುತ್ತಿರುವ ದಿನೇಶ್ ಕಾರ್ತಿಕ್
* ಹೆಲ್ಮೆಟ್ ವಿಚಾರದಲ್ಲೂ ಡಿಫರೆಂಟ್ ಆಗಿ ಕಾಣಿಸಿಕೊಳ್ಳುತ್ತಿರುವ ಡಿಕೆ
ಮುಂಬೈ(ಏ.09): ದಿನೇಶ್ ಕಾರ್ತಿಕ್ (Dinesh Karthik) ಆರ್ಸಿಬಿ ಸೈನ್ಯ ಸೇರಿಕೊಂಡ ಬಳಿಕ ಫುಲ್ ವೈಲೆಂಟ್ ಆಗಿದ್ದಾರೆ. ಫಿನಿಶಿಂಗ್ ಮೂಲಕ ಎರಡು ಪಂದ್ಯ ಗೆಲ್ಲಿಸಿ ಭಾರೀ ಹವಾ ಎಬ್ಬಿಸಿದ್ದಾರೆ. ಸದ್ಯಕ್ಕೆ ಆರ್ಸಿಬಿ (RCB) ಮಟ್ಟಿಗೆ ಡಿಕೆನೇ ಬಾಸು. ಡಿಕೆನೇ ಆಪತ್ಬಾಂಧವ. ಇಂತಹ ಡಿಕೆ ಬಾಸು ಈಗ ಫಿನಿಶಿಂಗ್ ಮಾತ್ರವಲ್ಲದೇ ಇನ್ನೊಂದು ವಿಚಾರವಾಗಿ ಸಿಕ್ಕಾಪಟ್ಟೆ ಸುದ್ದಿಯಲ್ಲಿದ್ದಾರೆ. ಹೌದು, ಐಪಿಎಲ್ನಲ್ಲಿ (IPL 2022) ಡಿಕೆ ಸಾಲಿಡ್ ಪರ್ಫಾಮೆನ್ಸ್ ಜೊತೆ ಅವರ ಹೆಲ್ಮೆಟ್ಗೂ ಅಭಿಮಾನಿಗಳು ಮನಸೋತಿದ್ದಾರೆ.
ಬ್ಯಾಟಿಂಗ್-ಕೀಪಿಂಗ್ ವೇಳೆ ಡಿಫರೆಂಟ್ ಹೆಲ್ಮೆಟ್:
ಕ್ರಿಕೆಟ್ ಆಟದಲ್ಲಿ ಆಟಗಾರರು ಭಿನ್ನ ಭಿನ್ನ ಹೆಲ್ಮೆಟ್ ಧರಿಸಿ ಆಡೋದನ್ನ ನೀವೆಲ್ಲರೂ ನೋಡ್ತೀರಾ. ಸಹಜವಾಗಿ ಪ್ಲೇಯರ್ಸ್ ಟ್ರೆಡಿಶನಲ್ ಹೆಲ್ಮೆಟ್ ಹಾಕಿಕೊಳ್ಳುತ್ತಾರೆ. ಅಂದ್ರೆ ಟೀಂ ಇಂಡಿಯಾ ಮಾಜಿ ಕ್ಯಾಪ್ಟನ್ ವಿರಾಟ್ ಕೊಹ್ಲಿ, ಜೋ ರೂಟ್, ಕನ್ನಡಿಗ ಕೆಎಲ್ ರಾಹುಲ್, ಡೇವಿಡ್ ವಾರ್ನರ್ ಸೇರಿದಂತೆ ಬಹುತೇಕ ಸ್ಟಾರ್ ಕ್ರಿಕೆಟರ್ಸ್ ‘ಸ್ರೇ’ ಹೆಲ್ಮೆಟ್ ಹಾಕಿ ಆಡುತ್ತಾರೆ. ಆದ್ರೆ ಇವರೆಲ್ಲಗಿಂತ ಡಿಫರೆಂಟ್ ಹೆಲ್ಮೆಟ್ ಅನ್ನ ಆರ್ಸಿಬಿ ಫಿನಿಶರ್ ದಿನೇಶ್ ಕಾರ್ತಿಕ್ ಬಳಸುತ್ತಿದ್ದಾರೆ.
60 ರಿಂದ 70 ಪರ್ಸಂಟ್ ಪ್ಲೇಯರ್ಸ್ ಟ್ರೆಡಿಶನಲ್ ಹೆಲ್ಮೆಟ್ ಹಾಕಿಕೊಳ್ತಿದ್ರೆ, ಡಿಕೆ ಮಾತ್ರ ಏಕೆ ವಿಭಿನ್ನ ಹೆಲ್ಮೆಟ್ ಧರಿಸಿ ಆಡ್ತಾರೆ ಅನ್ನೋ ಪ್ರಶ್ನೆ ಎಲ್ಲರನ್ನ ಕಾಡ್ತಿದೆ. ಸದ್ಯ ನಿಮ್ಮ ಪ್ರಶ್ನೆಗೆ ನಾವೀಗ ಉತ್ತರ ಕೊಡ್ತೀವಿ ನೋಡಿ. ಆರಂಭದಲ್ಲಿ ಸಾಂಪ್ರದಾಯಕ ಹೆಲ್ಮೆಟ್ ಧರಿಸ್ತಿದ್ದ ಡಿಕೆ ಬಳಿಕ ಅಮೆರಿಕನ್ ಬೇಸ್ ಬಾಲ್ ಹಾಗೂ ರಗ್ಬಿಯಲ್ಲಿ ಬಳಸುವ ಹೆಲ್ಮೆಟ್ಗಳನ್ನ ಬಳಸಲಾರಂಭಿಸಿದ್ರು. ಸದ್ಯ ಬ್ಯಾಟಿಂಗ್ ಮಾತ್ರವಲ್ಲ, ವಿಕೆಟ್ ಕೀಪಿಂಗ್ ವೇಳೆಯೂ ಡಿಫರೆಂಟ್ ಹೆಲ್ಮೆಟ್ ಹಾಕಿಕೊಳ್ತಿದ್ದಾರೆ. ಇದಕ್ಕೆ ಕಾರಣ ಉಳಿದ ಎಲ್ಲಾ ಹೆಲ್ಮೆಟ್ಗಳಿಗಿಂತ ಈ ಬಜ್ ಹೆಲ್ಮೆಟ್ ಹಗುರವಾಗಿದೆ. ಇದರಿಂದ ಬ್ಯಾಟಿಂಗ್ ಮಾಡಲು ಸುಲಭವಾಗಲಿದೆ. ತುಂಬಾ ಫ್ರೀ ಆಗಿ ಕೀಪಿಂಗ್ ಮಾಡಬಹುದು. ಈ ಕಾರಣಕ್ಕೆ ಡಿಫರೆಂಟ್ ಹೆಲ್ಮೆಟ್ ಹಾಕಿಕೊಳ್ಳೋದಾಗಿ ಈ ಹಿಂದೆ ಡಿಕೆ ಹೇಳಿಕೊಂಡಿದ್ರು.
IPL 2022: ಆರ್ಸಿಬಿ ನಂತರ ಕನ್ನಡಿಗರ ಸಪೋರ್ಟ್ ಯಾವ ತಂಡಕ್ಕೆ ಗೊತ್ತಾ..?
ಇನ್ನು ಡಿಕೆ ಮಾತ್ರವಲ್ಲ ಶ್ರೀಲಂಕಾ ತಂಡದ ದಿಗ್ಗಜ ಕುಮಾರ್ ಸಂಗಕ್ಕರ ಹಾಗೂ ರಾಹುಲ್ ತ್ರಿಪಾಠಿ ಕೂಡ ಡಿಫರೆಂಟ್ ಹೆಲ್ಮೆಟ್ ಬಳಸಿ ಸುದ್ದಿಯಾಗಿದ್ರು. ಒಟ್ಟಿನಲ್ಲಿ ಬ್ಯಾಟಿಂಗ್ ಜೊತೆ ಡಿಫರೆಂಟ್ ಹೆಲ್ಮೆಟ್ನಿಂದ ಡಿಕೆ ಸುದ್ದಿಯಲ್ಲಿರೋದು ಆರ್ಸಿಬಿ ಫ್ಯಾನ್ಸ್ಗೆ ನಿಜಕ್ಕೂ ಖುಷಿಯ ವಿಚಾರವೇ.
ಕಳೆದ ಮೂರು ಪಂದ್ಯಗಳಲ್ಲೂ ಅಜೇಯ ಬ್ಯಾಟಿಂಗ್ ನಡೆಸಿರುವ ಡಿಕೆ:
ಆರ್ಸಿಬಿ ಆಡಿರೋ ಮೂರು ಮ್ಯಾಚ್ನಲ್ಲೂ ಕಾರ್ತಿಕ್ ಸ್ಫೋಟಕ ಬ್ಯಾಟಿಂಗ್ ಮಾಡಿ ಮ್ಯಾಚ್ ಫಿನಿಶ್ ಮಾಡಿದ್ದಾರೆ. ಮೊದಲ ಪಂದ್ಯದಲ್ಲಿ ಜಸ್ಟ್ 14 ಬಾಲ್ಗೆ ಅಜೇಯ 32 ರನ್ ಬಾರಿಸಿ, ಆರ್ಸಿಬಿ 205 ರನ್ ಹೊಡೆಯಲು ಕಾರಣರಾದ್ರು. ಆದರೆ ಪಂಜಾಬ್ ಚೇಸ್ ಮಾಡಿ ಆ ಪಂದ್ಯ ಗೆದ್ದುಕೊಳ್ತು. ಕೆಕೆಆರ್ (KKR) ವಿರುದ್ಧ ಅಜೇಯ 14 ಮತ್ತು ರಾಜಸ್ಥಾನ ರಾಯಲ್ಸ್ (Rajasthan Royals) ವಿರುದ್ಧ ಅಜೇಯ 44 ರನ್ ಸಿಡಿಸಿ ಮ್ಯಾಚ್ ಫಿನಿಶ್ ಮಾಡಿದ್ರು. ರಾಯಲ್ಸ್ ವಿರುದ್ಧ ಡಿಕೆ ಆಟ ನೋಡಿ ಎಲ್ಲರೂ ಫಿದಾ ಆಗಿದ್ದಾರೆ. ಆರ್ಸಿಬಿಯಲ್ಲಿ ಫಿನಿಶರ್ ಜವಾಬ್ದಾರಿ ಸಿಕ್ಕಿದೆ. ತನಗೆ ಕೊಟ್ಟ ಜವಾಬ್ದಾರಿಯನ್ನ ಕಾರ್ತಿಕ್ ಅಚ್ಚುಕಟ್ಟಾಗಿ ನಿರ್ವಾಹಿಸುತ್ತಿದ್ದಾರೆ. ಎಬಿ ಡಿವಿಲಿಯರ್ಸ್ ಸ್ಥಾನವನ್ನ ತುಂಬಿ, ಅವರ ಅನುಪಸ್ಥಿತಿ ಕಾಡದಂತೆ ನೋಡಿಕೊಳ್ತಿದ್ದಾರೆ. ಡಿಕೆ ಆಟ ಹೀಗೆ ಮುಂದುವರೆದ್ರೆ, ಆರ್ಸಿಬಿ ಫಸ್ಟ್ ಟೈಮ್ ಐಪಿಎಲ್ ಟ್ರೋಫಿ ಹಿಡಿಯೋದು ಗ್ಯಾರಂಟಿ.
