IPL 2022: ವಿರೋಧಿಗಳೇ RCB 68ಕ್ಕೆ ಆಲೌಟಾದ ಮಾತ್ರಕ್ಕೆ ಖುಷಿಪಡಬೇಡಿ..!
* ಸನ್ರೈಸರ್ಸ್ ಹೈದರಾಬಾದ್ ಎದುರು ಹೀನಾಯ ಸೋಲು ಕಂಡ ಆರ್ಸಿಬಿ
* ಆರ್ಸಿಬಿ ಸೋಲನ್ನು ವ್ಯಂಗ್ಯ ಮಾಡಿದ ವಿರೋಧಿ ಪಾಳಯದ ಫ್ಯಾನ್ಸ್
* ಆದರೆ ನೆನಪಿರಲಿ ಆರ್ಸಿಬಿ ತಂಡದ ಹೆಸರಿನಲ್ಲಿವೆ ಹಲವು ಅಪರೂಪದ ದಾಖಲೆಗಳು
Followಬೆಂಗಳೂರು(ಏ.25): ಆಟ ಅಂದ್ಮೇಲೆ ಗೆಲುವು-ಸೋಲು ಕಾಮನ್. ಪಂದ್ಯದ ಬಳಿಕ ಆ ಸೋಲು-ಗೆಲುವಿನ ಚರ್ಚೆಯೂ ಕಾಮನ್. ಅದ್ರಲ್ಲೂ ಐಪಿಎಲ್ ಟೂರ್ನಿ ಅಂದ್ರೆ ಅದು ಇನ್ನೂ ಹೆಚ್ಚೇ. ಸನ್ರೈಸರ್ಸ್ ಹೈದ್ರಾಬಾದ್ (Sunrisers Hyderabad) ವಿರುದ್ಧ ಆರ್ಸಿಬಿ (RCB) ಕೇವಲ 68ಕ್ಕೆ ಆಲೌಟಾಗಿ ದೊಡ್ಡ ಮುಖಭಂಗ ಅನುಭವಿಸಿತ್ತು. ವಿರೋಧಿಗಳಂತೂ ಈ ಹೀನಾಯ ಸೋಲನ್ನ ಸಖತ್ ಸಂಭ್ರಮಿಸಿದ್ರು. ಪಂದ್ಯ ಬಳಿಕ ನಿಮ್ ಕಥೆನೇ ಇಷ್ಟೇ ಗುರು ಅಂತೆಲ್ಲಾ ಟೀಕೆನೂ ಮಾಡಿದ್ರು. ಆದ್ರೆ ಆರ್ಸಿಬಿ ವಿರೋಧಿಗಳೇ ನಿಮಗೆ ಒಂದು ಸಂಗತಿ ಸದಾ ನೆನಪಿರ್ಲಿ. ಆರ್ಸಿಬಿ ಅನ್ನೋ ಫೈಯರ್ ಬ್ರಾಂಡ್ ಬರೀ ಇಂತಹ ಕೆಟ್ಟ ದಾಖಲೆಗಳನ್ನ ಐತಿಹಾಸದ ಪುಟದಲ್ಲಿ ದಾಖಲಿಸಿಲ್ಲ. ಬದಲಿಗೆ ಖ್ಯಾತ ದಾಖಲೆಗಳನ್ನ ಅದು ನಿರ್ಮಿಸಿದೆ. ಈವರೆಗೂ ಯಾವ ತಂಡವೂ ಆರ್ಸಿಬಿ ತಂಡದ ಶ್ರೇಷ್ಠ ದಾಖಲೆಗಳನ್ನ ಅಳಿಸಿ ಹಾಕಲು ಸಾಧ್ಯವಾಗಿಲ್ಲ. ಅಂತಹ ದಾಖಲೆಗಳನ್ನ ತೋರಿಸ್ತೀವಿ ನೋಡಿ.
ಪಂದ್ಯವೊಂದರಲ್ಲೇ ಗರಿಷ್ಠ ಸ್ಕೋರ್ ಬಾರಿಸಿದೆ ಆರ್ಸಿಬಿ:
ಆರ್ಸಿಬಿ ತಂಡ ಪಂದ್ಯವಾಡುತ್ತಿದೆ ಅಂದ್ರೆ ಅಲ್ಲಿ ಬೌಂಡ್ರಿ-ಸಿಕ್ಸರ್ಗಳ ಸುರಿಮಳೆ ಜೊತೆ ರನ್ ಹೊಳೆಯೇ ಹರಿಯುತ್ತೆ. ಐಪಿಎಲ್ನ ಪಂದ್ಯವೊಂದರಲ್ಲಿ ಅತಿಹೆಚ್ಚು ರನ್ ಹೊಡೆದ ಸಾಧನೆಯನ್ನೂ ಮಾಡಿದೆ. 2013ರ ಪುಣೆ ವಾರಿಯರ್ಸ್ ವಿರುದ್ಧ ಆರ್ಸಿಬಿ 3 ವಿಕೆಟ್ ಕಳೆದುಕೊಂಡು 263 ರನ್ ಬಾರಿಸಿತ್ತು. ಇದೇ ಇದುವರೆಗಿನ ಐಪಿಎಲ್ನಲ್ಲಿ ಒಂದು ತಂಡದ ಗರಿಷ್ಠ ಮೊತ್ತವಾಗಿದೆ. ಆ ಪಂದ್ಯದಲ್ಲಿ ಕ್ರಿಸ್ ಗೇಲ್ 66 ಬಾಲ್ನಲ್ಲಿ 13 ಬೌಂಡ್ರಿ, 17 ಸಿಕ್ಸ್ ಸಹಿತ 175 ರನ್ ಸಿಡಿಸಿದ್ದರು.
ದಾಖಲೆಯ 200 ಪ್ಲಸ್ ಜೊತೆಯಾಟ:
ಈ ದಾಖಲೆಯೂ ಆರ್ಸಿಬಿ ಬಳಿಯೇ ಇದೆ. ಐಪಿಎಲ್ನಲ್ಲಿ 4 ಸಲ 200 ಪ್ಲಸ್ ರನ್ ಜೊತೆಯಾಟಗಳು ಮೂಡಿ ಬಂದಿವೆ. ಅದರಲ್ಲಿ ಆರ್ಸಿಬಿ ತಂಡ ಒಂದೇ ಮೂರು ಸಲ 200 ಪ್ಲಸ್ ರನ್ಗಳ ಜೊತೆಯಾಟವಾಡಿದೆ. ಮೂರು ಜೊತೆಯಾಟದಲ್ಲೂ ವಿರಾಟ್ ಕೊಹ್ಲಿ ಆಡಿದ್ದರು ಅನ್ನೋದೇ ವಿಶೇಷ. 2016ರ ಸೀಸನ್ನಲ್ಲಿ ಕೊಹ್ಲಿ ಮತ್ತು ಎಬಿಡಿ 229 ರನ್ಗಳ ಜೊತೆಯಾಟವಾಡಿ ದಾಖಲೆ ನಿರ್ಮಿಸಿದ್ದರು.
IPL 2022 ಬ್ಯಾಟಿಂಗ್ ವಿಭಾಗದ ಪರೇಡ್, ಸನ್ ರೈಸರ್ಸ್ ವಿರುದ್ಧ ಹೀನಾಯ ಸೋಲು ಕಂಡ RCB!
ಐಪಿಎಲ್ ಇತಿಹಾಸದಲ್ಲಿ ಕಮ್ಮಿ ಮೊತ್ತಕ್ಕೆ ಆಲೌಟ್:
ಈ ಅಪಖ್ಯಾತಿಯೂ ಆರ್ಸಿಬಿ ಹೆಸರಿನಲ್ಲಿದೆ. 2017ರ ಸೀಸನ್ನಲ್ಲಿ ಕೆಕೆಆರ್ ವಿರುದ್ಧ ಜಸ್ಟ್ 49 ರನ್ಗೆ ಆಲೌಟ್ ಆಗಿತ್ತು. ಈ ಪಂದ್ಯ ಏಫ್ರಿಲ್ 23 ರಂದು ನಡೆದಿತ್ತು. ಮೊನ್ನೆ ಹೈದ್ರಾಬಾದ್ ವಿರುದ್ಧ 68ಕ್ಕೆ ಸರ್ವಪತನ ಕಂಡಿತ್ತು. ಇದು ಆರ್ಸಿಬಿಯ 4ನೇ ಅತಿ ಕನಿಷ್ಠ ಸ್ಕೋರ್. ಈ ಪಂದ್ಯವೂ ಏಫ್ರಿಲ್ 23 ರಂದೇ ನಡೆದಿರೋದು ಕಾಕತಾಳೀಯ.
ಇದಿಷ್ಟೇ ಅಲ್ಲದೇ ಟೂರ್ನಿ ಇತಿಹಾಸದಲ್ಲಿ ಅಧಿಕ ಸಿಕ್ಸ್ ಹಾಗೂ ಅಧಿಕ ಸೆಂಚುರಿ ಬಾರಿಸಿದ ತಂಡ ಕೂಡ ಆರ್ಸಿಬಿ ಎನಿಸಿಕೊಂಡಿದೆ. ಇಂತಹ ತಂಡಕ್ಕೆ ಲೋಯೆಸ್ಟ್ ಸ್ಕೋರ್ಗೆ ಆಲೌಟಾಗೋದು, ಹೈಯೆಸ್ಟ್ ಸ್ಕೋರ್ ದಾಖಲಿಸೋದು ಹೊಸತೇನೂ ಅಲ್ಲ ಬಿಡಿ.
