IPL 2022: ಜೋಸ್ ಬಟ್ಲರ್ ಅಬ್ಬರಕ್ಕೆ ಮೂಗುದಾರ ಹಾಕೋರೆ ಇಲ್ಲ
* ಐಪಿಎಲ್ನಲ್ಲಿ ಅಕ್ಷರಶಃ ಅಬ್ಬರಿಸುತ್ತಿದ್ದಾರೆ ಜೋಸ್ ಬಟ್ಲರ್
* ಹರಾಜಿಗೂ ಮುನ್ನ ಜೋಸ್ ಬಟ್ಲರ್‌ರನ್ನು ರೀಟೈನ್ ಮಾಡಿಕೊಂಡಿದ್ದ ರಾಜಸ್ಥಾನ ರಾಯಲ್ಸ್
* 7 ಇನಿಂಗ್ಸ್‌ನಲ್ಲಿ 3 ಶತಕ ಸಿಡಿಸಿ ಮಿಂಚಿರುವ ಬಟ್ಲರ್
ಬೆಂಗಳೂರು(ಏ.25): ಐಪಿಎಲ್ ಆಟಗಾರರ ಹರಾಜಿಗೂ (IPL Auction 2022) ಮುನ್ನ ರಾಜಸ್ಥಾನ ರಾಯಲ್ಸ್ (Rajasthan Royals) ಫ್ರಾಂಚೈಸಿಯು 10 ಕೋಟಿ ರುಪಾಯಿ ನೀಡಿ ಜೋಸ್ ಬಟ್ಲರ್ (Jos Buttler) ಅವರನ್ನು ರೀಟೈನ್ ಮಾಡಿಕೊಂಡಿತ್ತು. ಹೀಗಾಗಿ ಬಿಗ್ ಹಿಟ್ಟರ್ ಜೋಸ್ ಬಟ್ಲರ್ ಮೇಲೆ ಅಪಾರ ನಿರೀಕ್ಷೆಗಳಿದ್ವು. ಸ್ಫೋಟಕ ಬ್ಯಾಟರ್ ಆ ವಿಶ್ವಾಸ ಉಳಿಸಿಕೊಂಡಿದ್ದಾರೆ. ಪ್ರಸಕ್ತ ಐಪಿಎಲ್ ಟೂರ್ನಿಯಲ್ಲಿ ಬಟ್ಲರ್ ಘರ್ಜನೆ ಜೋರಾಗಿದೆ. ಈ ಆಂಗ್ಲ ಬ್ಯಾಟರ್ ದರ್ಬಾರ್ಗೆ ಎದುರಾಳಿ ಪಡೆ ಥಂಡಾ ಹೊಡಿದಿವೆ. ಬಟ್ಲರ್ ಹಿಂದೆಂದೂ ಕಾಣದಷ್ಟು ರನ್ ಹೊಳೆಯನ್ನ ಹರಿಸ್ತಿದ್ದಾರೆ.
491 ರನ್, 3 ಅಮೋಘ ಶತಕ, ದಾಖಲೆಗಳು ಉಡೀಸ್:
ಟೂರ್ನಿ ಆರಂಭದಿಂದಲೇ ಸಿಂಹಘರ್ಜನೆ ನಡೆಸ್ತಿರೋ ಬಟ್ಲರ್ ಈವರೆಗೆ ಒಟ್ಟು 491 ರನ್ ಬಾರಿಸಿದ್ದಾರೆ. ಮೂರು ವಂಡರ್ಫುಲ್ ಸೆಂಚುರಿಸ್ ಮೂಡಿ ಬಂದಿವೆ. ಮೊದಲ ಶತಕ ಮುಂಬೈ ಇಂಡಿಯನ್ಸ್‌ ವಿರುದ್ಧ ಬಾರಿಸಿದ್ರೆ 2 ಹಾಗೂ 3ನೇ ಶತಕವನ್ನ ಕೆಕೆಆರ್ ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಸಿಡಿಸಿದ್ದಾರೆ. ಇನ್ನು ಬಟ್ಲರ್ ಶತಕ ಸಿಡಿಸಿದ ಮೂರು ಪಂದ್ಯವನ್ನ ರಾಜಸ್ಥಾನ ಗೆದ್ದಿದೆ. 64 ಇನ್ನಿಂಗ್ಸ್ಗಳಿಂದ ಶತಕ ಸಿಡಿಸದ ಬಟ್ಲರ್ ಕಳೆದ 8 ಇನ್ನಿಂಗ್ಸ್ಗಳಲ್ಲಿ 4 ಶತಕ ಬಾರಿಸಿದ್ದು ವಿಶೇಷ.
ಇನ್ನು 2 ಶತಕ ಸಿಡಿಸಿದ್ರೆ ಕೊಹ್ಲಿ-ಗೇಲ್ ರೆಕಾರ್ಡ್ ಖತಂ:
ಸದ್ಯ ಆಡಿರೋ 7 ಪಂದ್ಯಗಳಲ್ಲಿ ಮೂರು ಭರ್ಜರಿ ಶತಕ ಸಿಡಿಸಿರೋ ಬಟ್ಲರ್ ಅನೇಕ ದಾಖಲೆಗಳನ್ನ ಅಳಿಸಿ ಹಾಕಿದ್ದಾರೆ. ಮತ್ತಷ್ಟು ದಾಖಲೆಗಳ ಮೇಲೆ ಕಣ್ಣಿಟ್ಟಿದ್ದಾರೆ. ಸ್ಫೋಟಕ ದಾಂಡಿಗನಿಂದ ಇನ್ನು ಎರಡು ಶತಕ ಮೂಡಿಬಂದ್ರೆ ಸೀಸನ್ವೊಂದರಲ್ಲೇ ಅತ್ಯಧಿಕ ಶತಕ ಬಾರಿಸಿದ ಆಟಗಾರ ಎನಿಸಿಕೊಳ್ಳಲಿದ್ದಾರೆ. ಆರ್ಸಿಬಿ ತಂಡದ ಮಾಜಿ ಕ್ಯಾಪ್ಟನ್ ಕೊಹ್ಲಿ 2016ರಲ್ಲಿ 4 ಶತಕ ಸಿಡಿಸಿದ್ದಾರೆ. ಇನ್ನು ಸೀಸನ್ವೊಂದರಲ್ಲೇ ಕೊಹ್ಲಿ 971 ರನ್ ಗಳಿಸಿದ್ದಾರೆ. ಬಟ್ಲರ್ ಈಗಾಗ್ಲೇ 491 ರನ್ ಗಳಿಸಿದ್ದು, ಇನ್ನು 480 ರನ್ ಗಳಿಸಿದ್ರೆ ಕೊಹ್ಲಿಯನ್ನ ಹಿಂದಿಕ್ಕಲಿದ್ದಾರೆ. ಅಷ್ಟೆ ಅಲ್ಲ ಇನ್ನೂ 3 ಶತಕ ಬಾರಿಸಿದ್ರೆ ಐಪಿಎಲ್ ಹಿಸ್ಟರಿಯಲ್ಲಿ ಅಧಿಕ ಶತಕ ಸಿಡಿಸಿದ ಮೊದಲಿಗ ಅನ್ನಿಸಿಕೊಳ್ಳಲಿದ್ದಾರೆ. 6 ಶತಕ ಸಿಡಿಸಿರೋ ಕ್ರಿಸ್ ಗೇಲ್ ಹೆಸರಿನಲ್ಲಿ ದಾಖಲೆ ಉಳಿದುಕೊಂಡಿದೆ.
ರಂಗಿನ್ ಆಟದಲ್ಲಿ ಬಟ್ಲರ್ ಪಾರಮ್ಯ:
ಹೌದು, ಪ್ರಸಕ್ತ ಐಪಿಎಲ್ನಲ್ಲಿ ಜೋಸ್ ಬಟ್ಲರ್ ಅನ್ನೋ ಡೆಡ್ಲಿ ಬ್ಯಾಟರ್ ಡಾಮಿನೇಟ್ ಸಾಧಿಸಿದ್ದಾರೆ. ಬರೀ 491 ರನ್ ಗಳಿಸಿ ಆರೆಂಜ್ ಕ್ಯಾಪ್ ಮಾತ್ರ ಉಳಿಸಿಕೊಂಡಿಲ್ಲ. ಬದಲಿಗೆ ಟೂರ್ನಿಯಲ್ಲಿ ವೈಯಕ್ತಿಕ ಗರಿಷ್ಟ 116 ರನ್ ಬಾರಿಸಿದ ಖ್ಯಾತಿ ಹಾಗೂ ಮೋಸ್ಟ್ ವ್ಯಾಲ್ಯೂಯೇಬಲ್ ಪ್ಲೇಯರ್ ಕೂಡ ಇವರಾಗಿದ್ದಾರೆ. ಒಟ್ಟಿನಲ್ಲಿ ಈವರೆಗೆ ಬಟ್ಲರ್ ಆರ್ಭಟಕ್ಕೆ ಮೂಗುದಾರ ಹಾಕೋಕೆ ಯಾರಿಂದಲೂ ಸಾಧ್ಯವಾಗಿಲ್ಲ. ಇನ್ನಾದ್ರು ಬ್ರೇಕ್ ಬೀಳುತ್ತಾ? ಇಲ್ಲ ಬಟ್ಲರ್ ಮತ್ತಷ್ಟು ರೆಬೆಲ್ ಆಗ್ತಾರಾ ಅನ್ನೋದನ್ನ ಕಾದುನೋಡಬೇಕು.
