ಐಪಿಎಲ್ನಲ್ಲಿ ಹೊಸ ದಾಖಲೆ ಬರೆದ ಕನ್ನಡಿಗ ಕೆ ಎಲ್ ರಾಹುಲ್.!
* ಐಪಿಎಲ್ನಲ್ಲಿ ಸ್ಥಿರ ಪ್ರದರ್ಶನದ ಮೂಲಕ ಗಮನ ಸೆಳೆದಿರುವ ಕೆ ಎಲ್ ರಾಹುಲ್
* ಸತತ 5 ವರ್ಷ 500 ಪ್ಲಸ್ ರನ್ ಬಾರಿಸಿರುವ ಕನ್ನಡಿಗ
* ಡೇವಿಡ್ ವಾರ್ನರ್ 6 ಸಲ 500 ಪ್ಲಸ್ ರನ್ ಹೊಡೆದಿದ್ದಾರೆ.
ಮುಂಬೈ(ಮೇ.20): ಐಪಿಎಲ್ ದುನಿಯಾವನ್ನು ಆಳಿದವರು ಬ್ಯಾಟ್ಸ್ಮನ್ಗಳು. ದಿಗ್ಗಜ ಬ್ಯಾಟರ್ಗಳು ಕಲರ್ ಫುಲ್ ಟೂರ್ನಿ ಆಡಿದ್ದಾರೆ, ಆಡುತ್ತಿದ್ದಾರೆ. ಸಚಿನ್ ತೆಂಡುಲ್ಕರ್ (Sachin Tendulkar), ರಾಹುಲ್ ದ್ರಾವಿಡ್, ಸೌರವ್ ಗಂಗೂಲಿ, ಕ್ರಿಸ್ ಗೇಲ್, ಡೇವಿಡ್ ವಾರ್ನರ್ (David Warner), ರೋಹಿತ್ ಶರ್ಮಾ, ಎಂ ಎಸ್ ಧೋನಿ ಹೀಗೆ ದಿಗ್ಗಜ ಕ್ರಿಕೆಟಿಗರೆಲ್ಲಾ ಚುಟುಕು ಕ್ರಿಕೆಟ್ನಲ್ಲಿ ಮಿಂಚಿದ್ದಾರೆ, ಮಿಂಚುತ್ತಿದ್ದಾರೆ. ಆದ್ರೆ ಈ ಸ್ಟಾರ್ ಬ್ಯಾಟರ್ಗಳ್ಯಾರು ಮಾಡದ ದಾಖಲೆಯೊಂದನ್ನ ಕನ್ನಡಿಗ ಕೆ ಎಲ್ ರಾಹುಲ್ (KL Rahul) ಮಾಡಿದ್ದಾರೆ. ಈ ಮೂಲಕ ಐಪಿಎಲ್ನಲ್ಲಿ ದಾಖಲೆ ಸರದಾರ ಎನಿಸಿಕೊಂಡಿದ್ದಾರೆ.
ಸತತ 5 ವರ್ಷ 500 ಪ್ಲಸ್ ರನ್:
ಕಳೆದೈದು ವರ್ಷಗಳಿಂದ IPLನಲ್ಲಿ ಕನ್ಸಿಟೆನ್ಸಿ ಪರ್ಫಾಮೆನ್ಸ್ ನೀಡ್ತಿರೋದು ಅಂದ್ರೆ ಅದು ಕನ್ನಡಿಗ ರಾಹುಲ್ ಮಾತ್ರ. ಕರ್ನಾಟಕ ಬಾಯ್ ಐಪಿಎಲ್ನಲ್ಲಿ 2018ರಿಂದ ಸತತ 5 ವರ್ಷ 500 ಪ್ಲಸ್ ರನ್ ಹೊಡೆದ ದಾಖಲೆ ಮಾಡಿದ್ದಾನೆ. ಈ ಸಾಧನೆ ಮಾಡಿದ ಮೊದಲ ಆಟಗಾರ ಎನಿಸಿಕೊಂಡಿದ್ದಾರೆ. ಇನ್ನು ಐಪಿಎಲ್ ಇತಿಹಾಸದಲ್ಲಿ 5 ಸೀಸನ್ನಲ್ಲಿ 500 ಪ್ಲಸ್ ಹೊಡೆದಿರುವ ವಿರಾಟ್ ಕೊಹ್ಲಿ ಮತ್ತು ಶಿಖರ್ ಧವನ್ (Shikhar Dhawan) ದಾಖಲೆ ಸರಿಗಟ್ಟಿದ್ದಾರೆ. ಡೇವಿಡ್ ವಾರ್ನರ್ 6 ಸಲ 500 ಪ್ಲಸ್ ರನ್ ಹೊಡೆದಿದ್ದಾರೆ. ಕೆ ಎಲ್ ರಾಹುಲ್ ಇನ್ನೆರಡು ಸೀಸನ್ನಲ್ಲಿ ತಲಾ 500 ಪ್ಲಸ್ ರನ್ ಹೊಡೆದ್ರೆ ವಾರ್ನರ್ ರೆಕಾರ್ಡ್ ಸಹ ಬ್ರೇಕ್ ಮಾಡಲಿದ್ದಾರೆ.
ವಿರಾಟ್ ಕೊಹ್ಲಿ - ಕ್ವಿಂಟನ್ ಡಿ ಕಾಕ್ ದಾಖಲೆ ಮುರಿಯಲಿಲ್ಲ ರಾಹುಲ್ - ಡಿ ಕಾಕ್:
ಮೊನ್ನೆ ಕೆಕೆಆರ್ ವಿರುದ್ಧ ಲಖನೌ ಕ್ಯಾಪ್ಟನ್ ರಾಹುಲ್ ಮತ್ತು ಕ್ವಿಂಟನ್ ಡಿ ಕಾಕ್ ಮೊದಲ ವಿಕೆಟ್ಗೆ 210 ರನ್ಗಳ ಜೊತೆಯಾಟವಾಡಿದ್ರು. ಈ ಮೂಲಕ ಐಪಿಎಲ್ನಲ್ಲಿ ಮೊದಲ ವಿಕೆಟ್ಗೆ ಗರಿಷ್ಠ ರನ್ ಜೊತೆಯಾಟವಾಡಿದ ದಾಖಲೆ ಮಾಡಿದ್ರು. ಹಾಗೆ ಒಂದೂ ವಿಕೆಟ್ ಕಳೆದುಕೊಳ್ಳದೆ ಸಂಪೂರ್ಣ 20 ಓವರ್ ಬ್ಯಾಟಿಂಗ್ ಮಾಡಿದ ರೆಕಾರ್ಡ್ ಸಹ ಮಾಡಿದ್ರು.
ಪ್ಲೇ ಆಫ್ ಪ್ರವೇಶಿಸಿರುವ ರಾಜಸ್ಥಾನ ರಾಯಲ್ಸ್ ಗೆಲ್ಲೋ ಒತ್ತಡದಲ್ಲಿರೋದ್ಯಾಕೆ..?
ಆದ್ರೆ ಈ ಇಬ್ಬರಿಂದ 2016ರಲ್ಲಿ ಆರ್ಸಿಬಿ ಜೋಡಿ ಮಾಡಿದ್ದ ದಾಖಲೆ ಮುರಿಯಲು ಆಗಲಿಲ್ಲ. 2016ರಲ್ಲಿ ಗುಜರಾತ್ ಲಯನ್ಸ್ ವಿರುದ್ಧ ವಿರಾಟ್ ಕೊಹ್ಲಿ - ಡಿ ಕಾಕ್ ಸೇರಿಕೊಂಡು 229 ರನ್ ಜೊತೆಯಾಟವಾಡಿದ್ದರು. ಈಗಲೂ ಈ ದಾಖಲೆ ಈ ಇಬ್ಬರ ಹೆಸರಿನಲ್ಲೇ ಇದೆ. 2015ರಲ್ಲೇ ಎಬಿ ಡಿವಿಲಿಯರ್ಸ್- ಕೊಹ್ಲಿ ಮುಂಬೈ ವಿರುದ್ಧ 215 ರನ್ಗಳ ಜೊತೆಯಾಟ ಆಡಿದ್ದರು. ಮೊನ್ನೆ ರಾಹುಲ್-ಡಿಕಾಕ್ 210 ರನ್ಗಳ ಜೊತೆಯಾಟವಾಡಿದ್ರು.
ಆರೆಂಜ್ ಕ್ಯಾಪ್ಗೆ ಬಟ್ಲರ್-ರಾಹುಲ್-ಡಿಕಾಕ್ ಫೈಟ್:
ಈ ಸೀಸನ್ ಐಪಿಎಲ್ನಲ್ಲಿ 500 ಪ್ಲಸ್ ರನ್ ಹೊಡೆದಿರೋದು ಮೂವರು ಮಾತ್ರ. ಹಾಗಾಗಿ ಜೋಸ್ ಬಟ್ಲರ್ (Jos Buttler), ರಾಹುಲ್ ಹಾಗೂ ಡಿ ಕಾಕ್ ಈ ಸಲ ಆರೆಂಜ್ ಕ್ಯಾಪ್ ಗೆಲ್ಲೋ ರೇಸ್ನಲ್ಲಿದ್ದಾರೆ. ಈ ಮೂವರು ಇನ್ನೂ 2ರಿಂದ ಮೂರು ಮ್ಯಾಚ್ ಆಡೋ ಸಾಧ್ಯತೆ ಇದೆ. ಹಾಗಾಗಿ ಯಾರು ಬೇಕಾದರೂ ಆರೆಂಜ್ ಕ್ಯಾಪ್ ಗೆಲ್ಲಬಹುದು.