ಐಸಿಸಿ ಟಿ20 ವಿಶ್ವಕಪ್ ಟೂರ್ನಿಗೆ ಭರ್ಜರಿ ಸಿದ್ದತೆ ನಡೆಸುತ್ತಿರುವ ಟೀಂ ಇಂಡಿಯಾಅಕ್ಟೋಬರ್ ಹಾಗೂ ನವೆಂಬರ್‌ನಲ್ಲಿ ಆಸ್ಟ್ರೇಲಿಯಾದಲ್ಲಿ ನಡೆಯಲಿರುವ ಟಿ20 ವಿಶ್ವಕಪ್ಕಳೆದ ಬಾರಿಯಲ್ಲಿ ಆಡಿರದ ಆಟಗಾರರು ಈ ಬಾರಿಯ ಟಿ20 ವಿಶ್ವಕಪ್‌ನಲ್ಲಿ ಕೀ ಆಟಗಾರರು..!

ಬೆಂಗಳೂರು(ಜು.21): 2021ರ ಅಕ್ಟೋಬರ್​-ನವೆಂಬರ್​ನಲ್ಲಿ ಐಸಿಸಿ ಟಿ20 ವಿಶ್ವಕಪ್‌ ಯುಎಒನಲ್ಲಿ ನಡೆದಿತ್ತು. 2022ರ ಟಿ20 ವಿಶ್ವಕಪ್ ಆಸ್ಟ್ರೇಲಿಯಾದಲ್ಲಿ ಅಕ್ಟೋಬರ್​-ನವೆಂಬರ್​ನಲ್ಲಿ ನಡೆಯುತ್ತಿದೆ. ಜಸ್ಟ್ 12 ತಿಂಗಳ ಅಂತರದಲ್ಲಿ ಎರಡು ಮಹಾ ಟೂರ್ನಿಗಳು ನಡೆಯುತ್ತಿದ್ದರೂ ಭಾರತ ತಂಡದಲ್ಲಿ ಅರ್ಧಡಜನ್​ಗೂ ಹೆಚ್ಚು ಬದಲಾವಣೆಗಳು ಆಗಲಿವೆ. ನಿಮಗೆ ಆಶ್ಚರ್ಯವಾದ್ರೂ ಇದು ನಿಜ. ಆದ್ರೆ ಕಳೆದ ವರ್ಷ ಯಾರು ಬೇಡವಾಗಿದ್ದರೋ ಅವರು ಈ ಸಲ ಬೇಕಾಗಿದ್ದಾರೆ. ಟೀಂ ಇಂಡಿಯಾದಿಂದ ಡ್ರಾಪ್ ಆಗಿದ್ದವನೂ ಈ ಸಲ ಟ್ರಂಪ್​ಕಾರ್ಡ್​ ಪ್ಲೇಯರ್ ಆಗಿದ್ದಾನೆ.

ಅನ್‌ಫಿಟ್​ & ಕಳಪೆ ಫಾರ್ಮ್​ ಟೀಂ ಇಂಡಿಯಾದಿಂದ ಡ್ರಾಪ್​: 

2021ರ ಟಿ20 ವಿಶ್ವಕಪ್​ನಲ್ಲಿ ಕಳಪೆ ಫಾರ್ಮ್​ ಜೊತೆ ಫಿಟ್ನೆಸ್ ಸಮಸ್ಯೆ ಎದುರಿಸಿ ಕಾಂಟ್ರವರ್ಸಿ ಮಾಡಿಕೊಂಡಿದ್ದ ಆಲ್​ರೌಂಡರ್ ಹಾರ್ದಿಕ್ ಪಾಂಡ್ಯ ಟೀಂ ಇಂಡಿಯಾದಿಂದ ಡ್ರಾಪ್ ಆಗಿದ್ದರು. ಆದ್ರೆ ಫಿನಿಕ್ಸ್​ನಂತೆ ಮೇಲೆದ್ದು ಬಂದ ಹಾರ್ದಿಕ್, ಅದ್ಭುತ ಪ್ರದರ್ಶನ ನೀಡ್ತಿದ್ದಾರೆ. ಗುಜರಾತ್ ಟೈಟಾನ್ಸ್ ಲೀಡ್ ಮಾಡಿ ಐಪಿಎಲ್ ಟ್ರೋಫಿ ಗೆಲ್ಲಿಸಿಕೊಟ್ಟ ಪಾಂಡ್ಯ, ಸೌತ್ ಆಫ್ರಿಕಾ ಟಿ20 ಸಿರೀಸ್​ನಲ್ಲಿ ಆಲ್​ರೌಂಡ್ ಆಟವಾಡಿ ಮಿಂಚಿದ್ದರು. ಟೀಂ ಇಂಡಿಯಾ ನಾಯಕನಾಗಿ ಐರ್ಲೆಂಡ್​ನಲ್ಲಿ ಟಿ20 ಸರಣಿ ಗೆಲ್ಲಿಸಿಕೊಟ್ಟ ಹಾರ್ದಿಕ್, ಇಂಗ್ಲೆಂಡ್ ಒನ್​ಡೇ ಸಿರೀಸ್​ನಲ್ಲಿ ಮ್ಯಾನ್ ಆಫ್​ ದ ಸಿರೀಸ್ ಪಡೆದಿದ್ದಾರೆ. ಈಗ ಪಾಂಡ್ಯನೇ ಟಿ20 ವರ್ಲ್ಡ್​ಕಪ್​ಗೆ ಟ್ರಂಪ್​ಕಾರ್ಡ್​ ಪ್ಲೇಯರ್.

ಕಾಮೆಂಟ್ರಿ ಬಾಕ್ಸ್​ನಿಂದ ಮೈದಾನಕ್ಕೆ ಬಂದ ಡಿಕೆ: 

2019 ಒನ್​ಡೇ ವರ್ಲ್ಡ್​ಕಪ್​ ಬಳಿಕ ಟೀಂ ಇಂಡಿಯಾದಿಂದ ಡ್ರಾಪ್ ಆಗಿದ್ದ ದಿನೇಶ್ ಕಾರ್ತಿಕ್, ಕಾಮೆಂಟ್ರಿ ಬಾಕ್ಸ್ ಸೇರಿಕೊಂಡಿದ್ದರು. ಆದ್ರೆ ಈ ಸಲದ ಐಪಿಎಲ್​ನಲ್ಲಿ ಆರ್​ಸಿಬಿ ಪರ ಮ್ಯಾಚ್ ಫಿನಿಶ್ ಮಾಡಿದ್ದರಿಂದ ಮತ್ತೆ ತಂಡಕ್ಕೆ ವಾಪಾಸ್ ಆದ್ರು. ಈ ವಿಶ್ವಕಪ್ ಟೀಮ್​ನಲ್ಲಿ ಪಾಂಡ್ಯ ಜೊತೆ ಡಿಕೆನೇ ಫಿನಿಶರ್. ವರ್ಷದ ಹಿಂದೆ ಬೇಡವಾಗಿದ್ದವನು ಈಗ ಬೇಕಾಗಿದ್ದಾನೆ.

ಟಿ20 ವಿಶ್ವಕಪ್​ನಲ್ಲಿ ಅದ್ಭುತ ಟ್ರ್ಯಾಕ್ ರೆಕಾರ್ಡ್:​ ಬಿಸಿಸಿಐಗೆ ತಲೆನೋವಾದ ವಿರಾಟ್ ಕೊಹ್ಲಿ ಫಾರ್ಮ್..!​

ಕಳೆದ ವಿಶ್ವಕಪ್​ನಿಂದ ಡ್ರಾಪ್, ಈ ವಿಶ್ವಕಪ್​ಗೆ ಈತನೇ ಮೇನ್ ಸ್ಪಿನ್ನರ್​: 

ರಿಸ್ಟ್ ಸ್ಪಿನ್ನರ್ ಯುಜವೇಂದ್ರ ಚಹಲ್, ಮೂರ್ನಾಲ್ಕು ವರ್ಷದಿಂದ ಟೀಂ ಇಂಡಿಯಾದ ಮೇನ್ ಸ್ಪಿನ್ನರ್ ಆಗಿದ್ದರೂ ಕಳಪೆ ಫಾರ್ಮ್​ನಲ್ಲಿದ್ದಾರೆ ಅಂತ ಕಳೆದ ಟಿ20 ವಿಶ್ವಕಪ್ ಟೀಮ್​ನಿಂದ ಡ್ರಾಪ್ ಆದ್ರು. ಆದ್ರೆ ಫಿನಿಕ್ಸ್​ನಂತೆ ಮೇಲೆದ್ದು ಬಂದ ಚಹಲ್, ಮತ್ತೆ ಟೀಂ ಇಂಡಿಯಾಗೆ ಎಂಟ್ರಿಕೊಟ್ಟಿದ್ದಾರೆ. ಶಾರ್ಟ್​ ಫಾಮ್ಯಾಟ್​ನಲ್ಲಿ ಈಗ ಅವರೇ ಟ್ರಂಪ್​ಕಾರ್ಡ್​ ಬೌಲರ್​. ಕಳೆದ ವಿಶ್ವಕಪ್​ಗೆ ಬೇಡವಾಗಿದ್ದ ಚಹಲ್, ಈ ವಿಶ್ವಕಪ್​​​ನಲ್ಲಿ ಮೇನ್ ಸ್ಪಿನ್ನರ್.

ಆರೆಂಜ್ ಕ್ಯಾಪ್ ಗೆದ್ದರು ವಿಶ್ವಕಪ್ ಆಡಲಿಲ್ಲ..!: 

ಹರ್ಷಲ್ ಪಟೇಲ್ 2021ರ ಐಪಿಎಲ್​ನಲ್ಲಿ ಆರೆಂಜ್ ಕ್ಯಾಪ್ ವಿನ್ನರ್. ಆದ್ರೂ ಟಿ20 ವರ್ಲ್ಡ್​ಕಪ್​ಗೆ ಸೆಲೆಕ್ಟ್ ಆಗಲಿಲ್ಲ. ಆದರೆ ಈಗ ಟಿ20 ಟೀಮ್​ನಲ್ಲಿ ಪರ್ಮನೆಂಟ್ ಪ್ಲೇಸ್ ಇದ್ದು, ಈ ಸಲ ವಿಶ್ವಕಪ್ ಆಡೋದು ಕನ್ಫರ್ಮ್​. ಕಳೆದ ವರ್ಷ ಬೇಡವಾಗಿದ್ದ ಹರ್ಷಲ್ ಪಟೇಲ್‌, ಈ ಸಲ ತಂಡಕ್ಕೆ ಬೇಕಾಗಿದ್ದಾರೆ.