Asia Cup 2023: ಬ್ಯಾಟಿಂಗ್-ಬೌಲಿಂಗ್ ಎರಡರಲ್ಲೂ ಪಾಕ್ ಬಲಿಷ್ಠ..! ಬಾಬರ್ ಪಡೆ ಸೋಲಿಸೋದು ತುಂಬಾ ಕಷ್ಟ
ಒನ್ಡೇ ಕ್ರಿಕೆಟ್ನಲ್ಲಿ ಪಾಕಿಸ್ತಾನ ನಂ.1 ಸ್ಥಾನದಲ್ಲಿದೆ. ಟಿ20ಯಲ್ಲಿ ಹೇಳಿಕೊಳ್ಳುವಂತ ಪ್ರದರ್ಶನ ನೀಡದ ಪಾಕ್, ಫಿಫ್ಟಿ ಓವರ್ ಕ್ರಿಕೆಟ್ನಲ್ಲಿ ಮಾತ್ರ ಧೂಳೆಬ್ಬಿಸ್ತಿದೆ. ಕಳೆದ 10 ಪಂದ್ಯಗಳಲ್ಲಿ 8ರಲ್ಲಿ ಗೆಲುವು ಸಾಧಿಸಿರೋದೆ ಇದಕ್ಕೆ ಸಾಕ್ಷಿ. ಪಾಕ್ ತಂಡದಲ್ಲಿ ಡೇಂಜರಸ್ ಆಟಗಾರರ ದಂಡೇ ಇದೆ.
 )
Followಬೆಂಗಳೂರು(ಸೆ.02): 2022ರ ಟಿ20 ವಿಶ್ವಕಪ್ ನಂತರ ಬದ್ಧವೈರಿಗಳು ಮತ್ತೊಮ್ಮೆ ಮುಖಾಮುಖಿ ಆಗ್ತಿವೆ. ಏಷ್ಯಾಕಪ್ ಸಮರದಲ್ಲಿಂದು ಇಂಡೋ-ಪಾಕ್ ಮಧ್ಯೆ ಕ್ರಿಕೆಟ್ ಮಹಾಯುದ್ಧಕ್ಕೆ ಮುಹೂರ್ತ ಫಿಕ್ಸ್ ಆಗಿದೆ. ಕೆಲವೇ ಗಂಟೆಗಳಲ್ಲಿ ಈ ಜಿದ್ದಾಜಿದ್ದಿನ ಕಾಳಗ ಶುರುವಾಗಲಿದೆ. ಎರಡೂ ತಂಡಗಳು ಈ ಬಿಗ್ಫೈಟ್ನಲ್ಲಿ ಗೆಲುವಿನ ಬಾವುಟ ಹಾರಿಸೋ ವಿಶ್ವಾಸದಲ್ಲಿವೆ. ಆದ್ರೆ, ಭಾರತಕ್ಕೆ ಹೋಲಿಸಿದ್ರೆ, ಪಾಕಿಸ್ತಾನ ಹೆಚ್ಚು ಬಲಿಷ್ಠವಾಗಿದೆ. ಎಲ್ಲಾ ಡಿಪಾರ್ಟ್ಮೆಂಟ್ಗಳಲ್ಲೂ ಬ್ಯಾಲೆನ್ಸ್‌ ಆಗಿದೆ.
ಬಾಬರ್ ಅಜಮ್ನ ಕಟ್ಟಿಹಾಕದಿದ್ರೆ ಸಂಕಷ್ಟ ತಪ್ಪಿದ್ದಲ್ಲ..!
ಯೆಸ್, ಒನ್ಡೇ ಕ್ರಿಕೆಟ್ನಲ್ಲಿ ಪಾಕಿಸ್ತಾನ ನಂ.1 ಸ್ಥಾನದಲ್ಲಿದೆ. ಟಿ20ಯಲ್ಲಿ ಹೇಳಿಕೊಳ್ಳುವಂತ ಪ್ರದರ್ಶನ ನೀಡದ ಪಾಕ್, ಫಿಫ್ಟಿ ಓವರ್ ಕ್ರಿಕೆಟ್ನಲ್ಲಿ ಮಾತ್ರ ಧೂಳೆಬ್ಬಿಸ್ತಿದೆ. ಕಳೆದ 10 ಪಂದ್ಯಗಳಲ್ಲಿ 8ರಲ್ಲಿ ಗೆಲುವು ಸಾಧಿಸಿರೋದೆ ಇದಕ್ಕೆ ಸಾಕ್ಷಿ. ಪಾಕ್ ತಂಡದಲ್ಲಿ ಡೇಂಜರಸ್ ಆಟಗಾರರ ದಂಡೇ ಇದೆ.
ಪಾಕಿಸ್ತಾನ ಬ್ಯಾಟಿಂಗ್ ಲೈನ್ ಅಪ್ ಫಖರ್ ಜಮಾನ್ ಮತ್ತು ಇಮಾಮ್ ಉಲ್ ಹಕ್‌ನಿಂದ ಸ್ಟಾರ್ಟ್ ಆಗುತ್ತೆ. ಇವರಿಬ್ಬರು ಕಳೆದ ಕೆಲ ಪಂದ್ಯಗಳಿಂದ ತಂಡಕ್ಕೆ ಅದ್ಭುತ ಆರಂಭ ತಂದುಕೊಡ್ತಿದ್ದಾರೆ. ಅದರಲ್ಲೂ ಫಖರ್ ಜಮಾನ್, ಭಾರತದ ವಿರುದ್ಧ ಸೂಪರ್ ಟ್ರ್ಯಾಕ್ ರೆಕಾರ್ಡ್‌ ಹೊಂದಿದ್ದಾರೆ. 2017ರ ಚಾಂಪಿಯನ್ಸ್ ಟ್ರೋಫಿ ಫೈನಲ್‌ನಲ್ಲಿ ಫಖರ್, ಶತಕ ಸಿಡಿಸಿ ಭಾರತವನ್ನ ಸೋಲಿಸಿದ್ದರು.
ಒನ್ಡೌನ್ನಲ್ಲಿ ಕಣಕ್ಕಿಳಿಯೋ ಕ್ಯಾಪ್ಟನ್ ಬಾಬರ್ ಅಜಮ್ ಸದ್ಯ ಜಬರ್ದಸ್ತ್ ಫಾರ್ಮ್ನಲ್ಲಿದ್ದಾರೆ. ಏಕದಿನ ಕ್ರಿಕೆಟ್ನ ನಂ.1 ಬ್ಯಾಟ್ಸ್ಮನ್ ಆಗಿರೋ ಬಾಬರ್, ನೇಪಾಳ ವಿರುದ್ಧ 151 ರನ್ ಚಚ್ಚಿದ್ರು. ಹೀಗಾಗಿ ಅಜಮ್ನ ಆದಷ್ಟು ಬೇಗ ಕಟ್ಟಿಹಾಕಲೇಬೇಕು. ನಂಬರ್ ಫೋರ್ನಲ್ಲಿ ಬ್ಯಾಟ್ ಬೀಸೋ ಮೊಹಮ್ಮದ್ ರಿಜ್ವಾನ್ ಪಾಕ್ ಬ್ಯಾಟಿಂಗ್ನ ಬ್ಯಾಕ್ಬೋನ್ ಅಂದ್ರೆ ತಪ್ಪಿಲ್ಲ. ಇವರಿಬ್ಬರು 2021ರ ಟಿ20 ವಿಶ್ವಕಪ್ನಲ್ಲಿ, ಟೀಂ ಇಂಡಿಯಾ ಬೌಲರ್ಗಳ ಮೇಲೆ ಸವಾರಿ ಮಾಡಿದ್ರು.
ಇಫ್ತಿಕಾರ್ ಅಹ್ಮದ್ ಕೂಡ ಪಾಕ್ ಮಿಡಲ್ ಆರ್ಡರ್ ಬ್ಯಾಟಿಂಗ್ನ ಪ್ರಬಲ ಅಸ್ತ್ರವಾಗಿದ್ದಾರೆ. 32 ವರ್ಷದ ಈ ಬ್ಯಾಟ್ಸ್ಮನ್, ಸಂದರ್ಭಕ್ಕೆ ತಕ್ಕಂತೆ ಬ್ಯಾಟ್ ಬೀಸೋದ್ರಲ್ಲಿ ಪಂಟರ್. T20 ವಿಶ್ವಕಪ್ನಲ್ಲಿ ಭಾರತದ ಬೌಲಿಂಗ್ ದಾಳಿಯನ್ನ ಸಮರ್ಥವಾಗಿ ಎದುರಿಸಿ, ಅರ್ಧಶತಕ ಸಿಡಿಸಿ ತಂಡಕ್ಕೆ ಆಸರೆಯಾಗಿದ್ರು.
ಶಾಹಿನ್ ಅಫ್ರಿದಿ ವಿರುದ್ಧ ಆಡೋದೆ ಬಿಗ್ ಚಾಲೆಂಜ್..!
ಶಾಹೀನ್ ಅಫ್ರಿದಿ..! ಈ ಎಡಗೈ ವೇಗಿ ಹೊಸ ಬಾಲ್ನೊಂದಿಗೆ ಎರಡೂ ಬದಿಯಲ್ಲಿ ಸ್ವಿಂಗ್ ಮಾಡೋ ಸಾಮರ್ಥ್ಯ ಹೊಂದಿದ್ದಾರೆ. ಇದರಿಂದ ನಮ್ಮ ಬಲಗೈ ಬ್ಯಾಟರ್ಸ್ಗೆ ಅಫ್ರಿದಿ ಬೌಲಿಂಗ್ನಲ್ಲಿ ಆಡೋದು ಬಿಗ್ ಚಾಲೆಂಜ್ ಆಗಲಿದೆ. ಈ ಹಿಂದೆ 2021ರ ಟಿ20 ವಿಶ್ವಕಪ್ ಪಂದ್ಯದಲ್ಲಿ ಶಾಹೀನ್, ಭಾರತದ ಟಾಪ್ ಆರ್ಡರ್ ಬ್ಯಾಟಿಂಗ್ನ ಡೆಮಾಲಿಶ್ ಮಾಡಿದ್ರು.
ಸೂಪರ್ ಫಾರ್ಮ್ನಲ್ಲಿ ಪಾಕ್ ಸ್ಪಿನ್ನರ್ಸ್..!
ಯೆಸ್, ಭಾರತೀಯ ಬ್ಯಾಟರ್ಸ್ ಸ್ಪಿನ್ ವಿರುದ್ಧ ಆಡಲು ಪರದಾಡ್ತಾರೆ. ಅದರಲ್ಲೂ ವಿರಾಟ್ ಕೊಹ್ಲಿ ಇತ್ತೀಚೆಗೆ ಸ್ಪಿನ್ನರ್ಸ್ಗೆ EASYಯಾಗಿ ವಿಕೆಟ್ ಒಪ್ಪಿಸ್ತಿದ್ದಾರೆ. ಪಾಕ್ ಸ್ಪಿನ್ನರ್ಸ್, ನೇಪಾಳ ವಿರುದ್ಧದ ಪಂದ್ಯದಲ್ಲಿ ಮೋಡಿ ಮಾಡಿದ್ರು. ಶದಾಬ್ ಖಾನ್ 4 ವಿಕೆಟ್ ಬೇಟೆಯಾಡಿದ್ರು.
ಒಟ್ಟಿನಲ್ಲಿ ಬಾಬರ್ ಪಡೆಗೆ ಮಣ್ಣುಮುಕ್ಕಿಸೋದು ರೋಹಿತ್ ಸೈನ್ಯಕ್ಕೆ ಅಷ್ಟು ಸುಲಭವಲ್ಲ. ಎಲ್ಲಾ ವಿಭಾಗಗಳಲ್ಲೂ ಅತ್ಯದ್ಭುತ ಪ್ರದರ್ಶನ ನೀಡಿದ್ರೆ ಮಾತ್ರ ಗೆಲುವು ದಕ್ಕಲಿದೆ. ಇಲ್ಲ ಅಂದ್ರೆ, ಮುಖಭಂಗ ಅನುಭವಿಸೋದು ಪಕ್ಕಾ.
ಮಹೇಶ್ ಗುರಣ್ಣನವರ್, ಸ್ಪೋರ್ಟ್ಸ್ ಬ್ಯುರೋ, ಏಷ್ಯಾನೆಟ್ ಸುವರ್ಣ ನ್ಯೂಸ್
