ಕುದೂರು(ಏ.04): ಹೋಂ ಕ್ವಾರಂಟೈನ್‌ನಲ್ಲಿ ಇರ​ಬೇ​ಕಾ​ಗಿದ್ದ ದೆಹಲಿ ಪ್ರವಾಸ ಮುಗಿಸಿ ಮರ​ಳಿ​ರುವ ವ್ಯಕ್ತಿ ಬೀದಿ​ಯಲ್ಲಿ ತಿರು​ಗಾ​ಡು​ತ್ತಿ​ದ್ದ ಕಾರಣ ಆತ​ನನ್ನು ಆಸ್ಪ​ತ್ರೆಗೆ ದಾಖ​ಲಿ​ಸಿ​ರುವ ಘಟನೆ ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ಕುದೂರು ಗ್ರಾಮದಲ್ಲಿ ನಡೆ​ದಿದೆ.

ಕುದೂರು ಗ್ರಾಮದ ವಸಂತ್‌ ಅವ​ರ ಕೈಗೆ ಸೀಲ್‌ ಹಾಕಿ ಹೋಂ ಕ್ವಾರಂಟೈನ್‌ನಲ್ಲಿ ಇರು​ವಂತೆ ಆರೋಗ್ಯ ಇಲಾಖೆ ಅಧಿ​ಕಾ​ರಿ​ಗಳು ಸೂಚನೆ ನೀಡಿ​ದ್ದರು. ಇದನ್ನು ಉಲ್ಲಂಘಿಸಿ ವಸಂತ್‌ ಕುದೂ​ರಿನ ಬೀದಿ​ಗ​ಳಲ್ಲಿ ತಿರು​ಗಾ​ಡು​ತ್ತಿ​ದ್ದರು. ಈ ಬಗ್ಗೆ ಸ್ಥಳೀ​ಯರು ಪೊಲೀ​ಸ​ರಿಗೆ ದೂರು ನೀಡಿ​ದ್ದಾರೆ. ಹೋಂ ಕ್ವಾರಂಟೈನ್‌ನಲ್ಲಿರಬೇಕಾದ ವ್ಯಕ್ತಿ ಹೊರಗಡೆ ತಿರುಗಾಡುತ್ತಿದ್ದರಿಂದ ಸ್ಥಳೀಯರು ಆತಂಕಕ್ಕೊಳಗಾಗಿದ್ದರು. 

ಕರ್ನಾಟಕ ಸೇರಿ 14 ರಾಜ್ಯದಲ್ಲಿ ಜಮಾತ್ ಸೋಂಕು, ಕೇಂದ್ರ ಬಿಚ್ಚಿಟ್ಟ ಶಾಕಿಂಗ್ ವಿಷಯ

ಪೊಲೀ​ಸರ ಎಚ್ಚ​ರಿ​ಕೆಗೂ ಬಗ್ಗದ ವಸಂತ್‌ ಬೀದಿ​ಗ​ಳಲ್ಲಿ ಸುತ್ತಾ​ಡು​ವು​ದನ್ನು ನಿಲ್ಲಿ​ಸಿ​ರ​ಲಿಲ್ಲ. ಈ ಹಿನ್ನೆ​ಲೆ​ಯಲ್ಲಿ ಜಿಲ್ಲಾ​ಧಿ​ಕಾರಿಗಳ ಸೂಚನೆ ಮೇರೆಗೆ ಆರೋಗ್ಯ ಇಲಾಖೆ ಅಧಿ​ಕಾ​ರಿ​ಗಳು ಹಾಗೂ ಪೊಲೀಸರು ವಸಂತ್‌ ನನ್ನು ಕೊರೋನಾ ಚಿಕಿ​ತ್ಸೆ​ಗಾಗಿ ಆಸ್ಪ​ತ್ರೆ​ಯ​ನ್ನಾಗಿ ಸಿದ್ದ ಪಡಿ​ಸಿ​ರುವ ಮಾಗಡಿ ಬಳಿಯ ಹುಲಿ​ಕಟ್ಟೆ ಮೊರಾರ್ಜಿ ದೇಸಾಯಿ ವಸತಿ ಶಾಲೆಯಲ್ಲಿ ದಾಖ​ಲಿ​ಸಿ​ದ್ದಾ​ರೆ.