ಔಷಧ ಕಂಪನಿ 5 ನೌಕರರಿಗೆ ಸೋಂಕು: ಮೈಸೂರಲ್ಲಿ 1000 ಜನಕ್ಕೆ ವೈರಸ್ ಭೀತಿ!
ಮೈಸೂರಲ್ಲಿ 1000 ಜನಕ್ಕೆ ವೈರಸ್ ಭೀತಿ!| ನಿನ್ನೆ ನಂಜನಗೂಡು ಔಷಧ ಕಂಪನಿಯ 5 ನೌಕರರಿಗೆ ಸೋಂಕು| ಕ್ವಾರಂಟೈನಲ್ಲಿದ್ದಾರೆ ಈ ಕಂಪನಿಯ 1000ಕ್ಕೂ ಹೆಚ್ಚು ನೌಕರರು
ಮೈಸೂರು(ಮಾ.29): ಜಿಲ್ಲೆಯ ನಂಜನಗೂಡಿನ ಜುಬಿಲೆಂಟ್ ಔಷಧ ಕಂಪನಿಯ ಐವರು ನೌಕರರಿಗೆ ಶನಿವಾರ ರಾತ್ರಿ ಸೋಂಕು ತಗುಲಿರುವುದು ದೃಢಪಟ್ಟಿದೆ.
ಇದಕ್ಕೂ ಮೊದಲು ವಿದೇಶ ಪ್ರಯಾಣ ಮಾಡದಿದ್ದರೂ, ಅನಾಮಿಕರಿಂದ ಈ ಕಂಪನಿಯ ಉದ್ಯೋಗಿಯೊಬ್ಬರಿಗೆ ಸೋಂಕು ತಗುಲಿತ್ತು. ಇದು ರಾಜ್ಯದಲ್ಲಿ ಕೊರೋನಾ 3ನೇ ಹಂತದ ಮೊದಲ ಪ್ರಕರಣವಾಗಿತ್ತು.
ಬಳಿಕ ಕಂಪನಿಯ 1000 ನೌಕರರನ್ನು ಪ್ರತ್ಯೇಕವಾಗಿರಿಸಲಾಗಿತ್ತು. ಈ ಪೈಕಿ ಇದೀಗ 5 ಮಂದಿಗೆ ಸೋಂಕು ಖಚಿತವಾಗಿದ್ದು, ಇನ್ನಷ್ಟುಮಂದಿಗೆ ಹಬ್ಬಿರುವ ಆತಂಕ ಮೂಡಿದೆ.
ರಾಜ್ಯದಲ್ಲಿ ನಿನ್ನೆ 13 ಜನಕ್ಕೆ ಸೋಂಕು
ಸೋಂಕಿತರ ಒಟ್ಟು ಸಂಖ್ಯೆ: 82
ದೇಶದಲ್ಲಿ ನಿನ್ನೆ 179 ಮಂದಿಗೆ ವೈರಸ್
ಸೋಂಕಿತರು 1000 ಸನಿಹಕ್ಕೆ
ನಿನ್ನೆ 4 ಸಾವು, ಒಟ್ಟು 21ಕ್ಕೇರಿಕೆ