ಮುಂಬೈ ಡ್ರಗ್ಸ್ ಕೇಸ್‌ನಲ್ಲಿ ಶಾರೂಖ್ ಖಾನ್ ಮಗ ಆರ್ಯನ್ ಅರೆಸ್ಟ್
- ಬಾಲಿವುಡ್ ಕಿಂಗ್ ಖಾನ್ ಪುತ್ರ ಅರೆಸ್ಟ್
- ಐಷರಾಮಿ ಹಡಗಿನಲ್ಲಿ ರೇವ್ ಪಾರ್ಟಿ
- ಎನ್‌ಸಿಬಿ ದಾಳಿಯಲ್ಲಿ ಸಿಕ್ಕಿಬಿದ್ದ ಶಾರೂಖ್-ಗೌರಿ ಮಗ
ಮುಂಬೈನಲ್ಲಿ ಐಷರಾಮಿ ಹಡಗಿನಲ್ಲಿ ನಡೆಯುತ್ತಿದ್ದ ರೇವ್ ಪಾರ್ಟಿ ಮೇಲೆ ದಾಳಿ ಮಾಡಿದ್ದ ಎನ್‌ಸಿಬಿ ಈಗ ಬಾಲಿವುಡ್ ನಟ ಶಾರೂಖ್ ಖಾನ್ ಅವರ ಪುತ್ರ ಆರ್ಯನ್ ಖಾನ್‌ನನ್ನು ಬಂಧಿಸಿದೆ. ಮುಂಬೈ ಕರಾವಳಿಯಲ್ಲಿ ಹಡಗಿನಲ್ಲಿ ನಡೆಯುತ್ತಿದ್ದ ರೇವ್ ಪಾರ್ಟಿಗೆ ಎನ್‌ಸಿಬಿ ಅಧಿಕಾರಿಗಳು ದಾಳಿ ನಡೆಸಿದ್ದು ಮಾದಕ ವಸ್ತುಗಳನ್ನು ವಶಪಡಿಸಿಕೊಂಡಿದ್ದಾರೆ. ಹಾಗೆಯೇ ಶಾರೂಖ್ ಪುತ್ರ ಸೇರಿದಂತೆ 10ಜನರನ್ನು ವಶಕ್ಕೆ ಪಡೆದಿದ್ದರು.
ವಿಚಾರಣೆಯ ನಂತರ ಇದೀಗ ಆರ್ಯನ್ ಖಾನ್‌ನನ್ನು ಎನ್‌ಸಿಬಿ ಪೊಲೀಸರು ಬಂಧಿಸಿದ್ದಾರೆ. ಮಗ ಡ್ರಗ್ಸ್ ಕೇಸ್‌ನಲ್ಲಿ ಸಿಕ್ಕಿ ಹಾಕಿಕೊಂಡಿದ್ದ ಶಾರೂಖ್ ತಮ್ಮ ಮನೆಯಿಂದ ಎನ್‌ಸಿಬಿ ಕಚೇರಿಗೆ ಹೊರಟಿದ್ದಾರೆ. ಆರ್ಯನ್ ಎನ್‌ಸಿಬಿ ಕಚೇರಿಯಲ್ಲಿದ್ದ ಫೋಟೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್(Viral) ಆಗಿತ್ತು.
ಐಷರಾಮಿ ಹಡಗಿನಲ್ಲಿ ಡ್ರಗ್ಸ್ ರೇವ್ ಪಾರ್ಟಿ: ಶಾರೂಖ್ ಮಗನ ವಿಚಾರಣೆ
ಬಾಲಿವುಡ್ ನಟ ಶಾರುಖ್ ಖಾನ್ ಅವರ ಪುತ್ರ ಆರ್ಯನ್(Aryan Khan) ಖಾನ್ ಅವರನ್ನು ವೈದ್ಯಕೀಯ ಪರೀಕ್ಷೆಗಾಗಿ ಮುಂಬೈನ ಜೆಜೆ ಆಸ್ಪತ್ರೆಗೆ ಕರೆದೊಯ್ಯಲಾಗಿತ್ತು. ಮುಂಬೈನಲ್ಲಿ ಕ್ರೂಸ್ ಹಡಗಿನಲ್ಲಿ ಶನಿವಾರ ರಾತ್ರಿ ನಾರ್ಕೋಟಿಕ್ಸ್ ಕಂಟ್ರೋಲ್ ಬ್ಯೂರೋ (NCB) ರೇವ್ ಪಾರ್ಟಿಯನ್ನು ನಡೆಸಿದ ನಂತರ ಆರ್ಯನ್ ಖಾನ್ ಮತ್ತು ಇತರ ಏಳು ಮಂದಿಯನ್ನು ಮಾದಕ ದ್ರವ್ಯ ಮತ್ತು ಸೈಕೋಟ್ರೋಪಿಕ್ ವಸ್ತುಗಳ (NDPS) ಕಾಯ್ದೆಯಡಿ ಬಂಧಿಸಲಾಗಿದೆ. ಆರ್ಯನ್ ಗೆಳೆಯ ಅರ್ಬಾಝ್ ಮರ್ಚೆಂಟ್‌ನನ್ನು ಕೂಡಾ ವಿಚಾರಣೆ ಮಾಡಲಾಗಿದೆ.
ಪಾಪ್ಪರಾಜಿಗಳು ಸದ್ಯ ಎನ್‌ಸಿಬಿ ಕಚೇರಿಯ ಹಿಂದೆ ಮುಂದೆ ಸುತ್ತುತ್ತಿದ್ದ ಆರ್ಯನ್ ಖಾನ್ ಫೋಟೋ ಹಾಗೂ ವಿಡಿಯೋಗಳು ಎಲ್ಲೆಡೆ ವೈರಲ್ ಆಗುತ್ತಿವೆ. ಆರ್ಯನ್ ಖಾನ್ ಮಾತ್ರವಲ್ಲದೆ ಮುನ್‌ಮುನ್ ಧಮೇಚ ಸೇರಿ ಒಟ್ಟು ಮೂವರನ್ನು ಎನ್‌ಸಿಬಿ ಬಂಧಿಸಿದೆ. NCB ಮೂಲಗಳು ಆರ್ಯನ್ ಖಾನ್ ಅವರ ಫೋನನ್ನು ವಶಪಡಿಸಿಕೊಂಡಿದ್ದು ಸ್ಕ್ಯಾನ್ ಮಾಡಿದ್ದಾರೆ ಎಂದು ಹೇಳಲಾಗಿದೆ. ಈ ಮೂಲಕ ಅಧಿಕಾರಿಗಳು ಮಾದಕ ದ್ರವ್ಯಗಳ ಬಳಕೆಯಲ್ಲಿ ಅಥವಾ ಬಳಕೆಯಲ್ಲಿ ತೊಡಗಿಸಿಕೊಂಡಿದ್ದಾರೆಯೇ ಎಂದು ಪರಿಶೀಲಿಸಿದ್ದಾರೆ.
ಗೌರಿ ಖಾನ್ ಶೇರ್‌ ಮಾಡಿರುವ ಮಕ್ಕಳ ಕ್ಯೂಟ್‌ ಫೋಟೋ ವೈರಲ್!
ಕ್ರೂಸ್ ಪಾರ್ಟಿಯನ್ನು ಯೋಜಿಸಿದ ಆರು ಸಂಘಟಕರನ್ನು ಕೂಡ ಎನ್‌ಸಿಬಿ ಕರೆಸಿಕೊಂಡಿದೆ. ಎಫ್‌ಟಿವಿ ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕ ಕಾಶಿಫ್ ಖಾನ್ ಮೇಲೆ ಕೂಡಾ ನಿಗಾ ಇರಿಸಲಾಗಿದೆ. ಕಾಶಿಫ್ ಖಾನ್ ಅವರ ಮೇಲ್ವಿಚಾರಣೆಯಲ್ಲಿ ಈ ಕಾರ್ಯಕ್ರಮವನ್ನು ಆಯೋಜಿಸಲಾಗಿತ್ತು.
ಕ್ರೂಸ್ ಹಡಗು ಪಾರ್ಟಿಗೆ ಔಷಧಿಗಳನ್ನು ಪೂರೈಸಿದ ಡ್ರಗ್ ಪೆಡ್ಲರ್ ಅನ್ನು ಹಿಡಿಯಲು ಎನ್‌ಸಿಬಿಯ ತಂಡವನ್ನು ಕಳುಹಿಸಲಾಗಿದೆ. ವಶಕ್ಕೆ ಪಡೆದವರ ವಿಚಾರಣೆ ವೇಳೆ ಡ್ರಗ್ ಪೇಡ್ಲರ್ ಹೆಸರು ಬೆಳಕಿಗೆ ಬಂದಿದೆ. NCB ಅಧಿಕಾರಿಗಳು ಕೂಡ ಗೋಪಾಲ್ ಆನಂದ್ ಎಂಬ ವ್ಯಕ್ತಿಯನ್ನು ಹುಡುಕುತ್ತಿದ್ದಾರೆ
ಎಕ್‌ಸ್ಟಸಿ, ಕೊಕೇನ್, ಮೆಫೆಡ್ರೋನ್ ಮತ್ತು ಚರಸ್‌ನಂತಹ ಮಾದಕವಸ್ತುಗಳನ್ನು ಕ್ರೂಸ್‌ನಿಂದ ವಶಪಡಿಸಿಕೊಳ್ಳಲಾಗಿದೆ. ಪ್ರಕರಣವನ್ನು ದಾಖಲಿಸಲಾಗಿದೆ ಎಂದು ಎನ್‌ಸಿಬಿ ಹೇಳಿಕೆಯಲ್ಲಿ ತಿಳಿಸಿದೆ. ಇಬ್ಬರು ಮಹಿಳೆಯರು ಸೇರಿದಂತೆ ಎಂಟು ಜನರನ್ನು ಬಂಧಿಸಲಾಗಿದೆ. ಪ್ರಕರಣದಲ್ಲಿ ಅವರ ಕಾರ್ಯವನ್ನು ತನಿಖೆ ಮಾಡಲಾಗುತ್ತಿದೆ ಎಂದು ಸಂಸ್ಥೆ ಹೇಳಿದೆ.
