Google ಮ್ಯಾಪ್ ಯಡವಟ್ಟು; ಕಾಲುವೆಗೆ ಬಿದ್ದ ಕಾರು
ಕೇರಳದ ಕೊಟ್ಟಾಯಂ ಸಮೀಪದ ಪರಚಲ್ ಎಂಬಲ್ಲಿ ಗೂಗಲ್ ಮ್ಯಾಪ್‌ನ ಮಾರ್ಗ ಅನುಸರಿಸಿ ಚಲಾಯಿಸಿದ ಕಾರು ಕಾಲುವೆಗೆ ಬಿದ್ದಿದ್ದು, ಅದರಲ್ಲಿದ್ದ ನಾಲ್ಕು ಕುಟುಂಬ ಸದಸ್ಯರು ಪವಾಡ ಸದೃಶ ರೀತಿಯಲ್ಲಿ ಪಾರಾಗಿದ್ದಾರೆ.
 )
Followಗೂಗಲ್ ಮ್ಯಾಪ್(Google Map) ನೋಡಿಕೊಂಡು ವಾಹನ ಚಲಾಯಿಸಿ ಯಡವಟ್ಟು ಮಾಡಿಕೊಂಡ ಉದಾಹರಣೆಗಳು ಸಾಕಷ್ಟಿವೆ. ಅದೇ ರೀತಿ ಕೇರಳದ ಕೊಟ್ಟಾಯಂ ಸಮೀಪದ ಪರಚಲ್ ಎಂಬಲ್ಲಿ ಗೂಗಲ್ ಮ್ಯಾಪ್‌ನ ಮಾರ್ಗ ಅನುಸರಿಸಿ ಚಲಾಯಿಸಿದ ಕಾರು (car) ಕಾಲುವೆಗೆ ಬಿದ್ದಿದ್ದು, ಅದರಲ್ಲಿದ್ದ ನಾಲ್ಕು ಕುಟುಂಬ ಸದಸ್ಯರು ಪವಾಡ ಸದೃಶ ರೀತಿಯಲ್ಲಿ ಪಾರಾಗಿದ್ದಾರೆ. ಘಟನೆ ನಡೆದಾಗ ವೈದ್ಯರು ತಮ್ಮ ಕುಟುಂಬ ಸಮೇತ ಕಾರನ್ನು ಚಲಾಯಿಸುತ್ತಿದ್ದರು. ಕಾರಿನಲ್ಲಿ ಡಾ.ಸೋನಿಯಾ ತನ್ನ ಮೂರು ತಿಂಗಳ ಮಗಳು, ತಾಯಿ ಸೋಸಮ್ಮ ಮತ್ತು ಸಂಬಂಧಿ ಅನೀಶ್ ಜೊತೆಗಿದ್ದರು. ಗುರುವಾರ ರಾತ್ರಿ 10.30ರ ಸುಮಾರಿಗೆ ಈ ಘಟನೆ ನಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ವೈದ್ಯರು ಮತ್ತು ಕುಟುಂಬ ಸದಸ್ಯರು ಎರ್ನಾಕುಲಂನಿಂದ ಕುಂಬನಾಡ್ಗೆ ಹಿಂತಿರುಗುತ್ತಿದ್ದರು. ಅವರು ಗೂಗಲ್ ನಕ್ಷೆಗಳು ತೋರಿಸಿದ ಮಾರ್ಗವನ್ನು ಅನುಸರಿಸುತ್ತಿದ್ದರು.
ಆದರೆ, ತಿರುವಾತುಕ್ಕಲ್ ಮತ್ತು ನಟ್ಟಕೋಮ್ ಸಿಮೆಂಟ್ ಜಂಕ್ಷನ್ ಬೈಪಾಸ್ (Bypass) ನಡುವೆ ಇದ್ದಾಗ ಹಾದಿ ತಪ್ಪಿದಾಗ. ವಾಹನವು ಪರಚಲ್ನಲ್ಲಿ ಜಲಾವೃತ ಪ್ರದೇಶಕ್ಕೆ ನುಗ್ಗಿತು. ನಂತರ ಹೊಳೆಯ ಪ್ರವಾಹಕ್ಕೆ ಸಿಲುಕಿ ಮುಂದೆ ಸಾಗಿತು. ಆಗ ಕಾರಿನಲ್ಲಿದ್ದ ಪ್ರಯಾಣಿಕರು, ಸಹಾಯಕ್ಕಾಗಿ ಮೊರೆ ಇಟ್ಟಿದ್ದರು.ನಂತರ, ಕಾಲುವೆಯಲ್ಲಿ ಕಾರು ತೇಲುತ್ತಿರುವುದನ್ನು ಗಮನಿಸಿದ ಸ್ಥಳೀಯರು ಕಾರ್ಯಪ್ರವೃತ್ತರಾಗಿ 300 ಮೀಟರ್ ಹಗ್ಗದ ನೆರವಿನಿಂದ ಮುಳುಗುತ್ತಿದ್ದ ಕಾರು ಮತ್ತು ವಾಹನದಲ್ಲಿದ್ದ ಎಲ್ಲ ಪ್ರಯಾಣಿಕರನ್ನು ರಕ್ಷಿಸಿದ್ದಾರೆ. ವಾಹನದ ಮುಂಭಾಗ ಸಂಪೂರ್ಣ ನೀರಿನಲ್ಲಿ ಮುಳುಗಿತ್ತು. ಆದರೆ, ಸ್ಥಳೀಯರು ನೀರಿನಲ್ಲಿ ಮುಳುಗಿ ಪ್ರಯಾಣಿಕರನ್ನು ರಕ್ಷಿಸಿ ದಡಕ್ಕೆ ಕರೆತಂದಿದ್ದಾರೆ.
Headless Man ತಲೆ ಇಲ್ಲ, ಕೈಕಾಲಿಲ್ಲ, ಹಜ್ಮತ್ ಸ್ಯೂಟ್‌ನಲ್ಲಿ ನಡೆದಾಡುವ ಮನುಷ್ಯ ಗೂಗಲ್ ಮ್ಯಾಪ್‌ನಲ್ಲಿ ಪತ್ತೆ!
ಕಳೆದ ವರ್ಷ ಕೂಡ ಓರ್ವ ವ್ಯಕ್ತಿ ಗೂಗಲ್ ಮ್ಯಾಪ್ಸ್ ಅನುಸರಿಸಿ ನೀರಿನಲ್ಲಿ ಮುಳುಗಿ ಸಾವನ್ನಪ್ಪಿದ್ದರು. 34 ವರ್ಷದ ಮೃತ ಸತೀಶ್ ಘುಲೆ ಅವರು ಅಹಮದ್ನಗರದ ಅಕೋಲೆ ಪಟ್ಟಣದಲ್ಲಿ ಗೂಗಲ್ ಮ್ಯಾಪ್ಗಳನ್ನು ಅನುಸರಿಸುತ್ತಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ. ತಡರಾತ್ರಿ 1.45ರ ಸುಮಾರಿಗೆ ಈ ಘಟನೆ ನಡೆದಿದೆ. ಕಾರಿನ ಚಾಲಕನಿಗೆ ಮಾರ್ಗ ತಿಳಿಯದ ಕಾರಣ ಆತ ಗೂಗಲ್ ಮ್ಯಾಪ್ ಆನ್ ಮಾಡಿದ್ದಾರೆ. ಆಗ ಪಿಂಪಲ್ಗಾಂವ್ ಅಣೆಕಟ್ಟಿನಿಂದ ನೀರನ್ನು ಬಿಡುಗಡೆ ಮಾಡಿದ ನಂತರ ಸುಮಾರು 4 ತಿಂಗಳ ಕಾಲ ಅಲ್ಲಿನ ಸೇತುವೆಯ ಸಂಚಾರವನ್ನು ನಿರ್ಬಂಧಿಸಿದ್ದರು. ಆದರೆ, ಗೂಗಲ್ ನಕ್ಷೆಗಳಲ್ಲಿ ಆ ಮಾಹಿತಿಯನ್ನು ನವೀಕರಿಸಲಾರಗಿಲ್ಲ. ಆದ್ದರಿಂದ ನಕ್ಷೆಗಳಲ್ಲಿ ಯಾವುದೇ ಎಚ್ಚರಿಕೆ ಇರಲಿಲ್ಲ. ಅಲ್ಲದೆ, ಸೇತುವೆಯ ಮುಂದೆ ಸಾರ್ವಜನಿಕರಿಗೆ ಎಚ್ಚರಿಕೆ ನೀಡಲು ಪಿಡಬ್ಲ್ಯುಡಿ ಇಲಾಖೆ ಯಾವುದೇ ಸೂಚನೆ ಅಥವಾ ಎಚ್ಚರಿಕೆಯನ್ನು ಹಾಕಿರಲ್ಲ. ನಾಲ್ಕು ತಿಂಗಳಿಂದ ಸೇತುವೆ ಮುಳುಗಡೆಯಾಗುತ್ತಿರುವ ಬಗ್ಗೆ ಸ್ಥಳೀಯರಿಗೆ ಮಾಹಿತಿ ಇರುವುದರಿಂದ ಅವರು ಸೇತುವೆಯನ್ನು ಬಳಸುತ್ತಿರಲ್ಲ. ಆದರೆ ಇತರರಿಗೆ ಅಂತಹ ಯಾವುದೇ ಮಾಹಿತಿ ಇರಲಿಲ್ಲ. ಸಾಮಾನ್ಯವಗಿ ಮಳೆಗಾಲದಲ್ಲಿ ನೀರಿನ ಮಟ್ಟ ಹೆಚ್ಚಾಗುವುದರಿಂದ ಸೇತುವೆ ಮುಚ್ಚಿರುತ್ತದೆ. ಇದನ್ನು ತಿಳಿಯದ ಚಾಲಕ ಅಲ್ಲಿನ ಕಾರು ಚಾಲಿಯಿಸಿ ನೀರಿನಲ್ಲಿ ಮುಳುಗಿ ಸಾವನ್ನಪ್ಪಿದ್ದರು.
ಇನ್ನೊಂದು ಘಟನೆಯಲ್ಲಿ, ಟಾಟಾ ಹ್ಯಾರಿಯರ್ನ ಚಲಾಯಿಸುತ್ತಿದ್ದ ವ್ಯಕ್ತಿಯೋರ್ವರು ಗೂಗಲ್ ನಕ್ಷೆಗಳನ್ನು ಅನುಸರಿಸಿದ ನಂತರ ಕಾಡಿನಲ್ಲಿ ಸಿಲುಕಿಕೊಂಡರು. ಅವರು ನ್ಯಾವಿಗೇಷನ್ಗಾಗಿ ಗೂಗಲ್ ನಕ್ಷೆಗಳ ಸಹಾಯವನ್ನು ಪಡೆದು, ಬೆಳಿಗ್ಗೆ 9 ಗಂಟೆಗೆ ಪುಣೆಯಿಂದ ಪ್ರಾರಂಭಿಸಿದ್ದರು. ಅವರು ಆ ರಾತ್ರಿ ನಾಗ್ಪುರದಲ್ಲಿ ಕಳೆಯಲು ಯೋಜಿಸಿದ್ದರು. ಆದರೆ, ಗೂಗಲ್ ಮ್ಯಾಪ್ ಅಮರಾವತಿ ಬಳಿಯ ಮುಖ್ಯ ರಸ್ತೆಯಿಂದ ತಿರುವು ಹೊಂದಿರುವ ಮಾರ್ಗವನ್ನು ತೋರಿಸಿದೆ. ಅಷ್ಟೊತ್ತಿಗಾಗಲೇ 14 ಗಂಟೆ ವಾಹನ ಚಲಾಯಿಸಿದ್ದ ಅವರು ಹೆಚ್ಚು ಯೋಚಿಸದೆ ಪರ್ಯಾಯ ಮಾರ್ಗವನ್ನು ಅನುಸರಿಸಿದರು. ಆದರೆ, ಆಗಲೇ ಕತ್ತಲೆಯಾಗಿದ್ದು, ಕಿರಿದಾದ ಮಾರ್ಗವು ಉತ್ತಮ ಸ್ಥಿತಿಯಲ್ಲಿರಲಿಲ್ಲ. ಆದರೂ, ಅವರು ಗೂಗಲ್ ನಕ್ಷೆಗಳಲ್ಲಿ ನಂಬಿಕೆಯನ್ನು ಇಟ್ಟುಕೊಂಡು ಮುಂದೆ ಹೋದರು. ಒಂದು ಗಂಟೆಯಲ್ಲಿ ಸುಮಾರು 20 ಕಿಮೀ ಕ್ರಮಿಸಿದ ನಂತರ, ಅವರು ಮುರಿದ ಸೇತುವೆಯನ್ನು ಹೊಂದಿರುವ ಸಣ್ಣ ನದಿಯ ತೊರೆಯನ್ನು ತಲುಪಿದರು. ಸೇತುವೆಯು ಹಾನಿಗೊಳಗಾಗಿದ್ದು, ಸಂಚಾರಕ್ಕೆ ಯೋಗ್ಯವಾಗಿರಲಿಲ್ಲ. ಆದ್ದರಿಂದ ಅವರು ಸೇತುವೆಯ ಎಡಭಾಗದಲ್ಲಿ ಒಂದು ಮಾರ್ಗವನ್ನು ಕಂಡುಕೊಂಡು ಸೇತುವೆಯನ್ನು ದಾಟಿ ಹರಸಾಹಸಪಟ್ಟು ಸುರಕ್ಷಿತವಾಗಿ ಗುರಿ ತಲುಪಿದೆ.
ಗೂಗಲ್ ಮ್ಯಾಪ್ಸ್ ಜಬರ್ದಸ್ತ್ ಫೀಚರ್‌ ಶೀಘ್ರದಲ್ಲೇ ಬಿಡುಗಡೆ: ಪ್ರಯಾಣಕ್ಕೂ ಮುನ್ನವೇ ಟೋಲ್ ಶುಲ್ಕ ಮಾಹಿತಿ!
