Xiaomi ಬಳಿ 5,551 ಕೋಟಿ ವಶಪಡಿಸಿಕೊಂಡ ED: ವಿದೇಶಿ ವಿನಿಮಯ ಪ್ರಾಧಿಕಾರ ಸ್ಪಷ್ಟನೆ
ಶಿಯೋಮಿ ದೇಶದಿಂದ ಹೊರಕ್ಕೆ ಹಣವನ್ನು ಅಕ್ರಮವಾಗಿ ವರ್ಗಾಯಿಸುತ್ತಿದ್ದ ಆರೋಪದ ಹಿನ್ನೆಲೆಯಲ್ಲಿ ವಿದೇಶಿ ವಿನಿಮಯ ನಿರ್ವಹಣಾ ಕಾಯ್ದೆ ಅಡಿಯಲ್ಲಿ ಇ.ಡಿ. ಶಿಯೋಮಿ ಬಳಿಯಿದ್ದ ನಿಧಿಯನ್ನು ವಶಪಡಿಸಿಕೊಂಡಿದೆ ಎಂದು ಪ್ರಾಧಿಕಾರ ಸ್ಪಷ್ಟಪಡಿಸಿದೆ.
ನವದೆಹಲಿ: ಅಕ್ರಮವಾಗಿ ಹೊರದೇಶಗಳಿಗೆ ಹಣವನ್ನು ವರ್ಗಾಯಿಸುತ್ತಿರುವ ಆರೋಪದ ಹಿನ್ನೆಲೆಯಲ್ಲಿ ಏಪ್ರಿಲ್‌ನಲ್ಲಿ ಚೀನಾದ ಮೊಬೈಲ್ ಉತ್ಪಾದನಾ ಕಂಪನಿ ಶಿಯೋಮಿ (Xiaomi) ಬಳಿಯಿಂದ 5,551 ಕೋಟಿ ರೂ. ಅನ್ನು ಜಾರಿ ನಿರ್ದೇಶನಾಲಯ (Enforcement Directorate) (ಇ.ಡಿ) ವಶಪಡಿಸಿಕೊಂಡಿತ್ತು. ಇದು ತಾನು ಅನುಮೋದನೆ ಮಾಡಿದ ಬಂಡವಾಳದ ದೇಶದ ಈವರೆಗಿನ ಅತಿದೊಡ್ಡ ಮುಟ್ಟುಗೋಲು ಎನಿಸಿಕೊಂಡಿದೆ ಎಂದು ಭಾರತದ ವಿದೇಶಿ ವಿನಿಮಯ ಪ್ರಾಧಿಕಾರ ಶುಕ್ರವಾರ ತಿಳಿಸಿದೆ. ಅಕ್ರಮವಾಗಿ ಶಿಯೋಮಿ ದೇಶದಿಂದ ಹೊರಕ್ಕೆ ಹಣವನ್ನು ವರ್ಗಾಯಿಸುತ್ತಿದ್ದ ಆರೋಪದ ಹಿನ್ನೆಲೆಯಲ್ಲಿ ವಿದೇಶಿ ವಿನಿಮಯ ನಿರ್ವಹಣಾ ಕಾಯ್ದೆ ಅಡಿಯಲ್ಲಿ ಇ.ಡಿ. ಶಿಯೋಮಿ ಬಳಿಯಿದ್ದ ನಿಧಿಯನ್ನು ವಶಪಡಿಸಿಕೊಂಡಿದೆ ಎಂದು ಪ್ರಾಧಿಕಾರ ಸ್ಪಷ್ಟಪಡಿಸಿದೆ. 2014 ರಿಂದ ಶಿಯೋಮಿ ಭಾರತದಲ್ಲಿ ಕಾರ್ಯಾರಂಭ ಮಾಡಿದ್ದು, ಅದರ ಮಾರನೇ ವರ್ಷವೇ ಅಕ್ರಮ ಹಣ ವರ್ಗಾವಣೆ ಆರಂಭಿಸಿತ್ತು.
ವಿದೇಶಿ ವಿನಿಮಯ ನಿರ್ವಹಣಾ ಕಾಯಿದೆ (FEMA) ಅಡಿಯಲ್ಲಿ ಸಕ್ಷಮ ಪ್ರಾಧಿಕಾರವು ಚೀನಾದ ಮೊಬೈಲ್ ಫೋನ್ ತಯಾರಕ Xiaomi ಯ 5,551 ಕೋಟಿ ರೂ ಮೌಲ್ಯದ ಠೇವಣಿಗಳನ್ನು ವಶಪಡಿಸಿಕೊಳ್ಳುವ ಆದೇಶವನ್ನು ಅನುಮೋದಿಸಿದೆ. ಇದು ಭಾರತದಲ್ಲಿ ಇಲ್ಲಿಯವರೆಗೆ ಫ್ರೀಜ್ ಮಾಡಲಾದ ಅತ್ಯಧಿಕ ಮೊತ್ತವಾಗಿದೆ ಎಂದು ಜಾರಿ ನಿರ್ದೇಶನಾಲಯ ಶುಕ್ರವಾರ ತಿಳಿಸಿದೆ.
ಇದನ್ನು ಓದಿ: Xiaomi Assets Seized 10 ಕೋಟಿ ದೇಣಿಗೆ ಪಡೆಯುವಾಗ ಯಾವ ನಿಯಮ ಇರ್ಲಿಲ್ವೇ? ಟಿಎಂಸಿ ಪ್ರಶ್ನೆ!
ಒಂದು Xiaomi ಗ್ರೂಪ್ ಕಂಪನಿ ಮತ್ತು ಎರಡು US-ಆಧಾರಿತ ಸಂಬಂಧವಿಲ್ಲದ ಘಟಕಗಳು ಸೇರಿ 3 ಘಟಕಗಳಿಗೆ 5,551.27 ಕೋಟಿ ರೂಪಾಯಿಗಳಿಗೆ ಸಮಾನವಾದ ವಿದೇಶಿ ಕರೆನ್ಸಿಯನ್ನು ರಾಯಧನ ಎಂದು ಹೇಳಿಕೊಂಡು ರವಾನೆ ಮಾಡಿದ್ದಕ್ಕಾಗಿ ಚೀನಾದ ಜನಪ್ರಿಯ ಫೋನ್ ತಯಾರಕರ ಮೇಲೆ ಸಂಸ್ಥೆ ಆರೋಪ ಹೊರಿಸಿದೆ. ಜಾರಿ ನಿರ್ದೇಶನಾಲಯವು (ED) ಮೊದಲು ಈ ಬ್ಯಾಂಕ್ ಠೇವಣಿಗಳನ್ನು ಫೆಮಾ ಅಡಿಯಲ್ಲಿ ಏಪ್ರಿಲ್ 29 ರಂದು ವಶಪಡಿಸಿಕೊಳ್ಳುವ ಆದೇಶವನ್ನು ಹೊರಡಿಸಿತ್ತು ಮತ್ತು ನಂತರ ಅದನ್ನು ದೇಶದಲ್ಲಿ ವಿದೇಶಿ ವಿನಿಮಯ ಉಲ್ಲಂಘನೆಯನ್ನು ನಿಯಂತ್ರಿಸುವ ಕಾನೂನಿನ ಅಡಿಯಲ್ಲಿ ಅಗತ್ಯವಿರುವಂತೆ ಸಕ್ಷಮ ಪ್ರಾಧಿಕಾರದ ಅನುಮೋದನೆಗೆ ಕಳಿಸಿತು.
"FEMA ದ ಸೆಕ್ಷನ್ 37A ಅಡಿಯಲ್ಲಿ ನೇಮಕಗೊಂಡಿರುವ ಸಕ್ಷಮ ಪ್ರಾಧಿಕಾರವು FEMA ನಿಬಂಧನೆಗಳ ಅಡಿಯಲ್ಲಿ Xiaomi ಟೆಕ್ನಾಲಜಿ ಇಂಡಿಯಾ ಪ್ರೈವೇಟ್ ಲಿಮಿಟೆಡ್ ವಿರುದ್ಧ ಜಾರಿ ನಿರ್ದೇಶನಾಲಯವು ಜಾರಿಗೊಳಿಸಿದ 5551.27 ಕೋಟಿ (ದಿನಾಂಕ 29.04.2022) ವಶಪಡಿಸಿಕೊಳ್ಳುವ ಆದೇಶವನ್ನು ದೃಢಪಡಿಸಿದೆ". "ಇದು ಇಲ್ಲಿಯವರೆಗೆ ಪ್ರಾಧಿಕಾರದಿಂದ ದೃಢೀಕರಿಸಲ್ಪಟ್ಟ ಭಾರತದಲ್ಲಿ ಅತಿ ಹೆಚ್ಚು ಸೀಜ್‌ ಮಾಡಿಕೊಂಡ ಹಣವಾಗಿದೆ" ಎಂದು ಫೆಡರಲ್ ಏಜೆನ್ಸಿ ಹೇಳಿಕೆಯಲ್ಲಿ ತಿಳಿಸಿದೆ.
5,551.27 ಕೋಟಿ ರೂಪಾಯಿಗೆ ಸಮಾನವಾದ ವಿದೇಶಿ ವಿನಿಮಯವನ್ನು Xiaomi ಇಂಡಿಯಾ ಭಾರತದಿಂದ "ಅನಧಿಕೃತ" ರೀತಿಯಲ್ಲಿ ವರ್ಗಾಯಿಸಿದೆ ಮತ್ತು ಭಾರತದ ಹೊರಗೆ ಇರಿಸಲಾಗಿದೆ ಎಂದುಜಾರಿ ನಿರ್ದೇಶನಾಲಯ ವಶಪಡಿಸಿಕೊಳ್ಳುವ ಆದೇಶ ಸರಿಯಾಗಿದೆ ಎಂದು ವಿದೇಶಿ ವಿನಿಮಯ ಪ್ರಾಧಿಕಾರ ದೃಢಪಡಿಸುವ ಸಂದರ್ಭದಲ್ಲಿ ಮಾಹಿತಿ ನೀಡಿದೆ. FEMA ದ ಸೆಕ್ಷನ್ 4 ರ ಉಲ್ಲಂಘನೆಯಾಗಿ ಈ ಹಣ ವರ್ಗಾವಣೆಯಾಗಿದೆ ಎಂದು ಆರೋಪಿಸಲಾಗಿದೆ. ಹಾಗೆ, ಅಂತಹ ಮೊತ್ತವನ್ನು ವರ್ಗಾಯಿಸಿದ 3 ವಿದೇಶಿ ಮೂಲದ ಸಂಸ್ಥೆಗಳಿಂದ Xiaomi ಇಂಡಿಯಾ ಯಾವುದೇ ಸೇವೆಯನ್ನು ಪಡೆದಿಲ್ಲ ಎಂದು ಸಂಸ್ಥೆ ಆರೋಪಿಸಿದೆ.
ಇದನ್ನೂ ಓದಿ: ಚೀನಾದ ಸ್ಮಾರ್ಟ್‌ಫೋನ್ ಸಂಸ್ಥೆಗೆ ಇಡಿ ಶಾಕ್‌: ಶಿಯೋಮಿಗೆ ಸೇರಿದ 5,551.27 ರೂ.ಜಪ್ತಿ
Xiaomi 2014 ರಲ್ಲಿ ಭಾರತದಲ್ಲಿ ತನ್ನ ಕಾರ್ಯಾಚರಣೆಯನ್ನು ಪ್ರಾರಂಭಿಸಿತು ಮತ್ತು 2015 ರಿಂದ ಹಣವನ್ನು ಚೀನಾಗೆ ರವಾನಿಸಲು ಪ್ರಾರಂಭಿಸಿತು ಎಂದು ತನಿಖೆ ವೇಳೆ ಕಂಡುಬಂದಿದೆ. Xiaomi ಇಂಡಿಯಾ MI ಬ್ರ್ಯಾಂಡ್ ಹೆಸರಿನಲ್ಲಿ ಭಾರತದಲ್ಲಿ ಮೊಬೈಲ್ ಫೋನ್‌ಗಳ ವ್ಯಾಪಾರಿ ಮತ್ತು ವಿತರಕವಾಗಿದ್ದು, ಇದು ಭಾರತದಲ್ಲಿನ ತಯಾರಕರಿಂದ ಸಂಪೂರ್ಣವಾಗಿ ತಯಾರಿಸಿದ ಮೊಬೈಲ್ ಸೆಟ್‌ಗಳು ಮತ್ತು ಇತರ ಉತ್ಪನ್ನಗಳನ್ನು ಸಂಗ್ರಹಿಸುತ್ತದೆ.
ಏಪ್ರಿಲ್‌ನಲ್ಲಿ ಇ.ಡಿ ಹೊರಡಿಸಿದ ಆದೇಶದ ವಿರುದ್ಧ ಶಿಯೋಮಿ ಇಂಡಿಯಾ ಕರ್ನಾಟಕ ಹೈಕೋರ್ಟ್‌ಗೆ ರಿಟ್ ಅರ್ಜಿಯನ್ನು ಸಲ್ಲಿಸಿತ್ತು. ಇದನ್ನು ಜುಲೈ 5 ರಂದು ನ್ಯಾಯಾಲಯವು ವಜಾಗೊಳಿಸಿದೆ ಎಂದು ಜಾರಿ ನಿರ್ದೇಶನಾಲಯ ಸಂಸ್ಥೆ ಹೇಳಿದೆ.
