ಈ ರಕ್ಷಾ ಬಂಧನಕ್ಕೆ ತನ್ನಿ ಚಿನ್ನದ ಲಡ್ಡೂ! ಸೂರತ್ ನ ಸಿಹಿ ತಿನಿಸುಗಳ ಅಂಗಡಿ! ಬಂಗಾರದ ಲೇಪನದ ಲಡ್ಡೂ ತಯಾರಿಕೆ! ಒಂದು ಕಜೆ ಲಡ್ಡೂ ಬೆಲೆ ಎಷ್ಟು ಗೊತ್ತಾ?
ಸೂರತ್(ಆ.23): ಸಿಹಿ ತಿಂಡಿಗಳಿಗೂ ಭಾರತೀಯರಿಗೂ ಬಿಡಲಾರದ ನಂಟು. ಎಲ್ಲಾ ಹಬ್ಬಗಳಲ್ಲೂ ಸಿಹಿ ತಿನಿಸು ಇರಲೇಬೇಕು. ಅದರಲ್ಲೂ ರಕ್ಷಾ ಬಂಧನ ಸಂದರ್ಭದಲ್ಲಿ ಅಣ್ಣ-ತಂಗಿಯರ ಸಂಭ್ರಮಕ್ಕೆ ಸಿಹಿ ತಿನಿಸೇ ಮಧ್ಯಸ್ಥಿಕೆ ವಹಿಸೋದು.
ಸಿಹಿ ತಿನಿಸುಗಳ ತಯಾರಿಕೆಯಲ್ಲಿ ಗುಜರಾತಿಗಳನ್ನು ಯಾರಾದರೂ ಮೀರಿಸಲು ಸಾಧ್ಯವೇ. ಸಿಹಿ ತಿನ್ನಲು ನೆಪ ಹುಡುಕುವ ಗುಜರಾತಿಗಳು, ತರಹೇವಾರಿ ಸಿಹಿ ತಿನಿಸುಗಳನ್ನು ತಯಾರಿಸುವಲ್ಲಿ ಸಿದ್ದಹಸ್ತರು. ಅದರಂತೆ ರಕ್ಷಾ ಬಂಧನದ ಸಂದರ್ಭಕ್ಕೆ ಸೂರತ್ ನ ಅಂಗಡಿಯೊಂದು ಬಂಗಾರದ ಲೇಪನದ ಸಿಹಿ ತಿನಿಸುಗಳನ್ನು ತಯಾರಿಸಿದೆ. 24 ಕ್ಯಾರೆಟ್ ಶುದ್ಧ ಚಿನ್ನದಲ್ಲಿ ವಿಧ ವಿಧದ ಲಡ್ಡುಗಳನ್ನು ತಯಾರಿಸಲಾಗಿದೆ.
‘24 ಕ್ಯಾರೆಟ್ ಮಿಠಾಯಿ ಮ್ಯಾಹಜಿಕ್’ಎಂಬ ಹೆಸರಿನ ಈ ಅಮಗಡಿಯಲ್ಲಿ ವಿಧ ವಿಧವಾದ ಚಿನ್ನದ ಲೇಪನಗಳ ಲಡ್ಡೂಗಳನ್ನು ತಯಾರಿಸಲಾಗಿದೆ. ವಿಶೇಷವಾಗಿ ರಕ್ಷಾ ಬಂಧನ ಹಬ್ಬಕ್ಕಾಗಿಯೇ ಈ ಲಡ್ಡುಗಳನ್ನೂ ತಯಾರಿಸಲಾಗಿದ್ದು, ಒಂದು ಕೆಜಿ ಲಡ್ಡೂ ಬೆಲೆ 9000 ರೂ.
80 ವರ್ಷದಷ್ಟು ಹಳೆಯ ಈ ಸ್ವೀಟ್ ಅಂಗಡಿ ಈ ಬಾರಿಯ ರಕ್ಷಾ ಬಂಧನವನ್ನು ವಿಶೇಷವಾಗಿ ಆಚರಿಸಲು ನಿರ್ಧರಿಸಿದ್ದು, ಅದರಂತೆ ಚಿನ್ನದ ಲಡ್ಡೂಗಳನ್ನು ತಯಾರಿಸಿದೆ ಎನ್ನಲಾಗಿದೆ.
